Connect with us

පුවත්

පවුල් 449,979ක සමෘද්ධි සහනාධාරය ඉවත් කළ යුතුයි – කෝපා

Published

on

සමෘද්ධි ප්‍රතිලාභය ලබන පවුල්වලින් 33% කට ආසන්න ප්‍රමාණයක් සමෘද්ධි ප්‍රතිලාභ හිමි නොවිය යුතු පවුල් බවත් ඊට ආසන්න පවුල් ප්‍රමාණයක් සමෘද්ධි ප්‍රතිලාභය හිමි විය යුතු පවුල් වුවද එම පවුල් සඳහා සමෘද්ධි ප්‍රතිලාභය හිමිවී නොමැති බවත් කෝපා කම්ටුවේදී අනාවරණය විය.

2015 සිට 2017 දක්වා මුළු දිවයිනම ආවරණය වන පරිදි කරන ලද  සමීක්ෂණයකට අනුව මෙම තොරතුරු හදුනාගෙන ඇති අතර සංඛ්‍යාත්මකව පවුල් 449,979 ක් සමෘද්ධි සහනාධාරය ඉවත් කළ යුතු පවුල් බව මෙහිදී සඳහන් විය. 
එසේම මෙම සමෘද්ධිලාභීන් තෝරාගැනීම් සිදු කිරීමේදී අවිධිමත් බවක් නිරීක්ෂණය වන බවද ජාතික විගණන කාර්යාලයේ නිලධාරීහු මෙහිදී පැවසූහ.

මේ පිළිබඳ අනාවරණය වූයේ සමෘද්ධි සංවර්ධන දෙපාර්තමේන්තුවේ 2019, 2020 හා 2021 වර්ෂවල විගණකාධිපති වාර්තාවල ඇතුළත් කරුණු සහ වර්තමාන කාර්යසාධන සමාලෝචනය කිරීම සඳහා රජයේ ගිණුම් පිළිබඳ කාරක සභාව, රාජ්‍ය අමාත්‍ය ගරු ලසන්ත අලගියවන්න මහතාගේ  සභාපතිත්වයෙන් පසුගියදා (25) පාර්ලිමේන්තුවේදී රැස් වූ අවස්ථාවේදීය.

එසේම ප්‍රජාමූල බැංකු වෙත මාසිකව ප්‍රේෂණය කරනු ලබන සමෘද්ධිලාභී ප්‍රතිලාභ මුදල ඇතැම් සමෘද්ධිලාභීන් විසින් මාසිකව ලබා නොගෙන දීර්ඝ කාලීනව තම බැංකු ගිණුම් වල රඳවා තිබුණු බවත් නියැදි පරීක්ෂණයන්ට අනුව ප්‍රජාමූල බැංකු 10ක වසම් 41 ක් තුළ සමෘද්ධිලාභීන් 2433 කගේ ඉතිරිකිරීමේ ගිණුම් වල එසේ රඳවා තිබූ මුදල රු. 59,951,537 ක් බවත් මෙහිදී අනාවරණය විය.

තවද සමෘද්ධිලාභීන් සවිබලගැන්වීම පිළිබඳව ද මෙහිදී සාකච්ඡා වූ අතර සමෘද්ධිලාභීන් සවිබලගැන්වීම පිළිබඳව  නිවැරදි වැඩපිළිවෙළක් නොමැති බව නිරීක්ෂණය වන බවද මෙහිදී කෝපා කමිටු සභාපතිවරයා සඳහන් කළේය.

එසේම සමෘද්ධි අධිකාරිය දෙපාර්තමේන්තුවක් බවට පත්කිරීමේදී එහි සිටි සේවක සංඛ්‍යාව අන්තර්ගහනය කිරීම පිළිබඳව කාරක සභාව විමසා සිටි අතර, නිවැරදිව දත්ත  ඉදිරිපත් නොවූයෙන් එළඹෙන මැයි මස 26 වැනිදා මෙම දෙපාර්තමේන්තුව කෝපා කමිටුව හමුවට නැවත කැඳවීමට නිර්දේශ කළ අතර එදින මේ පිළිබඳ සියලු නිවැරදි තොරතුරු අවශ්‍ය වන බවද සභාපතිවරයා පැවසීය.

එසේම ලෝක බැංකු අධාර යටතේ 2022 වර්ෂයේ ලැබුණු මූල්‍ය සහනාධාර සම්බන්ධයෙන් ද මෙහිදී සාකච්ඡා වුණු අතර එළඹෙන ජූලි මස සිට සිදුකිරීමට සැලසුම්කොට ඇති යාවත්කාලීන කිරීම් අනුව මෙම දෙපාර්තමේන්තුවේ ඉදිරි සැලසුම් පිළිබඳව ද විමසීම මෙහිදී සිදුවිය. මෙහිදී ඉදිරි සැලසුම් පිළිබඳව සාර්ථක වැඩපිළිවෙලක් ඉදිරිපත් නොවුණු අතර එළඹෙන මැයි මස 26 වැනිදා මෙම කාරක සභාව හමුවට සමෘද්ධි සංවර්ධන දෙපාර්තමේන්තුව පැමිණෙන විට ඒ සඳහා සාර්ථක වැඩපිළිවෙළක් ඉදිරිපත්කරන ලෙසද කෝපා කමිටුව නිර්දේශ කළේය.

මෙම කාරකසභාව සඳහා රාජ්‍ය අමාත්‍යවරුන් වන මොහාන් ප්‍රියදර්ශන ද සිල්වා, ප්‍රසන්න රණවීර, කේ. කාදර් මස්තාන්, පාර්ලිමේන්තු මන්ත්‍රීවරුන් වන තිස්ස අත්තනායක, ඉසුරු දොඩන්ගොඩ, (ආචාර්ය) හරිනි අමරසූරිය, මුදිතා ප්‍රිශාන්ති, (ආචාර්ය) මේජර් ප්‍රදීප් උඳුගොඩ, (ආචාර්ය) සරත් වීරසේකර, මංජුලා දිසානායක, විමලවීර දිසානායක, වීරසුමන වීරසිංහ,  ඩී. වීරසිංහ, අශෝක් අබේසිංහ, සහ ඒ. එල්. එම් අතාවුල්ලා යන මහත්ම මහත්මීහු සහභාගී වූහ.

පුවත්

දවස් 03ට ලක්ෂ 03කට කරන්ට් එක ගිහින්

Published

on

By

පසුගිය  දින 03තුළ විදුලිය බිඳවැටීම් 36,000කට  කට  අධික ප්‍රමාණයක් සිදුව තිබෙන බව ලංකා විදුලිබල මණ්ඩලය පවසන බව විදුලි බල සහ බලශක්ති අමාත්‍ය කංචන විජේසේකර මහතා පවසයි.

සිය නිල X ගිණුමේ  සටහනක් තබමින් අමාත්‍යවරයා වැඩිදුරටත් සඳහන් කළේ එමගින් පාරිභෝගිකයන් ලක්ෂ 3කට වැඩි පිරිසකට විදුලිය ඇනහිට ඇති බවය.

මෙම බිඳ වැටීම් යථා තත්වයට පත් කිරීම වෙනුවෙන් මේ වන විටත් අමතර සේවා පිරිස් යොදවා ඇති අතර විදුලිබල මණ්ඩලයේ පාලන අධිකාරිය සහ සේවා නිලධාරීන් පැය 24 පුරා එම කටයුතු වල නිරත වන බව අමාත්‍යවරයා වැඩිදුරටත් පැවසීය.

විදුලි බිඳ වැටීම් පිළිබඳව දැන්වත් කිරිමට ඇති 1987 අංකයට සම්බන්ද වීමට නොහැකි පාරිභෝගිකයන්ට SMS සේවය මගින් 1987ට ඹ්ඪ් සමග විදුලි පාරිභෝගික අංකය මගින් බිඳ වැටීම් දැනුවත් කිරීමටත් CEඹ් Cඅරෙ යෙදුම මගින් හෝ cඑබ්cඅරෙ.cඑබ්.ල්ක් වෙබ් පිටුටව පිවිස දැනුවත් කල හැකි බව අමාත්‍යවරයා වැඩිදුරටත් සඳහන් කර තිබේ.

Continue Reading

පුවත්

වෙසක් කලාප නිසා අවහිර විය හැකි මාර්ග ගැන දැනුම්දෙයි

Published

on

By

වෙසක් කලාපයක් හේතුවෙන් අවහිර විය හැකි ප්‍රධාන මාර්ගයක් පිළිබඳව පොලීසියෙන් රියදුරන්ට දැනුම්දීමක් සිදුකරයි.

ඒ, කටුනායක නිට්ටඹුව ප්‍රධාන මාර්ගය වේයන්ගොඩ ප්‍රදේශයෙන්.

වේයන්ගොඩ පොලිස් වසමේ වෙසක් කලාප 04ක් සහ වෙසක් තොරණ 07ක් ප්‍රදර්ශනය කිරීමට කටයුතු සූදානම් කර තිබේ.

පොලීසිය දැනුම්දෙන්නේ අද (23) සිට දින 07ක් එම වෙසක් කලාපය පැවැත්වෙන බවයි.

අදාල නිවේදනය පහතින් දැක්වේ.

Continue Reading

පුවත්

වෙසක් උත්සවයට සමගාමීව වෙසක් කලාප රැසක්

Published

on

By

මෙවර වෙසක් උත්සවයට සමගාමීව දිවයින පුරා වෙසක් කලාප 420කට අධික සංඛ්‍යාවක් පැවැත්වීමට සැලසුම් කර තිබේ.

දිවයින පුරා තොරණ 321කට වැඩි සංඛ්‍යාවක් ඉදිකර ඇති බවයි වාර්තා වේ.

සෑම වසරකම පවත්වන දෙමටගොඩ, තොටලග, පිටකොටුව, නවලෝක ආදී තොරණ මෙවර ද විචිත්‍රවත්ව ප්‍රදර්ශනය කිරීමට සූදානම් කර ඇත.

වෙසක් දිනයට සමගාමීව දිවයින පුරා දන්සැල් 5,000කට ආසන්න සංඛ්‍යාවක් පැවැත්වීම සඳහා සැලසුම් කර ඇති බව ද වාර්තා වේ.

වෙසක් කලාප ආශ්‍රිතව මෙන්ම ජනතාවගේ ආරක්ෂාව සඳහා පොලිස් නිලධාරින් 18,000කට අධික සංඛ්‍යාවක් යොදවා ඇති බවෙ පොලිස් මාධ්‍ය ප්‍රකාශක නියෝජ්‍ය පොලිස්පති නිහාල් තල්දූව මහතා සඳහන් කලේය.

Continue Reading
Advertisement

Trending

Copyright © 2023 Sri Lanka Mirror. All Rights Reserved