Connect with us

පුවත්

බලය බෙදන්න කැමති ලිබරල් පක්ෂය ලන්සා අතට ගනියි

Published

on

මේ වනවිට පාර්ලිමේන්තුවේ ස්වාධීන මන්ත්‍රී කණ්ඩායමක් ලෙස ක්‍රියා කරන මන්ත්‍රී නිමල් ලන්සා කණ්ඩායමේ ඉදිරි දේශපාලන කටයුතු සඳහා ලිබරල් පක්ෂය හෙවත් ලිබරල් ප්‍රජාතන්ත්‍රවාද පක්ෂය අත්පත් කරගෙන ඇතැයි වාර්තා වේ.

ලිබරල් පක්ෂය එක්සත් ජාතික පක්ෂයේ දිගුකාලීන සාමාජිකයකු වූ ආචාර්ය චානක අමරතුංග මහතා විසින් මෙයට දශක හතරකට (1981) පමණ පෙර  පිහිටුවන ලද්දකි.

පාර්ලිමේන්තු මැතිවරණය වසර හයකට කල් දැමූ 1982 ජනමත විචාරණය මත 1982 දී ලිබරල් පක්ෂය එජාපයෙන් කැඩී ගියේය.

ශ්‍රී ලංකාවේ ලිබරල් චින්තනය ප්‍රවර්ධනය කිරීමට වසර හතරක උත්සාහයකින් පසුව, විශේෂයෙන්ම බලය බෙදීම සහ කේන්ද්‍රයේ බලය අඩු කිරීම ප්‍රවර්ධනය කරන ව්‍යවස්ථාමය ප්‍රතිසංස්කරණ සම්බන්ධයෙන්, ආචාර්ය අමරතුංග සහ ඔහු වටාසිටි පිරිස දේශපාලන පක්ෂයක් ලෙස 1987 දී ලියාපදංචි කරන ලදී.

වසර 1996 දී අමරතුංග මහතා රිය අනතුරකින් ජීවිතක්ෂයට පත්වීමෙන් පසුව ලිබරල් පක්ෂයේ කැපී පෙනුන දේශපාලන නායකයා ලෙස පසුගිය කාලයේ කටයුතු කළේ මහාචාර්ය රජීව විජේසිංහ මහතාය.

2022 වසරේදී ලිබරල් පක්ෂය ලිබරල් ප්‍රජාතන්ත්‍රවාදී පක්ෂය ලෙස නම වෙනස් කර තිබේ.

ඒ එම වසරේ ජූලි මාසයේ පවත්වන ලද පළමු සම්මේලනයත් සමඟය.

කමල් නිශ්ශංක පක්ෂයේ වත්මන් නායකයා වන අතර අමල් රන්දෙණිය වත්මන් මහලේකම් වේ.

ලන්සා කණ්ඩායම ලිබරල් පක්ෂය සමඟ සම්බන්ධවීමෙන් පසු ඉදිරියේදී ඊට නව නිලධාරී මණ්ඩලයක් පත්කොට මැතිවරණ කොමසාරිස් කාර්යාලයට භාරදීමට නියමිතය.

අනතුරුව ලන්සා කණ්ඩායමේ ඉදිරි දේශපාලන කටයුතු ලිබරල් පක්ෂය නමින් පවත්වාගෙන යනු ඇතැයි වාර්තා වේ.

මේ අතර, ලංසා පාර්ශ්වය බිහි කළ නව සන්ධානයේ ‌මෙහෙයුම් කටයුතු සිදුකරගෙන යාමේ නායකත්වය සඳහා පාර්ලිමේන්තු මන්ත්‍රී අනුර ප්‍රියදර්ශන යාපා මහතා පත්කර ඇති බව වාර්තා වේ.

එහි සෙුස ක්‍රියාකාරීන් ලෙස අමාත්‍ය සුසිල් ප්‍රේමජයන්ත මහතා, අමාත්‍ය නලින් ප්‍රනාන්දු (පස් නලින්) හා පියංකර ජයරත්න යන අය කටයුතු කරන බව පැවසේ.

මේ අතර මෙම කණ්ඩායම සිය පළමු දේශපාලන රුලිය 2024 ජනවාරියේදී හැකිතාක් දැවැන්ත ලෙස සිදුකිරීමට සැලසුම් කරමින් සිටින බව කියැවේ.

සබැඳි පුවත්
ලංසා – ‌මෛත්‍රී එක්කත් රහස් කතාවක; මෛත්‍රීත් ජනපති සටනට සූදානම් 

ලන්සාට පහර දෙන්න ගිහින් චමින්ද මැතිසබෙන් දොට්ට

ලංසාගේ කරවල ‌සෙට් එක එක්ස්ප්‍රස් පර්ල් වන්දි ඉල්ලන්න ගිහින්! 

ලංසා නායකත්වය දෙන මංගල රැලිය ජාඇල

බැසිල්, රනිල් හමුවෙලා, කතා කළේ ලංසා ගැනයි

පුවත්

ජ්‍යෙෂ්ඨ පුරවැසි ගිණුම් සමාලෝචන කමිටු වාර්තාව ජනපති වෙත

Published

on

By

ජ්‍යෙෂ්ඨ පුරවැසි ගිණුම්වල පොළිය ඉහළ නැංවීම පිළිබඳ සොයා බැලීමේ කමිටු වාර්තාව ලබන සතියේ ජනාධිපතිවරයා වෙත භාරදෙන බව මුදල් රාජ්‍ය අමාත්‍ය රංජිත් සියඹලාපිටිය මහතා පවසයි.

අමාත්‍යවරයා ඒ බව සඳහන් කළේ, අදාළ කමිටුව මුදල් අමාත්‍යාංශයේදී රැස්වූ අවස්ථාවේදී ය.

වයස අවුරුදු 60 ට වැඩි පුද්ගලයින්ට අයත් බැංකු ගිණුම් සංඛ්‍යාව, මිලියන 1.1 කි.

මුදල් අමාත්‍යාංශය නිවේදනය කළේ, එක් අයෙකු බැංකු ගිණුම් කිහිපයක් පවත්වාගෙන යාම, වෙනත් පාර්ශ්වයන්ගේ මුදල් එම ගිණුම්වල තැන්පත් කිරීම ආදිය සම්බන්ධයෙන් ද එහිදී සොයා බලන බවයි.

මේ අතර, සමෘද්ධි නිලධාරීන්, ග්‍රාම නිලධාරීන් සහ රජයේ විධායක නිලධාරීන්ගේ වැටුප් සහ දීමනා ඉහළ නැංවීමට අදාළ යෝජනා කිහිපයක් සම්බන්ධයෙන් ද එහිදී සාකච්ඡා කර තිබේ.

Continue Reading

පුවත්

ජගත් ජල සමුළුවේ ප්‍රධාන දේශනය වෙනුවෙන් හිටපු ජනපතිනිය ඉන්දුනීසියාවට

Published

on

By

ජනාධිපති රනිල් වික්‍රමසිංහ මහතා අද (18) සිට ලබන 20 වැනිදා දක්වා ඉන්දුනීසියාවේ සංචාරයක නිරත වෙයි.

ඒ, ඉන්දුනීසියාවේ බාලි නුවරදී පැවැත්වෙන ජගත් ජල සමුළුවට සහභාගී වීම සඳහාය.

මේ අතර, හිටපු ජනාධිපතිනි චන්ද්‍රිකා බණ්ඩාරනායක කුමාරතුංග මහත්මිය ද, අද ඉන්දුනීසියාව බලා පිටත්ව යාමට නියමිතය.

ඒ, ජගත් ජල සමුළුවේ ප්‍රධාන දේශනය පැවැත්වීම සඳහා ය.

සමුළුව හෙට සිට ලබන 21 වැනිදා දක්වා පැවැත්වෙයි.

හිටපු ජනාධිපතිනිය එම සමුළුවට සහභාගී වන්නේ, ඉන්දුනීසියා රජයේ සහ එක්සත් ජාතීන්ගේ මහා මණ්ඩලයේ සභාපතිවරුන්ගේ කවුන්සිලයේ ආරාධනයකට අනුවයි.

Continue Reading

පුවත්

ගංගා ආශ්‍රිත පහත් බිම්වල සිටින පිරිසට අනතුරු අඟවයි

Published

on

By

පවතින වැසි සහිත කාලගුණ තත්ත්වයත් සමඟ ගංගා ආශ්‍රිත පහත් බිම්වල ගංවතුර තත්ත්වයක් ඇති වීමේ අවදානමක් පවතින බව වාරි මාර්ග දෙපාර්තමේන්තුව පවසයි.

එම දෙපාර්තමේන්තුව පෙන්වා දෙන්නේ, අධික තීව්‍රතාවයක් සහිත වර්ෂාපතන තත්ත්වයන් සමඟ නගරාශ්‍රිතව ක්ෂණික ගංවතුර තත්ත්වයන් ඇතිවීමේ අවදානම ද අධික බවය.

වර්ෂාවේ තීව්‍රතාවය හා ප්‍රමාණය මත ගංවතුර තත්ත්වයේ ප්‍රබලතාවය හා අවදානම රඳාපවතින බව වාරි මාර්ග දෙපාර්තමේන්තුව පවසයි.

මේ අතර දිස්ත්‍රික්ක කිහිපයක් සඳහා නිකුත්කර ඇති නාය යෑම් අනතුරු ඇඟවීම් නිවේදනය අද (18) පස්වරු 4.00 දක්වා දීර්ඝ කළ බව ජාතික ගොඩනැගිලි පර්යේෂණ සංවිධානයේ ‌ජ්‍යේෂ්ඨ භූ විද්‍යාඥ ආචාර්ය වසන්ත සේනාධීර මහතා පවසයි.

මේ අතර අධික වර්ෂාපතනයත් සමග ගල් සහ පස් කඳු කඩාවැටීමට ඇති අවදානම හේතුවෙන් ඊයේ (17) රාත්‍රි 8.00 සිට තාවකාලිකව වසා දැමුණු  ඇල්ල – වැල්ලවාය ප්‍රධාන මාර්ගය  අද උදෑසන 06.00 සිට යළි විවෘත කර තිබේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved