Connect with us

පුවත්

පක්ෂවල මැයි සැමරුව් කොළඹ හා මහනුවර !

Published

on

මැයි දිනය වෙනුවෙන් මෙරට ප්‍රධාන දේශපාලන පක්ෂ, වෘත්තීය සමිති ඇතුලු විවිධ සංවිධාන කොළඹ හා මහනුවර කේන්ද්‍ර කරගනිමින් පෙළපාලි හා ජනරැළි අද (01) සංවිධානය කර තිබේ.

පොහොට්ටු රැලිය – කැම්බල් පිටියේ

ශ්‍රී ලංකා පොදු ජන පෙරමුණේ කම්කරු දින රැළිය අද පස්වරු 2.00 ට පක්ෂයේ නායක හිටපු ජනාධිපති මහින්ද රාජපක්ෂල මහතා ඇතුලු නායකයන්ගේ ප්‍රධානත්වයෙන් බොරැල්ල කැම්බල් පිටියේදී පැවැත් වේ.

අභියෝග බිඳ අභිලාශ ජය ගනිමු යන තේමාව යටතේ මෙවර ශ්‍රී ලංකාවේ විශාලම මැයි දින සැමරුම පැවැත්වීමට බලාපොරොත්තු වන බව එහි ප්‍රධාන ලේකම් පාර්ලිමේන්තු මන්ත්‍රී සාගර කාරියවසම් මහතා සදහන් කළේය.

එජාප රැළිය – සුගතදාස ගෘහස්ථයේ

එක්සත් ජාතික පක්ෂයේ කම්කරු දින රැළිය ආර්ථිකයේ ආරක්ෂාව තාක්ෂණය යන අංශ මූලික කරගනිමින් 2048 ජයගමු යන තේමාව යටතේ පක්ෂ නායක ජනාධිපති රනිල් වික්‍රමසිංහ මහතාගේ ප්‍රධානත්වයෙන් කොළඹ සුගතදාස ගෘහස්ත ක්‍රීඩාංගණයේදී අද පෙරවරු නවයට පැවැත්වෙන බව පක්ෂයේ මහලේකම් පාලිත රංගේ බණ්ඩාර මහතා පැවසීය.

සජබ රැළිය – ගුණසිංහ ක්‍රීඩාංගනයේ

සමගි ජන බලවේගයේ කම්කරු දින රැළිය, ‘‘වැඩ කරන ජනතාවගේ අරගලය‘‘ යන තේමාව යටතේ කොළඹ ඒ.ඊ. ගුණසිංහ ක්‍රීඩාංගණයේදී පැවැත්වීමට සූදානම් කර තිබේ. මැයි පෙළපාලිය පස්වරු 1.00ට මාළිගාවත්ත පී.ඩී සිරිසේන ක්‍රීඩාංගණයෙන් ආරම්භ වන බව එම පක්සයේ ජාතික සංවිධායක පාර්ලිමේන්තු මන්ත්‍රී තිස්ස අත්තනායක මහතා සඳහන් කළේය.

ජවිප රැළිය –  විහාරමහා දේවී උද්‍යානයේ..

ජනතා විමුක්ති පෙරමුණ සංවිධානය කරන කම්කරු දින රැළිය රට විකුණන ජන පීඩක දූෂිත පාලනය පරදවමු ජනතාවාදී පාලනයක් ගොඩනගමු යන තේමාව යටතේ අද පස්වරු 4.00ට කොළඹ විහාරමහා දේවී උද්‍යානය අසළදී එහි නායක පාර්ලිම්න්තු මන්ත්‍රී අනුර දිසානායක මහතාගේ ප්‍රධානත්වයෙන් පැවැත්වේ.

එහි පෙළපාලිය විශේෂංශ රැසක් සමග කොළඹ බීආර්සී පිටියෙන් පස්වරු දෙකට ආරම්භ කෙරෙන බව පක්ෂයේ ප්‍රධාන ලේකම් ටිල්වින් සිල්වා මහතා සදහන් කළේය

ශ්‍රීලනිප රැළිය – මහනුවර

ශ්‍රී ලංකා නිදහස් පක්ෂයේ කම්කරු දින රැළිය සවිමත් වෙමු -එක් වෙමු යන තේමාව යටතේ අද පස්වරු දෙකට මහනුවර පොදු වෙළඳ සංකීර්ණය ඉදිරිපිටදී පැවැත්වෙන බව එහි ප්‍රචාරක ලේකම් තිසර ගුණසිංහ මහතා පැවසීය.

පස්වරු එකට ආරම්භ වන පෙළපාලිය තැන්න කුඹුරල කටුගස්තොටල අම්පිටිය හා ගැටඹේ මාර්ග ඔස්සේ මහනුවරට ළගාවීමට නියමිත බවද ඔහු පැවසීය.

නිදහස ජනතා සභාවේ රැළිය – මහනුවර සහස් උයනේ

නිදහස ජනතා සභාව සංවිධානය කරන කම්කරු දින රැළිය අද පස්වරු 2ට මහනුවර සහස් උයනේදී නිදහස රටට මැයි යන තේමාව යටතේ පැවැත්වෙන බව පාර්ලිමේන්තු මන්ත්‍රී ඩලස් අලහප්පෙරුම මහතා සඳහන් කළේය.

උත්තර ලංකා සභාගය ‘‘රට විකුණන පරගැති පාලනයට එරෙහි‘‘ මැයි රැළිය යන නමින් ලෝක කම්කරු දින සැමරුම එහි සභාපති විමල් වීරවංශ මහතා අද පස්වරු 3.00ට කොළඹ හයිඩ් පාර්ක් පිටියේදී පැවැත්වෙන බව එහි විධායක සභික පාර්ලිමේන්තු මන්ත්‍රී ජයන්ත සමරවීර මහතා පැවසීය.

පෙරටුගාමි රැළිය – දෙල්කඳ හන්දියෙන් ඇරඹෙයි

පෙරටුගාමි සමාජවාදි පක්ෂයේ කම්කරු දින රැළිය ‘‘අයි.එම්එෆ් උගුලට – අමෙරිකානු ඉන්දියානුකරණයට එරෙහිව වැඩකරන ජනතා බලයක්‘‘ යන තේමාව යටතේ අද පස්වරු තුනට නුගේගොඩ ආනන්ද සමරකෝන් එළිමහන් රංගපීඨයේදී ආරම්භ කරන බවත් එම පක්ෂයේ අධ්‍යාපන ලේකම්  පුබුදු ජයගොඩ මහතා පැවසීය. එහි පෙළපාලිය පස්වරු 1.00ට දෙල්කඳ මංසන්දියෙන් ආරම්භ කිරීමට නියමිතය

වැඩකරන ජනතා ඒකාබද්ධ රැළිය – පී.ඩී. සිරිසේන පිටියේ..

වැඩකරන ජනතා ඒකාබද්ධ මැයි රැළිය අද පස්වරු 3.00ට මාළිගාවත්ත පී.ඩී. සිරිසේන ක්‍රීඩාංගනයේදී පැවැත්වෙන බව වෘත්තීය සමිති නායක රවි කුමුදේශි මහතා පැවසීය. ඔවුන්ගේ පෙළපාලිය පස්වරු එකට කොළඹ කොටුව දුම්රියපෙළ ඉදිරිපිටින් ආරම්භවේ.

පුවත්

විදුලි සැර වැදී පුද්ගලයෙක් මරුට

Published

on

By

මුන්දලම – බරලන්කට්ටුව ප්‍රදේශයේ සිය සත්ත්ව ගොවිපලේ විදුලි අළුත්වැඩියා කටයුත්තක් කරමින් සිටි ව්‍යාපාරිකයෙකු විදුලිය සැර වැදීමෙන් මිය ගොස් ඇති බව මුන්දලම පොලීසිය පවසයි.

මිය ගොස් ඇත්තේ ගම්පහ – ඉඹුල්ගොඩෙ පදිංචිව සිටි මොනර පිටිකුඹුරමුල්ලගේ සනත් කුමාර නම් අයෙකි.

මිය ගොස් ඇති පුද්ගලයා ඉකුත් 20 වැනිදා සවස තමන් විසින් ප්‍රදේශයේ පවත්වා ගෙන යන සත්ත්ව ගොවිපලක දොරක් අළුත්වැඩියා කරමින් සිට ඇත.

එම අවස්ථාවේ ඇති වූ විදුලිය කාන්දුවීමකින් ඔහු අනතුරට පත්ව ඇතැයි පොලීසිය ප්‍රකාශ කලේය.

Continue Reading

පුවත්

නාවිකයන්ට හා ධීවරයන්ට රතු නිවේදනයක්

Published

on

By

තද වැසි සහ තද සුළං සහ රළු මුහුද පිළිබඳ අනතුරු ඇඟවීමේ රතු නිවේදනයක් නිකුත් කර තිබේ.

ඒ අනුව කල්පිටිය සිට කොළඹ, ගාල්ල සහ හම්බන්තොට හරහා පොතුවිල් දක්වා වන මුහුදු ප්‍රදේශවල ජනතාවට සැලකිලිමත් වන ලෙස දැනුම් දී තිබේ.

කොළඹ සිට ගාල්ල සහ හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්‍රදේශවල සුළඟේ වේගය විටින් විට පැ.කි.මී 60 – 70 දක්වා වැඩි වන අතර මුහුදු ප්‍රදේශ විටින් විට ඉතා රළු වේ.

මෙම මුහුදු ප්‍රදේශයට නැවත දැනුම්දෙන තුරු යාත්‍රා නොකරන ලෙස නාවික හා ධීවර ප්‍රජාවන්ට ද දැනුම් දී තිබේ.

කල්පිටිය සිට කොළඹ, ගාල්ල සහ හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්‍රදේශවල මුහුදු රළ උස මීටර් 2.5 – 3ක් පමණ ඉහළ යෑමේ හැකිවක් පවතින බව ද කාලගුණවිද්‍යා දෙපාර්තමේන්තුව නිවේදනය කරයි.

මේ හේතුවෙන් කොළඹ සිට ගාල්ල හරහා මාතර දක්වා ප්‍රදේශවල මුහුදු රළ ගොඩබිමට පැමිණීමේ හැකිවක් පවතී.

Continue Reading

ක්‍රීඩා

කුසල්ට වීසා ලැබෙයි

Published

on

By

ශ්‍රී ලංකා ක්‍රිකට් කණ්ඩායමේ පිතිකරු කුසල් මෙන්ඩිස් හට අමෙරිකානු වීසා ලැබී තිබේ.

ඒ, ආරම්භ වීමට නියමිත විස්සයි විස්ස ලෝක කුසලාන ක්‍රිකට් තරගාවලියට සහභාගී වීම සඳහාය.

ඒ අනුව ඔහු ඉදිරි‌යේ දී අමෙරිකාව බලා පිටත්ව යනු ඇත.

ශ්‍රී ලංකා ජාතික කණ්ඩායම පසුගිය සතියේ අමෙරිකාව බලා පිටත්ව ගිය නමුත් කුසල් මෙන්ඩිස්ට වීසා ලබා ගැනීම ප්‍රමාද වීම හේතුවෙන් ඔහුට එක්වීමට නොහැකි විය.

එක්සත් ජනපද තානාපති කාර්යාලයට අවශ්‍ය අමතර තොරතුරු මත වීසා බලපත්‍රය ප්‍රමාද වූ බව සඳහන් වේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved