Connect with us

පුවත්

බියර් ඉල්ලුම පහළට; ගබඩාවලම කල් ඉකුත් වෙලායයි?

Published

on

ඇතැම් මත්පැන් නිෂ්පාදන සමාගම් නිෂ්පාදනය කර ඇති බියර් කල් ඉකුත් වීමට ආසන්නව තිබියදී පවා ගබඩාවල ගොඩ ගැසී ඇතැයි සුරාබදු දෙපාර්තමේන්තුව සඳහන් කරයි.

ඒ මත්පැන් අලෙවිය 30%කින් පමණ අඩු වීම හේතුවෙනි.

මේ තත්ත්වය මත මත්පැන් නිෂ්පාදනයට සම්බන්ධ ඇතැම් සමාගම් සති දෙක තුන වසා දමා තිබෙන බවද පැවසේ.
මේ අතර, 

සුරාබදු කොමසාරිස් ජනරාල් සමන් ජයසිංහ මහතා මාධ්‍යට පවසා ඇත්තේ දේශීය මත්පැන් අලෙවිය පහත වැටී ඇති බැවින් මෙරට නිෂ්පාදිත මත්පැන් අපනයනය කිරීම වැඩි කිරීමට සුරාබදු දෙපාර්තමේන්තුවේ අවධානය යොමුව ඇති බවයි.

දැනටමත් වාර්ෂිකව ලබන අපනයන ආදායම බිලියන 22ක ප්‍රමාණය බිලියන 30-35 දක්වා වැඩි කර ගැනීම අපේක්ෂාව බවද කොමසාරිස්වරයා කියා සිටී.

පසුගිය කාලයේ එතනෝල් මිල සීග්‍රයෙන් ඉහළ ගියද මේ වන විට එතනෝල් මිල පහත බැස ඇති බවත් ලංකාවේ එතනෝල් අතිරික්තයක් පවතින බවත් පැවසේ. 

එසේ වුවද මේ වන විට ලංකාවේ සියලුම භාණ්ඩ මිල ඉහළ ගොස් ඇති පසුබිමක රාජ්‍ය සේවකයින්ගේ මෙන්ම සාමාන්‍ය ජනතාව අත රැඳෙන මුදල සීමාවීම නිසා මත්පැන් මිලදී ගැනීමට පෙලඹීම අඩුව ඇති බවද සුරාබදු දෙපාර්තමේන්තුව කියා සිටියි.

මේ නිසා සුරාබදු දෙපාර්තමේන්තුවේ මේ වසරේ ආදායම් ඉලක්කය වන බිලියන 214 සම්පූර්ණ කර ගැනීම සඳහා විවිධ ක්‍රමෝපායන් අනුගමනය කිරීමට සැලසුම් කර ඇති බවද ඔවුහු පෙන්වා දෙති. 

එසේම දෙපාර්තමේන්තුවේ කාර්ය මණ්ඩලයේ 350 පමණ මේ වන විට පුරප්පාඩු වී තිබීම නිසා ඉලක්ක ගත ආදායම සපුරා ගැනීමට එය තරමක බාධාවක් වී ඇති බවද ඔවුහු පෙන්වා දෙති.

පුවත්

පුත්තලමේ පාසල් සඳහා හෙටත් නිවාඩු

Published

on

By

පවතින අයහපත් කාලගුණික තත්ත්වය හේතුවෙන් පුත්තලම දිස්ත්‍රික්කයේ සියලුම පාසල් හෙට (21) දිනයේදීත් වසා තැබීමට තීරණය කර තිබේ.

වයඹ පළාත් අධ්‍යාපන අධ්‍යයක්‍ෂ කාර්යාලය ඒ බව නිවේදනය කළේය.

Continue Reading

පුවත්

කෙහෙළිය යළිත් රිමාන්ඩ්

Published

on

By

හිටපු සෞඛ්‍ය අමාත්‍ය කෙහෙළිය රඹුක්වැල්ල මහතා ඇතුළු සැකකරුවන් 8 දෙනෙක් ජුනි මස 03 වනදා දක්වා නැවතත් රක්ෂිත බන්ධනාගාරගත කිරීමට අධිකරණය නියෝග කර තිබේ.

ඒ ප්‍රශ්නගත ඉමියුනෝග්ලොබියුලීන් ඖෂධ සිද්ධිය සම්බන්ධයෙන් එම සැකකරුවන් අද (20) මාළිගාකන්ද අධිකරණයට ඉදිරිපත් කළ අවස්ථාවේදී ය.

Continue Reading

පුවත්

විජයදාස ට සහ කීර්ති ට වාරණයක්

Published

on

By

ශ්‍රී ලංකා නිදහස් පක්ෂයේ සභාපතිවරයා ලෙස විජයදාස රාජපක්ෂ සහ වැඩ බලන මහලේකම් ලෙස කීර්ති උඩවත්ත යන මහත්වරු  කටයුතු කිරීම වළක්වාලමින් කොළඹ දිසා අධිකරණය වාරණ නියෝගයක් නිකුත් කර තිබේ.

පාර්ලිමේන්තු මන්ත්‍රී දුමින්ද දිසානායක මහතා විසින් ඉදිරිපත් කළ පැමිණිල්ලක් සලකා බැලීමෙන් අනතුරුව කොළඹ දිසා විනිසුරු සඳුන් විතාන මහතා මෙම නියෝගය නිකුත් කළේය.

Continue Reading

Trending

Copyright © 2023 Sri Lanka Mirror. All Rights Reserved