Connect with us

පුවත්

“මගේ බිරිඳයි සජිත්ගේ බිරිඳයි ඥාතීන්; මම ද්විත්ව පුරවැසියෙක් නෙවෙයි”

Published

on

තමා ද්විත්ව පුරවැසියකු නොවන බවත්, ලාංකික පුරවැසියෙක් බවත්, තමාට ඇත්තේ අවුරුදු පහකට වලංගු වන ස්ථීර පදිංචි ඔස්ට්‍රේලියානු වීසාවක් පමණක් බවත්,බදුල්ල දිස්ත්‍රික් නව පාර්ලිමේන්තු මන්ත්‍රි නයන වාසලතිලක මහතා කියයි.

මේ අතර, ඉදිරියේදී පැවැත්වෙන පාර්ලිමේන්තු මැතිවරණයට තමා අනිවාර්යෙන්ම ඉදිරිපත්වන බවද පවසන නයන මහතා තම බිරිඳ හා විපක්ෂ නායක සජිත් ප්‍රේමදාස මහතාගේ බිරිඳ ඥාතීන් බවද කියා සිටී.

කෙසේවුවද, දේශපාලනයට ආවේ එම නෑකමට නොවන බවද ඔහු කියා සිටී.

ඉදිරි දේශපාලන සැලැසුම් සම්බන්ධයෙන් ඔහුගෙන් මාධ්‍ය කළ විමසීමකදී ඔහු පවසා ඇත්තේ මෙවැන්නකි.

“තවමත් කිසි දෙයක් ගැන හරියට සැලසුම් කරලා නැහැ. මොකද හැමදේම වුණේ හදිසියේනේ. හැමදේම අධ්‍යයනය කරලා හොඳ සැලසුමක් හදාගන්න ඕන. මොනවා වුණත් රටට ජනතාවට වගේම අපේ පක්ෂයටත් හිතකර විදිහට කටයුතු කරන්න බලාපොරොත්තු වෙනවා. ඒ වගේම මම වෙනදා වගේම ක්‍රීඩාව වෙනුවෙන් මේ රටේ අහිංසක ජනතාව වෙනුවෙන් මට පුළුවන් උපරිමයෙන් සේවය කරනවා.”

එසේම නයන වාසල තිලක පිළිබඳව ඔහු හඳුන්වා දී ඇත්තේ මෙසේය.

“මම ඉපදුණේ දියතලාවේ. මගේ ආසනය හපුතලේ. මම ගොවි පවුලක පුතෙක්. ගොම මැටි පොළොවේ සුවඳ වින්ද දරුවෙක්. මගේ අම්මා ගුරුවරියක්. අප්පච්චි මහජන සෞඛ්‍ය පරීක්ෂකවරයෙක්. බණ්ඩාරවෙල ශාන්ත තෝමස් විද්‍යාලයෙන් මූලික අධ්‍යාපනය ලැබුවා. මට අවුරුදු 19 දී වැඩිදුර අධ්‍යාපන කටයුතු සඳහා අප්පච්චි මාව ස්විට්සර්ලන්තයට යැව්වා. එහිදී මම හෝටල් කළමනාකරණ උපාධියක් කළා. ආපහු ලංකාවට ඇවිත් හිල්ටන් හෝටලයේ විධායක නිලධාරියෙක් හැටියට සේවයට එකතු වුණා. එතනදි තමයි මගේ බිරිඳව මට මුණගැහෙන්නේ. ඊට පස්සේ අපි විවාහ වෙලා ඔස්ට්‍රේලියාවට ගියා.”

මන්ත්‍රී ධූරය හැරයාමට පෙර චමින්ද විජේසිරි මහතා තමාට කතා කළ බව පවසන නයන මන්ත්‍රී ධූරය ගත්තේ කෝටි 9 යකට යැයි පාර්ලිමේන්තු මන්ත්‍රී මහින්දානන්ද අලුත්ගමගේ මහතා කරණ චෝදනාව තමා ප්‍රතික්ෂේප කරන බවද නයන මහතා කියා සිටී.

මූලාශ්‍රය – අරුණ

පුවත්

නාවිකයන් 3,146 ට උසස්වීම්

Published

on

By

15 වන රණවිරු සැමරුම් දිනයට සමගාමීව නාවිකයන් 3,146 දෙනෙක් ඊළඟ තරාතිරමට උසස් කර තිබේ.

නිවේදනයක් නිකුත් කරමින් නාවික හමුදාව මේ බව දැනුම් දී ඇත.

15 වන රණවිරු සැමරුම් දිනයට සමඟාමීව සන්නද්ධ හමුදා සේනාධිනායක හා ශ්‍රී ලංකා ජනාධිපතිවරයාගේ අනුමැතිය ඇතුව නාවික හමුදාධිපති වයිස් අද්මිරාල් ප්‍රියන්ත පෙරේරා විසින් නාවික හමුදාවේ ජ්‍යේෂ්ඨ හා කණිෂ්ඨ නාවිකයන් 3,146 දෙනෙකුට මෙම උසස්වීම් සිදුකර ඇත.

වසර 30 කට ආසන්න කාලයක් මෙරට වෙලා ගනිමින් පැවති ත්‍රස්තවාදය මානුෂීය මෙහෙයුමකින් විජයග්‍රහණය කර මවිබිමේ ස්වෛරීභාවය සහ භෞමික අඛණ්ඩතාවය ස්ථාපිත කිරීම උදෙසා ත්‍රිවිධ හමුදාවේ, පොලීසියේ සහ සිවිල් ආරක්‍ෂක දෙපාර්තමේන්තුවේ වීරෝධාර රණවිරුවන් ජීවිත පරිත්‍යාගයෙන් සිදුකළ අනභිබවනීය දායකත්වය එම විජයග්‍රහණය සඳහා තීරණාත්මක සාධකයක් විය.

(අරුණ)

Continue Reading

පුවත්

කෝටි 5ක ජංගම දුරකතන එක්ක දෙදෙනෙක් ගුවන්තොටේදී කොටුවෙයි

Published

on

By

නීතිවිරෝධී ලෙස ශ්‍රී ලංකාවට ආනයනය කර, තීරු බදු නොගෙවා ගුවන් තොටුපොළෙන් පිට කර ගෙන යමින් සිටි රුපියල් කෝටි පහක් පමණ වටිනා නවීන ජංගම දුරකථන තොගයක් සහ පෙන් ඩ්‍රයිව් තොගයක් සමග ඒවා ගුවන් තොටුපොළ වෙත රැගෙන ආ ව්‍යාපාරිකයන් දෙදෙනෙකු ද කටුනායක ගුවන් තොටුපොළ පැමිණීමේ පර්යන්තයේ දී ගුවන් තොටුපොළ අපරාධ පරීක්ෂණ දෙපාර්තමේන්තුවේ නිලධාරීන් පිරිසක් විසින් අද (17) අලුයම අත් අඩංගුවට ගෙන තිබේ.

මොවුන් දෙදෙනාගෙන් එක් අයෙකු කොළඹ – 12 ප්‍රදේශයේ පදිංචි අයෙකු වන අතර ඔහු 59 හැවිරිදිය. අනෙක් ව්‍යාපාරිකයා කොළඹ – 14 පදිංචි 24 හැවිරිදි පුද්ගලයෙකි .

ඔවුන් දෙදෙනා ඩුබායි සිට ශ්‍රී ලන්කන් ගුවන් සේවයේ යූ.එල්.- 226 දරන ගුවන් යානයෙන් කටුනායක ගුවන් තොටුපොළ වෙත  අද අලුයම 04.55ට පැමිණ තිබුණි .

මෙම ජංගම දුරකථන සහ පෙන් ඩ්‍රයිව් තොගය වැඩිදුර විමර්ශන කටයුතු සදහා කටුනායක ගුවන් තොටුපොළ රේගු නිලධාරීන් වෙත භාර දීමට පියවර ගෙන තිබේ .

(ලංකාදීප)

Continue Reading

පුවත්

බැසිල්ගේ ඉල්ලීමට රනිල්ගේ ප්‍රතිචාරය

Published

on

By

ජනාධිපතිවරණයට පෙර මහ මැතිවරණය පවත්වන ලෙස කළ ඉල්ලීමට ජනාධිපතිවරයා නිශ්චිත ප්‍රතිචාරයක් නොදැක්වූ බව ශ්‍රී ලංකා පොදු ජන පෙරමුණ පවසයි.

ජනාධිපති රනිල් වික්‍රමසිංහ සහ ශ්‍රී ලංකා පොදු ජන පෙරමුණේ නිර්මාතෘ බැසිල් රාජපක්ෂ මහත්වරුන් අතර පෙරේදා (15) සාකච්ඡාවක් පවත්වා ඇත.

මෙම ඉල්ලීම කර ඇත්තේ එම රැස්වීමේදීය.

රටේ සංවර්ධන ක්‍රියාදාමය සම්බන්ධයෙන්ද සිය පක්ෂයේ ස්ථාවරයද ජනාධිපතිවරයාට එහිදී දැනුම්දුන් බව එම පොදුජන පෙරමුණ පවසයි.

බැසිල් රාජපක්ෂ මහතා සහ ජනාධිපතිවරයා අතර සාකච්ඡා වට හතක් මේ වනවිට පවත්වා ඇත

Continue Reading
Advertisement

Trending

Copyright © 2023 Sri Lanka Mirror. All Rights Reserved