Connect with us

පුවත්

මාධ්‍යට ලෙඩක් ඇද්ද පොහොට්ටුවේ ගුණතිලකව රජයේ රෝහලකටවත් දාන්න බැරිවෙලා

Published

on

නාගරික සංවර්ධන හා නිවාස ඇමැති ප්‍රසන්න රණතුංග මහතාගේ සහභාගිත්වයෙන් පැවැති මහනුවර දිස්ත්‍රික් සම්බන්ධීකරණ කමිටු රැස්වීම ආවරණය කිරීම සඳහා මාධ්‍යවේදීන්ට අවස්ථාව නොදීම සම්බන්ධයෙන් පාර්ලිමේන්තු පොහොට්ටු මන්ත්‍රි වසන්ත යාපා බණ්ඩාර විරෝධය පළ කිරීමත් සමග එය ආරම්භක අවස්ථාවේදීම උණුසුම් තත්ත්වයක් ඇතිවූ බව වාර්තා වේ. 

පෙරේදා (14) මහනුවර දිස්ත්‍රික් ලේකම් කාර්යාලයේදී මෙම කමිටු රැස්වීම පැවති අතර එහිදී මාධ්‍යවේදීන් සම්බන්ධ වී සිටීනම් ඔවුන් ශාලාවෙන් ඉවත් විය යුතු බවට මහනුවර දිස්ත්‍රික් සම්බන්ධීකරණ කමිටු සම සභාපති පාර්ලිමේන්තු මන්ත්‍රි ගුණතිලක රාජපක්ෂ මහතා සඳහන් කර තිබිණි.

මෙම ඉල්ලීමට දැඩි විරෝධය පළ කළ පාර්ලිමේන්තු මන්ත්‍රි වසන්ත යාපා බණ්ඩාර මහතා මාධ්‍යවේදීන්ට සම්බන්ධීකරණ කමිටුව ආවරණය කිරීම සඳහා අවස්ථාව නොදීම ප්‍රජාතන්ත්‍ර විරෝධී ක්‍රියාවක් බව පවසා ඇත.

මෙහිදී ගුණතිලක රාජපක්ෂ මන්ත්‍රිවරයා සඳහන් කර ඇත්තේ මහනුවර දිස්ත්‍රික් මාධ්‍ය ඒකකය හා ප්‍රවෘත්ති දෙපාර්තමේන්තුවේ මාධ්‍ය ඒකකය මගින් මෙම කමිටු රැස්වීම ආවරණය කොට මාධ්‍ය ආයතන වෙත ලබා දෙන බැවින් එය ආවරණය කිරීම සඳහා පිටස්තර මාධ්‍යවේදීන් අවශ්‍ය නොවන බවය.

කෙසේවුවද, එහි අවසාන භාගයේදී හදිසියේ රෝගාතුර වූ සම සභාපති පාර්ලිමේන්තු මන්ත්‍රි ගුණතිලක රාජපක්ෂ මහතා ඊයේ (15) සවස්වරුව වන තෙක්ම පෞද්ගලික රෝහලක ප්‍රතිකාර ලබමින් සිටි බව මන්ත්‍රිවරයාගේ පෞද්ගලික ලේකම් අනුර මඩලුස්ස මහතා පවසා තිබේ.

අසනීප වූ ගුණතිලක රාජපක්ෂ මහතා වහාම මහනුවර පෞද්ගලික රෝහලකට රැගෙන ගොස් ඇති අතර, එම අවස්ථාවේ වෛද්‍යවරුන් උපදෙස් දී ඇත්තේ මන්ත්‍රිවරයා රෝහලේ නතර කොට අවශ්‍ය ප්‍රතිකාර හා වෛද්‍ය පරීක්‍ෂණ සිදුකළ යුතු බවටය. 

සෞඛ්‍ය සේවා වැඩවර්ජනයක් පැවැති බැවින් මන්ත්‍රිවරයා මහනුවර ජාතික රෝහලට ඇතුළත් නොකොට පෞද්ගලික රෝහලකට ඇතුළත් කිරීමට සිදුවූ බවද මේ සම්බන්ධයෙන් මන්ත්‍රිවරයාගේ පෞද්ගලික ලේකම් අනුර මඩලුස්ස මහතා මාධ්‍යට පවසා ඇත.

සබැඳි පුවත්
පොහොට්ටු පාර්ලිමේන්තු මන්ත්‍රීකෙනෙක් රෝහල්ගත කරයි

පුවත්

නාවිකයන් 3,146 ට උසස්වීම්

Published

on

By

15 වන රණවිරු සැමරුම් දිනයට සමගාමීව නාවිකයන් 3,146 දෙනෙක් ඊළඟ තරාතිරමට උසස් කර තිබේ.

නිවේදනයක් නිකුත් කරමින් නාවික හමුදාව මේ බව දැනුම් දී ඇත.

15 වන රණවිරු සැමරුම් දිනයට සමඟාමීව සන්නද්ධ හමුදා සේනාධිනායක හා ශ්‍රී ලංකා ජනාධිපතිවරයාගේ අනුමැතිය ඇතුව නාවික හමුදාධිපති වයිස් අද්මිරාල් ප්‍රියන්ත පෙරේරා විසින් නාවික හමුදාවේ ජ්‍යේෂ්ඨ හා කණිෂ්ඨ නාවිකයන් 3,146 දෙනෙකුට මෙම උසස්වීම් සිදුකර ඇත.

වසර 30 කට ආසන්න කාලයක් මෙරට වෙලා ගනිමින් පැවති ත්‍රස්තවාදය මානුෂීය මෙහෙයුමකින් විජයග්‍රහණය කර මවිබිමේ ස්වෛරීභාවය සහ භෞමික අඛණ්ඩතාවය ස්ථාපිත කිරීම උදෙසා ත්‍රිවිධ හමුදාවේ, පොලීසියේ සහ සිවිල් ආරක්‍ෂක දෙපාර්තමේන්තුවේ වීරෝධාර රණවිරුවන් ජීවිත පරිත්‍යාගයෙන් සිදුකළ අනභිබවනීය දායකත්වය එම විජයග්‍රහණය සඳහා තීරණාත්මක සාධකයක් විය.

(අරුණ)

Continue Reading

පුවත්

කෝටි 5ක ජංගම දුරකතන එක්ක දෙදෙනෙක් ගුවන්තොටේදී කොටුවෙයි

Published

on

By

නීතිවිරෝධී ලෙස ශ්‍රී ලංකාවට ආනයනය කර, තීරු බදු නොගෙවා ගුවන් තොටුපොළෙන් පිට කර ගෙන යමින් සිටි රුපියල් කෝටි පහක් පමණ වටිනා නවීන ජංගම දුරකථන තොගයක් සහ පෙන් ඩ්‍රයිව් තොගයක් සමග ඒවා ගුවන් තොටුපොළ වෙත රැගෙන ආ ව්‍යාපාරිකයන් දෙදෙනෙකු ද කටුනායක ගුවන් තොටුපොළ පැමිණීමේ පර්යන්තයේ දී ගුවන් තොටුපොළ අපරාධ පරීක්ෂණ දෙපාර්තමේන්තුවේ නිලධාරීන් පිරිසක් විසින් අද (17) අලුයම අත් අඩංගුවට ගෙන තිබේ.

මොවුන් දෙදෙනාගෙන් එක් අයෙකු කොළඹ – 12 ප්‍රදේශයේ පදිංචි අයෙකු වන අතර ඔහු 59 හැවිරිදිය. අනෙක් ව්‍යාපාරිකයා කොළඹ – 14 පදිංචි 24 හැවිරිදි පුද්ගලයෙකි .

ඔවුන් දෙදෙනා ඩුබායි සිට ශ්‍රී ලන්කන් ගුවන් සේවයේ යූ.එල්.- 226 දරන ගුවන් යානයෙන් කටුනායක ගුවන් තොටුපොළ වෙත  අද අලුයම 04.55ට පැමිණ තිබුණි .

මෙම ජංගම දුරකථන සහ පෙන් ඩ්‍රයිව් තොගය වැඩිදුර විමර්ශන කටයුතු සදහා කටුනායක ගුවන් තොටුපොළ රේගු නිලධාරීන් වෙත භාර දීමට පියවර ගෙන තිබේ .

(ලංකාදීප)

Continue Reading

පුවත්

බැසිල්ගේ ඉල්ලීමට රනිල්ගේ ප්‍රතිචාරය

Published

on

By

ජනාධිපතිවරණයට පෙර මහ මැතිවරණය පවත්වන ලෙස කළ ඉල්ලීමට ජනාධිපතිවරයා නිශ්චිත ප්‍රතිචාරයක් නොදැක්වූ බව ශ්‍රී ලංකා පොදු ජන පෙරමුණ පවසයි.

ජනාධිපති රනිල් වික්‍රමසිංහ සහ ශ්‍රී ලංකා පොදු ජන පෙරමුණේ නිර්මාතෘ බැසිල් රාජපක්ෂ මහත්වරුන් අතර පෙරේදා (15) සාකච්ඡාවක් පවත්වා ඇත.

මෙම ඉල්ලීම කර ඇත්තේ එම රැස්වීමේදීය.

රටේ සංවර්ධන ක්‍රියාදාමය සම්බන්ධයෙන්ද සිය පක්ෂයේ ස්ථාවරයද ජනාධිපතිවරයාට එහිදී දැනුම්දුන් බව එම පොදුජන පෙරමුණ පවසයි.

බැසිල් රාජපක්ෂ මහතා සහ ජනාධිපතිවරයා අතර සාකච්ඡා වට හතක් මේ වනවිට පවත්වා ඇත

Continue Reading
Advertisement

Trending

Copyright © 2023 Sri Lanka Mirror. All Rights Reserved