Connect with us

පුවත්

බළන්ගොඩ ඌරු කොටුවක මුරකරු ගස් බැඳ උරෝ 55ක් උස්සලා!

Published

on

බළන්ගොඩ, ඉදුරන්පිටියේ පිහිටි සත්ත්ව ගොවිපොළකට කඩාවැදුණු පහළොස් දෙනකුගෙන් සමන්විත කණ්ඩායමක් එම ගොවිපොළේ මුරකරුව ගස් බැඳ ඌරන් 55ක් කොල්ලකා ඇතැයි බළන්ගොඩ පොලිසිය කියයි.

මෙම කොල්ලය සිදුව ඇත්තේ පෙරේදා (14) අලුයම් කාලයේදීය. 

ඌරු කොටුවේ හිමිකරු පොලිසියට පැමිණිලිකර ඇත්තේ එම කොල්ලකෑ ඌරන්ගේ වටිනාකම රුපියල් ලක්ෂ 15 ඉක්මවන බවය. 

ඒ අතර ඌරු පැටවුන්ද සිටින බව ඔහු වැඩිදුරටත් පවසා ඇත.

මුරකරු සිය බිරිය සහ සිව් හැවිරිදි දරුවා සමඟ පදිංචිව සිටින්නේ ද ගොවිපොළ භූමියේ ඇති කාමරයකය. 

කිසියම් පුද්ගලයෙක් පැමිණ අලුයම 12.30ට පමණ එම කාමරයේ දොරට ගසා ඇති බවත් ඒ අනුව දොර විවරකර බැලීමේදී පුද්ගලයන් පිරිසක් දොරකඩ අසල රැඳී සිට ඇති බවත් මුරකරු පොලිසියට පවසා තිබේ. 

ඒ අය සිය බිරියව නි‍ෙවස තුළ දමා දොරගුළු දැමූ බවත් තමාව තේක්ක ගසක ගැටගසා ඔවුන් පැමිණි ලොරි රථයක් ඌරු කොටුව වෙත රැගෙන ගොස් ඌරන් එහි පටවාගෙන පලාගිය බවත් මුරකරු පොලිසියට පවසා ඇත.

ලොරි රථයට අමතරව කැබ් රථයක්ද ගොවිපොළ භූමියට ඇතුළුකර තිබුණු බවත් ඔවුන් ඌරන් කොල්ලකා යන අතර තුර කාමරයේ දොර ඇරගෙන ගිය බවත් මුරකරු පවසා තිබේ. 

කොල්ලකරුවන් ගොවිපොළ භූමියෙන් ගියපසු බිරිය පැමිණ තමාගේ දෑත් ලිහා දැමූ බවත් ඒ මොහොතේම තමා ඒ බව ගොවිපොළේ හිමිකරුට දැනුම් දුන් බවත් මුරකරු පොලිස් ප්‍රශ්න කිරීම් හමුවේ පවසා ඇත.

මුරකරු පවසන ආකාරයට මෙම කොල්ලය පැය එකහමාරක් වැනි කෙටි කාලයක් තුළ සිදුකර ඇත. 

කොල්ලකරුවන්ගේ හැසිරීමට අනුව පෙනී යන්නේ ඔවුන් ගොවිපොළ ගැන හොඳට දන්නා කියන පිරිසක් බවද පොලිසිය කියයි.

පුවත්

දවස් 03ට ලක්ෂ 03කට කරන්ට් එක ගිහින්

Published

on

By

පසුගිය  දින 03තුළ විදුලිය බිඳවැටීම් 36,000කට  කට  අධික ප්‍රමාණයක් සිදුව තිබෙන බව ලංකා විදුලිබල මණ්ඩලය පවසන බව විදුලි බල සහ බලශක්ති අමාත්‍ය කංචන විජේසේකර මහතා පවසයි.

සිය නිල X ගිණුමේ  සටහනක් තබමින් අමාත්‍යවරයා වැඩිදුරටත් සඳහන් කළේ එමගින් පාරිභෝගිකයන් ලක්ෂ 3කට වැඩි පිරිසකට විදුලිය ඇනහිට ඇති බවය.

මෙම බිඳ වැටීම් යථා තත්වයට පත් කිරීම වෙනුවෙන් මේ වන විටත් අමතර සේවා පිරිස් යොදවා ඇති අතර විදුලිබල මණ්ඩලයේ පාලන අධිකාරිය සහ සේවා නිලධාරීන් පැය 24 පුරා එම කටයුතු වල නිරත වන බව අමාත්‍යවරයා වැඩිදුරටත් පැවසීය.

විදුලි බිඳ වැටීම් පිළිබඳව දැන්වත් කිරිමට ඇති 1987 අංකයට සම්බන්ද වීමට නොහැකි පාරිභෝගිකයන්ට SMS සේවය මගින් 1987ට ඹ්ඪ් සමග විදුලි පාරිභෝගික අංකය මගින් බිඳ වැටීම් දැනුවත් කිරීමටත් CEඹ් Cඅරෙ යෙදුම මගින් හෝ cඑබ්cඅරෙ.cඑබ්.ල්ක් වෙබ් පිටුටව පිවිස දැනුවත් කල හැකි බව අමාත්‍යවරයා වැඩිදුරටත් සඳහන් කර තිබේ.

Continue Reading

පුවත්

වෙසක් කලාප නිසා අවහිර විය හැකි මාර්ග ගැන දැනුම්දෙයි

Published

on

By

වෙසක් කලාපයක් හේතුවෙන් අවහිර විය හැකි ප්‍රධාන මාර්ගයක් පිළිබඳව පොලීසියෙන් රියදුරන්ට දැනුම්දීමක් සිදුකරයි.

ඒ, කටුනායක නිට්ටඹුව ප්‍රධාන මාර්ගය වේයන්ගොඩ ප්‍රදේශයෙන්.

වේයන්ගොඩ පොලිස් වසමේ වෙසක් කලාප 04ක් සහ වෙසක් තොරණ 07ක් ප්‍රදර්ශනය කිරීමට කටයුතු සූදානම් කර තිබේ.

පොලීසිය දැනුම්දෙන්නේ අද (23) සිට දින 07ක් එම වෙසක් කලාපය පැවැත්වෙන බවයි.

අදාල නිවේදනය පහතින් දැක්වේ.

Continue Reading

පුවත්

වෙසක් උත්සවයට සමගාමීව වෙසක් කලාප රැසක්

Published

on

By

මෙවර වෙසක් උත්සවයට සමගාමීව දිවයින පුරා වෙසක් කලාප 420කට අධික සංඛ්‍යාවක් පැවැත්වීමට සැලසුම් කර තිබේ.

දිවයින පුරා තොරණ 321කට වැඩි සංඛ්‍යාවක් ඉදිකර ඇති බවයි වාර්තා වේ.

සෑම වසරකම පවත්වන දෙමටගොඩ, තොටලග, පිටකොටුව, නවලෝක ආදී තොරණ මෙවර ද විචිත්‍රවත්ව ප්‍රදර්ශනය කිරීමට සූදානම් කර ඇත.

වෙසක් දිනයට සමගාමීව දිවයින පුරා දන්සැල් 5,000කට ආසන්න සංඛ්‍යාවක් පැවැත්වීම සඳහා සැලසුම් කර ඇති බව ද වාර්තා වේ.

වෙසක් කලාප ආශ්‍රිතව මෙන්ම ජනතාවගේ ආරක්ෂාව සඳහා පොලිස් නිලධාරින් 18,000කට අධික සංඛ්‍යාවක් යොදවා ඇති බවෙ පොලිස් මාධ්‍ය ප්‍රකාශක නියෝජ්‍ය පොලිස්පති නිහාල් තල්දූව මහතා සඳහන් කලේය.

Continue Reading
Advertisement

Trending

Copyright © 2023 Sri Lanka Mirror. All Rights Reserved