Connect with us

පුවත්

මූල්‍ය අර්බුද මැද දුවන ලාෆ්, ලිට්රෝ මිලදී ගන්න ඉල්ලලා

Published

on

ලිට්‍රෝ ගෑස් ලංකා ලිමිටඩ්, (එල්ජීඑල්) සහ ලිට්‍රෝ ගෑස් ටර්මිනල්ස් ලිමිටඩ් (එල්ජීටී) ආයතන මිලට ගැනීම සඳහා ආයෝජකයින් 14 දෙනෙකු අභිලාෂ ඉදිරිපත් කර ඇතැයි මුදල් අමාත්‍යාංශය ඊයේ (15) අනාවරණය කළේය. 

මේවන විට මූල්‍ය අර්බුද මැද පවත්වාගෙන යනු ලබන ලාෆ් ලංකා සමාගම ද එම ආයෝජකයන් අතර සිටීම විශේෂ සිද්ධියකි.

එසේම ඉන්ෆිනිටි එන්.ජී.සී. (Infinity NGC), චයාන‍ා නැෂනල් එරෝ ටෙක්නෝ  (China National Aero Techno)  හා කන්සල්ටිං ඉන්ජිනේරියන් ඇන්ඩ් කන්ස්ට්‍රක්ටර්ස් (Consulting Engineers and Contractors) නම් තවත් මෙරට ලියාපදිංචි සමාගම් තුනක්ද ලිට්රෝ මිලට ගැනීමට ඉදිරිපත්වූ ආයෝජකයන් අතර වෙති.

ආයතන ප්‍රතිව්‍යුහගතකරණය වෙනුවෙන් අභිලාෂ කැඳවීම ඊයේ පස්වරු 2.00 න් අවසන් විය.

  1. Epdesa Pte Ltd. (Singapore) 
  2. Bharat Petroleum Cop. Ltd. (India) 
  3. Ayaz Anonim Sirketi (Republic of Türkiye)
  4. SiamGas and Petrochemicals Public Company Ltd. (Thailand) 
  5. BGN Int DMCC (UAE) 
  6. Confidence Petroleum India Ltd (India) 
  7. OQ Trading Ltd. (UAE) 
  8. Tristar Group (UAE) 
  9. Laugfs Gas PLC (Sri Lanka) 
  10. United Petroleum Holdings (Malaysia) 
  11. Vitol Asia Pte Ltd. (Singapore) 
  12. Infinity NGC (Sri Lanka) 
  13. China National Aero Techno (Sri Lanka)  
  14. Consulting Engineers and Contractors (Sri Lanka)

පුවත්

ඉරාන තානාපතිට පහර දුන් පුද්ගලයා රිමාන්ඩ්

Published

on

By

කොළඹ ප්‍රධාන සාප්පු සංකීර්ණයක රථගාලක් තුළදී මෙරට ඉරාන තානාපතිට පහරදුන් බවට සැකපිට අත්අඩංගුවට ගෙන රක්ෂිත බන්ධනාගාරගත කර සිටි ව්‍යාපාරිකයා අද (20) දින අධිකරණයට ඉදිරිපත් කෙරිණි.

එහිදී කොළඹ කොටුව මහෙස්ත්‍රාත්වරයා නියෝග කර ඇත්තේ, එම සැකකරු ව මෙම මස 22 වනදා දක්වා නැවත රක්ෂිත බන්ධනාගාරගත කරන ලෙසය.

සබැඳි පුවත්
ඉරාන තානාපති කොළඹ සාප්පු සංකීර්ණයක රථගාලකදී ආරවුලක පැටලෙයි

Continue Reading

පුවත්

“ශ්‍රී ලංකා චීන මිතුදම” කෘතිය එළිදකී.

Published

on

By

“ශ්‍රී ලංකා චීන මිතුදම”  ග්‍රන්ථය එළිදැක්වීම පසුගිය දා ශ්‍රී ලංකා ජාතික පුස්තකාල හා ප්‍රලේඛන සේවා මණ්ඩල ශ්‍රවණාගාරයේ දී උත්සවාකාරයෙන් පැවැත්විණි.

සිංහල භාෂාවෙන් ලියැවී ඇති  “ශ්‍රී ලංකා චීන මිතුදම” ග්‍රන්ථය ශ්‍රී ලංකා-චීන මිත්‍ර සංගමයේ   (SLCFA )  එළි දැක්වීමකි.

මෙම ග්‍රන්ථ එළිදැක්වීමේ අවස්ථාවට ශ්‍රී ලංකා පාර්ලිමේන්තුවේ හිටපු කථානායක ගරු කරු ජයසූරිය මහතා මෙම උත්සවයේ ප්‍රධාන කථිකයා වශයෙන්ද සහ ගෞරවනීය ආරාධිත අමුත්තා වූ ශ්‍රී ලංකාවේ මහජන චීන සමූහාණ්ඩුවේ තානාපති අතිගරු චී ෂෙන්හොංග් (Qi Zhenhong) මහතා ද සහභාගි විය.

උත්සවයේ මුලසුන හෙබවූයේ ශ්‍රී ලංකා චීන මිත්‍ර සංගමයේ සභාපති නීතිඥ ආනන්ද ගුණතිලක මහතා විසිනි.

ලංකා කොමියුනිස්ට් පක්ෂය විසින් 1950 සැප්තැම්බර් 21 වන දින “ලංකා-චීන මිත්‍රත්ව සංගමය” ලෙස මුලින් ආරම්භ කරන ලද මෙම සංගමය, අනොන්‍ය ජාතීන් හා ජනතාව අතර රාජ්‍යතාන්ත්‍රික සබඳතා පෝෂණය කිරීමේ පුරෝගාමී සංගමයකි. සංගමයේ ප්‍රථම සභාපතිනිය වූයේ වත්මන් ශ්‍රී ලංකා අග්‍රාමාත්‍ය දිනේෂ් ගුණවර්ධන මහතාගේ මව වන කුසුමා ගුණවර්ධන මැතිනියයි.

සිය පිළිගැනීමේ කතාව පවත්වමින්  ගුණතිලක මහතා විසින්  ඓතිහාසික සබඳතා, බෞද්ධ සබඳතා, රාජ්‍ය තාන්ත්‍රික සබඳතා, සාහිත්‍ය, ආර්ථික හා සංස්කෘතික සහයෝගීතාව, චීන ආහාරපාන, එල්ටීටීඊය පරාජය කළ යුද්ධයේදී චීනයේ භූමිකාව සහ සහයෝගය, මාධ්‍ය, මුද්දර, ඡායාරූපකරණය සහ තවත් දේ ඇතුළු පුළුල් පරාසයක මාතෘකා ඇතුළත් ග්‍රන්ථයේ පොහොසත් අන්තර්ගතය හඳුන්වා දුන් අතර ග්‍රන්ථය සදහා ඉතා වටිනා ලිපි ඉදිරිපත් කළ කතුවරුන්ට කෘතඥතාව පළ කලෙය. එමෙන්ම  ශ්‍රී ලංකාවේ මහජන චීන සමූහාණ්ඩුවේ තානාපති කාර්යාලයේ අඛණ්ඩ සහයෝගය අගය කළේය.

ගරු. කරු ජයසූරිය මහතා සිය ප්‍රධාන දේශනයේදී 1952 දී දෙරටේ නායකයන් විසින් අත්සන් කළ රබර් සහ සහල් ගිවිසුමේ වැදගත්කම අවධාරණය කරමින් එම ගිවිසුම ශ්‍රී ලංකාව සහ චීනය අතර පවතින ගැඹුරු මිත්‍රත්වය තහවුරු කිරීමේ කාර්යභාරයට දායක වූ ආකාරය අවධාරණය කළේය. දෙරට අතර මිනිසුන් අතර සබඳතාවයන් පෝෂණය කිරීම සඳහා දශක හතක් පුරාවට ශ්‍රී ලංකා-චීන මිත්‍ර සංගමයේ කැපවීම පිළිබඳව හෙතෙම ප්‍රශංසා කළේය.

ශ්‍රී ලංකා-චීන මිත්‍ර සංගමය සභාපති ගුණතිලක මහතා විසින් “ශ්‍රී ලංකා චීන මිතුදම” ග්‍රන්ථයේ මුල් පිටපත් ගරු කරු ජයසූරිය සහ අතිගරු චී ෂෙන්හොංග් යන මහත්වරුන්ට නිල වශයෙන් පිළිගැන්වීය.

මෙම අවස්ථාවට ශ්‍රී ලංකාවේ කොමියුනිස්ට් පක්ෂයේ ප්‍රධාන ලේකම් ආචාර්ය ජී. වීරසිංහ, ශ්‍රී ලංකා-චීන මිත්‍ර සංගමයේ විධායක උප සභාපති අරුණ ගුණතිලක මහතා; අනෙකුත් උප සභාපතිවරුන් වන තිලක් බොතේජු, දයා ලංකාපුර සහ ප්‍රේමදර දිසානායක යන මහත්වරුන්ද, ශ්‍රී ලංකා-චීන මිත්‍ර සංගමයේ නිලධාරී මණ්ඩලය සහ විවිධ සිවිල් සමාජ ක්‍රියාකාරීන් ඇතුළු විශාල පිරිසක් සහභාගී වී සිටියහ.

ශ්‍රී  ලංකාව සහ චීනය අතර පවතින කළ්‍යාණ මිත්‍රත්වයේ අමතක නොවන සැමරුම ලෙස මෙම අවස්ථාව සනිටුහන් කරමින් සහභාගි වූ සියලුම දෙනාට “ශ්‍රී ලංකා චීන මිතුදම” කෘතියේ පිටපතක් තිළිණ කරන ලදී.

Continue Reading

පුවත්

වැස්සත් සමග පාචනය වැඩිවෙයි

Published

on

By

වැස්සත් සමග පාචනය රෝගය වැඩි වීමේ ප්‍රවණතාවක් ඇතැයි මහජන සෞඛ්‍ය පරීක්ෂකවරුන්ගේ සංගමයේ සභාපති උපුල් රෝහණ මහතා ප්‍රකාශ කර සිටී.

වර්ෂාවත් සමග ජල මූලාශ්‍ර දූෂණය වීමේ අවදානමක් පවතින හෙයින් වෙසක් බීම දන්සැල් පැවැත්වීමේදී පිරිසිදු ජලය භාවිතා කරන ලෙස ඔහු ඉල්ලීමක් සිදුකරයි.

පසුගිය වර්ෂ හා සැසඳීමේදී මෙවර දන්සැල් ලියාපදිංචි කිරීමේ අඩුවක් පවතින බවද ඔහු වැඩිදුරටත් පැවසීය.

කොළඹ මහ නගර සභා සීමාවේ දන්සල් පරීක්ෂාවට මහජන සෞඛ්‍ය පරීක්ෂකවරුන් 47ක් යොදවන බව කොළඹ මහ නගර සභාවේ මහජන සෞඛ්‍ය පරීකෂක සමන්ත කුමාර මහතා පවසයි.

බව ඔහු සඳහන් කලේ මේ වන විට දන්සැල් 200කට ආසන්න ප්‍රමාණයක් ලියාපදිංචි වී ඇති බවය.

ඒ අනුව වෙසක් පෝය දිනට පෙර දින දක්වාම සෑම මහජන සෞඛ්‍ය පරීක්ෂක කාර්යාලයකම දන්සැල් ලියාපදිංචි කිරීම සිදුකරයි.

Continue Reading
Advertisement

Trending

Copyright © 2023 Sri Lanka Mirror. All Rights Reserved