Connect with us

පුවත්

මුදල් අමාත්‍යාංශ නිලධාරීන්ට මනූෂගෙන් දෝස් මුරයක්

Published

on

ධීවරයින් සහ එම ක්ෂේත්‍රය ආරක්ෂා කර ගැනීම සම්බන්ධයෙන් කිසිඳු අවබෝධයකින් තොරව මුදල් අමාත්‍යාංශ නිලධාරීන් කටයුුතු කරමින් සිටින බවත්, ඒ අනුව ධීවරයින් රැක බලා ගැනීමට හැකිවන වැඩ පිළිවෙලක් සකස් කිරීමට මෙම නිලධාරීන් සමත්ව නොමැති බවටත්, කම්කරු හා විදේශ රැකියා අමාත්‍ය මනූෂ නානායක්කාර මහතා චෝදනා කර සිටී.

මෙරට අවිධිමත් අංශයේ රැකියා වල නියුතු සියලුදෙනා හට වෘත්තීය ගරුත්වයක් සහ අභිමානයක් ලබාදීමට කම්කරු හා විදේශ රැකියා අමාත්‍යාංශය ආරම්භ කළ “ගරුසරු” වැඩසටහන යටතේ ධීවර ක්ෂේත්‍රයේ රැකියාවල නියුතු වෘත්තිකයින් සමඟ අද (17) කම්කරු හා විදේශ රැකියා අමාත්‍යාංශයේ පැවති හමුවකදී අමාත්‍යවරයා මේ බව සඳහන් කළේය.

මුදල් අමාත්‍යාංශ නිලධාරීන් විසින් ධීවර ක්ෂේත්‍රය මගින් මෙරට ආර්ථිකයට දෙනු ලබන දායකත්වය පිළිබඳව නිසි අවබෝධයකින් තොරව කටයුතු කර ඇති බවද අමාත්‍යවරයා පෙන්වා දුන්නේය.  

ඒ අනුව ගාල්ල දිස්ත්‍රිකයේ හැදී වැඩුණු තැනැත්තෙකු වශයෙන් තමන්ට ධීවර වෘත්තිකයින් පිළිබඳ මෙන්ම ඔවුන් සිය වෘත්තියේ නියැලීමේදී අත්විදින අභියෝග සම්බන්ධයෙන් මනා අවබෝධයක් පවතින බවද අමාත්‍යවරයා කීය. 

මෙහිදී අමාත්‍යවරයා මෙසේද පැවසීය, 

“ලෝකයේ වෙනත් රටවල ධීවරයෙක් වුනත් ජලනල කාර්මිකයෙක් වුනත්, දොස්තර වුනත්, ඉංජිනේරුවා වුනත් සාමාජයේ එක හා සමාන වරප්‍රසාද වලට හිමිකම් කියනවා. ඒ හැමෝටම එකම මට්ටමකින් තමයි ගරුත්වය තියෙන්නේ. අපේ රට පක්ෂ විදිහට, ජාතීන් විදිහට, කුල වලට වගේම වෘත්තීන් අනුව බෙදලා තියෙනවා. මේ විදිහට බෙදලා තියෙන්නේ විවිධ වාසි ගන්නයි. එමගින් ධීවරයාව, වතු කම්කරුවාව අඩු වරප්‍රසාද මට්ටමක තියන්න හදනා මිසක් නිසි ගරුත්වයක් දෙන්න කටයුතු කළේ නැහැ. ඒත් අපේ අමාත්‍යාංශය විසින් අපේ ප්‍රධානතම වැඩසටහන විදිහට මේ රටේ අවිධිමත් අංශයේ ඉන්න ශ්‍රම බලකායේ වැඩිම පිරිසගේ ගරුත්වය වර්ධන කිරීම වෙනුවෙන්ම වැඩසටහනක් ඇති කරන්න කටයුතු කළා. රටේ සේව සේවක සබඳතාවක් තියෙන්නේ ලක්ෂ 25 විතරයි. ඒත් මේ ආර්ථිකයට දායක වෙන තවත් ලක්ෂ 60ක් ඉන්නවා. ඒ පිරිස අතරයි ඔබත් ඉන්නේ. ඒත් මේ පිරිසව ආරක්ෂා කරන වැඩපිළිවෙලක් තිබුණේ නැහැ. ඒ නිසාමයි අපි මේ ලක්ෂ 60ට ගරුත්වයත්, ආරක්ෂාවත් ලබාදෙන්නයි අපි මේ ගරු සරු වැඩසටහන ආරම්භ කළේ.”

“විශේෂයෙන්ම තමන්ගේ දෑත වාරු නැති කාලයේදී රැක බලාගන්නත් තමයි මේ ගරුසරු හදුන්වා දුන්නේ. අපි රැකී රක්ෂා පනත කියලා නව පනතක් හදුන්වා දෙනවා. එමගින් නව පරිච්ඡේදයක් ඇති කරලා මේ කෂේත්‍රවල ඉන්න අය වෙනුවෙන් කමිටුවක් ඇති කරන්න කටයුතු කරනවා. පසුව ඒක මේ රටේ ව්‍යවස්ථාපිත ආයතනයක් බවට පත් කරන්න අපි පියවර ගන්නවා. මෙහිදී වැදගත්ම කාරණය වන්නේ මේක වෘත්තීය සමිතයක් නොවීමයි. මේක වෘත්තීය කවුන්සියලයක්. මෙහිදී ඔබ තමයි ධීවරයා කියන්නේ මෙවැන්නෙක් ඊට අදාලව සැපරිය යුතු කාරණයා මේවායි කියලා තීරණය කරන්නේ. ඔබ හදලා දෙන රෙගුලාසි අමාත්‍යවරයා විදිහට ගැසට් කරන්න මට බලය ලැබිලා තියෙනවා. ඇත්තම කතාව වෙන්නේ අද වෙනකොට ඕනෑම අයෙකුට ධීවරයෙක් වෙන්න පුළුවන්. ඒ කියන්නේ ඕනෑම අයෙකුව බෝට්ටුවට දාගෙන යනන් පුළුවන්. ඒත් මේක ඊට එහා ගිය වෘත්තිකත්වයක් තියෙන දෙයක්. එහිදී වෘත්තීය මට්මටම් කොයි විදිහේ ස්වරූපයක් ගතයුතුද කියන කාරණය ඔබම යෝජනා කරලා ඊට අදාල බලපත්‍ර ක්‍රමයක් ඔබ විසින්ම ක්‍රියාත්මක කරනවා. ධීවරයින්ට වැඩ කරගන්න බැරි වුන කාලෙක, රස්සාව අහිමි වුන කාලයකදී මේ අයව බලාගන්න ක්‍රමයක් ඇති කිරීමට අදාලව ක්‍රමවේදයක් ඇති කිරීමටයි අපි මේ කටයුතු කරන්නේ.”

“අපි මාස තුනක් ඇතුලත රටේ සමස්ථ ශ්‍රම බලකායටම සමාජ ආරක්ෂණ ක්‍රමයක් ඇති කිරීමට අදාල වාර්තාව ලබාදෙන්න කැබිනට් මණ්ඩලයට පොරොන්දු වුනා. ඒ හරහා අපි දැනට ක්‍රියාත්මක කෘෂි රක්ෂණ, ගොවි රක්ෂණ වගේ විවිධ රක්ෂණ ක්‍රමත් විවිධ ඊ.පී.එෆ්. ඊ.ටී.එෆ්. වගේ විවිධ අරමුදල් සියල්ලම එකට එකතු කරමින් සියලුම වැඩකරන ජනතාව එකට එකතු කරන වැඩපිළිවෙලක් ක්‍රියාත්මක කරන්නත් බලාපොරොත්තු වෙනවා. ඊට අදාල යෝජනාවලිය විශේසඥ කමිටුවක් විසින් සකස්කරමින් පවතිනවා. එතනින් පසුව ඔබ‍ටත් වයස අවුරුදු 55න් පසුව ඊ.පී.එෆ්. ඊ.ටී.එෆ් වගේ ආර්ථසාදක අරමුදල් ලබා ගැනීමට හැකියාව ලැබෙනවා. කැමති නම් විශ්‍රම වැටුපක් විදිහට ලබා ගැනීමටත් හැකියාව තියෙනවා. මේක සමස්ථ ජාතික වැඩපිළිවෙලක්. ඕස්ට්‍රේලියාවට බෝට්ටු යන එක වලක්වන් ගෙනාපු ජී.පී.එස් සිස්ට්ම් එක ඔබේ බෝටුවලටත් දැම්මා. ඒ නිසාම දැන ඔබ හැමෝම ලක්ෂ අටක් නමයක් දීලා ජී.පී.එස් එකක් සවිකරගන්න ඕනේ. ඒක හදන්නත් පුඵවන් වෙනම කණ්ඩායමකට විතරයි. ධීවරයින්ට ජී.පී.එස් එකක් ඕනේ. ඒත් මෙතන වෙලා තියෙන්නේ ඔස්ට්‍රේලියාවෙන්ම දීපු එකම සවිකරන්න ඕන කියන එකයි. ඒ වගේම මේක නැත්තම් මුහුදට යන්න ඔබට බලපත්‍රය ලැබෙන්නේ නැහැ. මේ බලපත්‍රය ගන්න ජී.පී.එස් එක අලුත්වැඩියා කරලා තියෙන්න ඕනේ. ඒ වගේම මුහුදට යන පිරිසව රක්ෂණය කරල තියෙන්න ඕනේ, ඒ වගේම විවිධ සමාගම් දාලා මේ රක්ෂණය කිරීම කරනවා. ඒත් රක්ෂණය ගෙවන්නේ බෝට්ටුව කැඩිලා සියලුම දෙනා ජීවිතක්ෂයට පත්වුනොත් විතරයි. මෙතන අපබ්‍රංස ගොඩක් තියෙනවා.”

පුවත්

වෛද්‍ය කපිල වික්‍රමනායකගේ පෙත්සම ගැන අධිකරණයෙන් තීරණයක්

Published

on

By

සෞඛ්‍ය අමාත්‍යාංශයේ වෛද්‍ය සැපයීම් අංශයේ අධ්‍යක්ෂ වෛද්‍ය කපිල වික්‍රමනායක මහතා විසින් ඉදිරිපත් කළ පෙත්සම සලකාබැලීම සඳහා ජුනි මස 04 වනදා කැඳවන ලෙස අභියාචනාධිකරණය නියම කලේය.

තමන්ව රක්ෂිත බන්ධනාගාර ගත කිරීමට දුන් නියෝගය නීතියට පටහැනි බවට තීන්දුවක් ලබාදෙන ලෙස ඉල්ලා ඔහු මෙම පෙත්සම ගොනු කර තිබුණි.

ප්‍රමිතියෙන් තොර ප්‍රතිදේහ එන්නත් මිලදීගැනීමේ සිද්ධිය සම්බන්ධයෙන් මාළිගාකන්ද මහෙස්ත්‍රාත් අධිකරණය විසින් ඔහුව රක්ෂිත බන්ධනාගාර ගත කරන ලදී.

අභියාචනාධිකරණයේ සභාපති විනිසුරු නිශ්ශංක බන්දුල කරුණාරත්න සහ ශෂී මහේන්ද්‍රන් යන මහත්වරුන්ගෙන් සමන්විත අභියාචනාධිකරණ විනිසුරු මඩුල්ලක් ඉදිරියේ එම පෙත්සම අද (30) කැඳවනු ලැබීය.

එහිදී නීතිපතිවරයා වෙනුවෙන් පෙනී සිටි  නියෝජ්‍ය සොලිසිටර් ජනරාල් නිර්මලන් විග්නේෂ්වරන් මහතා සඳහන් කළේ මෙම පෙත්සමට අදාළ සීමිත විරෝධතා ගොනුකර අවසන් බවය.

ඉන්  අනතුරුව පෙත්සම සලකාබැලීම සඳහා ජුනි මස 04 වනදා කැඳවන ලෙස නියෝග කලේය.

ප්‍රමිතියෙන් තොර ප්‍රතිදේහ එන්නත් මිලදීගැනීමේ සිද්ධිය සම්බන්ධයෙන් තමන්ව පොදු දේපොළ පනත යටතේ නඩුව අවසන් වනතුරු රක්ෂිත බන්ධනාගාර ගත කිරීමට මාළිගාකන්ද මහෙස්ත්‍රාත් අධිකරණය විසින් දී ඇති නියෝගය බලරහිත කරන ලෙස ඉල්ලා ඔහු විසින් මෙම පෙත්සම ඉදිරිපත් කර තිබුණි.

Continue Reading

පුවත්

කබ්රාල්ගේ විදෙස් ගමන් තහනම තාවකාලිකව ඉවතට

Published

on

By

හිටපු මහ බැංකු අධිපති අජිත් නිවාඩ් කබ්රාල් මහතාට වෛද්‍ය ප්‍රතිකාර ලබාගැනීම සඳහා ඔහුට පනවා තිබූ විදේශ ගමන් තහනම තාවකාලිකව ඉවත් කිරීමට ඊයේ (29)  කොටුව මහෙස්ත්‍රාත් කෝසල සේනාධීර මහතා නියෝග කලේය.

ශ්‍රී ලංකා රජයට අයත් මහබැංකු බැඳුම්කර නිකුත් කිරීමේදී අමෙරිකානු ඩොලර් මිලියන 6.5ක මුදලක් අහිමි කිරීම සම්බන්ධ නඩුවට අදාළව හිටපු මහ බැංකු අධිපති අජිත් නිවාඩ් කබ්රාල් මහතාට විදෙස් ගමන් තහනමක් පනවා තිබුණි.

ඒ අනුව, ඔහුට එරෙහිව පනවා තිබූ  විදේශ ගමන් තහනම ලබන ජුනි මස 07 වනදා සිට ජූලි මස 07වනදා දක්වා තාවකාලිකව ඉවත් කිරීමට ඒ ඔහු වෙනුවෙන් පෙනී සිටි නීතිඥ මඩුල්ල මෝසමක් ගොනු කරමින් සිදු කළ ඉල්ලීමට කොටුව මහේස්ත්‍රාත් කෝසල සේනාධීර අවසර ලබා දීම සිදුවිය.

එංගලන්තයේ සිදු කිරීමට නියමිත හෘද රෝග පරීක්ෂාවක් සඳහා මෙලෙස අවසර ලබා දුනි.

අජිත් නිවාඩ් කබ්රාල් මෙම සිද්ධිය සම්බන්ධයෙන් සැකකරුවෙකු ලෙස නම් කර නැති බව කියමින් විදේශ ගමන් තහනම සම්පූර්ණයෙන්ම ඉවත් කරන ලෙස අජිත් නිවාඩ් කබ්රාල් මහතා වෙනුවෙන් ඔහුගේ නීතිඥවරුන් මෙහිදී ඉල්ලීමක් කලේය.

කෙසේවෙතත්, සැකකරුවෙක් ලෙස නම් කර නැතත් සිදු කරන විමර්ශනවලට බාධා විය හැකි බව පවසමින්  මහේස්ත්‍රාත්වරයා එම ඉල්ලීම ප්‍රතික්ෂේප කර තිබේ.

විමර්ශන අනුව ඕනෑම අවස්ථාවක සැකකරුවෙක් ලෙස නම් කළ හැකි බවත් විදේශ ගත වුවහොත් විමර්ශනවලට බාධා විය හැකි බවත් කියමින් මහේස්ත්‍රාත් වරයා මෙම නියෝගය නිකුත් කලේය.

ශ්‍රී ලංකාවේ ප්‍රතිරූපය ඉහළ නැංවීම සඳහා ඇමරිකාවේ පදිංචි පුද්ගලයකුට ඇමරිකානු ඩොලර් මිලියන 6.5ක ප්‍රමාණයක් ලබාදීම සම්බන්ධයෙන් සිදු කරන විමර්ශන අවසන් නොකිරීම නිසා ඉතා අත්‍යවශ්‍ය කටයුත්තකට හෝ විදේශගත වීමට ඔහුට නොහැකි වී ඇති බවත් විශිෂ්ට රාජ්‍ය සේවකයකුට එලෙස බාධා කිරීම ඉතා අසාධාරණ බවත් කියමින් නීතිඥ මල්දිනි හේරත් හා නීතිඥ ෂෙනාල් විජේසිංහ සමග පෙනීසිටි ජ්‍යෙෂ්ඨ නීතිඥ චමින්ද අතුකෝරළ මහතා මෙහිදී අධිකරණය හමුවේ කරුණු දක්වන ලදී.

කරුණු සලකා බැලූ මහෙස්ත්‍රාත්වරයා, ලබන මස 5 වැනිදා සිට ජූලි මස 5 වැනිදා දක්වා කාලය සඳහා විදේශ ගමන් තහනම ඉවත් කිරීමට ද නියෝග කලේය.

සබැඳි පුවත්

Continue Reading

පුවත්

අධිකරණයට අපහාස කළැයි මෛත්‍රීට පෙත්සමක්

Published

on

By

අධිකරණයට අපහාස කළේ යැයි චෝදනා කරමින් හිටපු ජනාධිපති මෛත්‍රීපාල සිරිසේන මහතාට එරෙහිව අභියාචනාධිකරණය හමුවේ පෙත්සමක් ගොනු කර තිබේ.

ශ්‍රී ලංකා නිදහස් පක්ෂයේ විධායක සභිකයකු වන මොන්ටේගු සරත්චන්ද්‍ර මහතා විසින් පෙත්සම ඉදිරිපත් කරන ලදී.

පෙත්සම අද (30) අභියාචනාධිකරණයේ සභාපති විනිසුරු නිශ්ශංක බන්දුල කරුණාරත්න සහ ෂශී මහේන්ද්‍රන් යන විනිසුරු මඩුල්ල ඉදිරියේ කැඳවනු ලැබීය.

එහිදී අධිකරණය විසින් පෙත්සම්කාර පාර්ශ්වයේ නීතිඥවරයාට නියෝග කළේ, මෙම පෙත්සමට අදාළව කරුණු තහවුරු කිරීම සඳහා වගඋත්තරකාර මෛත්‍රීපාල සිරිසේන මහතා වෙත නොතීසි යැවීමට පියවර ගන්නා ලෙසයි.

ශ්‍රී ලංකා නිදහස් පක්ෂයේ සභාපතිවරයා වශයෙන් කටයුතු කිරීම වළක්වාලමින් කොළඹ දිසා අධිකරණය විසින් අතුරු තහනම් නියෝගයක් නිකුත් කර තිබියදී එය උල්ලංඝනය වන ආකාරයෙන් කටයුතු කිරීම තුළින් අධිකරණයට අපහාස කළේ යැයි චෝදනා කොට හිටපු ජනාධිපති මෛත්‍රීපාල සිරිසේන මහතාට එරෙහිව මෙම පෙත්සම ඉදිරිපත් කර තිබේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved