Connect with us

පුවත්

මත්තල ගුවන් තොටේදී සංචාරකයෝ රස්තියාදු කරලා !

Published

on

මත්තල මහින්ද රාජපක්ෂ අන්තර්ජාතික ගුවන් තොටුපළට පැමිණෙන සංචාරකයන්ට අවශ්‍ය වීසා ගැනීම හා ඊට මුදල් ගෙවීමට ඇති ප්‍රමාදය නිසා ඔවුන්ට විශාල ලෙස රස්තියාදුවීමට සිදුව ඇතැයි වාර්තා වේ.

එම තත්ත්වය හේතුවෙන් පසුගිය මස 29 වැනි දින හා පෙරේදා (02) සංචාරකයන් හාරසියකට අධික ප්‍රමාණයක් රැගෙන පැමිණි ගුවන් යානාවල මගීන්ට පැය තුන හතරක් ගුවන් තොටුපළේ සිටීමට සිදුව තිබේ.

වීසා තොරතුරු ඇතුළත් කර පසුව මුදල් ගෙවීමට ඇති අනෙක් කවුළුව වෙත ගිය ද එහි සේවකයන් දෙදෙනකු පමණක් සිටින අතර වීසා මුද්‍රා තබන කවුළුවේ පමණක් සේවකයන් හය දෙනකු සිටින බව වාර්තාවේ.

එහෙත් මත්තල කවුළු තුනකින් සිදුකරනු ලබන සේවය කටුනායක ගුවන් තොටුපළේ කවුළු දෙකකකින් සිදු කරයි. මෙහි ඇති පරිගණක පැරණි වීම නිසා අන්තර්ජාල වේගය මන්දගාමි වීම හේතුවෙන් මෙම ප්‍රමාදය වැඩිවී ඇති බව එහි සේවකයෝ පවසති.

පෙරේදා පමණක් මත්තල ගුවන් තොටුපළට සංචාරකයන් රැගත් ගුවන් යානා තුනකින් එක්දහස් විසිහතර (1024) දෙනෙකේ පැමිණ ඇති අතර ඔවුන් දැඩි අපහසුතාවකට පත්ව තිබේ.

එසේ පැමිණෙන සංචාරකයන්ට එහි තීරුබදු රහිත හෝ සහිත සාප්පු සංකිර්ණ, මෙන්ම අවන්හලක්වත් නොමැත.

මේ නිසා වෙන් කරවාගෙන ඇති හෝටලයට යන තෙක් පැය ගණනක් ගුවන් තොටුපළ තුළ හෝ බස්රථය තුළට වී සිටීමට සිදුව ඇත.

සංචාරකයන්ට අන්තර් ජාලයෙන් විසා ලබා ගැනීමට අවස්ථාව ලබා දී ඇතත් රුසියානු සංචාරකයන්ගේ විද්‍යුත් බැංකු කාඩිපත් මෙරට මහබැංකුව පිළි නොගන්නා නිසා මෙම තත්ත්වය උදාවී ඇති බව මේ සම්බන්ධයෙන් ආගමන විගමන පාලක හර්ෂ ඉලුක්පිටිය මහතා මාධ්‍යට පවසා තිබේ.

ගුවන් තොටුපළ සේවා අධිකාරියට දන්වා ඇති අතර ඊට අවශ්‍ය පහසුකම් ලැබුණු විගස තවත් කවුළු කිහිපයක් විවෘත කරන බවද ඔහු පවසා ඇත.

ඊට අමතරව සිය දෙපාර්තමේන්තුවට අත්‍යවශ්‍ය සේවකයන් හැට දෙනෙකු බඳවා ගැනීමට අවශ්‍ය අනුමැතිය ඉල්ලා ඇති අතර ඔවුන් බඳවා ගත් පසු ඊට අවශ්‍ය සේවකයන් සංඛ්‍යාව යොදවන බවත් ඔහු පවසා තිබේ.

පුවත්

බන්ධනාගාර කොමසාරිස් ජනරාල්වරයාට අධිකරණ නියෝගයක්

Published

on

By

බන්ධනාගාර නිලධාරින් වෘත්තීය ක්‍රියාමාර්ගයකට අවතීරණවීම පිළිබඳ වහාම අද (20) දිනය තුළ අධිකරණය හමුවේ පෙනී සිට කරුණු දක්වන ලෙස කොළඹ ප්‍රධාන මහෙස්ත්‍රාත් තිළිණ ගමගේ මහතා අද පෙරවරුවේ බන්ධනාගාර කොමසාරිස් ජනරාල්වරයාට නියෝග කළේය.

ඒ, කොළඹ ප්‍රධාන මහෙස්ත්‍රාත් අධිකරණයේ අද දිනට නියමිත නඩු කටයුතු ආරම්භ කළ අවස්ථාවේ බන්ධනාගාර ගත රැඳවියන් අධිකරණයට රැගෙනවිත් නොතිබීම පිළිබඳ අවධානය යොමු කරමිනි.

එහිදි අද දිනයේ ලෙඩ නිවාඩු වාර්තාකර ඇති නිලධාරින් පිළිබඳ සම්පුර්ණ වාර්තාවක් අධිකරණයට ඉදිරිපත් කරන ලෙසද කොළඹ ප්‍රධාන මහෙස්ත්‍රාත්වරයා බන්ධනාගාර කොමසාරිස් ජනරාල්වරයාට නියෝග කර තිබුණි.

මේ අතර දිවයිනේ ප්‍රදේශ කිහිපයක බන්ධනාගාර නිලධාරින් ලෙඩ නිවාඩු වාර්තා කර අද සේවයට වාර්තාකර නොමැති බව වාර්තා විය.

ඒ වැටුප් ඉහළ නොදැමීම ඇතුළු ඉල්ලීම් කිහිපයක් මුල් කරගනිමිනි.

බන්ධනාගාර නිලධාරින්ගේ සියලු නිවාඩු අවලංගුකර ඇති බැවින් සියලුදෙනා වහාම සේවයට වාර්තා කළ යුතු බවට බන්ධනාගාර කොමසාරිස්, මාධ්‍ය ප්‍රකාශක ගාමිණී බී. දිසානායක මහතා විසින් අද නිවේදනය කරන ලදී.

වැටුප් ඉහළ නොදැමීම, නිලධාරී හිඟය විසඳීම ඇතුළු ඉල්ලීම් කිහිපයක් මුල් කරගනිමින් බන්ධනාගාර නියාමක සහ සැරයන්වරුන් පිරිසක් වෘත්තීය ක්‍රියාමාර්ගයක් ලෙස මෙලෙස ලෙඩ නිවාඩු දමා ඇති බව වාර්තාවිය.

ඒ අනුව වැලිකඩ, ගාල්ල සහ මාතර යන බන්ධනාගාරවල බන්ධනාගාර නිලධාරින් මෙම වෘත්තීය ක්‍රියාමාර්ගයට ප්‍රවිශ්ඨ වී තිබේ.

බන්ධනාගාර තුළ ක්‍රියාත්මක මෙම  වෘත්තීය ක්‍රියාමාර්ගය හේතුවෙන් රැදවියන් බැලීමට අවස්ථාව ලබාදීම මෙන්ම රැඳවියන් නඩු කටයුතු සඳහා අධිකරණයට රැගෙන යාමටද බාධා එල්ල වී ඇත.

සබැඳි පුවත්

බන්ධනාගාර නිලධාරීන් වෘත්තීය ක්‍රියාමාර්ගයක

Continue Reading

පුවත්

“විශ්‍රාමික ප්‍රජාව සමාජ පරිවර්තනයේ ගෞරවනීය කොටස්කරුවෙක්”

Published

on

By

විශ්‍රාමික ප්‍රජාව සමාජ පරිවර්තනයේ ගෞරවනීය කොටස්කරුවෙක් බව ජාතික ජන බලවේගයේ නායක අනුර කුමාර දිසානායක මහතා පවසා සිටී.

ඒ මහතා මේ බව පවසන ලද්දේ ඊයේ (19) දින පැවැත්වුන ජාතික ජන බලවේගය විසින් සංවිධානය කල “විශ්‍රාමික ජාතික සමුළුව ”  අමතමිනි.

ඉදිරි මැතිවරණය ගැනද අනුර දිසානායක මහතා මෙහිදී අදහස් දැක්වූයේය.

“පාර්ලිමේන්තුව විසුරුවා හැරීමට බැසිල් රාජපක්ෂට වුවමනාව තිබෙනවා. එක්කෝ එයා රනිල්ට සහාය දෙන්න ඕනෑ. ජනතාවගේ සහායෙන් රනිල් ජනාධිපති වුණොත්, පොහොට්ටුවේ ගමන එතනින් අවසන්. රනිල්ට සහාය නොදී වෙන අපේක්ෂකයෙක් දැම්මොත්, පොහොට්ටුවට තිබෙන ඡන්ද ප්‍රමාණයත් නැතිවෙනවා. දාන්න කෙනෙකුත් නැහැ. ….

ස.ජ.බෙ.ටත් අවශ්‍යයි පාර්ලිමේන්තුව විසුරුවා ගන්න. ජනාධිපතිවරණයේදී කේන්ද්‍ර වෙන්නේ පුද්ගලයන්….

 ජාතික ජන බලවේගයේ අපි මේ දෙකටම ලැහැස්තියි…”

අනුර  දිසානායක මහතා විසින් සිදුකරනු ලැබූ සම්පූර්ණ කතාව

Continue Reading

පුවත්

අධිවේගයේ යන රියදුරන්ට දැනුම්දීමක්

Published

on

By

පවතින අයහපත් කාලගුණික තත්ත්වයත් සමඟ අධිවේගී මාර්ගයේ ගමන් ගන්නා රියදුරන්ට විශේෂ දැනුම්දීමක් සිදුකර තිබේ.

ඒ අනුව ඔවුන්ට රිය ධාවන වේගය පැයට කිලෝමීටර 60ක වේගයෙන් පවත්වාගන්නා ලෙස මාර්ග සංවර්ධන අධිකාරිය විසින් දැනුම් දී ඇත.

Continue Reading
Advertisement

Trending

Copyright © 2023 Sri Lanka Mirror. All Rights Reserved