Connect with us

පුවත්

යතුරුපැදි අනතුරකින් තරුණියක් මරුට!

Published

on

පනාගොඩ යුද හමුදා කදවුර ආසන්නයේදී ලොරි රථයක යතුරු පැදියක් ගැටීමෙන් තරුණියක් ජීවිතක්ෂයට පත්ව තිබේ.

අතුරුගිරිය පොලීසිය පැවසුවේ තරුණ යුවළක් යතුරු පැදියේ ගමන් කර ඇති අතර, අනතුර සිදුවූ ස්ථානයේදිම තරුණිය මියගිය බවයි.

බරපතල තුවාල ලැබූ තරුණයා හෝමාගම මූලික රෝහලට ඇතුළත් කර තිබේ.

මෙලෙස මියගොස් ඇත්තේ මාලඹේ කහන්තොට පාරේ පදිංචි 25 හැවිරිදි තරුණියකි.

මෙම යුවළ පාදුක්ක ප්‍රදේශයේ පිහිටි ඥාති නිවසකට ගොස් සිය යතුරුපැදියෙන් ගොඩගම දෙස සිට මාළඹේ දෙසට යමින් සිටියදී පනාගොඩ යුද හමුදා කදවුර ආසන්නයේ මාර්ගය අලුත්වැඩියා කරන ස්ථානයක තිබූ කඩතොළු වූ ස්ථානයක යතුරුපැදිය වැටි විසිවී ඉදිරියෙන් පැමිණි ලොරි රථයේ ගැටී මෙම අනතුර සිදුවී තිබේ.

අනතුර සිදුවීමත් සමඟ දෙදෙනා පැළඳ සිටි හිස් වැසුම් ගැලවී තරුණියගේ හිස ලොරි රථයේ ගැටීමෙන් තරුණිය එම ස්ථානයේදී මියගොස් තිබූ අතර බරපතළ තුවාල ලැබූ (27) හැවිරිදි තරුණයා ප්‍රතිකාර සදහා හෝමාගම මූලික රෝහලට ඇතුළත් කර තිබේ.

අනතුරට පත් මෙම පෙම්වතුන් දෙදෙනා ඉදිරි දිනකදී විවාහ ගිවිස ගැනීමට බලාපොරොත්තුවෙන් සිටි දෙදෙනකු බවත් ඊට අවශ්‍ය කටයුත්තක් සඳහා ගොස් යළි එමින් සිටියදී මෙම අනතුරට පත්ව තිබූ බවත් පැවසේ.

අනතුරට සම්බන්ධ ලොරි රථයේ රියදුරු අත්අඩංගුවට ගෙන ඇති අතර ඔහු හෝමාගම අධිකරණයට ඉදිරිපත් කිරීමට නියමිතයි.

ක්‍රීඩා

යුපුන් ජර්මනියේදීත් එක වෙයි

Published

on

By

ජර්මනියේ පැවති Internationales Leichtathletik Meeting මලල ක්‍රීඩා ශුරතා තරගාවලියේදී පිරිමි මීටර 100 ධාවන ඉසව්වේ ප්‍රථම ස්ථානය දිනා ගැනීමට යුපුන් අබේකෝන් ඊයේ (24) සමත් විය.

ඔහු මෙම ඉසව්ව අවසන් කළේ තත්පර 10.16කිනි. 

යුපුන් මූලික වටයේදී තත්පර 10.15 දක්ෂතාවක් වාර්තා කරමින් ප්‍රථම ස්ථානය දිනා අවසන් තරගයට සුදුසුකම් ලැබූ අතර එම කාලය වාර්තා වුණේ යුපුන් මෙම කාලසීමාවේදී දැක් වූ හොඳම දක්ෂතාවය ලෙසය.

Continue Reading

පුවත්

තරුණයින් 2කගේ සිරුරු මල්වානේ කුඹුරක

Published

on

By

දොම්පේ  මල්වාන මායිවල ප්‍රදේශයේ කුඹුරක පාවෙමින් තිබූ මලසිරුරු දෙකක් හමුවූ බව දොම්පේ පොලිසිය පවසයි.

පොලිසි හදිසි ඇමතුම් අංකයට ලද තොරතුරක් මත පොලිස්  නිලධාරින් කණ්ඩායම් ගොස් සිදු කළ නිරීක්ෂණයේදී මෙම මල සිරුරු දෙක සොයා ගැනීමට හැකි වී ඇතග

මෙලෙස මියගොස් ඇත්තේ රම්බොඩ නාවලතැන්න ප්‍රදේශයේ පදිංචිකරුවන් වන අවුරුදු 19 සහ 29 වයස්වල තරුණයන් දෙදෙනෙකි.

සිද්ධි සම්බන්ධයෙන් දොම්පේ පොලිසිය වැඩිදුරටත් පරීක්ෂණ පවත්වයි.

Continue Reading

පුවත්

තරුණයෙක් ගුවන් පාලමකින් අධිවේගී මාර්ගයට පැනලා

Published

on

By

දක්ෂිණ අධිවේගී මාර්ගයේ අතුරුගිරිය සහ කොට්ටාව අතුරු මාර්ගයක පාලමේ සිට දක්ෂිණ අධිවේගී මාර්ගයට පැනීම නිසා ධාවනය වෙමින් තිබූ වාහනයක ගැටුණු තරුණයකු බරපතල තුවාල ලබා හෝමාගම මූලික රෝහලට ඇතුලත් කර ඇතැයි අතුරුගිරිය පොලිසිය පවසයි.

මෙම තරුණයා සිය දිවි නසා ගැනීමට මෙලෙස අධිවේගී මාර්ගයට පැන්නාද නැතහොත් වෙනත් පාර්ශවයක් විසින් පාලම මත සිට එම තරුණයා අධිවේගී මාර්ගයට තල්ලු කාළා ද යන්න පිළිබඳව පරීක්ෂණයක් ආරම්භ කළ බවද පොලිසිය පවසයි.

මෙලෙස අනතුරට ලක්ව ඇත්තේ අතුරුගිරිය වල්ගම සුව මාවත සිසිලස උද්‍යානයේ පදිංචිකරුවකු වන 24 හැවිරිදි තරුණයෙකි.

සිද්ධිය සම්බන්ධයෙන් අතුරුගිරිය පොලිසිය වැඩි දුරටත් පරීක්ෂණ පවත්වයි.

Continue Reading
Advertisement

Trending

Copyright © 2023 Sri Lanka Mirror. All Rights Reserved