Connect with us

පුවත්

බදු ගොඩ වැඩි වූ බව සුකෝ ගුණසිරි කියයි; පෙරන්නෝ අරක්කු හිඟයක් හදන්නයයි

Published

on

සුරාබදු දෙපාර්තමේන්තුව පසුගිය වර්ෂයේ පෙබරවාරි මාසයට සාපේක්ෂව මෙම වර්ෂයේ දී සුරාබදු ආදායම සියයට 38.5කින් වර්ධනය වී ඇති බව විශ්‍රාම ගොස් සිට නැවතත් එම තනතුරටම පත්වූ සුරාබදු කොමසාරිස් ජනරාල් එම්. ජේ. ගුණසිරි මහතා පවසයි.

මත්පැන්වල මිල වැඩිවීම හේතුවෙන් පසුගිය වසරේ ජනවාරි මාසයට සාපේක්ෂව මෙම වසරේ ජනවාරි මාසයේ දී මත්පැන් නිෂ්පාදනය ලීටර් 657,000ක් පමණ අඩුවී ඇති බවද සුරාබදු කොමසාරිස් ජනරාල්වරයා පෙන්වා දෙයි.

“මිල වැඩිවීම හරහා නිෂ්පාදනය සෑහෙන්න අඩුවෙලා තියෙනවා. 2023 වසරේ ජනවාරියේ නිෂ්පාදනය එක්ක ගත්තහම මේ අවුරුද්දේ ජනවාරියේ නිෂ්පාදනය ලීටර් 657,000ක් අඩුවෙන් තමා නිෂ්පාදනය වෙලා තියෙන්නේ. එහෙම තියෙද්දිත් අපිට පුළුවන් වුණා 2024 පෙබරවාරි මාසය එක්ක සංසන්දනය කළාම 38%ක ආදායමේ වර්ධනයක් ලබාගන්න පුළුවන් වුණා. මාර්තු මාසයේ දීත් අපි බලාපොරොත්තු වෙනවා 30%ක විතර වර්ධනයක්.”

එළඹෙන අවුරුදු සමයේ දී නීතිවිරෝධී මත්පැන් පිළිබඳව වැටලීම් සිදුකිරීමට සඳහා දිවයින පුරා විශේෂ කණ්ඩායම් ද යොදවා ඇති බව සුරාබදු කොමසාරිස් ජනරාල් එම්. ජේ. ගුණසිරි මහතා කියා සිටී.

මේ අතර, මත්පැන් නිෂ්පාදකයින් කියා සිටින්නේ මත්පැන් නිෂ්පාදනය අඩුවීම නිසා සිය ක්ෂේත්‍රය ප‍ාඩු ලබමින් තිබෙන බවයි.

බදු වැඩි කිරීම්වලට විරෝධය දැක්වීම සඳහා මත්පැන් නිෂ්පාදකයින් සතියක කාලයක් සිය නිෂ්පාදන නතර කිරීමට මේවන විට සාකච්ඡා කරමින් සිටින බව ප්‍රධාන මත්පැන් නිෂ්පාදකයකු ශ්‍රී ලංකා මිරර් සමඟ කියා සිටියේය.

කෙසේවුවද, මධ්‍යස්ථ මතධාරීන් කියා සිටින්නේ මත්පැන් බදු වැඩි නොකොට මේවන විට මත්පැන් නිෂ්පාදකයින් විසින් නොගෙවා ඇති හිඟ බදු අයකරගන්නේ නම් සුරාබදු දෙපාර්තමේන්තුවට විශාල ලාභයක් ලැබිය හැකි බවයි.

මීට පෙර සුරාබදු කොමසාරිස් ජනරාල් එම්.ජේ. ගුණසිරි මහතා කියා සිටියේ සුරාබදු මුදල් නොගෙවූ මත්පැන් නිෂ්පාදන සමාගම් 9ක් ඇති බවත්, එම සමාගම්වලින් රුපියල් කෝටි 720 ක් බදු වශයෙන් අයකරගත යුතුව ඇති බවයි.

කෙසේවුවද, එම මුදල් අයකරගෙන ඇත්තේද යන්න පිළිබඳව සුරාබදු කොමසාරිස්වරයා මෙතෙක් කිසිදු නිල ප්‍රකාශයක් කර නොමැත.

සබැඳි පුවත්
පැන්ෂන් ගිය සුකෝ ගුණසිරි යළි එතනම පැලකිරීම අරක්කුකාරයෙක්ගේ වැඩක්? 

පුවත්

මුදවාගැනීමේ මෙහෙයුමකට මන්ත්‍රීවරු 3ක් තායිලන්තයට

Published

on

By

විපක්ෂයේ මන්ත්‍රීවරුන් තිදෙනෙක් අද (27) අලුයම තායිලන්තය බලා පිටත්ව ගියහ.

ඒ, මියන්මාරයේ සයිබර් අපරාධ කලාපයේ ත්‍රස්ත ග්‍රහණයේ සිටින ශ්‍රී ලාංකිකයින් සහ රුසියානු – යුක්‍රේන යුද්ධයට මැදිවී රුසියාවේ සිටින ශ්‍රී ලාංකික රණවිරුවන් බේරාගෙන යළි ශ්‍රී ලංකාව වෙත රැගෙන ඒමේ රාජ්‍යතාන්ත්‍රික මෙහෙයුම සඳහා එම රටවල රාජ්‍යතාන්ත්‍රික නිලධාරීන් සහ තෙවන පාර්ශ්වයන් සමග සාකච්ඡා කර වැඩපිළිවෙළක් සකස් කිරීම සඳහාය.

මෙම විපක්ෂ මන්ත්‍රී කණ්ඩායමට නීතීඥ වසන්ත යාපා බණ්ඩාර, ජේ.සී. අලවතුවල සහ සුජිත් සංජය පෙරේරා යන මන්ත්‍රීවරුන් ඇතුළත් වේ.

ඔවුන් මියන්මාරයේ සහ රුසියාවේ දින 05 බැගින් ගත කරමින් මෙම මෙහෙයුම දියත් කිරීමට නියමිතය.

මන්ත්‍රීවරුන් පිරිස ත්‍රෛනිකායික මහනාහිමිවරුන්ගේ සහ විපක්ෂ නායකවරයාගේ ඉල්ලීම් රැගත් ලිපි, මියන්මාරය සහ රුසියාව බලා පිටත්ව ගොස් තායිලන්තයේ සහ මියන්මාරයේ සංඝනායක හිමිවරුන් සහ රුසියාවේ රාජ්‍යතාන්ත්‍රික නිලධාරීන් හමුවී භාරදීමට ද නියමිත බවට වාර්තා වේ.

පිරිස අද අලුයම 01.10ට පමණ ශ්‍රී ලන්කන් ගුවන් සේවයේ UL – 402 දරන ගුවන්යානයෙන් තායිලන්තයේ බැංකොක් නුවර බලා පිටත්ව ගොස් ඇත.

Continue Reading

පුවත්

විජයදාසට එරෙහි වාරණ නියෝගය දීර්ඝ කරයි

Published

on

By

ශ්‍රී ලංකා නිදහස් පක්ෂයේ වැඩබලන සභාපතිවරයා ලෙස විජයදාස රාජපක්ෂ මහතා කටයුතු කිරීම වළක්වාලමින් පනවා තිබෙන වාරණ නියෝගය ජුනි මස 27 වනදා දක්වා තවදුරටත් දීර්ඝ කරන ලෙස කොළඹ දිසා අධිකරණය විසින් නියෝග කරන ලදී.

මෙම නඩුව අද (27) කොළඹ දිසා විනිසුරු සඳුන් විතාන මහතා ඉදිරියේ කැඳවීම සිදුවිය.

දිසා විනිසුරු සඳුන් විතාන මහතා නියෝග කළේ, තමා මේ හා සමාන තවත් නඩුකරයක් විභාග කරන බැවින් මෙම නඩුව කොළඹ දිසා අධිකරණයේ අංක 07 අධිකරණ ශාලාවේ විනිසුරුවරයා වෙත යොමු කරන බවය.

ඉන් අනතුරුව කොළඹ දිසා අධිකරණයේ අංක 07 ශාලාවේ අතිරේක දිසා විනිසුරුවරයා ඉදිරියේ මෙම නඩුව කැඳවන ලදී.

එහිදී මෙම නඩුවට අදාළ විරෝධතා ගොනු කිරීම සඳහා කල් ලබාදෙන ලෙස වගඋත්තරකාර පාර්ශ්වයේ නීතිඥවරු අධිකරණයෙන් ඉල්ලා සිටියහ.

ඒ අනුව, අදාළ විරෝධතා ඉදිරිපත් කිරීම සඳහා කල් ලබාදුන් විනිසුරුවරයා නඩුව නැවත ජුනි මස 27 වනදා කැඳවන ලෙස නියෝග කලේය.

අමාත්‍යවරුන් වූ ලසන්ත අලගියවන්න, මහින්ද අමරවීර සහ දුමින්ද දිසානායක විසින් මෙම නඩුව ගොනු කර තිබුණි.

Continue Reading

පුවත්

තාඹුගලට ඇප

Published

on

By

රක්ෂිත බන්ධනාගාරගතව සිටි අවුරා ලංකා සමාගමේ සභාපති විරංජිත් තාබුගල ඇප මත මුදාහැර තිබේ.

හෙලිකොප්ටරයක් ලබා ගැනීම සඳහා මුදල් ලබාගෙන රුපියල් මිලියන 70 වංචා කළේය යන්න මත ඔහුව රක්ෂිත බන්ධනාගාරගත කර තිබුණි.

කොළඹ අතිරේක මහේස්ත්‍රාත් පවිත්‍රා සංජීවනි පතිරාජ මහත්මිය අද(27) නියෝග කර ඇත්තේ සැකකරු ඇප මත මුදාහරින ලෙසයි.

සබැඳි පුවත්:

https://sinhala.srilankamirror.com/news/%E0%B6%85%E0%B7%80%E0%B7%94%E0%B6%BB%E0%B7%8F-%E0%B6%BD%E0%B6%82%E0%B6%9A%E0%B7%8F-%E0%B7%83%E0%B6%B7%E0%B7%8F%E0%B6%B4%E0%B6%AD%E0%B7%92-%E0%B6%BB%E0%B7%92%E0%B6%B8%E0%B7%8F%E0%B6%B1%E0%B7%8A/

Continue Reading
Advertisement

Trending

Copyright © 2023 Sri Lanka Mirror. All Rights Reserved