Connect with us

පුවත්

නුවරඑළියේ පෞද්ගලික බස් රථ වර්ජනයක

Published

on

තලවකැලේ- නුවරඑළිය මාර්ගයේ සියලුම පුද්ගලික බස් රථ ධාවනයෙන් ඉවත්ව අද (01) වර්ජනයක නියැලී සිටී.

ඒ, තලවකැලේ ලිඳුල ප්‍රදේශයේ ගාල් කර තිබු පෞද්ගලික බස් රථ දෙකක ඉදිරිපස වීදුරුවලට ගල් වලින් පහර දි අලාභ හානි සිදු කිරිමට විරෝධය පාමිනි.

එම මාර්ගයේ ධාවනය කරන බස් රථ දෙකක් දිනපතා රාත්‍රී කාලයේ ගාල් කර තබන ස්ථානයේම ගාල් කර තිබු බවත්, එම බස් රථ දෙකට කිසියම් පුද්ගලයෙකු හෝ පිරිසක් විසින් ගල්වලින් පහර දී අලාභ හානි සිදු කර ඇති බවට එම බස් රථ දෙකේ අයිතිකරුවන් විසින් ලිඳුල පොලිසියට පැමිණිලි කර තිබේ.

වර්ජනයේ නිරතව සිටින තලවකැලේ කිරිමැටිය හරහා නුවරඑලිය දක්වා ධාවනය කරන පෞද්ගලික බස් රථ වල රියදුරන් සහ කොන්දොස්තරවරුන් පවසා ඇත්තේ හැටන් සිට රදැල්ල කෙටි මාර්ගය ඔස්සේ නුවරඑලිය දක්වා ධාවනය කරන සුඛෝපභෝගී පෞද්ගලික බස් රථ වල ආසන ගණනට වඩා මගින් ප්‍රවාහනය කිරිම සම්බන්ධයෙන් (30) දිනයේදි නුවරඑලියේදි ගැටළුවක් මතු වු අතර, එම ගැටළුව පසුව උණුසුම්කාරි තත්ත්වයක් කරා වර්ධනය වු බවය.

නුවරඑලිය කිරිමැටිය හරහා දිනපතා පෞද්ගලික බස් රථ 15 ක් පමණ ධාවනය කරන බවත්, එම බස් රථ සියල්ලම (30) දින වර්ජනයට එක් වි සිටින බවත්, මෙම පහර දීම සම්බන්ධයෙන් විමර්ශනයක් සිදු කර සැකකරුවන් අත්අඩංගුවට ගත යුතු බව වර්ජනයේ නියැලි සිටි බස් රථ රියදුරන් සහ කොන්දොස්තරවරුන් තවදුරටත් පවසයි.

ඔවුන් තවදුරටත් පවසන්නේ මෙම බස් රථ දෙකට පහර දී අලාභ හානි සිදු කිරීමට හැටන් රදැල්ල කෙටි මාර්ගය ඔස්සේ නුවරඑලිය දක්වා ධාවනය කරන පෞද්ගලික බස් රථ හිමියන්ගේ සම්බන්ධයක් ඇති බවට තමන් සැකකරන බවය.

මේ සම්බන්ධයෙන් ලිදුල පොලිස් ස්ථානයේ නිලධාරියෙකුගෙන් කළ විමසීමකදී ඔහු කියා සිටියේ බස් රථ දෙකට පහර දි අලාභ හානි සිදු කිරිම සම්බන්ධයෙන් පැමිණිල්ලක් ලැබි ඇති බවත්, එම පැමිණිල්ල සම්බන්ධයෙන් මේ වන විට විමර්ෂණයක් ආරම්භ කර ඇති බවත් ඔහු පවසා තිබේ.

මෙම වර්ජනයට සහය දක්වා හැටන් තලවකැලේ ඇතුළු තලවකැලේ සිට අතුරු මාර්ග වල ධාවනය කරන සියළුම පෞද්ගලික බස් රථ හිමියන් එක් වී ඇති බව සඳහන්ය.

පුවත්

යුනෙස්කෝ අධ්‍යක්ෂවරිය ලංකාවට පැමිණෙයි

Published

on

By

එක්සත් ජාතීන්ගේ, අධ්‍යාපනික, විද්‍යාත්මක සහ සංස්කෘතික සංවිධානයේ අධ්‍යක්ෂ ජනරාල් ඕද්රි අසූලේ මහත්මිය, ශ්‍රී ලංකාවේ සංචාරයක් සදහා අද (16)  අලුයම කටුනායක ගුවන් තොටුපොළෙන් පැමිණියාය.

අධ්‍යක්ෂකවරිය සමග ඇයගේ දූත පිරිස ලෙස තවත් තිදෙනකු ද පැමිණ පැමිණ තිබේ.

ඔවුන් අද (16) අලුයම 02.10 ට දෝහා සිට කටාර් ගුවන් සේවයේ කිව්.ආර්.- 662 දරන ගුවන් යානයෙන් කටුනායක ගුවන් තොටුපොළ විශේෂ අමුත්තන්ගේ මැදිරිය වෙත පැමිණ ඇත.

ඔවුන් පිළිගැනීම සදහා ශ්‍රී ලංකා විදේශ කටයුතු අමාත්‍යාංශයේ නිලධාරීන් පිරිසක් ද කටුනායක ගුවන් තොටුපොළ වෙත පැමිණ සිටි බව වාර්තා වේ.

සබැඳි පුවත්

යුනෙස්කෝ සංවිධානයේ අධ්‍යක්ෂ ජනරාල් ශ්‍රී ලංකාවේ සංචාරයක

Continue Reading

පුවත්

ට්‍රම්ප් රිපබ්ලිකන් පක්ෂයේ ජනාධිපති අපේක්ෂකයා ලෙස නම් කරයි

Published

on

By

 2024 අමෙරිකානු ජනාධිපතිවරණයේ රිපබ්ලිකන් පක්ෂ අපේක්ෂකයා ලෙස හිටපු ජනාධිපති ඩොනල්ඩ් ට්‍රම්ප් නිල වශයෙන් නම් කර තිබේ.

ඒ,  ඊයේ (15) විස්කොන්සි ප්‍රාන්තයේ මිල්වෞකි නගරයේ ආරම්භ වූ රිපබ්ලිකන් පක්ෂ සම්මේලනයේදීය.

පෙන්සිල්වේනියා ප්‍රාන්තයේ පැවති මැතිවරණ රැළියකදී වෙඩි ප්‍රහාරයකට ලක්ව සුළු තුවාල ලැබු හිටපු ජනාධිපතිවරයා සමුළුවට සහාභාගි වීම ජාත්‍යන්තරයේ දැඩි අවධානයට ලක් විය.

දින 04 ක් පුරා මෙම ජාතික සම්මේලනය පැවැත්වීමට නියමිතයි.

මෙහිදී ඩොනල්ඩ් ට්‍රම්ප් 2024 අමෙරිකානු ජනාධිපතිවරණයේ රිපබ්ලිකන් පක්ෂ අපේක්ෂකයා ලෙස නම් කරුණු අතර 39 හැවිරිදි ඔහායෝ සෙනෙට් සභික ජේ ඩී වාන්ස් රිපබ්ලිකන් පක්ෂ උපජනාධිපති ධුරය සඳහා නම් කෙරුණි.

අමෙරිකාව යළිත් විශිෂ්ට රාජ්‍යක් කිරීම වෙනුවෙන් ඔහු සිය උපරිම දායකත්වය ලබාදෙනු ඇතැයි අමෙරිකානු හිටපු ජනාධිපති ඩොනල්ඩ් ට්‍රම්ප් මෙම සම්මේලනයේදී ප්‍රකාශ කර ඇත.

Continue Reading

පුවත්

හොරු අල්ලන බව කී අනුරගේ ෆයිල් 400න් 360ක්ම හිස් බව රනිල් කියයි

Published

on

By

තමන් බලයට පත්වූ පසු රටේ හොරුන් අල්ලන බවට ප්‍රකාශ කරමින් ජාතික ජන බලවේගයේ නායක අනුර කුමාර දිසානායක මහතා විසින් ලිපි ගොනු පෙන්වා සිදුකර ඇත්තේ රංගනයක් බවත් එම ලිපි ගොනු බොහෝ ප්‍රමාණයක් හිස් ඒවා බවත් ජනාධිපති රනිල් වික්‍රමසිංහ මහතා කියයි.

නීතීඥවරු පිරිසක් සමග ජනාධිපති ලේකම් කාර්යාලයේ පැවැති හමුවකදියි ජනාධිපතිවරයා මේ බව කියා ඇතැයි වාර්තා වේ.

අනුර කුමාර ෆයිල් 400ක් පෙන්වා හොරු අල්ලන බව කී නමුත් එම ෆයිල් 400න් 40කට නඩු පැවරූ බවත් ඉතුරු ලිපි ගොනු 360ක් හිස් බවයි ජනාධිපතිවරයා එහිදී පවසා ඇත්තේ.

ජනාධිපතිවරයා එහිදි අදහස් දක්වමින් අනුර කුමාරට ලිපි ගොනු 400ක් පෙන්වීමට වඩා කළ යුතු වන්නේ ලිපිගොනු 40ක් පෙන්වීම බව පවසා තිබේ.

තමන් දූෂණ විරෝධි පනත ක්‍රියාත්මක කිරීමට සූදානම් බවත් පනත ක්‍රියාත්මක කිරීමට යාන්ත්‍රණයක් තමන් යෝජනා කරන බවත්, ජනාධිපතිවරයා වැඩිදුරටත් අදහස් දක්වමින් එහිදී කියා ඇත.

මූලාශ්‍රය – මොනරා

Continue Reading

Trending

Copyright © 2023 Sri Lanka Mirror. All Rights Reserved