රාජ්‍ය මුද්‍රණ නීතිගත සංස්ථාව මඟින් 30% වට්ටමක් යටතේ සියලුම පාසල්වලට අභ්‍යාස පොත් ලබා දීමට අධ්‍යාපන අමාත්‍යාංශය තීරණය කර තිබේ.
ඒ අනුව පාසල්වල අභ්‍යාස පොත් අවශ්‍යතාව ලබා ගැනීමට අදාළව චක්‍රලේඛයක් නිකුත් කරන බව අධ්‍යාපන ඇමති ආචාර්ය සුසිල් ප්‍රේමජයන්ත මහතා පවසා ඇත.
රාජ්‍ය මුද්‍රණ නීතිගත සංස්ථාව රුපියල් කෝටි 125ක ලාභයක් ලබා තිබෙන අතර අවශ්‍ය ප්‍රමාණයට පොත් මුද්‍රණය සඳහා සංස්ථාව තුළ කඩදාසි හිඟයක් නොමැති බව ද ඇමතිවරයා වැඩිදුරටත් සඳහන් කර තිබේ.
(මුලාශ්‍රය – අරුණ)
