Connect with us

පුවත්

“පක්ෂයට නඩු දාපු ෆොන්සේකාට කතා දෙන්න බෑ”

Published

on

පක්ෂයට නඩු දැමූ අයෙකුට නායකත්වය විවේචනය කරන අයෙකුට පාර්ලිමේන්තුවේ කාලය දෙන්නේ කෙසේදැයි විපක්ෂයේ ප්‍රධාන සංවිධායක මහනුවර දිස්ත්‍රික් පාර්ලිමේන්තු මන්ත්‍රී නීතිඥ ලක්ෂ්මන් කිරිඇල්ල මහතා ප්‍රශ්න කර සිටී.

ඔහු මෙම අදහස් පල කළේ, සමගි ජන බලවේගයේ සභාපති ෆිල්ඩ් මාර්ෂල් සරත් ෆොන්සේකා මහතා තමාට කතා කිරීමට පක්ෂය කාලය වෙන්කර නැතැයි පාර්ලිමේන්තුවේදී කළ චෝදනාව සම්බන්ධයෙන් කළ කරුණු විමසීමකදීය.

සරත් ෆොන්සේකා මහතා පක්ෂයෙන් ඉවත් කිරීමට කිසිදු තීරණයක් ගෙන හෝ එවැනි අදහසක් හෝ නොතිබූ අවස්ථාවක ඔහු වෙබ් අඩවියක පළවූ අසත්‍ය ප්‍රවෘත්තියක් පදනම් කරගෙන පක්ෂයට විරුද්ධව නඩු දැමූ බවද ලක්ෂ්මන් කිරිඇල්ල මහතා සඳහන් කලේය.

පක්ෂයේ නායකයා කිසිදු දිනක ඔහුට කතා නොදෙන ලෙස නොපැවැසූ බවද පක්ෂයට නඩු දැමූ අයෙකු විදියට ඔහුට කාලය වෙන් කිරීම සුදුසු නැති බව තමාට අවබෝධ වීම නිසා එවැනි තීරණයක් ගත් බවද කිරිඇල්ල මහතා කියා සිටියේය.

තමාට විවාදයේදී අදහස් දැක්වීමට කාලය ලබාදෙන්නේ දැයි විපක්ෂයේ ප්‍රධාන සංවිධායකවරයාගෙන් මීට දින දෙකකට පෙර විමසූ අවස්ථාවේදී කාලය නොදෙන ලෙස ඉහළින් දැනුම් දී ඇතැයි පවසා කාලය දීමට නම් ජනාධිපතිවරණයේදී සජිත් ප්‍රේමදාස මහතාට උදව් කරන්නේ දැයි විමසූ බව සරත් ෆොන්සේකා මහතා විසින් පාර්ලිමේන්තුවේදී පසුගියදා ප්‍රකාශ කරන ලඩී.

ඔහු වැඩිදුරටත් පැවසුවේ, පාර්ලිමේන්තුවේ කතා කිරීමට කාලය ගැනීමට කාට හෝ කඩේ යෑමට අවශ්‍යදැයි එහිදී විමසා සිටි ෆොන්සේකා මහතා විපක්ෂයෙන් කාලය නොලැබුණ හෙයින් තමා කතාව පැවැත්වීමට ආණ්ඩුවේ අනුග්‍රහය ලබාගත් බවය.

පුවත්

කොටුව දුම්රියපොළ ඉදිරිපිට මළ සිරුරක්

Published

on

By

කොටුව දුම්රිය ස්ථානය ඉදිරිපිට මාර්ගය අසල රැඳී සිටි පුද්ගලයෙකු මියගොස් තිබේ.

ඒ, සම්බන්ධයෙන් ඊයේ (15) රාත්‍රී කාලයේ කොටුව පොලීසියට ලද තොරතුරක් මත විමර්ශන ආරම්භ කර ඇති බව සඳහන්ය.

මරණකරුගේ අනන්‍යතාවය මෙතෙක් තහවුරු වී නැති අතර මරණකරු අත්කොට කමිසයක් සහ රතු පැහැති සරමක් හැඳ සිටින අතර ඔහුට වයස අවුරුදු 60ත් 65ක් පමණ විය හැකි බවයි පොලීසිය පවසයි.

එම පුද්ගලයා උස අඩි 05යි අඟල් 04ක් වන තළෙළු, කෙට්ටු සිරුරකින් යුත් පිරිමි පුද්ගලයෙකි.

සිද්ධිය සම්බන්ධයෙන් කොටුව පොලීසිය විසින් වැඩිදුර විමර්ශන ක්‍රියාත්මකය.

Continue Reading

පුවත්

හිරුණිකාට මාරුවක්

Published

on

By

තරුණයකු පැහැරගෙන ගොස් අයුතු ලෙස සිරකර තබා පහරදීමේ චෝදනාවකට බරපතළ වැඩසහිත වසර තුනක සිර දඬුවම් සහ දඩ මුදල් නියම වී මේ වනවිට බන්ධනාගාරගතව සිටින හිරුණිකා ප්‍රේමචන්ද්‍ර මහත්මිය කාන්තා සිරමැදිරියේ වැඩ අංශයට යොමුකර තිබේ.

කෙසේ වෙතත් වැඩ අංශයේ ඇයට පැවරී ඇති රාජකාරිය කුමක්දැයි අනාවරණය වී නොමැත.

හිටපු පාර්ලිමේන්තු මන්ත්‍රී හිරුණිකා ප්‍රේමචන්ද්‍ර 2015 වසරේදී දෙමටගොඩ ප්‍රදේශයේ වෙළඳසැලක සේවය කළ තරුණයකු ඩිෆෙන්ඩර් රථයකින් පැහැරගෙන ගොස් අයුතු ලෙස සිරකර තබා පහරදීමක් සම්බන්ධයෙන් මේ වනවිට බරපතළ වැඩ සහිත වසර තුනක සිර දඬුවම් නියම වී සිටී.

Continue Reading

පුවත්

කැකිරාව සෞඛ්‍ය වෛද්‍ය නිලධාරීවරයාට මරණ තර්ජන

Published

on

By

කැකිරාව සෞඛ්‍ය වෛද්‍ය නිලධාරී කාර්යාලයට අයත් ගොඩනැගිලි දෙකෙහි පෝස්ටර් අලවා කළු තෙල් ප්‍රහාරයක් එල්ල කොට එහි ප්‍රධාන සෞඛ්‍ය වෛද්‍ය නිලධාරී සහ රජයේ වෛද්‍ය නිලධාරීන්ගේ සංගමයේ අනුරාධපුර දිස්ත්‍රික් ශාඛාවේ ලේකම්ට වෛද්‍ය නිලධාරී අසිත කෝසල දනිප්පුලි ආරච්චි මහතාට මරණීය තර්ජනය කර තිබෙන බවට වාර්තා වේ.

ඊයේ (15) පෙරවරුවේ එම සෞඛ්‍ය වෛද්‍ය නිලධාරී කාර්යාලයේ කාර්ය මණ්ඩලය සේවයට ගිය අවස්ථාවේ කිසියම් පිරිසක් විසින්
”වහාම කැකිරාවෙන් පලයන් නොගියොත් උඹටත් ක්ලබ් වසන්තට සිදු වූ දේ කරනවා”,
යනුවෙන් මරණීය තර්ජනය කොට පරුෂ වචන ඇතුළත් වැකි සදහන් පෝස්ටර් අලවා එම කාර්යාලයට අයත් ගොඩනැගිලි දෙකට මෙසේ කළු තෙල් ප්‍රහාරයක් එල්ල කර තිබේ.

ප්‍රධාන සෞඛ්‍ය වෛද්‍ය නිලධාරී අසිත කෝසල දනිප්පුලි ආරච්චි මහතා ආහාර පනත යටතේ එම සෞඛ්‍ය වෛද්‍ය නිලධාරි කාර්යාලය මඟින් මරදන්කඩවල සහ ගණේවල්පොල ප්‍රෙද්ශයේ මහා පරිමාණ ව්‍යාපාරිකයින් දෙදෙනෙකුට එරෙහිව කැකිරාව මහේස්ත්‍රාත් අධිකරණය හමුවේ පවරා ඇති නඩු දෙකක් සම්බන්ධයෙන් නීතිපති දෙපාර්තමේන්තුවට හා සෞඛ්‍ය අමාත්‍යංශයට ගොස් සිටි නිසා මේ පිළිබදව එම කාර්යාලයේ සෙසු නිළධාරින් විසින් කැකිරාව පොලිසිය වෙත කළ පැමිණිල්ලකට අනුව විමර්ශන ආරම්භ කර තිබේ.

මේ අතර ඉකුත් මැයි මස පස් වැනිදා ද කැකිරාව ප්‍රධාන සෞඛ්‍ය  වෛද්‍ය නිලධාරීවරයාට සහ එම කාර්යාලයේ අනුයුක්තව සේවයෙහි නියුතු මහජන සෞඛ්‍ය පරීක්ෂකවරුන් කිහිප දෙනෙකුට මරණීය තර්ජන එල්ල කොට කිසියම් පිරිසක් විසින් එම කාර්යාලයට අයත් කැබ්‍ රථය පසුපස මෙලෙස තර්ජනාත්මක වැකි සඳහන් පෝස්ටර් දෙකක්ද අලවා තිබු බව සඳහන්ය.

පසුව ඒ සම්බන්ධයෙන් වෛද්‍ය අසිත කෝසල මහතා උතුරු මැද පළාත් භාර ජ්‍යෙෂ්ඨ නියෝජ්‍ය පොලිස්පතිවරයා වෙත පැමිණිලි කොට තිබුණි.

එම පැමිණිල්ල ඉදිරිපත් කරමින් වෛද්‍ය අසිත කෝසල මහතා තම කාර්යාලයට සහ ආහාරපාන ආහාර පනත යටතේ සිදුකෙරෙන වැටලීම් සඳහා යන නිලධාරීන්ට ආරක්ෂාව සපයා දීමට කටයුතු කරන ලෙස ඉල්ලිමක් කර තිබේ .

ඒ අනුව වින්දිතයින් ආරක්ෂා කිරීමේ පනත යටතේ කැකිරාව සෞඛ්‍ය වෛද්‍ය නිලධාරී කාර්යාලයේ නිලධාරීන්ට පොලිස් ආරක්ෂාව ලබාදෙන බව පොරොන්දු වුවත් මෙතෙක් එවැනි ආරක්‍ෂාවක් නොමැති බව එම කාර්යාලය ප්‍රකාශයකයින් පවසා තිබේ.

මෙම සිදුවිම සම්බන්ධයෙන් කැකිරාව පොලිසිය විමර්ශනයක් ආරම්භ කර ඇත.

Continue Reading

Trending

Copyright © 2023 Sri Lanka Mirror. All Rights Reserved