Connect with us

පුවත්

මැණිකක් නිසා පැහැරගත් ව්‍යාපාරිකයා සොයා ගනියි

Published

on

මැණික් ගලක් අලෙවි කිරීමේ සිදුවීමක් මුල්කරගනිමින් ඇතිවූ ආරවුලක් හේතුවෙන් හොරණ ප්‍රදේශයේ රෙදි පිළි ව්‍යාපාරිකයෙකු පැහැරගෙන ගොස් තිබේ.

පැහැරගත් පිරිස විසින් ව්‍යාපාරිකයා මුදාහැරීමට ඔහුගේ බිරිඳගෙන් රුපියල් ලක්ෂ 35ක කප්පම් මුදලක් ඉල්ලා තිබූ අතර කප්පම්කරුවන් සූක්ෂම ලෙස කොටු කරගැනීමට පොලීසිය සමත්වී ඇත.

හොරණ කෝරලඉම තේවත්තපාර ප්‍රදේශයේ පදිංචි රෙදිපිළි ව්‍යාපාරිකයාට හලාවත ප්‍රදේශයේ හිතවතෙකු මැණික් ගලක් ලබාදී තිබු‍ණේ එය අලෙවිකරදෙන ලෙස ඉල්ලමිනි.

ව්‍යාපාරිකයා මැණික් ගල රුපියල් ලක්ෂ 10ක මුදලකට මහරගම ප්‍රදේශයේ ශාන්ත නම් හිතවතෙකු මාර්ගයෙන් ගැණුම්කරුවෙකුට අලෙවිකර තිබුණි.

පිළියන්දල ප්‍රදේශයේ මාර්ගයක් අසල ගනුදෙනුව සිදුකර තිබූ අතර පසුව මැණික් ගල මිලදීගත් ගැණුම්කරුවා දින කිහිපයකට පසු ශාන්ත නමැති පුද්ගලයාට පවසා තිබුණේ මැණික් ගල ව්‍යාජ එකක් බවයි.

මහරගම ශාන්ත නමැති පුද්ගලයා තවත් තිදෙනෙකු සමග රාත්‍රී 1.00ට පමණ රෙදිපිළි ව්‍යාපාරිකයාගේ නිවසට ගොස් ඇති අතර ඔහු සමග යමක් පැවසීමට ඇති බව පවසා ව්‍යාපාරිකයාව මෝටර් රථයට නංවාගෙන රැගෙන ගොස් තිබේ.

ව්‍යාපාරිකයා දිවුලපිටිය ප්‍රදේශයේ පාළු වත්තකට රැගෙන ගොස් පහරදෙමින් දින කිහිපයක් රඳවාගෙන ඇති අතර ව්‍යාපාරිකයාව මුදාහැරීමට නම් රුපියල් ලක්ෂ 35ක මුදලක් ලබාදෙන ලෙස බලකරමින් පැහැරගත් පිරිස ඔහුගේ බිරිඳට අවස්ථා කිහිපයකදී දුරකථනයෙන් තර්ජනය කර ඇත.

ව්‍යාපාරිකයාගේ බිරිඳ මේ සම්බන්ධයෙන් මොරගහහේන පොලීසියට පැමිණිළි කර තිබූ අතර පොලීසියෙන් ලද උපදෙස් මත කප්පම් මුදල රුපියල් ලක්ෂ 10 දක්වා අඩුකර ගැනීමටත් එය ලබාදීමටත් එකඟවී තිබේ.

ඊයේ පස්වරුවේ කප්පම් මුදල ලබාගැනීම සඳහා පැමිණෙන අතරතුර මොරගහහේන පොලීසිය විසින් මිල්ලෑවත්ත ප්‍රදේශයේදී ඔවුන් අත්අඩංගුවට ගෙන ඇත.

පුවත්

ජ්‍යෙෂ්ඨ පුරවැසි ගිණුම් සමාලෝචන කමිටු වාර්තාව ජනපති වෙත

Published

on

By

ජ්‍යෙෂ්ඨ පුරවැසි ගිණුම්වල පොළිය ඉහළ නැංවීම පිළිබඳ සොයා බැලීමේ කමිටු වාර්තාව ලබන සතියේ ජනාධිපතිවරයා වෙත භාරදෙන බව මුදල් රාජ්‍ය අමාත්‍ය රංජිත් සියඹලාපිටිය මහතා පවසයි.

අමාත්‍යවරයා ඒ බව සඳහන් කළේ, අදාළ කමිටුව මුදල් අමාත්‍යාංශයේදී රැස්වූ අවස්ථාවේදී ය.

වයස අවුරුදු 60 ට වැඩි පුද්ගලයින්ට අයත් බැංකු ගිණුම් සංඛ්‍යාව, මිලියන 1.1 කි.

මුදල් අමාත්‍යාංශය නිවේදනය කළේ, එක් අයෙකු බැංකු ගිණුම් කිහිපයක් පවත්වාගෙන යාම, වෙනත් පාර්ශ්වයන්ගේ මුදල් එම ගිණුම්වල තැන්පත් කිරීම ආදිය සම්බන්ධයෙන් ද එහිදී සොයා බලන බවයි.

මේ අතර, සමෘද්ධි නිලධාරීන්, ග්‍රාම නිලධාරීන් සහ රජයේ විධායක නිලධාරීන්ගේ වැටුප් සහ දීමනා ඉහළ නැංවීමට අදාළ යෝජනා කිහිපයක් සම්බන්ධයෙන් ද එහිදී සාකච්ඡා කර තිබේ.

Continue Reading

පුවත්

ජගත් ජල සමුළුවේ ප්‍රධාන දේශනය වෙනුවෙන් හිටපු ජනපතිනිය ඉන්දුනීසියාවට

Published

on

By

ජනාධිපති රනිල් වික්‍රමසිංහ මහතා අද (18) සිට ලබන 20 වැනිදා දක්වා ඉන්දුනීසියාවේ සංචාරයක නිරත වෙයි.

ඒ, ඉන්දුනීසියාවේ බාලි නුවරදී පැවැත්වෙන ජගත් ජල සමුළුවට සහභාගී වීම සඳහාය.

මේ අතර, හිටපු ජනාධිපතිනි චන්ද්‍රිකා බණ්ඩාරනායක කුමාරතුංග මහත්මිය ද, අද ඉන්දුනීසියාව බලා පිටත්ව යාමට නියමිතය.

ඒ, ජගත් ජල සමුළුවේ ප්‍රධාන දේශනය පැවැත්වීම සඳහා ය.

සමුළුව හෙට සිට ලබන 21 වැනිදා දක්වා පැවැත්වෙයි.

හිටපු ජනාධිපතිනිය එම සමුළුවට සහභාගී වන්නේ, ඉන්දුනීසියා රජයේ සහ එක්සත් ජාතීන්ගේ මහා මණ්ඩලයේ සභාපතිවරුන්ගේ කවුන්සිලයේ ආරාධනයකට අනුවයි.

Continue Reading

පුවත්

ගංගා ආශ්‍රිත පහත් බිම්වල සිටින පිරිසට අනතුරු අඟවයි

Published

on

By

පවතින වැසි සහිත කාලගුණ තත්ත්වයත් සමඟ ගංගා ආශ්‍රිත පහත් බිම්වල ගංවතුර තත්ත්වයක් ඇති වීමේ අවදානමක් පවතින බව වාරි මාර්ග දෙපාර්තමේන්තුව පවසයි.

එම දෙපාර්තමේන්තුව පෙන්වා දෙන්නේ, අධික තීව්‍රතාවයක් සහිත වර්ෂාපතන තත්ත්වයන් සමඟ නගරාශ්‍රිතව ක්ෂණික ගංවතුර තත්ත්වයන් ඇතිවීමේ අවදානම ද අධික බවය.

වර්ෂාවේ තීව්‍රතාවය හා ප්‍රමාණය මත ගංවතුර තත්ත්වයේ ප්‍රබලතාවය හා අවදානම රඳාපවතින බව වාරි මාර්ග දෙපාර්තමේන්තුව පවසයි.

මේ අතර දිස්ත්‍රික්ක කිහිපයක් සඳහා නිකුත්කර ඇති නාය යෑම් අනතුරු ඇඟවීම් නිවේදනය අද (18) පස්වරු 4.00 දක්වා දීර්ඝ කළ බව ජාතික ගොඩනැගිලි පර්යේෂණ සංවිධානයේ ‌ජ්‍යේෂ්ඨ භූ විද්‍යාඥ ආචාර්ය වසන්ත සේනාධීර මහතා පවසයි.

මේ අතර අධික වර්ෂාපතනයත් සමග ගල් සහ පස් කඳු කඩාවැටීමට ඇති අවදානම හේතුවෙන් ඊයේ (17) රාත්‍රි 8.00 සිට තාවකාලිකව වසා දැමුණු  ඇල්ල – වැල්ලවාය ප්‍රධාන මාර්ගය  අද උදෑසන 06.00 සිට යළි විවෘත කර තිබේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved