Connect with us

පුවත්

නොහොබිනා ප්‍රකාශයකින් පාර්ලිමේන්තුව උණුසුම් වෙයි

Published

on

රෝහිණි කුමාරි විජේරත්න මහත්මිය සම්බන්ධයෙන් ස්වදේශ කටයුතු රාජ්‍ය අමාත්‍ය අශෝක ප්‍රියන්ත මහතා කළ ප්‍රකාශයක් හේතුවෙන් පාර්ලිමේන්තුවේ අද (08) පෙරවරුවේ නොසන්සුන් තත්වයක් ඇතිවිය.

ඒ රෝහිණි කුමාරි විජේරත්න මහත්මියට එම ප්‍රකාශය තුලින් අපහාසයක් වූ බව පවසමින් විපක්ෂ නායක සජිත් ප්‍රේමදාස මහතා ඇතුළු විපක්ෂයේ මන්ත්‍රීවරුන් පිරිසක් දිගින් දිගටම හඬ නැගීම හේතුවෙනි.

මේ තත්ත්වය ඇති වූයේ රොහිණී කුමාරී විජේරත්න මහත්මිය විශ්‍රාමිකයන් සම්බන්ධයෙන් ඇසූ ප්‍රශ්නයකට රාජ්‍ය අමාත්‍ය අශෝක ප්‍රියන්ත මහතා පිළිතුරු දෙමින් සිටි අවස්ථාවේදීය.

විශ්‍රාමිකයන්ගේ ප්‍රශ්න රැසකට විසඳුම්දී ඇති අවස්ථාවක රෝහිණි කුමාරි විජේරත්න මහත්මිය ඒ ගැන සතුටු නොවීම ගැටළුවක් බවත් ‘ඇය සතුටු කරන ආකාරය කෙසේ දැයි තමා නොදන්නා’ බවත් ඔහු එහිදී කියා සිටියේය.

මෙය ලොකු අපහාසාත්මක ප්‍රකාශයක් බව විපක්ෂ ප්‍රධාන සංවිධායක ලක්ෂමන් කිරිඇල්ල, මන්ත්‍රීවරුන් වන නලින් බණ්ඩාර ජයමහ සහ චමින්ද විජේසිරි මහත්වරු කෑකෝ ගසමින් මූලාසනයට පෙන්වා දුන්හ.

එමෙන්ම රාජ්‍ය අමාත්‍යවරයාට එරෙහිව ක්‍රියාමාර්ග ගන්නැයි ඔවුහු එහිදී හඬ නගමින් ඉල්ලා සිටියහ.

මෙහිදී අදහස් දැක්වූ නියෝජ්‍ය කතානායක අජිත් රාජපක්ෂ මහතා මෙසේ පැවසීය.

“රෝහිණි කුමාරි මන්ත්‍රීතුමියට වරදක් වෙලා තියෙනවා නම් ඊට අවශ්‍ය ක්‍රියාමාර්ග ගන්නා බව කියනවා.අනවශ්‍ය වචන තියනවනම් ඉවත් කරන්න මම නියෝග දීලා තියෙනවා. වරදක් වෙලා තියෙනවා නම් ක්‍රියාමාර්ග ගන්නවා.කතානායකතුමා ආවම හඬ පටය බලලා තීරණයක් දෙන්නම්. රටේ හැමදෙනාම පාර්ලිමේන්තුව දිහා බලාගෙන ඉන්නවා ඒ නිසා මේක අවලස්සන කරන්න එපා.”

පුවත්

කෑගල්ල උණුසුම් වූ බස් අනතුර

Published

on

By

කෑගල්ල අවිස්සාවේල්ල මාර්ගයේ කොට්ටපොල ප්‍රදේශයේදී පුද්ගලික බස් රථ දෙකක් මුහුණට මුහුණ ගැටී තිබේ.

අද (18) පස්වරු 4.00ට පමණ මෙම අනතුර සිදුව ඇති අතර එම අනතුරින් පුද්ගලයින් 26 දෙදෙනකු තුවාල ලබා ඇති බවත් ඉන් දෙදෙනෙකුගේ තත්ත්වය බරපතළ බවත් වාර්තා වේ.

නුවර සිට අවිස්සාවේල්ල බලා ධාවන වූ පෞද්ගලික බස් රථයක් අධික වේගය සහ අපරික්ෂාකාරී ලෙස වෙනත් වාහනයකට ඉස්සර කිරීමට යාමත් සමග මෙම අනතුර සිදුව ඇතැයි පොලීසිය පවසයි.

තුවාලකරුවන් කෑගල්ල මහරෝහලයට සහ තොරනගහපිටිය ග්‍රාමීය රෝහලට ඇතුළත් කළ බවයි පිංදෙණිය පොලීසිය ප්‍රකාශ කර සිටී.

අනතුරට පත් එක් බස් රථයක රියදුරෙකු බරපතළ තත්ත්වයේ ප්‍රතිකාර ලබන අතර අනෙක් රෝගියා කාන්තාවක් බවයි වාර්තා වේ.

Continue Reading

පුවත්

“මුලින්ම තියන්නේ ජනාධිපතිවරණය නෙමෙයි”

Published

on

By

ස්ථීරයෙන්ම එන්නේ ජනාධිපතිවරණය නොව මහ මැතිවරණය බවත් ලබන 14 හෝ 15 පාර්ලිමේන්තුව අනිවාර්යයෙන්ම විසුරුවන බවත් රුසියාවේ හිටපු ශ්‍රී ලංකා තානාපති උදයංග වීරතුංග මහතා පවසයි.

පෞද්ගලික රූපවාහිනී නාලිකාවක් සමඟ පැවති සාකච්ඡාවකට එක් වෙමින් උදයංග වීරතුංග මහතා මේ බව සඳහන් කලේය.

මේ සම්බන්ධයෙන් ජනාධිපතිවරයා සමග එකඟත්වයට පැමිණ අවසන් බවද ජනාධිපතිවරණයට පෙර මහ මැතිවරණය පැවැත්වීමට ඇති කරගෙන ඇති එකඟතාව පිළිබඳව දන්නේ  ශ්‍රී ලංකා පොදු ජන පෙරමුණේ එක් අයකු පමණක් බවද ඔහු මෙහිදී පවසා ඇත.

“ අගමැති අපේක්ෂකයෙක් නම් කරන්න බලාපොරොත්තුවක් නැහැ. ධම්මික පෙරේරා ඉතා ප්‍රබල අපේක්ෂකයෙක් විදියට ඉදිරිපත් වෙනවා. ඒ තීරණය තියෙන්නේ පොහොට්ටුවේ එක ඔලුවක විතරයි. පාර්ලිමේන්තු මැතිවරණයක් එනවා. පාර්ලිමේන්තුවේ බහුතරය ඒකට විරුද්ධයි. අනුර කුමාරත් විරුද්ධයි. ජාතික ජන බලවේගයට රැල්ලක් ඇවිල්ලා තියෙන්නේ සමාජ මාධ්‍යයෙන් පමණයි. ශ්‍රී ලංකා පොදු ජන පෙරමුණේ අපේක්ශකයා රනිල් වික්‍රමසිංහ නෙමෙයි. ඒක දැන් තීරණය කරල ඉවරයි.”

Continue Reading

පුවත්

ඇල්ල – වැල්ලවාය මාර්ගය යළිත් වැසෙයි

Published

on

By

ඇල්ල – වැල්ලවාය ප්‍රධාන මාර්ගය අද (18) රාත්‍රී 8 සිට හෙට (19) උදෑසන 6 දක්වා ගමනාගමනය සඳහා වසා තැබීමට යළිත් තීරණය කර තිබේ.

අයහපත් කාලගුණික තත්ත්වය හේතුවෙන් එම තීරණය ගත් බව දිස්ත්‍රික් ලේකම්වරයා පවසයි.

Continue Reading

Trending

Copyright © 2023 Sri Lanka Mirror. All Rights Reserved