Connect with us

පුවත්

බැඳුම්කර හිමියන් සමඟ තවදුරටත් සාකච්ඡා කිරීම බලාපොරොත්තුවයි

Published

on

ශ්‍රී ලංකාවේ EFF වැඩසටහනේ දෙවන සමාලෝචනය පිළිබඳ ජාත්‍යන්තර මූල්‍ය අරමුදලේ අධ්‍යක්ෂ මණ්ඩලය සලකා බැලීමට පෙර, පොදු මතයකට පැමිණීමේ අරමුණින් බැඳුම්කර හිමියන් සමඟ අඛණ්ඩව සාකච්ඡා කිරීමට ශ්‍රී ලංකාව බලාපොරොත්තු වන බව රාජ්‍ය මුදල් රාජ්‍ය අමාත්‍ය ශෙහාන් සේමසිංහ අද (17)  මාධ්‍ය නිවේදනයක් ඔස්සේ ප්‍රකාශ කර තිබේ.

එතුමාගේ ප්‍රකාශය පහතින්…

“ශ්‍රී ලංකාව ණය ප්‍රතිව්‍යුහගත කිරීමේ සාකච්ඡා සද්භාවයෙන්, ණයහිමියන් අතර සාධාරණ ලෙස සැලකීමේ මූලධර්ම තුළ සහ එවැනි සාකච්ඡාවල සම්මතයන් තුළ උපරිම විනිවිදභාවයකින් යුතුව අඛණ්ඩව නිරතවනවා. 

සාකච්ඡා වල මිල සංවේදී ස්වභාවය සැලකිල්ලට ගෙන වෙළඳපල රෙගුලාසි වලට අනුව, කණ්ඩායම් සහ එහි උපදේශකයින් සමඟ සාකච්ඡා හෙළිදරව් නොකිරීමේ ගිවිසුම් යටතේ පැවැත්වු අතර මෙමගින් පැහැදිලිවම සාකච්ඡාවල හරය ගැන ඒකපාර්ශ්විකව වාර්තා කිරීමට රජයට ඇති හැකියාව සීමා කරයි.

බැදුංකර සමූහයේ සාමාජිකයින් සමඟ පැවති මෙම සාකච්ඡාවේ පළමු වටයේ අවසානයේ අප්‍රේල් 16 වන දින නිකුත් කරන ලද ප්‍රකාශය, මෙම ණය ප්‍රතිව්‍යුහගත කිරීමේ අභ්‍යාසය පිළිබඳව ශ්‍රී ලාංකික ජනතාව, වෙළඳපල සහභාගිවන්නන් සහ අනෙකුත් පාර්ශවකරුවන් දැනුවත් කිරීම අරමුණු වේ. සාකච්ඡා වල ප්‍රගතිය. එවැනි තත්ත්වයන් තුළ ජාත්‍යන්තරව පිළිගත් භාවිතයන් තුළ හැකි උපරිම මට්ටමේ විනිවිදභාවයක් එය සපයයි.

මෙම ප්‍රකාශයේ දන්වා ඇති පරිදි, දෙපාර්ශවය විසින් ඉදිරිපත් කරන ලද ප්‍රතිව්‍යුහගත කිරීමේ යෝජනා මත පදනම්ව, බැඳුම්කර හිමියන්ගේ නියෝජිතයන් සමඟ පැවැත්වූ සාකච්ඡා ඵලදායී බව ඔප්පු විය. සාකච්ජා වලදී දෙපාර්ශ්වයම වැදගත් ප්‍රගතියක් ලබා ගැනීමට හැකි වන පරිදි තාක්ෂණික ගැටළු ගණනාවක් සාර්ථකව විසඳාගෙන ඇත. 

මීළඟ පියවර සඳහා වැඩසටහන් පරාමිතීන් සමඟ නවතම යෝජනාවල ගැළපුම තක්සේරු කිරීම සම්බන්ධයෙන් ජාත්‍යන්තර මුල්‍ය අරසුදලේ කාර්ය මණ්ඩලය සමඟ වැඩිදුර උපදෙස් ලබා ගත යුතුය. මෙම උපදේශනවලින් පසුව, ශ්‍රී ලංකාවේ විස්තීරණ ණය වැඩසටහනේ දෙවන සමාලෝචනය පිළිබඳ ජාත්‍යන්තර මූල්‍ය අරමුදලේ අධ්‍යක්ෂ මණ්ඩලය සලකා බැලීමට පෙර, පොදු මතයකට එළඹීමේ අදහසින් බැඳුම්කර හිමියන් සමඟ සත්භාවයෙන් සාකච්ඡා දිගටම කරගෙන යාමට අපි බලාපොරොත්තු වෙනවා”.

පුවත්

වෛද්‍ය කපිල වික්‍රමනායකගේ පෙත්සම ගැන අධිකරණයෙන් තීරණයක්

Published

on

By

සෞඛ්‍ය අමාත්‍යාංශයේ වෛද්‍ය සැපයීම් අංශයේ අධ්‍යක්ෂ වෛද්‍ය කපිල වික්‍රමනායක මහතා විසින් ඉදිරිපත් කළ පෙත්සම සලකාබැලීම සඳහා ජුනි මස 04 වනදා කැඳවන ලෙස අභියාචනාධිකරණය නියම කලේය.

තමන්ව රක්ෂිත බන්ධනාගාර ගත කිරීමට දුන් නියෝගය නීතියට පටහැනි බවට තීන්දුවක් ලබාදෙන ලෙස ඉල්ලා ඔහු මෙම පෙත්සම ගොනු කර තිබුණි.

ප්‍රමිතියෙන් තොර ප්‍රතිදේහ එන්නත් මිලදීගැනීමේ සිද්ධිය සම්බන්ධයෙන් මාළිගාකන්ද මහෙස්ත්‍රාත් අධිකරණය විසින් ඔහුව රක්ෂිත බන්ධනාගාර ගත කරන ලදී.

අභියාචනාධිකරණයේ සභාපති විනිසුරු නිශ්ශංක බන්දුල කරුණාරත්න සහ ශෂී මහේන්ද්‍රන් යන මහත්වරුන්ගෙන් සමන්විත අභියාචනාධිකරණ විනිසුරු මඩුල්ලක් ඉදිරියේ එම පෙත්සම අද (30) කැඳවනු ලැබීය.

එහිදී නීතිපතිවරයා වෙනුවෙන් පෙනී සිටි  නියෝජ්‍ය සොලිසිටර් ජනරාල් නිර්මලන් විග්නේෂ්වරන් මහතා සඳහන් කළේ මෙම පෙත්සමට අදාළ සීමිත විරෝධතා ගොනුකර අවසන් බවය.

ඉන්  අනතුරුව පෙත්සම සලකාබැලීම සඳහා ජුනි මස 04 වනදා කැඳවන ලෙස නියෝග කලේය.

ප්‍රමිතියෙන් තොර ප්‍රතිදේහ එන්නත් මිලදීගැනීමේ සිද්ධිය සම්බන්ධයෙන් තමන්ව පොදු දේපොළ පනත යටතේ නඩුව අවසන් වනතුරු රක්ෂිත බන්ධනාගාර ගත කිරීමට මාළිගාකන්ද මහෙස්ත්‍රාත් අධිකරණය විසින් දී ඇති නියෝගය බලරහිත කරන ලෙස ඉල්ලා ඔහු විසින් මෙම පෙත්සම ඉදිරිපත් කර තිබුණි.

Continue Reading

පුවත්

කබ්රාල්ගේ විදෙස් ගමන් තහනම තාවකාලිකව ඉවතට

Published

on

By

හිටපු මහ බැංකු අධිපති අජිත් නිවාඩ් කබ්රාල් මහතාට වෛද්‍ය ප්‍රතිකාර ලබාගැනීම සඳහා ඔහුට පනවා තිබූ විදේශ ගමන් තහනම තාවකාලිකව ඉවත් කිරීමට ඊයේ (29)  කොටුව මහෙස්ත්‍රාත් කෝසල සේනාධීර මහතා නියෝග කලේය.

ශ්‍රී ලංකා රජයට අයත් මහබැංකු බැඳුම්කර නිකුත් කිරීමේදී අමෙරිකානු ඩොලර් මිලියන 6.5ක මුදලක් අහිමි කිරීම සම්බන්ධ නඩුවට අදාළව හිටපු මහ බැංකු අධිපති අජිත් නිවාඩ් කබ්රාල් මහතාට විදෙස් ගමන් තහනමක් පනවා තිබුණි.

ඒ අනුව, ඔහුට එරෙහිව පනවා තිබූ  විදේශ ගමන් තහනම ලබන ජුනි මස 07 වනදා සිට ජූලි මස 07වනදා දක්වා තාවකාලිකව ඉවත් කිරීමට ඒ ඔහු වෙනුවෙන් පෙනී සිටි නීතිඥ මඩුල්ල මෝසමක් ගොනු කරමින් සිදු කළ ඉල්ලීමට කොටුව මහේස්ත්‍රාත් කෝසල සේනාධීර අවසර ලබා දීම සිදුවිය.

එංගලන්තයේ සිදු කිරීමට නියමිත හෘද රෝග පරීක්ෂාවක් සඳහා මෙලෙස අවසර ලබා දුනි.

අජිත් නිවාඩ් කබ්රාල් මෙම සිද්ධිය සම්බන්ධයෙන් සැකකරුවෙකු ලෙස නම් කර නැති බව කියමින් විදේශ ගමන් තහනම සම්පූර්ණයෙන්ම ඉවත් කරන ලෙස අජිත් නිවාඩ් කබ්රාල් මහතා වෙනුවෙන් ඔහුගේ නීතිඥවරුන් මෙහිදී ඉල්ලීමක් කලේය.

කෙසේවෙතත්, සැකකරුවෙක් ලෙස නම් කර නැතත් සිදු කරන විමර්ශනවලට බාධා විය හැකි බව පවසමින්  මහේස්ත්‍රාත්වරයා එම ඉල්ලීම ප්‍රතික්ෂේප කර තිබේ.

විමර්ශන අනුව ඕනෑම අවස්ථාවක සැකකරුවෙක් ලෙස නම් කළ හැකි බවත් විදේශ ගත වුවහොත් විමර්ශනවලට බාධා විය හැකි බවත් කියමින් මහේස්ත්‍රාත් වරයා මෙම නියෝගය නිකුත් කලේය.

ශ්‍රී ලංකාවේ ප්‍රතිරූපය ඉහළ නැංවීම සඳහා ඇමරිකාවේ පදිංචි පුද්ගලයකුට ඇමරිකානු ඩොලර් මිලියන 6.5ක ප්‍රමාණයක් ලබාදීම සම්බන්ධයෙන් සිදු කරන විමර්ශන අවසන් නොකිරීම නිසා ඉතා අත්‍යවශ්‍ය කටයුත්තකට හෝ විදේශගත වීමට ඔහුට නොහැකි වී ඇති බවත් විශිෂ්ට රාජ්‍ය සේවකයකුට එලෙස බාධා කිරීම ඉතා අසාධාරණ බවත් කියමින් නීතිඥ මල්දිනි හේරත් හා නීතිඥ ෂෙනාල් විජේසිංහ සමග පෙනීසිටි ජ්‍යෙෂ්ඨ නීතිඥ චමින්ද අතුකෝරළ මහතා මෙහිදී අධිකරණය හමුවේ කරුණු දක්වන ලදී.

කරුණු සලකා බැලූ මහෙස්ත්‍රාත්වරයා, ලබන මස 5 වැනිදා සිට ජූලි මස 5 වැනිදා දක්වා කාලය සඳහා විදේශ ගමන් තහනම ඉවත් කිරීමට ද නියෝග කලේය.

සබැඳි පුවත්

Continue Reading

පුවත්

අධිකරණයට අපහාස කළැයි මෛත්‍රීට පෙත්සමක්

Published

on

By

අධිකරණයට අපහාස කළේ යැයි චෝදනා කරමින් හිටපු ජනාධිපති මෛත්‍රීපාල සිරිසේන මහතාට එරෙහිව අභියාචනාධිකරණය හමුවේ පෙත්සමක් ගොනු කර තිබේ.

ශ්‍රී ලංකා නිදහස් පක්ෂයේ විධායක සභිකයකු වන මොන්ටේගු සරත්චන්ද්‍ර මහතා විසින් පෙත්සම ඉදිරිපත් කරන ලදී.

පෙත්සම අද (30) අභියාචනාධිකරණයේ සභාපති විනිසුරු නිශ්ශංක බන්දුල කරුණාරත්න සහ ෂශී මහේන්ද්‍රන් යන විනිසුරු මඩුල්ල ඉදිරියේ කැඳවනු ලැබීය.

එහිදී අධිකරණය විසින් පෙත්සම්කාර පාර්ශ්වයේ නීතිඥවරයාට නියෝග කළේ, මෙම පෙත්සමට අදාළව කරුණු තහවුරු කිරීම සඳහා වගඋත්තරකාර මෛත්‍රීපාල සිරිසේන මහතා වෙත නොතීසි යැවීමට පියවර ගන්නා ලෙසයි.

ශ්‍රී ලංකා නිදහස් පක්ෂයේ සභාපතිවරයා වශයෙන් කටයුතු කිරීම වළක්වාලමින් කොළඹ දිසා අධිකරණය විසින් අතුරු තහනම් නියෝගයක් නිකුත් කර තිබියදී එය උල්ලංඝනය වන ආකාරයෙන් කටයුතු කිරීම තුළින් අධිකරණයට අපහාස කළේ යැයි චෝදනා කොට හිටපු ජනාධිපති මෛත්‍රීපාල සිරිසේන මහතාට එරෙහිව මෙම පෙත්සම ඉදිරිපත් කර තිබේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved