Connect with us

පුවත්

බන්දුලගේ බස්එකත් පහුවදාම නැවතිලා; බස් ණයට ගත්තට දුවන්න ඩ්‍රයිවර්ලා නැහැ

Published

on

පොළොන්නරුවේ දුශ්කර ගම්මානවල සිටින දරුවන් ප්‍රවාහනය කිරීමට පොළොන්නරු ඩිපෝව වෙන් කරන ලද ලංගම බස් රථය නතර කර දමා ඇති බවට ප්‍රදේශවාසීහු චෝදනා කරති.

ප්‍රවාහන මහාමාර්ග හා  ජනමාධ්‍ය ඇමැති බන්දුල ගුණවර්ධන මහතා ඇතුළු මැති ඇමැතිවරුන්ගේ සහභාගිත්වයෙන් එම ගම්මානයේ ඉකුත් 09 වැනිදා පැවති උත්සවයකදී මෙම බස් රථය ලබා දුන්නද පසු දිනයේ සිටම එය නතර කර ඇතැයි පැවසේ.

මෙම බස් රථය වැලිකන්ද ගල්තලාව, රිදීපොකුණ, අලුත්වැව, ගිනිදමන, නෙළුම්වැව, බොරවැව යන දුෂ්කර ගම්මානවල පාසල් දරුවන් වෙනුවෙන් වෙන්කර තිබිණි.

ඉන්දීය රජයේ ණය පහසුකම් යටතේ ලබාදුන් බස් රථ පන්සියයෙන් බස් රථ දාසයක් පොළොන්නරු ඩිපෝවට ලබාදීමෙන් පසු ඉන් එක් බස් රථයක් වැලිකන්ද, අලුත්වැව ප්‍රදේශයේ ගම්මාන හතක දරුවන් පොළොන්නරුවේ ප්‍රධාන පාසල් සඳහා ප්‍රවාහනය කිරීමට ලබාදී තිබිණි.

ඉකුත් 10 වැනිදා පමණක් තම ගම්මාන හතේ දරුවන් එම බස් රථයෙන් පාසල් සඳහා ප්‍රවාහනය කළද එම බස් රථයෙන් ආපසු දරුවන් නිවසට රැගෙන නොආ බවත්, වෙනත් බස්රථවලින් ඒමට සිදුවූ බවත් දෙමව්පියෝ සඳහන් කරති.

මේ අතර, පොළොන්නරුව ලංගම ඩිපෝ අධිකාරි ඩී.ඒ. ප්‍රේමසිරි මහතා මාධ්‍යට පවසා ඇත්තේ එය එතරම් විශාල ප්‍රශ්නයක් නොවන බවත්, සේවක හිඟය හේතුවෙන් අදාළ බස් රථය ධාවනය කිරීමට නොහැකි බවත්, ඉදිරියේදී නැවත එම බස් රථය ලබාදෙන බවත්ය.

බස්රථ දාසයක් ලැබුණද රියැදුරන් අටදෙනෙකු නොමැති වීම නිසා එම බස්රථ 16න් අටක්ම ඩිපෝවේ ගාල්කර තැබීමට සිදු වී ඇතැයි  පාසල් බස් රථය ලබාදීමේ උත්සවයට පැමිණි පොළොන්නරු ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රි ජගත් සමරවික්‍රමගෙන් මහතා මාධ්‍යට පවසා ඇත.

මූලාශ්‍රය – අරුණ

පුවත්

බොරු මැණික් විකිණීමට ගිය 6ක්  අත්අඩංගුවට

Published

on

By

නිධානයකින් ලබාගත් ලද බවට පවසමින් ව්‍යාජ මැණික්ගල් පෙන්වා මුදල් වංචා කිරීමට තැත්කළ කාන්තාවක් ඇතුළු සැකකරුවන් 06 දෙනෙකු අත්අඩංගුවට ගෙන තිබේ.

ඊයේ (25) දහවල් කාලයේදී කටුගස්තොට පොලීසියට ලද තොරතුරක් මත කටුගස්තොට නගරයේදී එම සැකකරුවන් අත්අඩංගුවට ගෙන ඇත.

අත්අඩංගුවට ගත් සැකකරුවන් අවුරුදු 35 හා 51 අතර වයස්වල පසුවන හෙයියන්තුඩුව, ගාල්ල, හිනිදුම සහ ඇතුල්කෝට්ටේ ප්‍රදේශවල පදිංචිකරුවන් වන අතර සැකකාරිය හබරකඩ ප්‍රදේශයේ පදිංචි 35 හැවිරිදි කාන්තාවකි.

මෙම සැකකරුවන් ව්‍යාජ මැණික්ගල් තැරැවුකරුවන් මාර්ගයෙන් ගැණුම්කරුවෙකු සම්බන්ධකර විකිණීම සඳහා ගාල්ල, නෙළුව ප්‍රදේශයේ සිට කටුගස්තොට ප්‍රදේශයට පැමිණ ඇත.

තරැවුකරුවන් විසින් මෙම මැණික්ගල් ව්‍යාජ මැණික්ගල් බවට අනාවරණය කරගෙන ඒ සම්බන්ධයෙන් කටුගස්තොට පොලීසිය දැනුම්වත් කිරීමෙන් පසු සැකකරුවන් අත්අඩංගුවට ගෙන තිබේ.

සැකකරුවන් හා සැකකාරිය ඊයේ (25) මහනුවර මහෙස්ත්‍රාත් අධිකරණය වෙත ඉදිරිපත් කිරීමෙන් පසු හෙට (27) දක්වා රක්ෂිත බන්ධනාගාර ගත කර ඇති අතර කටුගස්තොට පොලීසිය වැඩිදුර විමර්ශන සිදුකරයි.

Continue Reading

පුවත්

තද සුළං ගැන අනතුරු ඇඟවීමක්

Published

on

By

කාලගුණවිද්‍යා දෙපාර්තමේන්තුව විසින් තද සුළං පිළිබඳ අවවාදාත්මක නිවේදනයක් නිකුත් කර තිබේ.

අද (26) පෙ.ව 10.30ට නිකුත් කරන ලද එම නිවේදනය හෙට (27) පෙ.ව 10.30 තෙක් වලංගුවන බව කාලගුණ විද්‍යා දෙපාර්තමේන්තුව සඳහන් කරයි.

මධ්‍යම කඳුකරයේ බටහිර බෑවුම් ප්‍රදේශවල සහ උතුරු මැද, දකුණු, වයඹ පළාත් සහ ත්‍රිකුණාමලය දිස්ත්‍රික්කය සඳහා මෙම නිවේදනය වලංගුවන බව කාලගුණවිද්‍යා දෙපාර්තමේන්තුව පවසයි.

දිවයින හරහා නිරිතදිග මෝසම් සුළං ප්‍රවාහයේ වැඩිවීම හේතුවෙන්, මධ්‍යම කඳුකරයේ බටහිර බෑවුම් ප්‍රදේශවල සහ උතුරු, උතුරු මැද, බස්නාහිර, දකුණු සහ වයඹ පළාත්වලත් ත්‍රිකුණාමලය දිස්ත්‍රික්කයේත් විටින් විට හමන පැ.කි.මී. 50-60ක පමණ තද සුළං ඇතිවිය හැකිය.

දිවයිනේ සෙසු ප්‍රදේශවල විටින් විට හමන පැ.කි.මී 30-40 පමණ තරමක තද සුළං ඇතිවිය හැකි බව කාලගුණ විද්‍යා දෙපාර්මේන්තුව වැඩිදුරටත් නිවේදනය කරයි.

Continue Reading

පුවත්

“ලංකාවේ ලොකුම සන්ධානය අපි හදනවා”

Published

on

By

ඉදිරි මැතිවරණ ඉලක්ක කරමින් ශ්‍රී ලංකාවේ ලොකුම හා ශක්තිමත්ම සන්ධානය ශ්‍රී ලංකා නිදහස් පක්ෂය ප්‍රමුඛ කරගනිමින් ආරම්භ කරන බව කෘෂිකර්ම හා වැවිලි කර්මාන්ත අමාත්‍ය මහින්ද අමරවීර මහතා පවසයි.

පාර්ලිමේන්තුව නියෝජනය කරන පක්ෂ ගණනාවක් මෙන්ම පාර්ලිමේන්තුව නියෝජනය නොකරන පක්ෂ ගණනාවක් දැනටමත් තම සන්ධානයට සහයෝගය පළ කර ඇති බව අමාත්‍යවරයා සඳහන් කරන්නේය.

එමෙන්ම විවිධ පක්ෂ නියෝජනය කරන පාර්ලිමේන්තු මන්ත්‍රීවරු රැසක් අම්බලන්තොට රැලියට ජුනි 8 වැනිදා සහභාගී වීමට නියමිතව ඇතැයි අමාත්‍ය මහින්ද අමරවීර මහතා පැවසීය.

Continue Reading
Advertisement

Trending

Copyright © 2023 Sri Lanka Mirror. All Rights Reserved