පුවත්

පේරාදෙණියේ සිසුන් 4 කගේ ශිෂ්‍යභාවය අත්හිටුවයි

Published

on

පේරාදෙණිය විශ්වවිද්‍යාලයේ විද්‍යා පීඨයේ ජ්‍යෙෂ්ඨ සිසුන් සිව්දෙනකුගේ ශිෂ්‍යභාවය අත්හිටුවීමට පේරාදෙණිය විශ්වවිද්‍යාලයේ උපකුලපති මහාචාර්ය ටෙරන්ස් මදුජිත් මහතා පියවර ගෙන තිබේ.

පසුගිය 12 වැනිදා රාත්‍රියේ පළමු වසරේ සිසුන් දෙදෙනකුට ඔවුන් නවාතැන් ගෙන සිටි අක්බාර් නේවාසිකාගාරයට ඇතුළු වී බරපතළ ලෙස පහරදුන් බව කියන සිද්ධියක් මුල් කරගනිමින් මෙම තීරණය ගෙන ඇති බවයි වාර්තා වේ.

පහර කෑමෙන් තුවාල ලත් සිසුන් දෙදෙනා පේරාදෙණිය ශික්ෂණ රෝහලට ඇතුළත් කිරීමෙන් පසු බරපතළ තත්ත්වයෙන් පසු වූ එක් සිසුවකු වැඩිදුර ප්‍රතිකාර සඳහා මහනුවර ජාතික රෝහලට ඇතුළත් කර ඇති බව සඳහන්ය.

ඔහුගේ එක් කණකට බරපතළ හානි සිදුව තිබෙන බව වාර්තා වේ.

පහරකෑමට ලක් වූ සිසුන්ගෙන් ලබාගත් තොරතුරු ඔස්සේ පහර දුන් සිසුන් සිව්දෙනා විද්‍යා පීඨයේ තෙවන හා සිව්වන වසරවල අධ්‍යාපනය ලබන බව සිසුන් බවට හඳුනාගෙන තිබේ.

මෙම සිසුන් හතර දෙනාට එරෙහිව විශ්වවිද්‍යාලයේ විනය පාලක අංශය මගින් විනය පරීක්ෂණයක් පවත්වා තීරණයක් ලබාදෙන තෙක් ඔවුන්ගේ ශිෂ්‍යභාවය තාවකාලිකව අහෝසි කර ඇති බව වැඩිදුරටත් සඳහන්ය.

සිදුවීම සම්බන්ධයෙන් පේරාදෙණිය පොලිසිය මඟින්ද විශේෂ පරීක්ෂණයක් ආරම්භ කර තිබේ.

Trending

Exit mobile version