Connect with us

පුවත්

මාතර වෙඩි තැබීම; “මාව ඉලක්ක කරන් මේ වැඩේ කළේ පොලිසිය”

Published

on

මාතර – තෙලිජ්ජවිල – මාලිම්බඩ ප්‍රදේශයේ සිදුවූ වෙඩි තැබීමේ සිද්ධියේ ඉලක්කය වූයේ තමා මිස තම යහලුවා නොවන බවත්, වෙඩික්කරුවන් මෙහෙයවීම පසුපස සිටින්නේ පොලිිසිය යැයි තමන් විශ්වාස කරන බවට දුරකථන අලෙවි සැලැක හිමිකරුවෙක් කියා සිටී.

තමා නොකළ වරදකට අත්අඩංගුවට ගත් මාතර හා මාලිම්බඩ පොලීසිය, දින 06ක් පුරා තමාව රඳවාගෙන පහර දුන් බවත් තමා එක්තැන් කළ එම පහර දීමට එරෙහිව ‌ශ්‍රේෂ්ඨාධීකරණ‌යේ මූලික අයිතිවාසිකම් පෙත්සමක් ගොනු කළ බවත් ‌එම තරුණයා මාධ්‍යට පවසා ඇත.

එම පෙත්සම ගොනු කළ දා සිට එය අයින් කර ගන්නා ලෙස තර්ජනය කරමින් පොලිසියෙන් තමන්ට ජීවිත තර්ජන පවා එල්ල වූ බවද ඔහු කියා සිටී.

මෙම ජංගම දුරකථන අලෙවිසලේ හිමිකාර තරුණයා 2020 වර්ෂයේදී  ප්‍රදේශයේ මත්පැන් අලෙවිසලකින් රුපියල් ලක්ෂ 21ක මුදලක් කොල්ලකෑම සම්බන්ධයෙන් මීට පෙර අත් අඩංගුවට ගෙන ඇප මත මුදා හැර ඇති බව පොලීසිය විසින් ප්‍රකාශ කර තිබුණි.

සිද්ධිය සම්බන්ධයෙන් අදාළ තරුණයා වැඩිදුරටත් මෙසේ ද මාධ්‍යට පවසා තිබේ.

 “සිද්ධිය වුනාට පස්සේ මෙතන මගේ කඩේ ඇතුළේ පොලිස් නිලධාරීන් කීපදෙනෙක් හිටියා. ඒ නිලධාරියෙක්ගෙ දුරකථනයකට මාලිම්බඩ පොලිසියෙ දැනට ඉන්න ඕඅයිසී අලවත්ත මහත්තයාගෙන් කෝල් එක්ක ඇවිත් මම කතා කළා. මම කිව්වා මම ඉලක්ක කරගෙන මේක කරන්න ඇත්තේ කියලා. “ඊට පස්සේ ඕඅයිසී මහත්තයා කිව්ව මතකද පොඩි ප්‍රශ්නයක් වුනා නේද ගුරා කියලා කෙනෙක්. එයා තමයි මේ වැඩේ කළේ කියලා කිව්වා.” “ මම කියන්නේ මම ඉලක්ක කරලා තමයි මේ වෙඩි තැබීම කළේ කියලා. මොකද 2020 දි මට පොලිසියෙන් පහරදිමක් කළා නොකළ වරදකට මාලිම්බඩ පොලිසියෙන් මාතර පොලිසියට අරන් ගිහින් ඒ පහරදිම කළේ. දවස් 06ක් තියාගත්තා. අත පය කඩලා මම එක තැනයි හිටියේ. ඒකට මම නඩුවක් දැම්මා. ඒ නඩුව ශ්‍රේෂ්ඨාධිකරණයේ දාපු වෙලාවෙ ඉඳන් මට තර්ජන තිබුණා ගොඩාක්. මට පැමිණිල්ල අයින් කරගන්න කියලා තමයි කිව්වේ.” “මම කියන්නේ පොලිසිය පැත්තෙන් මේ වෙඩි තිබ්බා කියලායි. මොකද මට කීප වතාවක්ම කිව්වා උඹට ඉන්න දෙන්නේ නෑ. බලමු පොලිසිය එක්ක හැප්පිලා කියලා.මොකක්ද වෙන්නෙ උඹට ඉස්සරහට බලාගනින්… එහෙම කිව්වා. මගේ යාලුවට කිසිම ප්‍රශ්නයක් තිබුණෙ නෑ මම දන්න තරමින්. ඒ නිසා මම ඉලක්ක කරලා තිබ්බ වෙඩි තැබීමක් කියලා තමයි කියන්න වෙන්නේ. “

කෙසේවෙතත් අදාළ ජංගම දුරකථන අලෙවිසැලේ හිමිකරුට පොලිසිය මේ වන විට ආරක්ෂාව ලබා දී තිබෙන බව වාර්තා වේ.

සබැඳි පුවත් :
https://sinhala.srilankamirror.com/news/%e0%b6%ad%e0%b7%99%e0%b6%bd%e0%b7%92%e0%b6%a2%e0%b7%8a%e0%b6%a2%e0%b7%80%e0%b7%92%e0%b6%bd-%e0%b6%ad%e0%b6%bb%e0%b7%94%e0%b6%ab%e0%b6%ba%e0%b7%99%e0%b6%9a%e0%b7%8a-%e0%b7%80%e0%b7%99%e0%b6%a9%e0%b7%92/

පුවත්

විදුලිය බිඳ වැටීම් ගැන දැනුම්දෙන්න

Published

on

By

අයහපත් කාලගුණයත් සමඟ දිවයින පුරා සිදුව ඇති විදුලිය බිඳවැටීම් ඉතා ඉක්මනින් දැනුම්දිය හැකි නව ක්‍රමවේදයක් ලංකා විදුලිබල මණ්ඩලය විසින් හඳුන්වා දී තිබේ.

ඒ, මීට පෙර විදුලිය බිඳ වැටීම් සම්බන්ධයෙන් දැනුම්දීමට තිබූ 1987 ක්ෂණික දුරකථන අංකයේ ඇතිව තිබෙන කාර්ය බහුලත්වය හේතුවෙන්.

ඒ අනුව, පහත ක්‍රමවේදයන් අනුගමනය ලෙස ලංකා විදුලිබල මණ්ඩලය පාරිභෝගිකයින්ගෙන් ඉල්ලා සිටී.

සබැඳි පුවත්:

දවස් 03ට ලක්ෂ 03කට කරන්ට් එක ගිහින්

Continue Reading

පුවත්

ගාල්ලට ජාතික රෝහලක්

Published

on

By

ගාල්ල ජාතික රෝහල ස්ථාපිත කිරීම සඳහා කැබිනට් අනුමැතිය ලැබී තිබේ.

ඒ අනුව කරාපිටිය ශික්ෂණ රෝහල මෙරට තෙවැනි ජාතික රෝහල බවට පත්කිරීමට අනුමැතිය ලැබී ඇත.

කරාපිටිය ශික්ෂණ රෝහල දකුණු පළාතෙහි සහ යාබද පළාත්වල රෝගීන් හට මාතෘ සත්කාර සේවා හැර තෘතීයක සේවා සපයන ප්‍රධානතම සෞඛ්‍ය මධ්‍යස්ථානයක් ලෙස ක්‍රියාත්මක වන අතර එකී පළාත්වල ප්‍රාථමික හා ද්විතීයක සෞඛ්‍ය සත්කාරක සේවා ආයතන මගින් විශේෂඥ සේවාවන් සඳහා මෙම රෝහල වෙත රෝගීන් යොමු කරනු ලබයි.

රුහුණු විශ්ව විද්‍යාලයේ වෛද්‍ය පීඨයේ සහ සම සෞඛ්‍ය විද්‍යා පීඨයේ ඉගැන්වීම් කටයුතු සඳහා කරාපිටිය ශික්ෂණ රෝහලේ මහාචාර්ය ඒකකය ස්ථාපිත කර ඇත.

මෙම වසර අවසන් වන විට රෝහලෙහි ඇඳන් ධාරිතාවය 2858ක් දක්වා වැඩි කිරීම මත එය කොළඹ ශ්‍රී ලංකා ජාතික රෝහලට පමණක් දෙවැනි වන තෘතීයක සේවා සෞඛ්‍ය මධ්‍යස්ථානයක් බවට පත්වනු ඇතැයි රජය කියයි.

ඒ අනුව කොළඹ ජාතික රෝහලට සහ මහනුවර ජාතික රෝහලට අමතරව කරාපිටිය ශික්ෂණ රෝහල ජාතික රෝහලක් ලෙස කාණ්ඩ ගත කරමින් ගාල්ල ජාතික රෝහල ලෙස නම් කිරීම පිණිස සෞඛ්‍ය අමාත්‍යවරයා ඉදිරිපත් කළ යෝජනාව අමාත්‍ය මණ්ඩලය විසින් අනුමත කර ඇත.

Continue Reading

පුවත්

කතට අතවර කළ සැරයන්ගේ වැඩ තහනම්

Published

on

By

බිංගිරිය පොලිස් ස්ථානයේ ආපනශාලාවක් තුළදී එහි ආපනශාලාවේ සේවය කළ කාන්තාවකට ලිංගික අතවර කළ බව කියන සැරයන්වරයාගේ වැඩ තහනම් කළ බව කුලියාපිටිය ජ්‍යෙෂ්ඨ පොලිස් අධිකාරී කාර්යාලය පවසයි.

මෙසේ වැඩ තහනමට ලක්කර ඇත්තේ, බිංගිරිය පොලිසියේ සේවයේ කළ පොලිස් සැරයන්වරයෙකි.

බිංගිරිය පොලිස් ස්ථානයේ ආපනශාලාව පවත්වාගෙන ගිය වීරපොකුණ ප්‍රදේශයේ කාන්තාවකට ලිංගික අතරවර කළ බවට පොලිස්පතිවරයාට යොමු කළ පෙත්සමකට අනුව එහි විමර්ශන කටයුතු සිදුකරන ලෙස කුලියාපිටිය ජ්‍යෙෂ්ඨ පොලිස් අධිකාරිවරයාට පොලිස්පති විසින් නියෝග කරන ලදී.

ඒ අනුව, බිංගිරිය පොලිසියේ ස්ථානාධිපතිවරයාගේ ප්‍රධානත්වයෙන් ඒ පිළිබඳ විමර්ශනයක් සිදුකර සැකකාර සැරයන්වරයා අත්අඩංගුවට ගෙන හෙට්ටිපොළ මහේස්ත්‍රාත් අධිකරණයට ඉදිරිපත් කිරීම සිදුවිය.

කෙසේ වෙතත්, එම සැරයන්වරයා විසින් සිදුකරන ලද විෂමාචාර ක්‍රියාව හේතුවෙන් ඔහුගේ වැඩතහනම් කරන ලෙස ජ්‍යෙෂ්ඨ පොලිස් අධිකාරීවරයා විසින් දැනුම් දී ඇත.

Continue Reading
Advertisement

Trending

Copyright © 2023 Sri Lanka Mirror. All Rights Reserved