ආණ්ඩුවේ සංවර්ධන ව්යාපෘති සිදු කිරීමට පත් කළ ප්රජා උපදේශන කමිටු ක්රියාත්මක කිරීම වළක්වාලමින් ශ්රේෂ්ඨාධිකරණය අතුරු තහනම් නියෝගයක් නිකුත් කර තිබේ.
පැෆරල් සංවිධානය විසින් ගොනු කළ මූලික අයිතිවාසිකම් පෙත්සමක් විභාගයට අවසර දෙමින් ශ්රේෂ්ඨාධිකරණය මෙම නියෝගය නිකුත් කලේය.
පසුගිය පළාත් පාලන ඡන්ද විමසීම සඳහා නාමයෝජනා භාරදී සිටින අපේක්ෂකයින් සංවර්ධන කටයුතු වලට අදාළව ස්ථාපිත කළ ප්රජා උපදේශන කමිටු වල සාමාජිකයින් වශයෙන් යොදා ගැනීම තුළින් මැතිවරණ නීතිය උල්ලංඝනය වන බව පවසමින් පැෆරල් සංවිධානය විසින් පෙත්සමක් ගොනු කර තිබුණි.
මේ තුළින් සිය මූලික මිනිස් අයිතිවාසිකම් උල්ලංඝනය වන බවට තීන්දුවක් ලබා දෙන ලෙසත් එම චක්රලේඛය අත්හිටු වීමේ නියෝගයක් නිකුත් කරන ලෙසත් පෙත්සම්කාර පාර්ශවය ඉල්ලා සිටියේය.
එම පෙත්සම් සලකා බැලීමෙන් අනතුරුව විජිත් මළල්ගොඩ, කෝදාගොඩ සහ කුමුදුනී වික්රමසිංහ යන මහත්ම මහත්මීන්ගෙන් සමන්විත ත්රිපුද්ගල ශ්රේෂ්ඨාධිකරණ විනිසුරු මඩුල්ලක් විසින් මෙම නියෝගය නිකුත් කරන ලදී.
ප්රජා කමිටු පත් කිරීම සම්බන්ධයෙන් විශේෂ චක්රලේඛයක් ජනාධිපතිවරයා විසින් පසුගිය අප්රේල් මස 29 වැනි දින නිකුත් කලේය.
ඉන් පළාත් ආණ්ඩුකාරවරුන්ට, පළාත් ප්රධාන ලේකම්වරුන්ට, දිස්ත්රික් ලේකම්වරුන්ට හා ප්රාදේශීය ලේකම්වරුන්ට උපදෙස් දී තිබුණේ සෑම පළාත් පාලන බල ප්රදේශයක් සඳහාම වසරක කාලසීමාවට යටත්ව ප්රජා උපදේශන කමිටු පත්කරන ලෙසය.
