Connect with us

පුවත්

පොහොට්ටු ජාතික සංවිධායක ධූරය ධම්මිකට !

Published

on

ශ්‍රී ලංකා පොදුජන පෙරමුණේ (පොහොට්ටුවේ) ජාතික සංවිධායක ධූරය ප්‍රකට ව්‍යාපාරික ධම්මික ‌පෙරේරා මහතාට ලබාදෙන්නයි එහි ක්‍රියාකාරීන් පිරිසක් ඉල්ලා ඇති බව වාර්තා වේ.

ඔවුන් පෙන්වා දී ඇත්තේ බැසිල් රාජපක්ෂ මහතාගෙන් හිස්වූ මන්ත්‍රී පුටුව සඳහා ද මීට පෙර නම් කෙරුණේ ඒ මහතා බැවින් ඒ සඳහා සුදුසුම අය ඔහු බවයි.

එසේම ඔහුගේ ඩීපී එඩියුකේෂන් මේ වන විට ගම් මට්ටමින් හොඳ ප්‍රගතියක් ලබා ඇති බවත්, ඔහු මේවන විට ගම තුළද ප්‍රසිද්ධ අයෙක් බවත්, ඔවුන් පෙන්වා දී ඇත.

පොහොට්ටුවේ ඡන්ද මෙෂිම ලෙස පක්ෂය තුළ විරුදාවලිය ලබා සිටින බැසිල් රාජපක්ෂ මහතාගේ සහය ලබා ගැනීමට හැකි අයකු ජාතික සංවිධායක ධූරයට පත් කිරීම ඉදිරි මැතිවරණ ජය ගැනීමට වඩාත් වාසිදායක වන බවද ඔවුන් පෙන්වා දී ඇත.

මේ අතර, අරුණ පුවත්පත වාර්තා කර ඇත්තේ ඉදිරියේ පැවැත්වීමට නියමිත ජනාධිපතිවරණයට ඉදිරිපත් කරන අපේක්ෂකයාට ජාතික සංවිධායක ධූරය ලබාදීමට ශ්‍රී ලංකා පොදුජන පෙරමුණ තීරණය කර ඇති බවයි.

ශ්‍රී ලංකා පොදුජන පෙරමුණේ නව නිලධාරි මණ්ඩලය පත්කිරීම සඳහා පක්ෂයේ විධායක සභාව හිටපු ජනාධිපති මහින්ද රාජපක්ෂ මහතාගේ නිවසේදී සෙනසුරාදා (16) රැස්වූහ.

පක්ෂ නායකයා ලෙස හිටපු ජනාධිපති මහින්ද රාජපක්ෂ මහතා පත්කෙරුණේ ශ්‍රී ලංකා පොදුජන පෙරමුණේ සම්මේලනයේදීය. 

පක්ෂයේ මහ ලේකම් ලෙස පාර්ලිමේන්තු මන්ත්‍රි නීතිඥ සාගර කාරියවසම් මහතා යළි පත් කෙරුණි. 

පක්ෂයේ භාණ්ඩාගාරික තනතුර හිමිවූයේ ඇමැතිනී පවිත්‍රා වන්නිආරච්චිටය මහත්මියටය. 

පක්ෂයේ සභාපති ධුරයට යළිත් උතුරාවල ධම්මරතන හිමියෝ පත්වූහ.

පක්ෂයේ දේශපාලන මණ්ඩලයට සාමාජිකයන් 25 දෙනකු පත්කළ අතර එහි පළාත් පාලන ආයතන පස්දෙනකුද පත්කිරීමට නියමිතය. 

නියෝජ්‍ය ජාතික සංවිධායක ධුර දෙකක්ද අලුතෙන් යෝජනා වූ අතර ඒ සඳහා ද්‍රවිඩ හා මුස්ලිම් ජාතිකයන් පත්කර ගැනීමට සැලසුම් කර තිබේ.

පක්ෂයේ නිර්මාතෘ බැසිල් රාජපක්ෂ මහතාට මෙහිදී කිසිදු තනතුරක් ලබා නොදීමද විශේෂත්වයකි. 

ඔහුට එහිදී හිමිවූයේ දේශපාලන මණ්ඩල සාමාජිකත්වය පමණි. 

‘‘බැසිල් රාජපක්ෂ මහත්තයා ඉවත් වුණේ නැහැ. ඉදිරියට දේශපාලන වැඩවලට එකතු වෙනවා’’. තනතුරුවලට පත්කිරීමෙන් පසු මාධ්‍යයට අදහස් දක්වමින් පාර්ලිමේන්තු මන්ත්‍රි නාමල් රාජපක්ෂ මහතා පවසා තිබිණි.

කෙසේ වෙතත් ශ්‍රී ලංකා පොදුජන පෙරමුණේ ජනාධිපති ධුර අපේක්ෂකයන් ලෙස හිටපු ඇමැති බැසිල් රාජපක්ෂ, පර්ලිමේන්තු මන්ත්‍රිවරු වන නාමල් රාජපක්ෂ හා ධම්මික පෙරේරා ඉදිරිපත් වීමේ අපේක්ෂාවෙන් සිටින බව දේශපාලන ආරංචි මාර්ග සඳහන් කරයි.

පුවත්

ග්‍රාමීය සංවර්ධනයට රජයෙන් බිලියන 20 ක්

Published

on

By

ග්‍රාමීය ජනතාවට අවශ්‍ය පහසුකම් සැලසීමට මෙන්ම අඩු ආදායම්ලාභී පවුල්වල ජීවන තත්ත්වයන් නංවාලීමේ ව්‍යාපෘති රැසක් ඉදිරි මාස කිහිපය තුළ ක්‍රියාත්මක කිරීමට රජය සැලසුම් කර ඇත.

කෘෂිකර්ම හා වැවිලි කර්මාන්ත අමාත්‍ය මහින්ද අමරවීර මහතා පවසන්නේ, එම වැඩ කටයුතු සඳහා රජය විසින් රුපියල් බිලියන 20.6ක මුදලක් වැය කිරීමට පියවර ගන්නා බවට ජනාධිපති රනිල් වික්‍රමසිංහ මහතා අමාත්‍ය මණ්ඩලය දැනුම්වත් කළ බවය.

මේ හේතුවෙන්, හැකි තරම් නව කෘෂිකාර්මික ව්‍යාපෘති සකසන්නැයි අමාත්‍යවරයා විසින්  නිලධාරීන්ට උපදෙස් ලබා දී තිබේ.

එම කෘෂිකාර්මික ව්‍යාපෘති ගම්මානවල ගොවි ජනතාවගේ ආදායම් තත්ත්වයන් ඉහළ නැංවීම, ඔවුන්ගේ යටිතලපහසුකම් සංවර්ධනය සහ නව කෘෂි තාක්ෂණය ඉලක්ක කර ගනිමින් සකසන ලෙසද මෙහිදී මහින්ද අමරවීර අමාත්‍යවරයා උපදෙස් දී ඇති බව සඳහන්ය.

කෘෂිකර්ම හා වැවිලි කර්මාන්ත අමාත්‍යාංශයේදී පැවති සාකච්ඡාවක් අමතමින් අමාත්‍යවරයා මෙම උපදෙස් ලබා දී ඇත.

Continue Reading

පුවත්

“ආර්ථික පරිවර්තන පනත ඉතා භයානකයි”

Published

on

By

ආණ්ඩුව පාර්ලිමේන්තුවට ඉදිරිපත් කර ඇති ආර්ථික පරිවර්තන පනත ඉතා භයානක ප්‍රතිඵල ගෙන දෙන පනතක් යයි පාර්ලිමේන්තු මන්ත්‍රී මහාචාර්ය ජී.එල් පීරිස් මහතා කොළඹ අද (27) පැවති මාධ්‍ය හමුවකදී පැවසීය.

මේ වන විට පවතින්නේ ජනවරමක් රහිත පාර්ලිමේන්තුවක් බැවින් එමගින් මෙවැනි පනතක් සම්මත කර ගැනීම ඉතා භයානක බවද මහාචාර්යවරයා කීය. 

මන්ත්‍රීවරයා වැඩිදුරටත් කියා සිටියේ රජය ලාභ ලබන ආයතන ලහි ලහියේ විකුණා දැමීමට අවශ්‍යය පිඹුරුපත් කඩිනමින් සකස් කරන බව දැනගන්නට ලැබී ඇති බවය

ජනතා ගැටලු විසඳීම සඳහා අභිනව පාර්ලිමේන්තුවක අවශ්‍යතාවය  වර්තමාන සමාජය තුළින් පිළිබිඹු වන බව කී ඒ මහතා තරුණ පරපුර ඇමතීම සියලු පක්ෂ නායකයින්ගේ යුතුකම බවත් අනාගතයේ ජීවනාලිය  ඔවුන් බවඅමතක නොකළ යුතු යයිද සඳහන් කළේය

වත්මන් ආණ්ඩුව  මැතිවරණවලට දක්වන බිය සුළු බව හේතුවෙන් මුදල් නොමැති යැයි පවසා මැතිවරණ කල් දැමීමට අර  අඳිමින් සිටින බව පැවසූ මහාචාර්යවරයා ඒ සඳහා නොයෙකුත් උපක්‍රම යොදමින් සිටින බවද පැවසීය

පළමුව පැවැත්වෙන්නේ පාර්ලිමේන්තු මැතිවරණයද ජනාධිපතිවරණයද යන්න ගැන ජනතාව කිසියම් කුතුහලයකින් පෙළෙන බව පැවසූ මන්ත්‍රීවරයා ආණ්ඩුක්‍රම ව්‍යවස්ථාවට අනුව ජනාධිපතිවරණය අනිවාර්යයෙන්ම පැවැත්විය යුතු බව සඳහන් කළේය

Continue Reading

පුවත්

මුදවාගැනීමේ මෙහෙයුමකට මන්ත්‍රීවරු 3ක් තායිලන්තයට

Published

on

By

විපක්ෂයේ මන්ත්‍රීවරුන් තිදෙනෙක් අද (27) අලුයම තායිලන්තය බලා පිටත්ව ගියහ.

ඒ, මියන්මාරයේ සයිබර් අපරාධ කලාපයේ ත්‍රස්ත ග්‍රහණයේ සිටින ශ්‍රී ලාංකිකයින් සහ රුසියානු – යුක්‍රේන යුද්ධයට මැදිවී රුසියාවේ සිටින ශ්‍රී ලාංකික රණවිරුවන් බේරාගෙන යළි ශ්‍රී ලංකාව වෙත රැගෙන ඒමේ රාජ්‍යතාන්ත්‍රික මෙහෙයුම සඳහා එම රටවල රාජ්‍යතාන්ත්‍රික නිලධාරීන් සහ තෙවන පාර්ශ්වයන් සමග සාකච්ඡා කර වැඩපිළිවෙළක් සකස් කිරීම සඳහාය.

මෙම විපක්ෂ මන්ත්‍රී කණ්ඩායමට නීතීඥ වසන්ත යාපා බණ්ඩාර, ජේ.සී. අලවතුවල සහ සුජිත් සංජය පෙරේරා යන මන්ත්‍රීවරුන් ඇතුළත් වේ.

ඔවුන් මියන්මාරයේ සහ රුසියාවේ දින 05 බැගින් ගත කරමින් මෙම මෙහෙයුම දියත් කිරීමට නියමිතය.

මන්ත්‍රීවරුන් පිරිස ත්‍රෛනිකායික මහනාහිමිවරුන්ගේ සහ විපක්ෂ නායකවරයාගේ ඉල්ලීම් රැගත් ලිපි, මියන්මාරය සහ රුසියාව බලා පිටත්ව ගොස් තායිලන්තයේ සහ මියන්මාරයේ සංඝනායක හිමිවරුන් සහ රුසියාවේ රාජ්‍යතාන්ත්‍රික නිලධාරීන් හමුවී භාරදීමට ද නියමිත බවට වාර්තා වේ.

පිරිස අද අලුයම 01.10ට පමණ ශ්‍රී ලන්කන් ගුවන් සේවයේ UL – 402 දරන ගුවන්යානයෙන් තායිලන්තයේ බැංකොක් නුවර බලා පිටත්ව ගොස් ඇත.

Continue Reading
Advertisement

Trending

Copyright © 2023 Sri Lanka Mirror. All Rights Reserved