Connect with us

පුවත්

පාර්ලිමේන්තුවේ විදුලි බිල කෝටි 7 පන්නයි; කතානායකගේ බිල ලක්ෂ 24යි

Published

on

පාර්ලිමේන්තුවට විදුලි සබඳතා 12 ක් තිබෙන බවත්,පාර්ලිමේන්තු සංකීර්ණයට අදාළව ඉකුත් මැයි මාසයේ සිට ඔක්තෝබර් දක්වා වූ කාලය තුළදී විදුලි බිලේ එකතුව රුපියල් හත් කෝටි තිස් එක් ලක්ෂයක් බව වාර්තා වේ.

ඉකුත් ඔක්තෝබර් මාසයේදී පාර්ලිමේන්තු සංකීර්ණයේ විදුලි බිල රුපියල් එක්කෝටි විසි අට ලක්ෂ පනස් දෙදහසක් බවද පැවසේ.

 මේ අතර, කතානායකවරයාගේ නිල නිවසට අදාළව ඉකුත් මැයි මාසයේ සිට ඔක්තෝබර් මාසය දක්වා මාස හයක විදුලි බිල්පත්වල එකතුව රුපියල් ලක්ෂ 24 ක් බවද වාර්තා වේ.

එම කාලය තුළදී නුවරඑළිය සෙන්පති නිවසේ විදුලි බිලේ එකතුව රුපියල් දහඅට ලක්ෂයක් බවද පැවසේ.

මෙම විදුලි සබඳතාවලට අමතරව,මාදිවෙල මන්ත්‍රි නිවාස සංකීරණය සඳහා විදුලි සබඳතා 120 ක් සහ ජයවඩනගම නිලධාරී නිල නිවාස සඳහා විදුලි සබඳතා 15 ක් තිබෙන බවද පාර්ලිමේන්තුව සඳහන් කර තිබේ.

මාදිවෙල මන්ත්‍රි නිල නිවාසවල දැනට මන්ත්‍රිවරුන් 109 දෙනකු පදිංචිව සිටිති.මෙම නිවාස වලට අදාළ විදුලි බිල්පත් පාර්ලිමේන්තුව විසින් ගෙවා ඒවා පසුව මන්ත්‍රිවරුන්ගේ වැටුපෙන් අඩු කරගන්නා බවද පාර්ලිමේන්තුව කියයි.

මාදිවෙල පාර්ලිමේන්තු මන්ත්‍රි නිල නිවාසවලට අදාළව ඉකුත් මැයි සිට ඔක්තෝබර් දක්වා වූ මාස හයක කාලයේ විදුලි බිල්පත්වල එකතුව රුපියල් ලක්ෂ 46 කි.

මූලාශ්‍රය – අරුණ

පුවත්

තවත් පිරිසක් සජබය සමඟ එක්වේ

Published

on

By

ශ්‍රී ලංකා නිදහස් පක්ෂයේ සහ ජනතා විමුක්ති පෙරමුණේ ප්‍රාදේශීය සංවිධායකවරුන් කිහිප දෙනෙකු විපක්ෂ නායක සජිත් ප්‍රේමදාස මහතා හමු වී සමගි ජන බලවේගය සමග එක්වී තිබේ. 

ඒ සමගි ජන බලවේගය විසින් ක්‍රියාත්මක ජන පවුර වැඩසටහනේ පොළොන්නරුව දිස්ත්‍රික් රැස්වීම පැවැති අවස්ථාවේදී ය.

හිටපු පාර්ලිමේන්තු මන්ත්‍රීවරයකු සහ හිටපු අමත්‍යවරයකු වූ නන්දසේන හේරත් මහතා විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

එමෙන්ම ශ්‍රී ලංකා නිදහස් පක්ෂයේ හිටපු පාර්ලිමේන්තු මන්ත්‍රීවරයකු මෙන් ම මහවැලි සංවර්ධන අධිකාරියේ අධ්‍යයක්ෂවරයකු ලෙස කටයුතු කළ තිලක් මහලේකම්ගේ මහතා ද සමගි ජන බලවේගය හා එක්විය.

තවද ජනතා විමුක්ති පෙරමුණේ පොළොන්නරුව නගර සභාවේ අපේක්ෂකයෙකුව සිටි එච්. සමන්ත බණ්ඩාර මහතා ද විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

Continue Reading

පුවත්

ලෝක ප්‍රසිද්ධ සුරතලා මිය යයි

Published

on

By

ක්‍රිප්ටෝ මුදල් ඒකකයක් වන ඩොජ්කොයින්හි සංකේතය වන සුනඛ මුහුණට හිමිකම් කියන කබොසු සුනඛයා මිය ගොස් තිබේ.

ෂීබා ඉනූ සුනඛ වර්ගයට අයත් කබොසු ලියුකේමියාව හේතුවෙන් මියගොස් ඇත.

එම සුරතලාගේ හිමිකරු වන්නේ ජපානයේ ගුරුවරයෙකි.

Continue Reading

පුවත්

අපිරිසිදු දන්සල් 20කට නීතිමය ක්‍රියාමාර්ග

Published

on

By

දිවයින පුරා පවත්වනු ලැබූ දන්සල් 20,000ක් පරීක්ෂාවට ලක්කළ බව ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ විධායක සාමාජික සඳුන් හේමන්ත රත්නායක මහතා පවසයි.

එහිදී අපිරිසිදු තත්ත්වයේ පවත්වාගෙන ගිය දන්සැල් 20කට එරෙහිව නීතිමය ක්‍රියාමාර්ග ගත් බව සඳුන් හේමන්ත රත්නායක මහතා විසින් පවසන ලදී.

කොළඹ නගර සීමාවේ දන්සැල් 4000ක් පරීක්ෂාවට ලක් කර ඇති අතර , එයිනුත් අපිරිසිදු තත්ත්වයේ තිබූ දන්සැල් 5කට එරෙහිව නීතිමය ක්‍රියාමාර්ග ගත් බවයි සඳහන් වේ.

මෙහිදී බත්, ෆ්‍රයිඩ් රයිස්, කොත්තු, සීනි සම්බල් පාන්, කඩල, මඤ්ඤොක්කා, බීම දන්සල් පරීක්ෂාවට ලක්කර ඇත.

ඒ සඳහා මහජන සෞඛ්‍ය පරීක්ෂකවරුන් 1800ත් 2000ත් අතර පිරිසක් සහභාගී වූ බව සඳහන් වේ.

දන්සැල් පරීක්ෂාව ලබන 27 වැනිදා දක්වා ක්‍රියාත්මකයි.

Continue Reading

Trending

Copyright © 2023 Sri Lanka Mirror. All Rights Reserved