Connect with us

පුවත්

“රනිල්ට සිංදු කියන්නත් ගේන්න වෙන්නේ ඉන්දියාවෙන්; ඡන්දෙටත් ඉන්දියාවෙන් තමයි” (වීඩියෝ)

Published

on

ජනපති රනිල් වික්‍රමසිංහ මහතාගේ එජාප මැයි දින රැළියේ ගීත ගායනා කිරීමට ඉන්දියාවෙන් ගෙන්වන ලද ගායක ගායිකාවන් පස්දෙනාගේ කණ්ඩායම කටුනායක ගුවන් තොටුපලේදී සංචාරක මණ්ඩලයේ නිලධාරීන් විසින් පිළිගැනීම ජාතික ජන බලවේගයේ නායක අනුර කුමාර දිසානායක මහතා විසින් විවේචනය කළේය.

රනිල්ගේ මැයි රැස්වීම සංචාරක මණ්ඩලයේ රැස්වීමක් දැයි ප්‍රශ්න කළ අනුර කුමාර මහතා, රනිල් සිංදු කියන්නත් ගේන්න වෙන්නේ ඉන්දියාවෙන්, ඡන්දෙටත් රනිල් වික්‍රමසිංහට ‍ගේන්න වෙන්නේ ඉන්දියාවෙන් යැයි ද ජාතික ජන බලවේගයේ මාතර වෙරළ උද්‍යානයේ පැවැති ජාතික ජන බලවේගයේ මැයි දිනය රැලිය අමතමින් ඔහු මේ බව පැවසීය.

විනයක් හා සංවිධාත්මක බලයක් නොවීම මේ තත්ත්වයට හේතුව බවද ඔහු කියා සිටියේය.

එළඹෙන මැයි දිනය පවත්වන්නේ, ජාතික ජන බලවේගයේ ආණ්ඩුවක් යටතේ බවත් නීතියක්, විනයක් සහිත සමාජය ජාතික ජන බලවේගය විසින් ගොඩනැගීම අපගේ වගකීමක් බවත් ජාතික ජන බලවේගයේ නායක අනුර දිසානායක මහතා කීය.

“මේ දූෂිතයන් යටතේ, මේ රට විනාශයට පත් කරන ලද අපරාධකරුවන් යටතේ, මේ රට හිඟන රාජ්‍යයක් බවට පත් කරන ලද පාලකයන් යටතේ, පවත්වනු ලබන අවසන් මැයි රැලිය තමයි ජාතික ජන බලවේගය අද (01) මේ පවත්වන්නේ යනුවෙන්ද ඔහු පැවසීය.

වැඩිදුරටත් අනුර කුමාර මහතා මෙසේ පැවසීය.

“මේ දූෂිතයන් යටතේ, මේ දූෂිත ප්‍රභූ තන්ත්‍රය යටතේ එක මැයි දිනයක් වත් මේ රටේ තව තියයිද? නැහැ. ඒ වගේම එළඹෙන මැයි දිනය පවත්වන්නේ, ජාතික ජන බලවේගයේ ආණ්ඩුවක් යටතේ කියන එකත් අපි මතක් කරන්න කැමතියි.

අපි දන්නවා අද මෙතෙන්ට ලක්ෂයට වැඩි පිරිසක් එක්රැස් වෙලා මේ මැයි දිනය පවත්වනවා. කොළඹත් එහෙමයි. අනුරාධපුරයෙත් එහෙමයි. යාපනයේත් අද මැයි රැලියක් පැවැත්වූවා. මේ මැයි රැලිවලට ලක්ෂ සංඛ්‍යාත ජනතාවක් සහභාගීවෙලා ඉන්නවා. මේ ජනතාවගේ එක අරමුණක් තිබෙනවා, බලාපොරොත්තුවක් තිබෙනවා. ඔබ මෙතනට ආවේ ඇයි.

මේ රට ඔහේ ඕපාපාතිකව ගලාගෙන යන රටක්. විනයක් නැති රටක්. අපරාධවලින් ගහන වෙච්ච රටක්. සංවිධානාත්මක මෙහෙයුමක් නැති ආණ්ඩුවක්. රනිල් කරන දේ ඇමති දන්නේ නැහැ. ඇමති කරන දේ රනිල් දන්නේ නැහැ. එහෙම ආණ්ඩුවලට යන්න පුළුවන්ද?

සංවිධානයක් නැති, විනයක් නැති ආණ්ඩු තියෙනවා පක්ෂ තියෙනවා. ඒ පක්ෂවලට කරන්න පුළුවන් මේ විනාශය මේ විදිහටම ඉදිරියට ගෙනයන්න විතරයි. රනිල් වික්‍රමසිංහට පුළුවන්ද අපේ රටට විනයක් ගේන්න. රනිල් වික්‍රමසිංහලාට පුළුවන්ද අපේ රටට විනයක් ගෙන්න. බැහැ. මේ රට හදන්න විනයක් අවශ්‍යයි. නීතියට ගරු කරන සමාජයක් අවශ්‍යයි. නීතියට යටත් වෙන සමාජයක් අවශ්‍යයි. අන්න ඒ සමාජය ගොඩනැගීම ජාතික ජන බලවේගයට අත්හරින්න බැරි ලෙස පැවරී තිබෙන වගකීම, අපි ඒක ඉටු කරන්න ඕනා.” 

කොළඹ රැළිය (සජීවි)

දිසානායක මහතා මේවන විට ජාතික ජන බලවේගයේ කොළඹ පැවැත්වෙන මැයි රැලිය අමතමින් සිටී.

පුවත්

කෑගල්ල උණුසුම් වූ බස් අනතුර

Published

on

By

කෑගල්ල අවිස්සාවේල්ල මාර්ගයේ කොට්ටපොල ප්‍රදේශයේදී පුද්ගලික බස් රථ දෙකක් මුහුණට මුහුණ ගැටී තිබේ.

අද (18) පස්වරු 4.00ට පමණ මෙම අනතුර සිදුව ඇති අතර එම අනතුරින් පුද්ගලයින් 26 දෙදෙනකු තුවාල ලබා ඇති බවත් ඉන් දෙදෙනෙකුගේ තත්ත්වය බරපතළ බවත් වාර්තා වේ.

නුවර සිට අවිස්සාවේල්ල බලා ධාවන වූ පෞද්ගලික බස් රථයක් අධික වේගය සහ අපරික්ෂාකාරී ලෙස වෙනත් වාහනයකට ඉස්සර කිරීමට යාමත් සමග මෙම අනතුර සිදුව ඇතැයි පොලීසිය පවසයි.

තුවාලකරුවන් කෑගල්ල මහරෝහලයට සහ තොරනගහපිටිය ග්‍රාමීය රෝහලට ඇතුළත් කළ බවයි පිංදෙණිය පොලීසිය ප්‍රකාශ කර සිටී.

අනතුරට පත් එක් බස් රථයක රියදුරෙකු බරපතළ තත්ත්වයේ ප්‍රතිකාර ලබන අතර අනෙක් රෝගියා කාන්තාවක් බවයි වාර්තා වේ.

Continue Reading

පුවත්

“මුලින්ම තියන්නේ ජනාධිපතිවරණය නෙමෙයි”

Published

on

By

ස්ථීරයෙන්ම එන්නේ ජනාධිපතිවරණය නොව මහ මැතිවරණය බවත් ලබන 14 හෝ 15 පාර්ලිමේන්තුව අනිවාර්යයෙන්ම විසුරුවන බවත් රුසියාවේ හිටපු ශ්‍රී ලංකා තානාපති උදයංග වීරතුංග මහතා පවසයි.

පෞද්ගලික රූපවාහිනී නාලිකාවක් සමඟ පැවති සාකච්ඡාවකට එක් වෙමින් උදයංග වීරතුංග මහතා මේ බව සඳහන් කලේය.

මේ සම්බන්ධයෙන් ජනාධිපතිවරයා සමග එකඟත්වයට පැමිණ අවසන් බවද ජනාධිපතිවරණයට පෙර මහ මැතිවරණය පැවැත්වීමට ඇති කරගෙන ඇති එකඟතාව පිළිබඳව දන්නේ  ශ්‍රී ලංකා පොදු ජන පෙරමුණේ එක් අයකු පමණක් බවද ඔහු මෙහිදී පවසා ඇත.

“ අගමැති අපේක්ෂකයෙක් නම් කරන්න බලාපොරොත්තුවක් නැහැ. ධම්මික පෙරේරා ඉතා ප්‍රබල අපේක්ෂකයෙක් විදියට ඉදිරිපත් වෙනවා. ඒ තීරණය තියෙන්නේ පොහොට්ටුවේ එක ඔලුවක විතරයි. පාර්ලිමේන්තු මැතිවරණයක් එනවා. පාර්ලිමේන්තුවේ බහුතරය ඒකට විරුද්ධයි. අනුර කුමාරත් විරුද්ධයි. ජාතික ජන බලවේගයට රැල්ලක් ඇවිල්ලා තියෙන්නේ සමාජ මාධ්‍යයෙන් පමණයි. ශ්‍රී ලංකා පොදු ජන පෙරමුණේ අපේක්ශකයා රනිල් වික්‍රමසිංහ නෙමෙයි. ඒක දැන් තීරණය කරල ඉවරයි.”

Continue Reading

පුවත්

ඇල්ල – වැල්ලවාය මාර්ගය යළිත් වැසෙයි

Published

on

By

ඇල්ල – වැල්ලවාය ප්‍රධාන මාර්ගය අද (18) රාත්‍රී 8 සිට හෙට (19) උදෑසන 6 දක්වා ගමනාගමනය සඳහා වසා තැබීමට යළිත් තීරණය කර තිබේ.

අයහපත් කාලගුණික තත්ත්වය හේතුවෙන් එම තීරණය ගත් බව දිස්ත්‍රික් ලේකම්වරයා පවසයි.

Continue Reading

Trending

Copyright © 2023 Sri Lanka Mirror. All Rights Reserved