Connect with us

පුවත්

පුංචි ඡන්දයට දිනේ අද කියයි?; ඡන්දෙ කල් දාන ‘දැන්වීමේ’ දිනය හිස්

Published

on

පළාත් පාලන මැතිවරණය පැවැත්වෙන දිනය මැතිවරණ කොමිෂන් සභාව විසින් අද (03) ප්‍රකාශයට පත්කිරීමට නියමිතය.

පළාත් පාලන මැතිවරණය මෙමස 09 වැනිදා පැවැත්වීමට නියමිතව පැවතියද, මැතිවරණයට අදාළව මුදල් නොලැබීම සහ ඡන්ද පත්‍රිකා මුද්‍රණය ප්‍රමාදවීම හේතුවෙන් මැතිවරණය කල් දැමීමට ඉකුත් පෙබරවාරි මස 24 වැනිදා රැස්වූ මැතිවරණ කොමිෂන් සභාව තීරණය කළේය.

ඒ අනුව, දින 21 කට නොඅඩු කාලයක් සඳහා මැතිවරණය කල් තැබීමට නියමිත බව මැතිවරණ කොමිෂන් සභාව සඳහන් කරයි.

කෙසේ නමුත්, ඇල්පිටිය ප්‍රාදේශීය සභාව හැර පළාත් පාලන ආයතන 339 ක නිල කාලය මෙමස 19 වැනිදා මධ්‍යම රාත්‍රි 12 න් අවසන්වීමට නියමිතය.

පළාත් පාලන ආයතන ඡන්ද විමසීම සඳහා පිළිගත් දේශපාලන පක්ෂ 59 ක් සහ ස්වාධීන කණ්ඩායම් 329 ක් නාමයෝජනා භාරදී ඇතැයි මැතිවරණ කොමිෂන් සභාව පවසයි.

ඡන්දෙ කල් දාන ‘දැන්වීමේ’ දිනය හිස්

මේ අතර, පළාත් පාලන ආයතන ඡන්ද විමසීම කල් දැමීමට අදාළ දැන්වීමේ දින සඳහන් නොකර හිස්තැනක් තබා තේරිම්භාර නිලධාරිවරයාගේ අත්සන සහිතව එවන ලෙස මැතිවරණ කොමිෂන් සභාව විසින් සහකාර සහ නියෝජ්‍ය මැතිවරණ කොමසාරිස්වරුන්ට දැනුම් දී ඇතැයි වාර්තා වේ.

එම දැන්වීම සමග අදාළ දිස්ත්‍රික්කයේ පළාත් පාලන ආයතන ලැයිස්තුව ද භාෂා ත්‍රිත්වයෙන්ම එවන ලෙස දැනුම් දී තිබේ. 

තවද, මෙම ලේඛනය මැතිවරණ කොමිසමට ඊයේ (02 ) ගෙනැවිත් භාරදෙන ලෙසද සඳහන් කර ඇත. 

අදාළ ලිපිය යොමුකර ඇත්‍්තේ පෙරේදා (01) ය.

මැතිවරණයට අදාළ මුදල් නොලැබීම නිසා ඡන්ද විමසීමේ දිනය කල් දැමූ බව මැතිවරණ කොමිෂන් සභාවෙන් විමසූ අවස්ථාවේ දැනගත් බවත්, මේ නිසා පළාත් පාලන ආයතන ඡන්ද විමසීමේ දිනය ලෙස …….. .(හිස් තැනක්) ප්‍රකාශයට පත් කරන බව තේරීම් භාර නිලධාරී අත්සන් කළ යුතු දැන්වීමේ සඳහන් කර තිබේ.

පුවත්

මුදවාගැනීමේ මෙහෙයුමකට මන්ත්‍රීවරු 3ක් තායිලන්තයට

Published

on

By

විපක්ෂයේ මන්ත්‍රීවරුන් තිදෙනෙක් අද (27) අලුයම තායිලන්තය බලා පිටත්ව ගියහ.

ඒ, මියන්මාරයේ සයිබර් අපරාධ කලාපයේ ත්‍රස්ත ග්‍රහණයේ සිටින ශ්‍රී ලාංකිකයින් සහ රුසියානු – යුක්‍රේන යුද්ධයට මැදිවී රුසියාවේ සිටින ශ්‍රී ලාංකික රණවිරුවන් බේරාගෙන යළි ශ්‍රී ලංකාව වෙත රැගෙන ඒමේ රාජ්‍යතාන්ත්‍රික මෙහෙයුම සඳහා එම රටවල රාජ්‍යතාන්ත්‍රික නිලධාරීන් සහ තෙවන පාර්ශ්වයන් සමග සාකච්ඡා කර වැඩපිළිවෙළක් සකස් කිරීම සඳහාය.

මෙම විපක්ෂ මන්ත්‍රී කණ්ඩායමට නීතීඥ වසන්ත යාපා බණ්ඩාර, ජේ.සී. අලවතුවල සහ සුජිත් සංජය පෙරේරා යන මන්ත්‍රීවරුන් ඇතුළත් වේ.

ඔවුන් මියන්මාරයේ සහ රුසියාවේ දින 05 බැගින් ගත කරමින් මෙම මෙහෙයුම දියත් කිරීමට නියමිතය.

මන්ත්‍රීවරුන් පිරිස ත්‍රෛනිකායික මහනාහිමිවරුන්ගේ සහ විපක්ෂ නායකවරයාගේ ඉල්ලීම් රැගත් ලිපි, මියන්මාරය සහ රුසියාව බලා පිටත්ව ගොස් තායිලන්තයේ සහ මියන්මාරයේ සංඝනායක හිමිවරුන් සහ රුසියාවේ රාජ්‍යතාන්ත්‍රික නිලධාරීන් හමුවී භාරදීමට ද නියමිත බවට වාර්තා වේ.

පිරිස අද අලුයම 01.10ට පමණ ශ්‍රී ලන්කන් ගුවන් සේවයේ UL – 402 දරන ගුවන්යානයෙන් තායිලන්තයේ බැංකොක් නුවර බලා පිටත්ව ගොස් ඇත.

Continue Reading

පුවත්

විජයදාසට එරෙහි වාරණ නියෝගය දීර්ඝ කරයි

Published

on

By

ශ්‍රී ලංකා නිදහස් පක්ෂයේ වැඩබලන සභාපතිවරයා ලෙස විජයදාස රාජපක්ෂ මහතා කටයුතු කිරීම වළක්වාලමින් පනවා තිබෙන වාරණ නියෝගය ජුනි මස 27 වනදා දක්වා තවදුරටත් දීර්ඝ කරන ලෙස කොළඹ දිසා අධිකරණය විසින් නියෝග කරන ලදී.

මෙම නඩුව අද (27) කොළඹ දිසා විනිසුරු සඳුන් විතාන මහතා ඉදිරියේ කැඳවීම සිදුවිය.

දිසා විනිසුරු සඳුන් විතාන මහතා නියෝග කළේ, තමා මේ හා සමාන තවත් නඩුකරයක් විභාග කරන බැවින් මෙම නඩුව කොළඹ දිසා අධිකරණයේ අංක 07 අධිකරණ ශාලාවේ විනිසුරුවරයා වෙත යොමු කරන බවය.

ඉන් අනතුරුව කොළඹ දිසා අධිකරණයේ අංක 07 ශාලාවේ අතිරේක දිසා විනිසුරුවරයා ඉදිරියේ මෙම නඩුව කැඳවන ලදී.

එහිදී මෙම නඩුවට අදාළ විරෝධතා ගොනු කිරීම සඳහා කල් ලබාදෙන ලෙස වගඋත්තරකාර පාර්ශ්වයේ නීතිඥවරු අධිකරණයෙන් ඉල්ලා සිටියහ.

ඒ අනුව, අදාළ විරෝධතා ඉදිරිපත් කිරීම සඳහා කල් ලබාදුන් විනිසුරුවරයා නඩුව නැවත ජුනි මස 27 වනදා කැඳවන ලෙස නියෝග කලේය.

අමාත්‍යවරුන් වූ ලසන්ත අලගියවන්න, මහින්ද අමරවීර සහ දුමින්ද දිසානායක විසින් මෙම නඩුව ගොනු කර තිබුණි.

Continue Reading

පුවත්

තාඹුගලට ඇප

Published

on

By

රක්ෂිත බන්ධනාගාරගතව සිටි අවුරා ලංකා සමාගමේ සභාපති විරංජිත් තාබුගල ඇප මත මුදාහැර තිබේ.

හෙලිකොප්ටරයක් ලබා ගැනීම සඳහා මුදල් ලබාගෙන රුපියල් මිලියන 70 වංචා කළේය යන්න මත ඔහුව රක්ෂිත බන්ධනාගාරගත කර තිබුණි.

කොළඹ අතිරේක මහේස්ත්‍රාත් පවිත්‍රා සංජීවනි පතිරාජ මහත්මිය අද(27) නියෝග කර ඇත්තේ සැකකරු ඇප මත මුදාහරින ලෙසයි.

සබැඳි පුවත්:

https://sinhala.srilankamirror.com/news/%E0%B6%85%E0%B7%80%E0%B7%94%E0%B6%BB%E0%B7%8F-%E0%B6%BD%E0%B6%82%E0%B6%9A%E0%B7%8F-%E0%B7%83%E0%B6%B7%E0%B7%8F%E0%B6%B4%E0%B6%AD%E0%B7%92-%E0%B6%BB%E0%B7%92%E0%B6%B8%E0%B7%8F%E0%B6%B1%E0%B7%8A/

Continue Reading
Advertisement

Trending

Copyright © 2023 Sri Lanka Mirror. All Rights Reserved