Connect with us

පුවත්

බද්දට දුන්නෙ අයි නාලිකාවේ ගුවන්කාලය – බන්දුල (වීඩියෝ)

Published

on

ලයිකා සමූහය වෙත බදු පදනම මත ලබාදී ඇත්තේ රූපවාහිනි සංස්ථාව සතුව ඇති අයි නාලිකාවේ ගුවන්කාලය බව ජනමාධ්‍ය ඇමති – බන්දුල ගුණවර්ධන මහතා පවසයි.

ඔහු මේ බව පවසා තිබුණේ ඊයේ (15) පැවති කැබිනට් මාධ්‍ය හමුවේදීය.

“ඉතාම අලාභ ලබන අයි නාලිකාවේ ගුවන්කාලය පමණක් කෙටිකාලීන ගිවිසුම් සම්බන්ධතාවයක් මත රූපවාහිනි සංස්ථාවේ අධ්‍යක්ෂක මණ්ඩලය විසින් තීරණය කරලා, මගෙත් අනුමැතිය ලබාගෙන කෙටි කාලයකට ගුවන් කාලය බද්දකට ලබාදීලා තියෙනවා විශාල බදු මුදලකට,” යැයි ඔහු කියා සිටියේය.

මසකට රු. මිලියන 25කට මෙම ගුවන් කාලය බදු දී ඇති බවත් ඔහු පැවසීය.

රූපවාහිනි පනත යටතේ අධ්‍යයක්ෂක මණ්ඩලයට වාණිජ කටයුතු සඳහා නීතිමය බලය ලැබී තිබෙන විටදී ඒ අනුව අධ්‍යක්ෂක මණ්ඩලයේ තීරණය අනුව කටයුතු කළ හැකි බවත් පැවසූ ඇමතිවරයා, මේ සඳහා කැබිනට් පත්‍රිකාවක් ගෙන ඒමට අවශ්‍ය නොවන බව කැබිනට් මණ්ඩලය පෙන්වා දුන් බවත් පැවසීය.

ඇමතිවරයා මේ පිළිබඳව වැඩිදුරටත් අදහස් දැක්වූයේ මෙසේය :

ක්‍රීඩා

යුපුන් ජර්මනියේදීත් එක වෙයි

Published

on

By

ජර්මනියේ පැවති Internationales Leichtathletik Meeting මලල ක්‍රීඩා ශුරතා තරගාවලියේදී පිරිමි මීටර 100 ධාවන ඉසව්වේ ප්‍රථම ස්ථානය දිනා ගැනීමට යුපුන් අබේකෝන් ඊයේ (24) සමත් විය.

ඔහු මෙම ඉසව්ව අවසන් කළේ තත්පර 10.16කිනි. 

යුපුන් මූලික වටයේදී තත්පර 10.15 දක්ෂතාවක් වාර්තා කරමින් ප්‍රථම ස්ථානය දිනා අවසන් තරගයට සුදුසුකම් ලැබූ අතර එම කාලය වාර්තා වුණේ යුපුන් මෙම කාලසීමාවේදී දැක් වූ හොඳම දක්ෂතාවය ලෙසය.

Continue Reading

පුවත්

තරුණයින් 2කගේ සිරුරු මල්වානේ කුඹුරක

Published

on

By

දොම්පේ  මල්වාන මායිවල ප්‍රදේශයේ කුඹුරක පාවෙමින් තිබූ මලසිරුරු දෙකක් හමුවූ බව දොම්පේ පොලිසිය පවසයි.

පොලිසි හදිසි ඇමතුම් අංකයට ලද තොරතුරක් මත පොලිස්  නිලධාරින් කණ්ඩායම් ගොස් සිදු කළ නිරීක්ෂණයේදී මෙම මල සිරුරු දෙක සොයා ගැනීමට හැකි වී ඇතග

මෙලෙස මියගොස් ඇත්තේ රම්බොඩ නාවලතැන්න ප්‍රදේශයේ පදිංචිකරුවන් වන අවුරුදු 19 සහ 29 වයස්වල තරුණයන් දෙදෙනෙකි.

සිද්ධි සම්බන්ධයෙන් දොම්පේ පොලිසිය වැඩිදුරටත් පරීක්ෂණ පවත්වයි.

Continue Reading

පුවත්

තරුණයෙක් ගුවන් පාලමකින් අධිවේගී මාර්ගයට පැනලා

Published

on

By

දක්ෂිණ අධිවේගී මාර්ගයේ අතුරුගිරිය සහ කොට්ටාව අතුරු මාර්ගයක පාලමේ සිට දක්ෂිණ අධිවේගී මාර්ගයට පැනීම නිසා ධාවනය වෙමින් තිබූ වාහනයක ගැටුණු තරුණයකු බරපතල තුවාල ලබා හෝමාගම මූලික රෝහලට ඇතුලත් කර ඇතැයි අතුරුගිරිය පොලිසිය පවසයි.

මෙම තරුණයා සිය දිවි නසා ගැනීමට මෙලෙස අධිවේගී මාර්ගයට පැන්නාද නැතහොත් වෙනත් පාර්ශවයක් විසින් පාලම මත සිට එම තරුණයා අධිවේගී මාර්ගයට තල්ලු කාළා ද යන්න පිළිබඳව පරීක්ෂණයක් ආරම්භ කළ බවද පොලිසිය පවසයි.

මෙලෙස අනතුරට ලක්ව ඇත්තේ අතුරුගිරිය වල්ගම සුව මාවත සිසිලස උද්‍යානයේ පදිංචිකරුවකු වන 24 හැවිරිදි තරුණයෙකි.

සිද්ධිය සම්බන්ධයෙන් අතුරුගිරිය පොලිසිය වැඩි දුරටත් පරීක්ෂණ පවත්වයි.

Continue Reading
Advertisement

Trending

Copyright © 2023 Sri Lanka Mirror. All Rights Reserved