උණුසුම් කාලගුණ තත්ත්වය පිළිබඳ අවවාදාත්මක නිවේදනයක් කාලගුණවිද්‍යා දෙපාර්තමේන්තුව විසින් නිකුත් කර තිබේ.

අද (17) ප.ව 4:00 නිකුත්කළ එම නිවේදනය හෙට (18) දිනය සඳහා වලංගු වන පරිදි කාලගුණ විද්‍යා දෙපාර්තමේන්තුව විසින් නිකුත් කර ඇත.

ඒ අනුව උතුරු, උතුරු මැද, වයඹ, බස්නාහිර සහ දකුණු පළාත් සහ රත්නපුර දිස්ත්‍රික්කයේ ඇතැම් ස්ථානවල උණුසුම් දර්ශකය, එනම් මිනිස් සිරුරට දැනෙන උණුසුම “අවධානය යොමුකළ යුතු” මට්ටමක පවතියි යැයි අපේක්ෂා කෙරේ.

මෙම තත්ත්වය තුළ ප්‍රමාණවත් පරිදි ජලය පානය කිරීම, හැකිතාක් සෙවන ඇති ස්ථානවල රැඳී සිටීම සිදුකළ යුතු අතර කුඩා ළමුන්, වැඩිහිටි හා රෝගී පුද්ගලයින් සම්බන්ධයෙන් විශේෂ අවධානය යොමු කළ යුතු බව කාලගුණවිද්‍යා දෙපාර්තමේන්තුව ජනතාවට දැනුම්දෙයි.

අයවැයෙන් “රට අනුරට” නොව රට අයි එම් එෆ් එකට ගිය වගනම් පෙනෙන්නට ඇතැයි විපක්ෂ නායක සජිත් ප්‍රේමදාස මහතා කියයි.

අද ඉදිරිපත් කළ අයවැය කතාව සහ එදා ජනාධිපතිවරණ වේදිකාවේ ඉදිරිපත් කළ පොහොසත් රටක් ලස්සන ජීවිතයක් කියන ප්‍රතිපත්ති මාලාව සංසදනය කළ යුතු බවත්, මේ තුළ අඩංගු පොරොන්දු මේ අයවැයේ කොපමණ ක්‍රියාත්මක කර ඇත්ද කියා සොයා බැලිය යුතු බවත් විපක්ෂ නායකවරයා අයවැය සම්බන්ධයෙන් මාධ්‍ය වෙත අදහස් දක්වමින් පැවසීය.

මේ අයවැයට අනුව ප්‍රාථමික ශේෂය 2.5ක් නඩත්තු කළ යුතු බවත්, ප්‍රාථමික වියදම් දළ දේශීය නිෂ්පාදනයේ වියදමක් ලෙස 13%ක් කළ යුතු බවත්, 2024 රාජ්‍ය මූල්‍ය කළමනාකරන පනතේ ඇති 13%ක සීමාව අයි එම් එෆ් න්‍යාය පත්‍රයක් බවත් බවත් ඔහු කීය.

ප්‍රාථමික ශේෂය 2.5ක් පවත්වාගෙන යාම අයි එම් එෆ් නිර්දේශයක් බවත්, පැහැදිලිවම ඉතාමත්ම සීමාසහිත සම්පත් ප්‍රමාණයක් ආයෝජනය වෙනුවෙන් වෙන් කර ඇති බවත් විපක්ෂ නායකවරයා පැවසීය.

විසදුම් නැති අයවැයක්

මේ අයවැය තුළ ක්ෂුද්‍ර කුඩා මධ්‍ය පරිමාණ කර්මාන්තකරුවන්ගේ ණය උගුලට, දුප්පත්කම තුරන් කරන්න විසදුම් නොවන බවත්, ඉහළ ආර්ථික වර්ධනයක් ව්‍යවසායකත්වය හරහා නඩත්තු කිරීමක් මේ තුළින් සිදුනොවන බවත් ඔහු කියා සිටියේය.

වැවිලි කර්මාත්නය කෘෂිකර්මාතය හා ධීවර ක්ෂේත්‍රයට අදාළව දුන් පොරොන්දු ඉටු කරන්න නොහැකි වී ඇති බවත් විපක්ෂ නායකවරයා වැඩිදුරටත් පෙන්වා දුන්නේය.

ඔහු මෙසේද කීය.

එළැඹෙන 19 වැනිදා පැවැත්වීමට නියමිත ශ්‍රී ලංකා නීතිඥ සංගමයේ නිලවරණය පැවැත්වීම වළක්වාලන වාරණ නියෝගයක් නිකුත් කරන්නැයි, නීතිඥ එම්ලියා ලිලන්ති ද සිල්වා මහත්මිය කළ ඉල්ලීම කොළඹ ප්‍රධාන දිසා විනිසුරු සඳුන් විතාන මහතා අද (17) ප්‍රතික්ෂේප කළේ ය.

සභාපති ධුරයට තරග වදින නීතිඥ රජීව් අමරසූරිය, නීතිඥ ආචාර්ය සුනිල් අබේරත්න මහත්වරුන්, නීතිඥ සංගමයේ මැතිවරණ තේරීම් භාර නිලධාරී ඇතුළු නිලධාරීන් 12 දෙනෙකුට එරෙහිව මෙම පැමිණිල්ල ගොනුකර තිබිණි.

පැමිණිලිකාරිය වෙනුවෙන් ජනාධිපති නීතිඥ උපුල් ජයසූරිය මහතා අධිකරණය හමුවේ කරුණු දක්වමින් සඳහන් කර සිටියේ, සභාපති ධුරයට නාම යෝජනා භාර දුන් ජනාධිපති නීතිඥ අනුර මැද්දෙගොඩ මහතා තරගයෙන් ඉල්ලා අස්වීමෙන් පසුව ඉතිරි වූ අපේක්ෂකයින් දෙදෙනාගෙන් පමණක් මැතිවරණය සඳහා තරග වැදීම සංගමයේ ව්‍යවස්ථාට විරෝධී බවයි.

නාම යෝජනා ඉල්ලා අස්කර ගැනීම  අපේක්ෂකයෙකු මියයාමකට සමාන බවත් අපේක්ෂකයෙකු මිය ගිය පසුව යළිත් නාම යෝජනා කැඳවීම ව්‍යවස්ථානුකූල බවත් පෙන්වා දුන් නීතිඥවරයා යළි නාම යෝජනා කැඳවා මැතිවරණය පැවැත්වීමට නියෝග කරන ලෙසට අධිකරණයෙන් ඉල්ලා සිටියේ ය.

වගඋත්තරකරුවන් වෙනුවෙන් ජනාධිපති නීතිඥ අලි සබ්රි මහතා, ජනාධිපති නීතිඥ ඉක්‍රාම් මොහොමඩ්, ජනාධිපති නීතිඥ සාලිය පීරිස්, නීතිඥ තිෂ්‍ය වේරගොඩ හා නීතිඥ ගුණරත්න වන්නිනායක  යන මහත්වරුන් කරුණු දක්වමින් පැවසුවේ, නීතිඥ සංගමයේ නිලවරණය පැවැත්වීම නීත්‍යානුකූල බවත් අනුර මැද්දගොඩ මහතා ස්ව කැමැත්තෙන් නිලවරණය සඳහා තරග වැදීමෙන් ඉවත් වී ඇති බවයි.

එම ඉවත්වී යාම මිය යෑමකට සමාන කළ නොහැකි බව ද නීතීඥවරු අවධාරණය කළේ ය.

දෙපාර්ශවයේ කරුණු සලකා බැලූ දිසා විනිසුරුවරයා සිය නියෝගය ප්‍රකාශයට පත් කරමින් කියා සිටියේ, පැමිණිල්ලට බැලූ බැල්මට ජය ගත හැකි නඩුවක් ඉදිරිපත් කර නොමැති බවයි.

එමෙන්ම අනුර මැද්දගොඩ මහතා තරගයෙන් ඉවත් වීම පිළිබඳව දින නමයකට පෙර ඔහුගේ සමාජ මාධ්‍යයේ ප්‍රසිද්ධ කර ඇති බවත් එවන් වටපිටාවක මෙම පැමිණිල්ල අධිකරණයට ඉදිරිපත් කිරීමට දින නවයක් මේ වනවිට ප්‍රමාද වී ඇති බවද, විනිසුරුවරයා පෙන්වා දුන්නේ ය.

නිලවරණය පැවැත්වීම සංගමයේ ව්‍යවස්ථාවට පටහැනි බවක් අධිකරණයට පෙනී නොයන බැවින් පැමිණිල්ලේ ඉල්ලීම ප්‍රතික්ෂේප කරන බව විනිසුරුවරයා නියෝග කළේ ය.

මාර්තු 3 වැනිදා යළි නඩුව කැඳවීමට නියමිතයි.

ඉදිරිපත් කරන ලද සම්පූර්ණ පෙත්සම මෙසේය.