Connect with us

පුවත්

පාතාලය මර්දනය කරන්න දක්ෂ පොලිස් ස්ථානාධිපතිවරුන් ඕනෙ – පොලීසිය

Published

on

යම් යම් පුද්ගලයින් තමන්ගේ ආරක්ෂාව උදෙසා පෞද්ගලික ආරක්ෂකයින්ගේ සේවාව ලබා ගැනීම පිළිබඳව ජාතික ආරක්ෂාව පිළිබඳ ආංශික අධීක්ෂණ කාරක සභාවේදී අවධානය යොමුවිය. 

ඒ එම කාරක සභාව පාර්ලිමේන්තු මන්ත්‍රී ආචාර්ය සරත් වීරසේකර මහතාගේ සභාපතිත්වයෙන් පසුගිය 22දා පාර්ලිමේන්තුවේදී රැස්වූ අවස්ථාවේදීය.

පෞද්ගලික ආරක්ෂකයින් පිරිවරාගෙන ගමන් කරන ඇතැම් පුද්ගලයින් හේතුවෙන් මහජනතාව යම් යම් පීඩාකාරී තත්ත්වයන්ට මුහුණ දෙන බව කාරක සභා සාමාජිකයෝ පෙන්වා දුන්හ. යම් පුද්ගලයකු  ලබාගන්නා  පෞද්ගලික ආරක්ෂාව පිළිබඳව නීතිමය වශයෙන් පොලීසියට මැදිහත්විය නොහැකි බව කරුණු දක්වමින් ජ්‍යෙෂ්ඨ පොලිස් නිලධාරීහු මෙහිදී පැවසුහ. කෙසේ වෙතත් එම පෞද්ගලික ආරක්ෂක සේවා වල පිරිස් ආයුධ භාවිත කරන බැවින් යම් නියාමනයක් අවශ්‍ය බව  කාරක සභාව පෙන්වා දෙන ලදී. පුද්ගලයින් පෞද්ගලික ආරක්ෂක සේවා ලබා ගැනීමේදී එම නියාමය කිරිමට අදාල  නිර්ණායක සකස් කිරීමට ආරක්ෂක අමාත්‍යංශයට උපදෙස් ලබාදීම කාරක සභාව තීරණය කරන ලදී.      

පාතාල ආශ්‍රිත ක්‍රියාකාරකම්වල වර්ධනයක් පැවතීම පිළිබඳව ද කාරක සභාව තුල දීර්ඝ ලෙස සාකච්ජා විය. ත්‍රිවිධ හමුදාවේ සේවයේ නියුතු පිරිස් අපරාධ සිදුකිරීම සඳහා යොමුවීමේ වර්ධනයක් පෙන්නුම් කරන බවද කාරක සභාවේදී අනාවරණය විය. එහිදී අපරාධකරුවන් හඳුනාගැනීම පිළිබඳව යම් දුර්වලතාවයක් පවතින බව පොලිස්පතිවරයා පෙන්වා දුන්නේය. තම ප්‍රදේශ තුළ සිටින අපරාධකරුවන්  හඳුනාගැනීමට දක්ෂ පොලිස් ස්ථානාධිපතිවරුන් සිටීනම් අපරාධ සිදුවීමට පෙරම එය වළක්වා ගත හැකි බවත් ඒ හේතුවෙන් දක්ෂ පොලිස් ස්ථානාධිපතිවරුන් හඳුනාගෙන ඔවුන්ව අදාළ ප්‍රදේශවලට සේවය සඳහා යොමු කිරීමට අවධානය යොමුකර  ඇති බව පොලිස්පතිවරයා  වැඩි දුරටත් අදහස් දක්වමින් පැවසුවේය.

මත්ද්‍රව්‍ය පාලනය කිරීම සම්බන්ධයෙන් ද කරක සභාව තුල දීර්ඝ ලෙස සාකච්ඡා විය.  පාසල් දරුවන් ඉල්ලක්ක කර මත් පෙති මගින් මත්ද්‍රව්‍ය භාවිතයට හුරු කිරීමට මත්ද්‍රව්‍ය ජාවාරම්කරුවන් ක්‍රියා කරන බව පොලිස් නිලධාරීහු මෙහිදී පෙන්වා දුන්හ. මත්ද්‍රව්‍ය පාලනයේදී මුලිකවම සිදු කළ යුත්තේ රට තුලට එම මත්ද්‍රව්‍ය පැමිණීම වැළක්වීම බවද ඔවුහු වැඩි දුරටත් අදහස් දක්වමින් පැවසුහ. මත්ද්‍රව්‍ය ජාවාරම්කරුවන්ගේ දේපොළ රාජසන්තක කිරීම වැනි නීති දැඩිව ක්‍රියාත්මක කිරීමේ අවශ්‍යතාවයද කාරක සභාවේදී  සාකච්ජා විය.

රිය අනතුරු හේතුවෙන් විශාල ජිවිත සංඛ්‍යාවක් රටට අහිමි වන බව සභාපතිවරයා මෙහිදී පෙන්වා දුන්නේය. 30 වසරක මෙරට පැවති යුද්ධයෙන් මියගියේ රණවිරුවන් 29,000ක් බවත්, පසුගිය වසර 10 තුළ මාර්ග අනතුරුවලින් පමණක් පුද්ගලයින් 27,000ක් පමණ මියගොස් ඇති බවද සභාපතිවරයා මෙහිදී සිහිපත් කළේය. ඒ අනුව මත්ද්‍රව්‍ය භාවිතා කර රිය ධාවනය කරන රියදුරන් හඳුනාගැනීම සඳහා අවශ්‍ය උපකරණ හැකි ඉක්මනින් මිලදී ගෙන දිවයින පුරා පොලිස් ස්ථාන වෙත ලබාදීමට කටයුතු කරන ලෙස සභාපතිවරයා  උපදෙස් ලබාදුන්නේය.

දේපොළ කොල්ලකෑම්වල වර්ධනයක් සිදුව ඇති බවත් ඉන් බහුතරයක්  මිනිසුන්ගේ නොසැළකිලිමත්  බව නිසා සිදුවන බව පොලිසීය කාරක සභාව හමුවේ කරුණු දක්වමින් පෙන්වා දෙන ලදී. පුද්ගලයින් තමන්ගේ නිවාස ,ගොඩනැගිලි  හා අනෙකුත්  දේපොළ  සම්බන්ධයෙන්  වඩාත් අවධානයෙන් පසුවීම  ඉතා වැදගත් බවද පොලීසිය පෙන්වා දෙන ලදී.

පුවත්

ඉරාන තානාපති කොළඹ සාප්පු සංකීර්ණයක රථගාලකදී ආරවුලක පැටලෙයි

Published

on

By

ඉරාන තානාපති ආචාර්ය  ඩෙල්ක්‍රොෂ් (A Delkhosh) මහතාට පහරදී , අනතුරකට ලක්කළ ව්‍යාපාරිකයෙකු අත්අඩංගුවට ගත් බව කොම්පඤ්ඤවීදිය පොලිසිය කියයි.

තානාපතිවරයා කොළඹ සාප්පු සංකීර්ණයක රථගාලට  රථය ඇතුල් කරන අවස්ථාවේදී තවත් මෝටර් රථයක රියදුරෙක් සමඟ ආරවුලක් හටගෙන ඇති අතර එහිදී එම පුද්ගලයා තානාපතිවරයාට පහරදී එම ස්ථානයෙන් පලා යාමට උත්සාහ දරා ඇතැයි පොලිසිය කියයි.

එහිදි තානාපතිවරයා සිය මෝටර් රථයෙන් බිමට බැස  පලායාමට උත්සාහ දරන මෝටර් රථයේ බොනොට්ටුවට අත තබාගෙන පොලිස් නිලධාරීන් පැමිණෙනතුරු සිටින ලෙස මෝටර් රථයේ රියදුරුට දැනුම් දී ඇත.

 එම අවස්ථාවේදී මෝටර් රථයේ රියදුරු විසින් මෝටර් රථය පණ ගන්වා  මීටර් 15ක්දි පමණ ඉදිරියට රිය  ධාවනය කර ඇතැයි පොලිසියේ සිදුකළ විමර්ශනවලදී අනාවරණය වී ඇත.

අත්අඩංගුවට ගත් සැකකරු කොළඹ හත වෝඩ් පෙදෙසේ පදිංචි. වයස අවුරුදු තිස්තුනක පුද්ගලයෙකි.

Continue Reading

පුවත්

මුදල් හා රන්බඩු කොල්ල කන්න පවුලක්ම මරලා!

Published

on

By

බාප්පා,පුංචි සහ සහෝදරයා මරා මුදල් හා රන් භාණ්ඩ සොරාගත් පුද්ගලයකු අත්අඩංගුවට ගත් බව නාල්ල පොලිසිය කියයි.

අද අලුයම හතරට පමණ මාලදෙනිය ප්‍රදේශයේ නිවසකදී මෙම අමානුෂික ඝාතනය සිදුව ඇතැයි ද පොලිසිය සඳහන් කරයි.

පාපැදියකින් ගමන් ගත් පුද්ගලයකු පරීක්ෂා කළ පොලිසිය ඔහු සතුව රුපියල් ලක්ෂ 3කට ආසන්න මුදලක් සහ රන් භාණ්ඩ තිබී හමුවී ඇත.

ඒ සම්බන්දයෙන් සැකකරු අත්අඩංගුවට ගෙන පොලිසියට රැගෙන ගොස් පරීක්ෂා කිරීමේදී ඔහු සතුව තිබූ ලිපියන් සම්බන්දයෙන් පරීක්ෂා කිරීමේදී මෙම ඝාතනයේ තොරතුරු අනාවරණය වූ බව පොලිසිය සඳහන් කරයි.

මෙසේ ඝාතනය කර ඇත්තේ තම බිරියගේ බාප්පා,පුංචි සහ ඔවුන්ගේ දරුවා බව මෙතෙක් සිදු කල පරීක්ෂණවලින් අනාවරණය වන බව ද පොලිසිය සඳහන් කරයි.

(ලංකාදීප)

Continue Reading

පුවත්

රුසියානු තානාපති කාර්යාලයේ වැඩ බැලීමට විදේශ සේවයේ විශ්‍රාමිකයකු යවයි

Published

on

By

රුසියාවේ ශ්‍රී ලංකා තානාපති ධූරය තවමත් හිස්ව පැවතීම නිසා නව තානාපතිවරයකු පත් කරන තුරු විදේශ සේවයේ ජ්‍යෙෂ්ඨ නිලධාරියෙකු එම තානාපති කාර්යාලයේ වැඩ බැලීමට යැවීමට රජය සැලසුම් කර ඇතැයි වාර්තා වේ.

මේ අතර විදේශ කටයුතු රාජ්‍ය අමාත්‍ය තාරක බාලසූරිය මහතා මාධ්‍යට පවසා ඇත්තේ, තානාපතිවරයෙකු නොමැති වීම හුදෙක් කාර්ය පටිපාටියේ පරතරයක් පමණක් බවත්, රුසියාවේ පවතින විශේෂ තත්ත්වය මත විදේශ කටයුතු අමාත්‍යාංශයේ ජ්‍යෙෂ්ඨ නිලධාරියෙකු එහි කටයුතු අධීක්‍ෂණය කිරීමට යොමු කරන බවයි.

මෙසේ යවන්නේ විශ්‍රාමික විදේශ සේවයේ ජ්‍යෙෂ්ඨයකු බවත්, දැනට තානාපතිවරයකු නොමැති වීම ප්‍රධාන ප්‍රශ්නයක් නොවන බවද ඔහු අවධාරණය කර තිබේ.

අමාත්‍යවරයා වැඩිදුරටත් පවසා ඇත්තේ එහි දැනටමත් විදේශ සේවයේ ජ්‍යෙෂ්ඨ නිලධාරියෙකු සිටින බවත්, සිදුවෙමින් පවතින හදිසි අවශ්‍යතාවය සැලකිල්ලට ගෙන, ඉතා ජ්‍යෙෂ්ඨ විදේශ සේවා නිලධාරියෙකු යවන්නේ දැනට රුසියාවේ සිටින නිලධාරියා ප්‍රමාණවත් නොවන නිසා නොවන බවද ඔහු කියා සිටී.

මෙහෙයුම ශක්තිමත් කිරීම සඳහා මෙය සිදු කරන බවත්, සාමාන්‍ය ප්‍රොටෝකෝලය අනුව කටයුතු සිදුවන බවද බාලසූරිය මහතා අවධාරණය කර ඇත.

කෙසේවුවද, රුසියාවට තානාපතිවරයකු පත් කර ඇතත් ඔහු කවුරුන්ද යන්න මාධ්‍යට හෙළි නොකිරීමට ද බාලසූරිය මහතා කටයුතු කර තිබේ.

රුසියානු සමූහ ආණ්ඩුවේ හිටපු ශ්‍රී ලංකා තානාපතිනිය වන මහාචාර්ය ජනිතා ඒ ලියනගේ මහත්මියට සේවා දිග තුනක් ලබාදී තිබුණු අතර, ඇය පසුගිය අප්‍රේල් 29 වැනිදා මොස්කව්හි ශ්‍රී ලංකා තානාපති කාර්යාලයේ සිය සේවය අවසන් කර ඇත.

වර්තමානයේ, රුවිනි කේ. මුනිදාස මහත්මිය තානාපති කාර්යාලයේ භාර නිලධාරිනිය ලෙස කටයුතු කරනු ලබයි.

Continue Reading
Advertisement

Trending

Copyright © 2023 Sri Lanka Mirror. All Rights Reserved