Connect with us

පුවත්

පොහොට්ටු මන්ත්‍රී විරෝධයට බයේ යාපා මාලිමාවේ විදුහල්පතිවරු සේවයෙන් දොට්ට දාලා

Published

on

වයඹ පළාත් සභාව මගින් නැවත සේවයේ පිහිටුවා සිටි පළාත් පාලන මැතිවරණයට ජාතික ජනබලවේගය පක්ෂයෙන් අපේක්ෂකයන් ලෙස ඉදිරිපත්වූ විදුහල්පතිවරුන් දෙදෙනකුගේ සේවය වයඹ පළාත් ආණ්ඩුකාර ලක්ෂ්මන් යාපා අබේවර්ධන මහතා විසින් අත්හිටුවා ඇතැයි වාර්තා වේ.

ඒ ශ්‍රී ලංකා පොදුජන පෙරමුණට (පොහොට්ටුවට) සම්බන්ධ දේශපාලනඥයන්ගෙන් දැඩි විරෝධය හේතුවෙන් බව පැවසේ.

එසේම, එම පත්වීම් ලබාදුන් වයඹ ප්‍රධාන ලේකම්වරයා ද එම තනතුරෙන් ඉවත් කිරීමේ සූදානමක් පවතින බවද මේ අතර වාර්තා වේ.

පසුගිය 22 වැනිදා පැවැති කුරුණෑගල දිස්ත්‍රික් විශේෂ සම්බන්ධීකරණ කමිටු රැස්වීමේදී මේ බව හෙළිව තිබේ.

නිවාස හා ඉදිකිරීම් ඇමැති ප්‍රසන්න රණතුංග, කුරුණෑගල දිස්ත්‍රික් සම්බන්ධීකරණ කමිටුවේ සම සභාපතිවරුන් වන වයඹ පළාත් ආණ්ඩුකාර ලක්ෂ්මන් යාපා අබේවර්ධන සහ කුරුණෑගල දිස්ත්‍රික් පාර්ලිමේන්තු මන්ත්‍රී සමන්ප්‍රිය හේරත්ගේ ප්‍රධානත්වයෙන් මෙම විශේෂ කමිටු රැස්වීම කුරුණෑගල දිස්ත්‍රික් ලේකම් කාර්යාලයීය ශ්‍රවණාගාරයේදී පවත්වා තිබේ.

එහිදී මාලිමාවේ විදුහල්පතිවරු මෙන්ම අනෙකුත් අපේක්ෂකයන්ද ඉතා ඉක්මණින් යළි සේවයේ පිහිටුවිය යුතු බවට ශ්‍රී ලංකා පොදුජන පෙරමුණේ මන්ත්‍රීවරුන් දැඩිව අවධාරණය කර ඇත.

මෙහිදී වයඹ පළාත් සභාවේ ප්‍රධාන ලේකම් රංජිත් ආරියරත්න සහ වයඹ පළාත් අධ්‍යාපන අමාත්‍යාංශයේ ලේකම් නයනා කාරියවසම් දැඩි විවේචනයට ලක්ව ඇති බව පැවසේ.

එහිදී එම උසස් නිලධාරීන් පවසා ඇත්තේ මෙය තමන්ගේ තනි මතයට ගත් තීරණයක් නොවන බවත් මධ්‍යම රජයේ අධ්‍යාපන අමාත්‍යාංශය විසින් එවන ලද නිර්දේශයක් ක්‍රියාත්මක කිරීමක් පමණක් බවත්ය. 

එබැවින් මෙහිදී තමන් කිසිදු වරදක් කර නැති බවද ඔවුන් පෙන්වා දී ඇත.

පළාත් සභාව යටතේ සේවය කරන රාජ්‍ය නිලධාරීන් සම්බන්ධයෙන් තීන්දු තීරණ ක්‍රියාත්මක කිරීමට අවශ්‍ය පූර්ණ බලතල ආණ්ඩුකාරවරයා ඇතුළු පළාත් සභාවේ උසස් නිලධාරීන් සතුවන බැවින් ප්‍රධාන ලේකම්වරයා සහ අධ්‍යාපන අමාත්‍යාංශයේ ලේකම්වරිය පවසන දේ පිළිගත නොහැකි බවට ප්‍රසන්න රණතුංග ඇමැතිවරයා විසින්ද චෝදනා කර ඇත.

‍මෙම චෝදනාවන්ට පිළිතුරු දෙමින් වයඹ පළාත් ආණ්ඩුකාර ලක්ෂ්මන් යාපා අබේවර්ධන ප්‍රකාශ කළේ උද්ගතව පවතින එම ගැටලුවට විසඳුමක් ලබා දීම සඳහා ජාතික ජනබලවේගය පක්ෂයට සම්බන්ධ බව කියන එම විදුහල්පතිවරුන් දෙදෙනාට ලබාදී තිබූ පත්වීම් අත්හිටුවීමට මේ වනවිට තමන් පියවර ගෙන ඇති බවයි.

පුවත්

මෙරට ප්‍රංශ තානාපති අභාවප්‍රාප්ත වෙයි

Published

on

By

ශ්‍රී ලංකාවේ ප්‍රංශ තානාපතිවරයා රාජගිරිය ප්‍රදේශයේ පිහිටි සිය නිල නිවස තුළදී මියගොස් ඇති බව පොලීසිය පවසයි.

Jean Francois Pactet මහතා මියයන විට 53 හැවිරිදි වියේ පසුවිය.

දේහය සම්බන්ධයෙන් ස්ථානීය මහෙස්ත්‍රාත් පරීක්ෂණය සිදුකිරීමට නියමිතව ඇත.

Continue Reading

කලා

ආනන්ද පෙරේරා දිවිගමනට සමුදෙයි!

Published

on

By

මෙරට ප්‍රවීණ සංගීතඥයෙකු හා ගායකයකු වූ ආනන්ද පෙරේරා මහතා අභාවප්‍රාප්ත වී තිබේ.

මියයන විට ඒ මහතා 67 හැවිරිදි වියේ පසුවිය.

මහනුවර ජාතික රෝහලේ ප්‍රතිකාර ලබමින් සිටියදී ඒ මහතා අභාවප්‍රාප්ත වී ඇත.

මෙරට අතිශය ජනප්‍රිය සංගීත කණ්ඩායමක් වූ සිහශක්ති සංගීත කණ්ඩායම මෙහෙයවනු ලැබුවේ ඔහු විසිනි.

Continue Reading

පුවත්

“රාජපක්ෂලා එක්ක ඩීල් නොදැම්මේ සජබ විතරයි”

Published

on

By

රට විනාශ කළ රාජපක්ෂවරුන් සමග ඩිල් නොදැමූ එකම පක්ෂය සමගි ජන බලවේගය පමණක් බව විපක්ෂ නායක සජිත් ප්‍රේමදාස පවසයි.

ඔහු මෙම අදහස් පල කළේ, සජිත් ජනපති කරන, ජන බලය ගොඩ නගන ජන පවුර යන මැයෙන් සමගි ජන බලවේගය සංවිධාන කළ ජන රැළියට පොළොන්නරුව – කදුරුවෙළ නගරයේදී ඊයේ (25) එක්වෙමිනි.

ශ්‍රී ලංකා නිදහස් පක්ෂයේ හිටපු නියෝජ්‍ය අමාත්‍යවරයෙකු වූ නන්දසේන හේරත්, ශ්‍රී ලංකා නිදහස් පක්ෂයේ හිටපු පාර්ලිමේන්තු මන්ත්‍රී තිලක් මහලේකම් සහ ජනතා විමුක්ති පෙරමුණේ පොළොන්නරුව මහ නගර සභාවේ හිටපු නාගරික මන්ත්‍රී සමන්ත බණ්ඩාර විපක්ෂ නායක සජිත්ප්‍රේමදාසට සහය පළ කරමින් මෙහිදී සමගි ජන බලවේගය සමග එක්විය.

පාර්ලිමේන්තු මන්ත්‍රීවරුන් ඇතුලු සමගි ජන බල වේගය නියෝජනය කරන විශාල පිරිසක් මෙම රැලිය සඳහා එක්ව සිටියහ.

Continue Reading
Advertisement

Trending

Copyright © 2023 Sri Lanka Mirror. All Rights Reserved