Connect with us

පුවත්

මන්ත්‍රී ගේ ගමන් මලු වලින් මිලියන් ගණනක රන් හා ස්මාර්ට්ෆෝන් (Update)

Published

on

නිතීවිරෝධි ලෙස රත්‍රන් රැගෙන ඒම සම්බන්ධයෙන් අත්අඩංගුවට ගත් පාර්ලිමේන්තු මන්ත්‍රී අලි සබ්‍රි රහීම් මහතාගේ ගමන් මලු වලින් රු. මිලියන ගණනක් වටිනා රන් ආභරණ, රන් බිස්කට් හා ස්මාර්ට් ජංගම දුරකථනද සොයාගෙන තිබේ.

මෙලෙස හමුවූ රත්‍රන් කිලෝ 3යි ග්‍රෑම් 397ක් බරැති රන් ආභරණ හා රන් බිස්කට් වල වෙළඳපොල වටිනාකම  රු. මිලියන 74ක් පමණ බව වාර්තා වේ.

ඊට අමතරව, රු. මිලියන 4.2ක් වටිනා ස්මාර්ට් ජංගම දුරකථන 91ක්ද ඔහුගේ ගමන් මලු වලින් හමුවී ඇත.

බලධාරීන් විසින් වැඩිදුර පරීක්ෂණ සිදුකරමින් සිටියි.

(ඡායා : සන්ඩේ ටයිම්ස්)

————————————————-

(පෙර පුවත 2023 මැයි 23 ප.ව.05:07)

රන් සමග මන්ත්‍රී කටුනායකදී මාට්ටු

ප්‍රකාශ නොකළ රත්‍රං කිලෝග්‍රෑම් 3.5ක් සමඟ පුත්තලම් දිස්ත්‍රික් පාර්ලිමේන්තු මන්ත්‍රී අලි සබ්‍රි රහීම් කටුනායක ජාත්‍යන්තර ගුවන්තොටුපළේ දී අද (23) අත්අඩංගුවට ගෙන ඇත.

විදේශ රටක සිටි මෙරටට පැමිණි රහීම් මන්ත්‍රීවරයා, ප්‍රශ්‍ණ කිරීම් සඳහා රේගු බලධාරීන් විසින් රඳවාගෙන ඇති බව වාර්තා වේ.

මේ අතර, පාර්ලිමේන්තුව අමතමින් මන්ත්‍රී හර්ෂණ රාජකරුණා මහතා ඉල්ලා සිටියේ මීට අදාල සිද්ධිය සම්බන්ධයෙන් පරීක්ෂණයක් සිදුකරන ලෙසයි.

පුවත්

අමුණුගම දිලිත්ව හැර යයි

Published

on

By

දිලිත් ජයවීර මහතාගේ මව්බිම ජනතා පක්ෂයෙන් ආචාර්ය සරත් අමුණුගම මහතා ඉල්ලා අස්වී තිබේ.

අදාළ ඉල්ලා අස්වීමේ ලිපිය ඊයේ (27) භාර දුන් බව සඳහන්ය.

ආචාර්ය සරත් අමුණුගම මහතා මව්බිම ජනතා පක්ෂයේ සභාපති ධුරය හෙබවූයේය.

‘එක්ව නංවන රටක් – සතුටු පිරුණු දැයක්’ තේමා කරගනිමින් දේශපාලන පක්ෂ කිහිපයක් සහ සිවිල් සංවිධාන කිහිපයක් එක්වී ‘සර්ව ජන බලය’ නමින් නව දේශපාලන ව්‍යාපාරයක් ඊයේ (27) පිහිටුවනු ලැබූ අතර ඒ සඳහා මව්බිම ජනතා පක්ෂය ඇතුළු පක්ෂ කිහිපයක්ම එක්විය.

සබැඳි පුවත්:

Continue Reading

පුවත්

පොසොන් උත්සවයට විශේෂ ප්‍රවාහන පහසුකම්

Published

on

By

පොසොන්  සමයේ අනුරාධපුරයට හා මිහින්තලයට පැමිණෙන සැදැහැවතුන් වෙනුවෙන් විශේෂ ලංගම බස්රථ සේවාවක් ක්‍රියාත්මක කරන බව අමාත්‍ය ආචාර්ය බන්දුල ගුණවර්ධන මහතා පවසයි.

අමාත්‍යවරයා වැඩිදුරටත් පවසා සිටියේ, උතුරු දුම්රිය මාර්ගයේ ප්‍රතිසංස්කරණ පොසොන් පොහොයට පෙර නිම කිරීමට නොහැකි බැවින් මෙම පියවර ගන්නා බවයි.

හෝමාගම,   පිටිපන පාසල් හන්දියේ සිට සිංහ අරන දක්වා මාර්ගය කාපට් අතුරා සංවර්ධනය කිරීම ආරම්භ කෙරුණේ අමාත්‍ය බන්දුල ගුණවර්ධන මහතාගේ ප්‍රධානත්වයෙනි.

මීටර් 800ක දුරක් මාර්ගය සංවර්ධනය කෙරෙන අතර ඒ සදහා වෙන් කෙරෙන මුදල රුපියල් මිලියන 13කි.

Continue Reading

පුවත්

උතුරු දුම්රිය මාර්ගයේ සංවර්ධන කටයුතු නිමවීමට තව කල් යයි

Published

on

By

උතුරු දුම්රිය මාර්ගයේ සංවර්ධන කටයුතු එළඹෙන පොසොන් පොහොයට පෙර නිම කිරීමට හැකියාවක් නොමැති බව කැබිනට් මාධ්‍ය ප්‍රකාශක ප්‍රවාහන අමාත්‍ය බන්දුල ගුණවර්ධන මහතා පවසයි.

අද (28) පැවැති කැබිනට් තීරණ දැනුම්දීමේ මාධ්‍ය හමුවේදී මාධ්‍යවේදියෙකු විසින් යොමුකළ ප්‍රශ්නයකට පිළිතුරු දෙමින් අමාත්‍යවරයා ඒ බව සඳහන් කළේය.

අමාත්‍යවරයා මෙහිදී පවසා සිටියේ, උතුරු දුම්රිය මාර්ගයේ සංවර්ධන කටයුතු අගෝස්තු මාසය වනවිට නිමකළ හැකි බවය.

Continue Reading
Advertisement

Trending

Copyright © 2023 Sri Lanka Mirror. All Rights Reserved