ශ්‍රී ලංකාවේ සංචාරයක නිරත දකුණු ආසියාවේ සහ අග්නිදිග ආසියාවේ ඉහළ පෙළේ නියෝජිත පිරිසක් සහ විපක්ෂ නායක සජිත් ප්‍රේමදාස මහතා අතර හමුවක් පසුගියදා (12 )  පැවැත්විණි.

මේ හමුව සඳහා IAPP හි ආසියා පැසිෆික් සභාපති ගරු Ek Nath Dhakal මහතා සහ UPF (UN/ECOSOC) හි සභාපති ආචාර්ය Chang Shik Yang මහතා සහභාගී වී ඇත.

මෙහි දී අප රටේත් කලාපයේත් ආර්ථික, දේශපාලන කරුණු රැසක් සම්බන්ධයෙන් අදහස් හුවමාරු කර ගැනීම සිදුව තිබේ.

මෙම අවස්ථාවට සමගි ජන බලවේගයේ මහලේකම් පාර්ලිමේන්තු මන්ත්‍රී රංජිත් මද්දුම බණ්ඩාර මහතා සහ පාර්ලිමේන්තු මන්ත්‍රී සුජිත් සංජය පෙරේරා මහතා ද එක්ව ඇත.

වත්මන් රජය ක්ෂණික වෙනස්කම්වලට නොගොස් ක්‍රමානුකූලව වෙනස්කම්වලට යන්නේ රටේ ආර්ථිකයත්,ලෝක ආර්ථිකයත් පිළිබඳ පවතින අවබෝධය නිසා යැයි හිටපු අමාත්‍ය සුසිල් ප්‍රේමජයන්ත මහතා පවසයි.

හිටපු අමාත්‍යවරයා පෙන්වා දෙන්නේ මේ මොහොතේ ඉවසීමෙන් කටයුතු කළයුතුව ඇති බවය.

”අපි ඉවසීමෙන් කටයුතු කරන්න ඕනේ. ලෝක ආර්ථිකයත් රටේ ආර්ථිකයත් අපි තේරුම් ගන්න ඕනේ. ඒ නිසා තමයි වර්තමාන පාලනයත් ක්ෂණික වෙනස්කම් වලට යන්නේ නැතුව යම්කිසි ආකාරයක ක්‍රමානුකූලව වෙනස්කමක් කරන්නේ. අවුරුදු දෙකකට කලින් බංකොලොත් වෙච්ච තැන ඉඳල අද එතැනින් එළියට එන තැනට අපි ගොඩදාලා දුන්නා. එතනින් එහාට මේක නිරුපද්‍රිතව පවත්වාගෙන යාමට අලුත් කණ්ඩායමකට රටේ ජනතාව බලය දීලා තියෙනවා. ඒ අයගේ යුතුකම,වගකීම තමයි එය පවත්වාගෙන යාම. එයාලගේ ප්‍රතිපත්ති තියෙනවා. ඒවත් එක්ක ගළපගන්න ඕනේ.” 

උතුරු, නැගෙනහිර, උතුරු-මැද, ඌව සහ දකුණු පළාත්වලත් මාතලේ සහ නුවරඑළිය දිස්ත්‍රික්කවලත් විටින් විට වැසි හෝ ගිගුරුම් සහිත වැසි ඇති විය හැකි බව කාලගුණ විද්‍යා දෙපාර්තමේන්තුව පවසයි.

නැගෙනහිර සහ ඌව පළාත්වලත් මාතලේ සහ නුවරඑළිය දිස්ත්‍රික්කවලත් ඇතැම් ස්ථාන වලට මි.මි. 75 ක පමණ තරමක තද වැසි ඇතිවිය හැකිය.

සෙසු ප්‍රදේශවල සවස් කාලයේදී හෝ රාත්‍රී කාලයේදී තැනින් තැන වැසි හෝ ගිගුරුම් සහිත වැසි ඇති විය හැකි බව කාලගුණ විද්‍යා දෙපාර්තමේන්තුව සඳහන් කරයි.

උතුරු, නැගෙනහිර, උතුරු-මැද සහ වයඹ පළාත්වලත් මාතර සහ හම්බන්තොට දිස්ත්‍රික්කවලත් විටින් විට හමන පැ.කි.මී. (30-40) ක පමණ තරමක තද සුළං ඇතිවිය හැකිය.

බස්නාහිර, සබරගමුව සහ මධ්‍යම පළාත්වලත් ගාල්ල, මාතර සහ බදුල්ල දිස්ත්‍රික්කවලත් ඇතැම් ස්ථානවල උදෑසන කාලයේදී මීදුම් සහිත තත්ත්වයක් පැවතිය හැකි බව සඳහන්ය.

ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්‍ය පියවර ගන්නා ලෙස ජනතාවගෙන් කාරුණිකව ඉල්ලා සිටියි.