Connect with us

පුවත්

පළමු ජාතික බාලදක්ෂ කිඩෝරිය ඇරඹේ !

Published

on

බලදක්ෂයන්ගේ ජම්බෝරිය, පෝතක බලදක්ෂයන්ගේ කබෝරිය යන වචන අතරට අලුතින් එකතු වන නම කිඩෝරියයි.

මෙරට බාලදක්ෂ ව්‍යාපාරයේ කටයුතු ආරම්භ වන්නේ 1912 මාතලේ ප්‍රදේශයෙනි. එයින් වසර 102කට පසු මෙරට සිඟිති බාලදක්ෂ ආරම්භ කෙරිණි. 2014 නොවැම්බර් 13 දින හිටපු බාලදක්ෂ කොමසාරිස් මහාචාර්ය නිමල් ද සිල්වාගේ මූලිකත්වයෙන් එය සිදු විය.

දිස්ත්‍රික්ක 05ක පාසල් 08කින් ආරම්භ කෙරුණු එය, මේ වන විට රට පුරා බාලදක්ෂ දිසා 38ක් පුරා විහිදී පවතී.

2018 වසර වන විට සිඟිති බාලදක්ෂයන් 10,000 ඉක්මවූ සාමාජිකත්වයක් සිටියද, ක්‍රමයෙන් කොවිඩ් වසංගතය ඇතුළු හේතු නිසා එය තරමක පසුබෑමකට මුහුණ දුන්නේය.

අවුරුදු 5 – 7 අතර දරුවන්, සිඟිති බාලදක්ෂයන් ලෙස යළිත් බලගැන්වීමේ අරමුණින් හෙට (2022 නොවැම්බර් 26) කොළඹ, විහාරමහාදේවි උද්‍යානයේදී මෙරට පළමු ජාතික බාලදක්ෂ කිඩෝරිය පැවැත්වීමට නියමිත ය.

සිඟිති බාලදක්ෂයන් 4,000කගේ සාමාජිකත්වයෙන් මෙම සිඟිත්තන්ගේ එකමුතුව පැවැත්වීමට නියමිතව තිබුණද, එය අවසාන මොහොත වන විට දිස්ත්‍රික්ක 24ක සිඟිති බාලදක්ෂයන් 5,614ක් දක්වා ඉහළ ගොස් ඇත.

සහාය ප්‍රධාන බාලදක්ෂ කොමසාරිස් (සිඟිති බාලදක්ෂ) චන්ද්‍රානි ප්‍රනාන්දු පවසන්නේ දරුවන්ට අහිමි කෙරෙමින් තිබෙන ළමා කාලය ලබාදීම වෙනුවෙන් කළ හැකි සියල්ල සිදුකිරීම වැඩිහිටියන්ගේ වගකීමක් බවයි.

යාළුකමයි – සතුටයි නම් සිඟිති බාලදක්ෂ ආදර්ශ පාඨයට අනුව යමින් කතාන්දර, ජන කවි, සිංදු, නැටුම් හරහා එකමුතුකම සහ නායකත්වය පිළිබඳ සුන්දර අත්දැකීමක් ලබාදීම මෙම කිඩෝරියේ මූලික අරමුණ බව ද කොමසාරිස්වරිය සඳහන් කරයි.

උදෑසන 8.30ට සිඟිති බාලදක්ෂයන් ලියාපදිංචියෙන් , අනුග්‍රාහකයන්ගේ සහයෝගයෙන් පස්වරු 1 වන තුරු මෙය පවත්වන බව ද කොමසාරිස්වරිය පවසයි.

පුවත්

මුදවාගැනීමේ මෙහෙයුමකට මන්ත්‍රීවරු 3ක් තායිලන්තයට

Published

on

By

විපක්ෂයේ මන්ත්‍රීවරුන් තිදෙනෙක් අද (27) අලුයම තායිලන්තය බලා පිටත්ව ගියහ.

ඒ, මියන්මාරයේ සයිබර් අපරාධ කලාපයේ ත්‍රස්ත ග්‍රහණයේ සිටින ශ්‍රී ලාංකිකයින් සහ රුසියානු – යුක්‍රේන යුද්ධයට මැදිවී රුසියාවේ සිටින ශ්‍රී ලාංකික රණවිරුවන් බේරාගෙන යළි ශ්‍රී ලංකාව වෙත රැගෙන ඒමේ රාජ්‍යතාන්ත්‍රික මෙහෙයුම සඳහා එම රටවල රාජ්‍යතාන්ත්‍රික නිලධාරීන් සහ තෙවන පාර්ශ්වයන් සමග සාකච්ඡා කර වැඩපිළිවෙළක් සකස් කිරීම සඳහාය.

මෙම විපක්ෂ මන්ත්‍රී කණ්ඩායමට නීතීඥ වසන්ත යාපා බණ්ඩාර, ජේ.සී. අලවතුවල සහ සුජිත් සංජය පෙරේරා යන මන්ත්‍රීවරුන් ඇතුළත් වේ.

ඔවුන් මියන්මාරයේ සහ රුසියාවේ දින 05 බැගින් ගත කරමින් මෙම මෙහෙයුම දියත් කිරීමට නියමිතය.

මන්ත්‍රීවරුන් පිරිස ත්‍රෛනිකායික මහනාහිමිවරුන්ගේ සහ විපක්ෂ නායකවරයාගේ ඉල්ලීම් රැගත් ලිපි, මියන්මාරය සහ රුසියාව බලා පිටත්ව ගොස් තායිලන්තයේ සහ මියන්මාරයේ සංඝනායක හිමිවරුන් සහ රුසියාවේ රාජ්‍යතාන්ත්‍රික නිලධාරීන් හමුවී භාරදීමට ද නියමිත බවට වාර්තා වේ.

පිරිස අද අලුයම 01.10ට පමණ ශ්‍රී ලන්කන් ගුවන් සේවයේ UL – 402 දරන ගුවන්යානයෙන් තායිලන්තයේ බැංකොක් නුවර බලා පිටත්ව ගොස් ඇත.

Continue Reading

පුවත්

විජයදාසට එරෙහි වාරණ නියෝගය දීර්ඝ කරයි

Published

on

By

ශ්‍රී ලංකා නිදහස් පක්ෂයේ වැඩබලන සභාපතිවරයා ලෙස විජයදාස රාජපක්ෂ මහතා කටයුතු කිරීම වළක්වාලමින් පනවා තිබෙන වාරණ නියෝගය ජුනි මස 27 වනදා දක්වා තවදුරටත් දීර්ඝ කරන ලෙස කොළඹ දිසා අධිකරණය විසින් නියෝග කරන ලදී.

මෙම නඩුව අද (27) කොළඹ දිසා විනිසුරු සඳුන් විතාන මහතා ඉදිරියේ කැඳවීම සිදුවිය.

දිසා විනිසුරු සඳුන් විතාන මහතා නියෝග කළේ, තමා මේ හා සමාන තවත් නඩුකරයක් විභාග කරන බැවින් මෙම නඩුව කොළඹ දිසා අධිකරණයේ අංක 07 අධිකරණ ශාලාවේ විනිසුරුවරයා වෙත යොමු කරන බවය.

ඉන් අනතුරුව කොළඹ දිසා අධිකරණයේ අංක 07 ශාලාවේ අතිරේක දිසා විනිසුරුවරයා ඉදිරියේ මෙම නඩුව කැඳවන ලදී.

එහිදී මෙම නඩුවට අදාළ විරෝධතා ගොනු කිරීම සඳහා කල් ලබාදෙන ලෙස වගඋත්තරකාර පාර්ශ්වයේ නීතිඥවරු අධිකරණයෙන් ඉල්ලා සිටියහ.

ඒ අනුව, අදාළ විරෝධතා ඉදිරිපත් කිරීම සඳහා කල් ලබාදුන් විනිසුරුවරයා නඩුව නැවත ජුනි මස 27 වනදා කැඳවන ලෙස නියෝග කලේය.

අමාත්‍යවරුන් වූ ලසන්ත අලගියවන්න, මහින්ද අමරවීර සහ දුමින්ද දිසානායක විසින් මෙම නඩුව ගොනු කර තිබුණි.

Continue Reading

පුවත්

තාඹුගලට ඇප

Published

on

By

රක්ෂිත බන්ධනාගාරගතව සිටි අවුරා ලංකා සමාගමේ සභාපති විරංජිත් තාබුගල ඇප මත මුදාහැර තිබේ.

හෙලිකොප්ටරයක් ලබා ගැනීම සඳහා මුදල් ලබාගෙන රුපියල් මිලියන 70 වංචා කළේය යන්න මත ඔහුව රක්ෂිත බන්ධනාගාරගත කර තිබුණි.

කොළඹ අතිරේක මහේස්ත්‍රාත් පවිත්‍රා සංජීවනි පතිරාජ මහත්මිය අද(27) නියෝග කර ඇත්තේ සැකකරු ඇප මත මුදාහරින ලෙසයි.

සබැඳි පුවත්:

https://sinhala.srilankamirror.com/news/%E0%B6%85%E0%B7%80%E0%B7%94%E0%B6%BB%E0%B7%8F-%E0%B6%BD%E0%B6%82%E0%B6%9A%E0%B7%8F-%E0%B7%83%E0%B6%B7%E0%B7%8F%E0%B6%B4%E0%B6%AD%E0%B7%92-%E0%B6%BB%E0%B7%92%E0%B6%B8%E0%B7%8F%E0%B6%B1%E0%B7%8A/

Continue Reading
Advertisement

Trending

Copyright © 2023 Sri Lanka Mirror. All Rights Reserved