Connect with us

පුවත්

මන්නා රොෂාන්ගේ සොයුරාත් වෙඩි කයි ‍

Published

on

හංවැල්ල නිරිපොළදී එල්ල කළ වෙඩි තැබීමකින් මන්නා රොෂාන්ගේ බාල සහෝදරයා ජීවිතක්ෂයට පත්ව තිබේ.

මෙම වෙඩි තැබීම ඊයේ (04) උදෑසන 11.45 ට පමණ සිදුව ඇතැයි හංවැල්ල පොලිසිය පවසයි.

මෙලෙස ඝාතනයට ලක්ව ඇත්තේ හංවැල්ල නිරිපොළ ප්‍රදේශයේම පදිංචි කේ.ඒ.ඩී. මධුරංග නමැති එක්දරු පියෙකි. 

වෙඩි ප්‍රහාරයට ලක්වූ තවත් පුද්ගලයකු අවිස්සාවේල්ල රෝහල වෙත ඇතුළත් කර ඇතැයි හංවැල්ල පොලිසිය සඳහන් කරයි.

මරණකරු පස් හා වැලි ව්‍යාපාරයේ යෙදෙන පුද්ගලයකු වන අතර ඔහු ඊයේ හංවැල්ල, නිරිපොළ වැලි සෝදන ස්ථානයට ගොස් කැබ් රථයෙන් පැමිණෙමින් සිටියෙදී තවත් කැබ් රථයකින් පැමිණි පිරිසක් විසින් වෙඩි තබා තිබුණි. 

මෙම ඝාතනය සම්බන්ධ පරීක්ෂණ හංවැල්ල පොලිසිය විසින් ආරම්භ කළ අතර පොලිස් විශේෂ කාර්ය බළකායේ පූගොඩ කඳවුරේ නිලධාරීහුද පැමිණ විමර්ශන සිදු කර ඇත.

සැකකරුවන් ටී.56 ගිනි අවියකින් වෙඩි තබා තිබෙන බවද අනාවරණය විය.

මරණකරු කැබ් රථයෙන් හංවැල්ල දෙසට පැමිණෙමින් සිටියෙදී කැලෑබද මාර්ගයක සිට වෙඩික්කරුවන් පැමිණ තිබෙන බවත් වෙඩි වැදීමෙන් පසුව කැබ් රථය ඉදිරියට ධාවනය කළත් නැවතත් වෙඩි තැබීමක් සිදුව ඇති බවත් පොලිසිය සඳහන් කරයි.

ඝාතනයට ලක්වූ තැනැත්තාද හංවැල්ල ප්‍රදේශයේ මැර බලයක් නතුකරගත් අයකු බවත් මන්නා රොෂාන්ට ප්‍රතිවාදී කල්ලියක් විසින් මෙම ඝාතනයද සිදුකරන්නට ඇතැයි සැකකරන බවත් හංවැල්ල පොලිසියේ ප්‍රකාශකයකු සඳහන් කළේය. 

මේ පිළිබඳ වැඩිදුර විමර්ශන සිදුකරන අතර ආරක්ෂිත කැමරා දර්ශන හා දුරකථන විශ්ලේෂණ වාර්තා ඔස්සේ සැකකරුවන් සොයා පුළුල් පොලිස් මෙහෙයුම් ක්‍රියාත්මක කර ඇත..

අවිස්සාවේල්ල හංවැල්ල ඇතුළු ප්‍රදේශවල මහා පරිමාණ මත්ද්‍රව්‍ය ජාවාරම්කරුවකු මෙන්ම සංවිධානාත්මක අපරාධකරුවකු වූ මන්නා රොෂාන්ද මේ ආකාරයෙන්ම තවත් පුද්ගලයකු කැබ් රථයකින් ගමන් කරමින් සිටියෙදී වෙඩි තබා ඝාතනයට ලක්වූයේ පසුගිය දෙසැම්බර් 26 වැනිදාය. 

ඒ පාදුක්ක වෙන්දේසිවත්ත ප්‍රදේශයේදීය.

දැඩිව හෙරොයින් පානයට ඇබ්බැහි වී සිටි මන්නා රොෂාන් ඩුබායි හි සැඟව සිටින ලලිත් කන්නන්ගර නමැත්තාගේ සම්බන්ධීකරණයෙන් හෙරොයින් මිලදී ගැනීමට ගිය අවස්ථාවේදී එලෙස ඝාතනයට ලක්වූ අතර එය ලලිත් නමැත්තා එතෙර සිට සැලසුම් කර මෙහෙයවූ ඝාතනයක් බවටද අනාවරණය වී තිබුණි.

සබැඳි පුවත්
මන්නා රොෂාන් හා තැඹිලි නිමේෂ් වෙඩි කා මරුට

මන්නා රමේෂ්ගේ කල්ලියේ 4 ක් අල්ලයි – සැකකරුවන් අතර හිටපු මාධ්‍යවේදියකුත්

පුවත්

ග්‍රාමීය සංවර්ධනයට රජයෙන් බිලියන 20 ක්

Published

on

By

ග්‍රාමීය ජනතාවට අවශ්‍ය පහසුකම් සැලසීමට මෙන්ම අඩු ආදායම්ලාභී පවුල්වල ජීවන තත්ත්වයන් නංවාලීමේ ව්‍යාපෘති රැසක් ඉදිරි මාස කිහිපය තුළ ක්‍රියාත්මක කිරීමට රජය සැලසුම් කර ඇත.

කෘෂිකර්ම හා වැවිලි කර්මාන්ත අමාත්‍ය මහින්ද අමරවීර මහතා පවසන්නේ, එම වැඩ කටයුතු සඳහා රජය විසින් රුපියල් බිලියන 20.6ක මුදලක් වැය කිරීමට පියවර ගන්නා බවට ජනාධිපති රනිල් වික්‍රමසිංහ මහතා අමාත්‍ය මණ්ඩලය දැනුම්වත් කළ බවය.

මේ හේතුවෙන්, හැකි තරම් නව කෘෂිකාර්මික ව්‍යාපෘති සකසන්නැයි අමාත්‍යවරයා විසින්  නිලධාරීන්ට උපදෙස් ලබා දී තිබේ.

එම කෘෂිකාර්මික ව්‍යාපෘති ගම්මානවල ගොවි ජනතාවගේ ආදායම් තත්ත්වයන් ඉහළ නැංවීම, ඔවුන්ගේ යටිතලපහසුකම් සංවර්ධනය සහ නව කෘෂි තාක්ෂණය ඉලක්ක කර ගනිමින් සකසන ලෙසද මෙහිදී මහින්ද අමරවීර අමාත්‍යවරයා උපදෙස් දී ඇති බව සඳහන්ය.

කෘෂිකර්ම හා වැවිලි කර්මාන්ත අමාත්‍යාංශයේදී පැවති සාකච්ඡාවක් අමතමින් අමාත්‍යවරයා මෙම උපදෙස් ලබා දී ඇත.

Continue Reading

පුවත්

“ආර්ථික පරිවර්තන පනත ඉතා භයානකයි”

Published

on

By

ආණ්ඩුව පාර්ලිමේන්තුවට ඉදිරිපත් කර ඇති ආර්ථික පරිවර්තන පනත ඉතා භයානක ප්‍රතිඵල ගෙන දෙන පනතක් යයි පාර්ලිමේන්තු මන්ත්‍රී මහාචාර්ය ජී.එල් පීරිස් මහතා කොළඹ අද (27) පැවති මාධ්‍ය හමුවකදී පැවසීය.

මේ වන විට පවතින්නේ ජනවරමක් රහිත පාර්ලිමේන්තුවක් බැවින් එමගින් මෙවැනි පනතක් සම්මත කර ගැනීම ඉතා භයානක බවද මහාචාර්යවරයා කීය. 

මන්ත්‍රීවරයා වැඩිදුරටත් කියා සිටියේ රජය ලාභ ලබන ආයතන ලහි ලහියේ විකුණා දැමීමට අවශ්‍යය පිඹුරුපත් කඩිනමින් සකස් කරන බව දැනගන්නට ලැබී ඇති බවය

ජනතා ගැටලු විසඳීම සඳහා අභිනව පාර්ලිමේන්තුවක අවශ්‍යතාවය  වර්තමාන සමාජය තුළින් පිළිබිඹු වන බව කී ඒ මහතා තරුණ පරපුර ඇමතීම සියලු පක්ෂ නායකයින්ගේ යුතුකම බවත් අනාගතයේ ජීවනාලිය  ඔවුන් බවඅමතක නොකළ යුතු යයිද සඳහන් කළේය

වත්මන් ආණ්ඩුව  මැතිවරණවලට දක්වන බිය සුළු බව හේතුවෙන් මුදල් නොමැති යැයි පවසා මැතිවරණ කල් දැමීමට අර  අඳිමින් සිටින බව පැවසූ මහාචාර්යවරයා ඒ සඳහා නොයෙකුත් උපක්‍රම යොදමින් සිටින බවද පැවසීය

පළමුව පැවැත්වෙන්නේ පාර්ලිමේන්තු මැතිවරණයද ජනාධිපතිවරණයද යන්න ගැන ජනතාව කිසියම් කුතුහලයකින් පෙළෙන බව පැවසූ මන්ත්‍රීවරයා ආණ්ඩුක්‍රම ව්‍යවස්ථාවට අනුව ජනාධිපතිවරණය අනිවාර්යයෙන්ම පැවැත්විය යුතු බව සඳහන් කළේය

Continue Reading

පුවත්

මුදවාගැනීමේ මෙහෙයුමකට මන්ත්‍රීවරු 3ක් තායිලන්තයට

Published

on

By

විපක්ෂයේ මන්ත්‍රීවරුන් තිදෙනෙක් අද (27) අලුයම තායිලන්තය බලා පිටත්ව ගියහ.

ඒ, මියන්මාරයේ සයිබර් අපරාධ කලාපයේ ත්‍රස්ත ග්‍රහණයේ සිටින ශ්‍රී ලාංකිකයින් සහ රුසියානු – යුක්‍රේන යුද්ධයට මැදිවී රුසියාවේ සිටින ශ්‍රී ලාංකික රණවිරුවන් බේරාගෙන යළි ශ්‍රී ලංකාව වෙත රැගෙන ඒමේ රාජ්‍යතාන්ත්‍රික මෙහෙයුම සඳහා එම රටවල රාජ්‍යතාන්ත්‍රික නිලධාරීන් සහ තෙවන පාර්ශ්වයන් සමග සාකච්ඡා කර වැඩපිළිවෙළක් සකස් කිරීම සඳහාය.

මෙම විපක්ෂ මන්ත්‍රී කණ්ඩායමට නීතීඥ වසන්ත යාපා බණ්ඩාර, ජේ.සී. අලවතුවල සහ සුජිත් සංජය පෙරේරා යන මන්ත්‍රීවරුන් ඇතුළත් වේ.

ඔවුන් මියන්මාරයේ සහ රුසියාවේ දින 05 බැගින් ගත කරමින් මෙම මෙහෙයුම දියත් කිරීමට නියමිතය.

මන්ත්‍රීවරුන් පිරිස ත්‍රෛනිකායික මහනාහිමිවරුන්ගේ සහ විපක්ෂ නායකවරයාගේ ඉල්ලීම් රැගත් ලිපි, මියන්මාරය සහ රුසියාව බලා පිටත්ව ගොස් තායිලන්තයේ සහ මියන්මාරයේ සංඝනායක හිමිවරුන් සහ රුසියාවේ රාජ්‍යතාන්ත්‍රික නිලධාරීන් හමුවී භාරදීමට ද නියමිත බවට වාර්තා වේ.

පිරිස අද අලුයම 01.10ට පමණ ශ්‍රී ලන්කන් ගුවන් සේවයේ UL – 402 දරන ගුවන්යානයෙන් තායිලන්තයේ බැංකොක් නුවර බලා පිටත්ව ගොස් ඇත.

Continue Reading
Advertisement

Trending

Copyright © 2023 Sri Lanka Mirror. All Rights Reserved