Connect with us

පුවත්

රජවැල්ලේ ගල සෙවීම CIDයට බාර දෙයි!

Published

on

රජවැල්ල පල්ලෙකැලේ උඩමළුව පුරාවිද්‍යා රක්ෂිතයේ තිබූ සඳගල නමැති ඉපැරණි වටිනාකමකින් යුත් පාෂාණය සොරා ගෙන යාමේ සිද්ධියේ පොලිස් විමර්ශන කටයුතු අපරාධ පරීක්ෂණ දෙපාර්තමේන්තුවට බාර දී ඇතැයි වාර්තා වේ.

වර්ෂ1707-1739 කාලයේ කුණ්ඩසාලය ප්‍රදේශය තම රාජධානිය කරගත් ශ්‍රී වීර පරාක්‍රම නරේන්ද්‍රසිංහ රජුගේ රජ මාළිගා පරිශ්‍රය පිහිටියේ මෙම පල්ලෙකැලේ උඩමලුව පුරාවිද්‍යා රක්ෂිතයේය. 

වසර 300 කට වඩා පැරණි කැටයම් යොදා කටාරම් කොටා තිබූ කිලෝ දහසකටත් වඩා බරකින් යුතු එම පාෂාණය ඉකුත් දෙසැම්බර් 13 – 14 අතර රාත්‍රි කාලයේ කිසියම් පිරිසක් විසින් සොරාගෙන ගොස් තිබුණි.

එහි පොලිස් විමර්ශන කටයුතු කළ පල්ලේකැලේ පොලිසිය අදාළ විමර්ශන කටයුතු මන්දගාමීව සිදුකරන බවට විවිධ අවස්ථාවලදී චෝදනා නැගුණු අතර ප්‍රදේශයේ ප්‍රබල දේශපාලකයන් ඉහළ පොලිස් නිලධාරීන් ඇතුළු මැරයන් පිරිසක් සිද්ධියට සම්බන්ධ බවට කරුණු අනාවරණය වී තිබුණි.

එම සඳගල නමැති ඉපැරණි පාෂාණය රැගෙන යාම සඳහා පැමිණි වාහනවල අංක තහඩු සීසීටීවී කැමරාවල පැහැදිලිව සටහන්වී තිබියදීත් එහි පොලිස් විමර්ශන කටයුතු මන්දගාමීව සිදුවීම සම්බන්ධයෙන් ප්‍රදේශය පුරා විවිධ කට කතා ද පැතිර යමින් තිබුණි.

මේ සම්බන්ධයෙන් මධ්‍යම පළාත් ජ්‍යෙෂ්ඨ නියෝජ්‍ය පොලිස්පති සංජීව ධර්මරත්නගෙන් කළ විමසීමකදී පවසා සිටියේ එම සිද්ධියේ විමර්ශන කටයුතු වඩාත් පුළුල්ව සිදු කළ යුතුව තිබෙන බැවින් පොලිස්පතිවරයාගේ නියෝගයෙන් එහි විමර්ශන කටයුතු අපරාධ පරීක්ෂණ දෙපාර්තමේන්තුවට පැවරුණු බවයි.

පුවත්

මෙරට ප්‍රංශ තානාපති අභාවප්‍රාප්ත වෙයි

Published

on

By

ශ්‍රී ලංකාවේ ප්‍රංශ තානාපතිවරයා රාජගිරිය ප්‍රදේශයේ පිහිටි සිය නිල නිවස තුළදී මියගොස් ඇති බව පොලීසිය පවසයි.

Jean Francois Pactet මහතා මියයන විට 53 හැවිරිදි වියේ පසුවිය.

දේහය සම්බන්ධයෙන් ස්ථානීය මහෙස්ත්‍රාත් පරීක්ෂණය සිදුකිරීමට නියමිතව ඇත.

Continue Reading

කලා

ආනන්ද පෙරේරා දිවිගමනට සමුදෙයි!

Published

on

By

මෙරට ප්‍රවීණ සංගීතඥයෙකු හා ගායකයකු වූ ආනන්ද පෙරේරා මහතා අභාවප්‍රාප්ත වී තිබේ.

මියයන විට ඒ මහතා 67 හැවිරිදි වියේ පසුවිය.

මහනුවර ජාතික රෝහලේ ප්‍රතිකාර ලබමින් සිටියදී ඒ මහතා අභාවප්‍රාප්ත වී ඇත.

මෙරට අතිශය ජනප්‍රිය සංගීත කණ්ඩායමක් වූ සිහශක්ති සංගීත කණ්ඩායම මෙහෙයවනු ලැබුවේ ඔහු විසිනි.

Continue Reading

පුවත්

“රාජපක්ෂලා එක්ක ඩීල් නොදැම්මේ සජබ විතරයි”

Published

on

By

රට විනාශ කළ රාජපක්ෂවරුන් සමග ඩිල් නොදැමූ එකම පක්ෂය සමගි ජන බලවේගය පමණක් බව විපක්ෂ නායක සජිත් ප්‍රේමදාස පවසයි.

ඔහු මෙම අදහස් පල කළේ, සජිත් ජනපති කරන, ජන බලය ගොඩ නගන ජන පවුර යන මැයෙන් සමගි ජන බලවේගය සංවිධාන කළ ජන රැළියට පොළොන්නරුව – කදුරුවෙළ නගරයේදී ඊයේ (25) එක්වෙමිනි.

ශ්‍රී ලංකා නිදහස් පක්ෂයේ හිටපු නියෝජ්‍ය අමාත්‍යවරයෙකු වූ නන්දසේන හේරත්, ශ්‍රී ලංකා නිදහස් පක්ෂයේ හිටපු පාර්ලිමේන්තු මන්ත්‍රී තිලක් මහලේකම් සහ ජනතා විමුක්ති පෙරමුණේ පොළොන්නරුව මහ නගර සභාවේ හිටපු නාගරික මන්ත්‍රී සමන්ත බණ්ඩාර විපක්ෂ නායක සජිත්ප්‍රේමදාසට සහය පළ කරමින් මෙහිදී සමගි ජන බලවේගය සමග එක්විය.

පාර්ලිමේන්තු මන්ත්‍රීවරුන් ඇතුලු සමගි ජන බල වේගය නියෝජනය කරන විශාල පිරිසක් මෙම රැලිය සඳහා එක්ව සිටියහ.

Continue Reading
Advertisement

Trending

Copyright © 2023 Sri Lanka Mirror. All Rights Reserved