Connect with us

පුවත්

පරිප්පු එවූ ඕස්ට්‍රේලියානුවන්ට දුන් පරිප්පුවක් ගැන ජනපතිට ලියලා!

Published

on

ව්‍යාජ ලිපි ලේඛන සකසා සිය ව්‍යාපාරය අත්පත් කරගෙන ඇමරිකානු ඩොලර් දෙලක්ෂ හතළිස් තුන්දහස් හයසිය දහයක (243,610) මුදලක් වංචා කිරීමේ සිද්ධිය සම්බන්ධ විමර්ශන අපරාධ පරීක්ෂණ දෙපාර්තමේන්තුව විසින් යට ගසා ඇතැයි ඔස්ට්‍රේලියානු පුරවැසියන් දෙදෙනකු ජනාධිපති රනිල් වික්‍රමසිංහ මහතාට කළ ලිඛිත පැමිණිල්ලක් සම්බන්ධයෙන් වහාම පරීක්ෂණයක් කරන්නැයි පොලිස්පති සී.ඩී. වික්‍රමරත්න මහතාට ලිඛිතව දැනුම් දී තිබේ.Unit 11, 24-26 Carrick Drive, TULLAMARINE VIC 3043 දරණ ලිපිනයෙහි ලියාපදිංචි කාර්යයාලය පිහිටි Bulk Buy Grains (Aus) Pty Ltd යන ඔස්ට්‍රේලියාවේ ලියාපදිංචි සමාගමේ අධ්‍යක්ෂක ධූරයන් දරණ රාජරත්න මනෝජ් දුෂ්‍යන්ත සහ මැක්ස්වෙල් මර්වින් පෙරේරා යන දෙදෙනා විසින් අදාළ ලිපිය ජනපතිවරයාට යොමුකර තිබිණි.

මෙම ඔස්ට්‍රේලියානු ජාතික ව්‍යාපාරිකයන් දෙදෙනා වසර කිහිපයකට පෙර මෙරට සමාගම් නීතිය යටතේ කඩුවෙල” කොතලාවල” සීවලී මාවත” 52බී1 යන ලිපිනයෙහි Life Austrailia (Pty) Ltd නමින් වන සමාගමක් සමඟ ඔස්ට්‍රේලියාවේ සිට පරිප්පු ශ්‍රී ලංකාවට එවීම සදහා වන එකගතාවයකට එළ තිබේ.

ඒ අනුව Life Austrailia (Pty) Ltd සමාගම පරිප්පු මෙරටට ගෙන්වා පිරිසිදු කොට ලංකාවේ බෙදාහැරීමට සහ සෙසු රටවලට අපනයනය කිරීමේ ව්‍යාපාරයක් ආරම්භ කර තිබේ.

 Life Austrailia (Pty) Ltd සමාගම තරංගා සජීවනී පෙරේරා නැමැත්තියට අයත් එකක් බව පැවසේ.

පසුගිය කොරෝනා සමයේදී ශ්‍රී ලංකාවට පැමිණීමට නොහැකි වූ මෙම ඔස්ට්‍රේලියානු ව්‍යාපාරිකයන් දෙදෙනා සිය ව්‍යාපාර කටයුතු ඔන්ලයින් ක්‍රමවේදය ඔස්සේ සිදුකර තිබේ. 

ඔස්ට්‍රේලියාවේ සිට ලංකාවට එවා තිබූ පරිප්පු කන්ටේනර් 10ක් ලාංකික ව්‍යාපාරිකයා විසින් අස්ථානගත කර ඇති බවත් ඊට අදාළ මුදල් නොලැබීම හේතුවෙන් තමන් ලංකාවට පැමිණ මේ පිළිබඳ අපරාධ පරීක්ෂණ දෙපාර්තමේන්තුවට පැමිණිලි කළ බවත් ඔස්ට්‍රේලියානු ජාතිකයෝ දෙදෙනා සිය ලිපියෙන් පෙන්වාදී ඇත.

ඔවුන් විසින් රුපියල් මිලියන සියයක් යොදවා ඉදිකර තිබූ පරිප්පු පිරිසිදු කිරීමේ මෝලද මේ වන විට අතුරුදන්ව ඇතැයි ඔවුහු කියා සිටිති.

පිළියන්දල පොලිසියට පැමිණිල්ලක් සිදුකිරීමෙන් පසු පොලිස් නිලධාරීන් ද සමග එම ව්‍යාපාරිකයන් දෙදෙනා අදාළ ස්ථානය නිරීක්ෂණයට ගොස් තිබේ. 

ඉන් දින කිහිපයකට පසු පිළියන්දල පොලිසියට පැමිණි පුද්ගලයකු පැමිණිල්ලක් ඉදිරිපත් කර ඇත්තේ පිරිසක් සිය ස්ථානයට අයුතු ලෙස ඇතුළු වී තර්ජනය කළ බවටය.

අපරාධ පරීක්ෂණ දෙපාර්තමේන්තුව විසින් මුල් අවධියේදී ඊට අදාළ විමර්ශන නිසි අයුරින් සිදුකළද මේ වන විට විමර්ශන නිලධාරියාද අපරාධ පරීක්ෂණ දෙපාර්තමේන්තුවෙන් ඉවත් කර ඇතැයි එම ව්‍යාපාරිකයන් විසින් ජනාධිපතිවරයාට යොමු කළ ලිපියේ සඳහන්ය.

එම ව්‍යාපාරිකයන් දෙදෙනා විසින් මේ පිළිබඳව ඔස්ට්‍රේලියානු තානාපති කාර්යාලය, මහජන ආරක්ෂක ඇමැතිවරයා, නීතිපති වරයා, පොලිස්පතිවරයා සහ ජ්‍යෙෂ්ඨ නියෝජ්‍ය පොලිස්පති (බස්නාහිර පළාත) ලිඛිතව දැනුවත් කර ඇත.

ඔවුන් ජනාධිපති වරයාගෙන් වැඩිදුරටත් ඉල්ලා සිටින්නේ ලංකාවට පැමිණෙන විදෙස් ආයෝජකයන්ට ආරක්ෂාව සහ නීතියේ සාධාරණත්වය ලැබීමට අවකාශ සලසා දෙන ලෙසයි.

මේ අතර, ශ්‍රී ලංකා මිරර් අප කළ සොයා බැලීමකදී ඉකුත් මැයි 09 වැනිදා අරලියගහ මන්දිරය ඉදිරිපට සහ ගාලු මුවදොර පිටියේදී හටගත් කලබලකාරී සිදුවීම සම්බන්ධයෙන් අත්අඩංගුවට පත් පොදුජන ගුරු සංගමයේ සභාපති වසන්තා හඳපාන්ගොඩ මහත්මියගේ පුත්‍රයා වන සමුදිත ගේ  මැදිහත්වීම නිසා මේ සම්බන්ධ පොලිස් පරීක්ෂණ යටපත්ව ඇතැයි ඕස්ට්‍රේලියානු ව්‍යාපාරිකයන්ගෙන් චෝදනා එල්ලව තිබේ.

කෙසේවුවද, අදාළ සිද්ධිය සම්බන්ධයෙන් සමුදිත නැමැත්තා මෙලෙස බලපෑම් සිදුකරනු ලබන්නේ ඔහු විවාහවීමට සැරසෙන්නේ මෙහි මේ ගැටුමේ ශ්‍රී ලාංකේය පාර්ශවය වන තරංගා සජීවනී පෙරේරා නැමැත්තියගේ දියණිය බවද පැවසේ.

ඕස්ට්‍රේලියානු ජාතිකයින් විසින් ජනපතිවරයාට යවන ලද ලිපිය පහත දැක්කේ.

කඩුවෙල “කොතලාවල” සීවලී මාවත” 52බී1 යන ලිපිනයෙහි පිහිටි පරිප්පු පිරිසිදු කිරීමට පිහිටුවා ඇති ස්ථානයේ ජායාරූප පහත දැක්වේ.

පුවත්

වෙසක් වෙනුවෙන් බඩු මිල පහලට

Published

on

By

එළඹෙන වෙසක් උත්සවය අරමුණු කරගනිමින් ලංකා සතොස ආයතනය භාණ්ඩ කිහිපයක මිල අඩු කර තිබේ.

Continue Reading

පුවත්

“ග්‍රාම නිලධාරීන්ගේ ප්‍රශ්නය ගැන බලන්න”

Published

on

By

ග්‍රාම නිලධාරීන්ගේ ප්‍රශ්න විසඳුවේ නැතොත් ඔවුන්ගේ වෘත්තිය ක්‍රියාමාර්ග දැඩි කරන බව පවසා ඇතැයි ජාතික ජන බලවේගයේ මන්ත්‍රී අනුර දිසානායක මහතා පාර්ලිමේන්තුවේ දී පැවසීය.

ග්‍රාම නිලධාරී සේවය ස්ථාපිත නොවීම, අනන්‍ය වැටුප් නොලැබීම මෙන්ම රාජකාරී සදහා අයුතු බලපෑම් එල්ලවීම ආදී ගැටලු ග්‍රාම නිලධාරීන්ට මතුව තිබෙන්නේ යැයිද පසුගිය දිනවල ඔවුන් රාජකාරී නිවාඩු සහ අකුරට වැඩ කිරීමේ ක්‍රියාමාර්ග ගෙන තිබෙන්නේ යැයිද දිසානායක මහතා කීය.

ග්‍රාමීය මට්ටමේ රාජ්‍ය පරිපාලන නියෝජිතයා වන ග්‍රාම නිලධාරී සේවය පැය අටකට සීමා වන්නේ නැතැයි ද ඔවුන්ගේ වෘත්තීය ගැටලු දිගු කාලයක් තිස්සේ විසඳී නැතැයි ද දිසානායක මහතා පැවසීය.

Continue Reading

පුවත්

ධීවරයින්ට හදිසි දැනුම්දීමක්

Published

on

By

අද (22)  දින සිට ක්‍රියාත්මක වන පරිදි නැවත දැනුම්දෙනතුරු බහුදින ධීවර යාත්‍රා ඇතුළුව සියලුම ධීවර යාත්‍රා සඳහා රැකියාවට පිටත්වීම සඳහා අවසර ලබා නොදෙන බව ධීවර හා ජලජ සම්පත් දෙපාර්තමේන්තුව පවසයි.

අද මාධ්‍ය වෙත අදහස් දක්වමින් එම දෙපාර්තමේන්තුවේ අධ්‍යක්ෂ ජනරාල් සුසන්ත කහවත්ත මහතා මේ බව පැවසීය.

දිවයින වටා මුහුදු ප්‍රදේශවල ඉදිරි දින කිහිපයේදී දැඩි වර්ශාපතනයත් දැඩි සුළං තත්ත්වයක් ඇතිවිය හැකි බවට වාර්තාවීමත් සමග එම දෙපාර්තමේන්තුව මෙම තීරණය ගෙන ඇත.

එසේම මේ වනවිට රැකියාවේ නිරතව සිටින බහුදින ධීවර යාත්‍රා වෙත ද ආරක්‍ෂිත ප්‍රදේශ හරහා ගමන්කරන ලෙසට දැනුම්දී ඇති බව එහි අධ්‍යක්ෂවරයා වැඩිදුරටත් සඳහන් කළේය.

Continue Reading
Advertisement

Trending

Copyright © 2023 Sri Lanka Mirror. All Rights Reserved