Connect with us

පුවත්

රටටම VAT ගෙවන්න කියන රූපවාහිනිය අවුරුදු 5ක් VAT ගෙවලා නෑ 

Published

on

ජාතික රූපවාහිනිය VAT බදු ‌වශයෙන් දේශීය ආදායම් දෙපාර්තමේන්තුවට ‌ගෙවීමට ඇති රුපියල් මිලියන 750කට ආසන්න මුදලක් නොගෙවා මඟහරිමින් සිටින බව වාර්තා වේ.

එම ආයතනය දේශීය ආදායම් දෙපාර්තමේන්තුවට වසර පහක පමණ කාලයක සිට මෙසේ VAT බදු ‌ගෙවා නැතැයිද පැවසේ.

අදාළ තත්ත්වය හේතුවෙන් රූපවාහිනියට මුදල් ලැබීමට ඇති වෙනත් ආයතන වලින් නොගෙවූ VAT බදු අය කර ගැනීමට දේශීය ආදායම් දෙපාර්තමේන්තුව කටයුතු යොදා ඇති බව වාර්තා වේ.

ඒ අනුව සංවර්ධන ලොතරැයි මණ්ඩලයේ සුවිප් ටිකට් දිනුම් ඇදීම් ප්‍රදර්ශනය කිරීම වෙනුවෙන් රුපවාහිනියට මසකට ගෙවනු ලබන රුපියල් මිලියන 40කට ආසන්න මුදල දේශීය ආදායම් දෙපාර්තමේන්තුවට ලබාදෙන ලෙස එහි ආදායම් බදු කොමසාරිස් ජනරාල්වරයා විසින දන්වා ඇති බවද වාර්තා වේ.

මේ අතර, දැනට මාස පහක පමණ කාලයක සිට රූපවාහිනියේ සභාපති ලෙසින් කටයුතු කරන ආචාර්ය ප්‍රසාද් සමරසිංහ මහතා මෙම VAT බදු ප්‍රමාණය නොගෙවා මගහැර සිටීමට අහල පහල හිතවතුන්ගේ සහය පතමින් සිටින බවද පැවසේ.

ඒ මහතා අදාළ තනතුරට පත්කරන ලද, අමාත්‍ය බන්දුල ගුණවර්ධන මහතා හරහා ආදායම් බදු කොමසාරිස් ජනරාල් (වැඩ බලන), උපුල් ජයවර්ධන මහතාටත් තවත් ඉහල නිලධාරීන්ටත් බලපෑම් කර ඇති බවට ද මේ අතර දේශීය ආදායම් දෙපාර්තමේන්තු ආරංචි මාර්ගවලින් වාර්තා වේ.

ඔවුන් මෙසේ ඉල්ලා ඇත්තේ මෙම වසර අවසන් වනතුරු VAT  බද්ද නොගෙවා සිටීමට අවස්ථාව ලබාදෙන ලෙස බවද පැවස‌ේ.

රටේ සාමාන්‍ය ව්‍යාපාරිකයකු මෙසේ බදු නොගෙවා VAT බද්ද සේවක පඩිනඩි ගෙවීමට යොදා ගත්තේ නම් මේ වන විට දේශීය ආදායම් දෙපාර්තමේන්තුව ඔහුගේ හෝ ඇයගේ ව්‍යාපාර බැංකු තහනම් කර නඩු පැවරීමට කටයුතු කරනු ලබයි.

 VAT බදු ‌ගෙවීම පැහැර හැරීමට හේතු ලෙස රූපවාහිනී සේවක සේවිකාවන්ට එහි සභාපතිවරයා පෙන්වා දී ඇත්ත‌ේ  චැනලයේ ආදායම අඩුවීමයි. 

නමුත් වෘත්තීය සමිති නියෝජිතයින් කියාසිටින්නේ සභාපති ප්‍රසාද් සමරසිංහ විසින් චැනලය දියුනු කිරීමට උවමනා නිෂ්පාදන සඳහා සේවක පිරිස යොමු නොකරන බවත්, දවස පටන් ගත් මොහොතේ සිට රූපවාහිනී යූටියුබ් චැනලයට කොටමින් එයින් කීයක් හෝ ගසා කෑමට උත්සහ කරන බවත්ය. 

මේ අතර, මෙරට ප්‍රධාන ආයතන කිහිපයකම අධ්‍යක්ෂ වරයකු ලෙස කටයුතු කරන ආචාර්ය ප්‍රසාද් සමරසිංහ මහතාගේ මෙම හැසිරීම හේතුවෙන් ඔහුගේ මෙරට හා ඔස්ට්‍රේලියාවේ තිබෙන  වත්කම් සඳහා නිවැරදිව බදු ගෙවන්නේද යන්න පිළිබඳවද දේශීය ආදායම් දෙපාර්තමේතුවට සැකයක් මතුව ඇතැයි මේ අතර වාර්තා වේ.

අද බිසී පස්ස‌ෙ උත්තර දෙන්නම් …

සිද්ධිය සම්බන් ශ්‍රී ලංකා මිරර් අප ආදායම් බදු කොමසාරිස් ජනරාල් (වැඩ බලන), උපුල් ජයවර්ධන මහතාගෙන් මේ සම්බන්ධයෙන් කළ විමසීමනදී ඔහු කියා සිටියේ මේ සම්බන්ධයෙන් අද පිළිතුරක් දිය නොහැකි බවයි.

අය වැය සම්බන්ධ සාකච්ඡා කිහිපයක් හේතුවෙන් අද සවස්වන තුරුම තමා කාර්ය බහුල බවත් මේ සඳහා පසුව පිළිතුරක් ලබාදීමට හැකි බවත් ඔහු වැඩිදුරටත් කියා සිටියේය. 

15% VAT – 18% වුණේ මේ නිසා?

මේ අතර, එළැඹෙන 2024 ජනවාරි 01 වැනිදා සිට VAT නොහොත් එකතු කළ අගය මත බද්ද, 15% සිට 18% දක්වා වැඩි කිරීමට කැබිනට් මණ්ඩල අනුමැතිය හිමිව තිබේ.

කෙසේවුවද, VAT ගෙවන සමාගම් කිහිපයක ප්‍රධානියෝ  අප සමඟ කියා සිටියේ වැට් බදු වැඩි කිරීමට හේතුව රාජ්‍ය ආයතන විසින් ද VAT ගෙවීම පැහැර හැරීම බවයි.  

පුවත්

උතුරු – නැගෙනහිරට සංවර්ධනයේ ප්‍රතිලාභ දෙන බව ජනපති කියයි

Published

on

By

යුද්ධය නිසා උතුරු නැගෙනහිරට බලපෑ ප්‍රශ්න කඩිනමින් අවසන් කර එම ජනතාවට ද සංවර්ධනයේ ප්‍රතිලාභ ලබා දෙන බව ජනාධිපති රනිල් වික්‍රමසිංහ මහතා පවසයි.

උතුරු පළාත තුළ උසස් මට්ටමේ සෞඛ්‍ය සේවාවක් සහතික කිරීම වෙනුවෙන් යාපනය රෝහල නුදුරේදීම ජාතික රෝහලක් බවට පත් කිරීමට කටයුතු කරන බවත් දකුණු පළාත තුළ පැවති දීර්ඝකාලීන අවශ්‍යතාවයක් ඉටු කරමින් කරාපිටිය රෝහල ජාතික රෝහලක් බවට පත් කිරීමට අදාළ කැබිනට් අනුමැතිය හිමිවී ඇති බවද ජනාධිපතිවරයා සඳහන් කළේය.

ජනපතිවරයා යාපනය විශ්වවිද්‍යාලයේ වෛද්‍ය පීඨයේ ඉදිකළ සායනික පුහුණු සහ පර්යේෂණ අංශ ගොඩනැගිල්ල විවෘත කිරීමේ අවස්ථාවට අද (24) පෙරවරුවේ මේ බව පැවසීය.

මේ අතර “උරුමය ”  වැඩසටහන යටතේ යාපනය දිස්ත්‍රික්කයේ ප්‍රාදේශීය ලේකම් කාර්යාල 15ම ආවරණය වන පරිදි සින්නක්කර ඔප්පු 1,286ක් ජනාධිපති රනිල් වික්‍රමසිංහ මහතා අතින් ජනතාවට ලබාදීම අද යාපනයේදී සිදුකෙරිණි.

එමෙන්ම උතුරු පළාතට අයත් මුලතිව්, කිලිනොච්චිය, වවුනියාව හා මන්නාරම දිස්ත්‍රික්කවලට අදාළව “උරුමය” වැඩසටහන යටතේ සින්නක්කර ඔප්පු 13,858ක් ඉදිරියේදී ලබා දීමට නියමිතව තිබේ.


Continue Reading

පුවත්

පැපුවා නිව් ගිනියාවේ දරුණු  නායයාමක්

Published

on

By

පැපුවා නිව් ගිනියාවේ දුෂ්කර ගම්මාන හයකට බලපෑම් එල්ල කරමින් ඇති වූ නායයෑමෙන් ජීවිත රැසක් අහිමි වී ඇතැයි විදෙස් මාධ්‍ය වාර්තා කර තිබේ.

ඊයේ (23) සිදු වූ මෙම නායයෑමෙන් නිවාස 100කට වැඩි ගණනක් පස්වලින් සම්පූර්ණයෙන්ම යට වී ඇති බව විදෙස් වාර්තාවල දැක්වේ.

මෙහිදී සිදු වී ඇති ජීවිත හානි ගණන හෝ සුන්බුන් අතර කොපමණ පිරිසක් සිරවී ඇති ද යන්න නිශ්චිතවම තවමත් ප්‍රකාශ කළ නොහැකි බවද පැවසේ.

මෙම නායයෑම සිදු වූ  Enga නම් ප්‍රදේශයේ ආණ්ඩුකාරවරයා මාධ්‍යයට පවසා ඇත්තේ මෙය මීට පෙර සිදුනොවූ ස්වභාවික ව්‍යවසනයක් බවය.

එමෙන්ම පැපුවා නිව් ගිනියාවේ අග්‍රාමාත්‍ය James Marape පවසා ඇත්තේ, මළ සිරුරු ගොඩගැනීම සඳහා අවශ්‍ය සහන සේවා සැපයීමට සහ යටිතල පහසුකම් සඳහා අදාළ ස්ථානයට ආපදා නිලධාරීන් යොමු කර ඇති බවය.

Continue Reading

පුවත්

හලාවත ගොල්ෆ් පිටියක් හදන්න සැලසුම් කරයි

Published

on

By

හලාවත ගොල්ෆ් පිටියක් ඉදිකිරීමට සැලසුම් කරන බව කැබිනට් ප්‍රකාශක බන්දුල ගුණවර්ධන මහතා  නිවේදනය කළේය.

ඒ ඉරණවිල හා හලාවත ප්‍රදේශය සංචාරක කේන්ද්‍රස්ථානයක් ලෙස සංවර්ධනය කිරීමේ සමස්ත උපාය මාර්ගයේ කොටසක් ලෙස බවද ඔහු කීය.

මේවන විට ශ්‍රී ලංකාව තුළ දැනටමත් කොළඹ, මහනුවර සහ නුවරඑළියේ ගොල්ෆ් පිටි කිහිපයක් තිබේ.

සිදුරු 18කින් යුත් ගොල්ෆ් පිටි පහක් සහ සිදුරු 9කින් යුත් ‍ගොල්ෆ ක්‍රීඩාංගණ කිහිපයක් ද ශ්‍රී ලංකාව සතුවේ.

ගොල්ෆ් පිටියට අමතරව හලාවත සහ බිංගිරිය අතර සම්බන්ධක මාර්ගයක් ඉදිකෙරෙන අතර ඉන් අපනයන කලාපයක් පුළුල් කරන බව ද අමාත්‍ය ගුණවර්ධන මහතා පවසයි.

හලාවත – ඉරණවිල සංචාරක මධ්‍යස්ථානයේ සංවර්ධන කටයුතු බිංගිරිය ඒකාබද්ධ සංවර්ධන සැලැස්මට සම්බන්ධ කාර්ය සාධක බලකායක් මගින් අධීක්ෂණය කිරීමට නියමිත බවද පැවසේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved