Connect with us

පුවත්

රාජ්‍ය ආයතන 2කට පඩි ගෙවන්න පෑලියගොඩ ඉඩමක් විකුණයි!

Published

on

රාජ්‍ය ඉංජිනේරු සංස්ථාවට අයත් පෑලියගොඩ පිහිටි වටිනා ඉඩමක් රුපියල් බිලියන 10කට පමණ විකුණා දැමීමට කැබිනට් පත්‍රිකාවක් සකස් කර ඇති බව රාජ්‍ය ඉංජිනේරු සංස්ථාවේ සභාපති නීතිඥ රත්නසිරි කලුපහන මහතා කියයි.

ඒ් එම  සංස්ථාවේ සහ ඊට අනුබද්ධ ජාතික යන්ත්‍රෝපකරණ අධිකාරියේ සේවක වැටුප්, හිඟ වැටුප් සහ හිඟ අර්ථසාධක දීමනා ගෙවීම සඳහා බවද ඔහු කියා සිටී.

මෙසේ විකුණා දැමීමට තීරණය කර ඇත්තේ  පෑලියගොඩ මත්ස්‍ය වෙළඳ සංකීර්ණයට යාබදව පිහිටා තිබෙන ඉහළ නාගරික වටිනාකමකින් යුත් අක්කර 17 රූට් 2 පර්චස් 17 ක වපසරියකින් යුක්ත ඉඩමක් බවද සභාපති වරයා පවසයි.

ජාතික යන්ත්‍රෝපකරණ අධිකාරියේ සේවකයන් හට මැයි මාසයට හිමි වැටුපෙන් රුපියල් හත්දහසක් පමණක් ගෙවීම සම්බන්ධයෙන් එල්ල වී තිබෙන සේවක විරෝධය සම්බන්ධයෙන් කළ විමසීමකදී සභාපතිවරයා මේ බව සදහන් කර තිබේ.

රට තුළ උද්ගතව තිබෙන ආර්ථික අර්බුදය හේතුවෙන් ඉදිකිරීම් ක්ෂේත්‍රයේ කටයුතු අඩපණව පැවතීම නිසා ආයතනය වෙත ලැබිය යුතු ආදායම් මාර්ග අහිමි වීමෙන් රාජ්‍ය ඉංජිනේරු සංස්ථාවේ සහ ජාතික යන්ත්‍රෝපකරණ අධිකාරියේ සේවකයන්ට මාසික වැටුප් ගෙවීම බරපතළ ගැටලුවක් වී ඇති බවත් ලබා ගැනීමට හැකිවූ මුදලින් මේ ආකාරයට වැටුපෙන් කොටසක් ගෙවීමට පියවර ගත් බවත් ඔහු කියා සිටී.

සිය කැමැත්තෙන්ම විශ්‍රාම යාමට සූදානමින් සිටින සේවකයන් 1100 කට ගෙවීම සඳහා පමණක් රුපියල් මිලියන 2600 ක් පමණ අවශ්‍ය වන බවද සභාපතිවරයා කීය.

ජාතික යන්ත්‍රෝපකරණ අධිකාරියේ මහා පරිමාණයෙන් මූල්‍ය අක්‍රමිකතා සිදුවීම සහ යහපාලන ආණ්ඩුව කාලයේදී සීමාව ඉක්මවූ සේවකයන් පිරිසක් බඳවාගෙන තිබීමද මෙම ආයතන පවත්වාගෙන යාමට ඇතිවී තිබෙන ගැටලු බවද හෙතෙම සඳහන් කළේය.

නීතිඥ රත්නසිරි කලුපහන මහතා මාධ්‍ය වෙත වැඩි දුරටත් මෙසේද පවසා ඇත.

‘‘අපි අවස්ථා ගණනාවකදීම ආයතනය භාර අමාත්‍යවරුන්ට සහ මුදල් අමාත්‍යාංශයට පෙන්වා දුන්නා පවතින ආර්ථික අර්බුදය හමුවේ මේ ආයතනවල සේවකයන්ට වැටුප් ගෙවීම ඉතාම අපහසු බව. වැටුප් පමණක් නොවෙයි වසර දෙකකින් සේවක ඊපීඑෆ් සහ ඊටීඑෆ් දීමනා පවා ගෙවා නැහැ.

මේ තත්ත්වය මත අපේ ආයතනයේ 1100 ක සේවක පිරිසක් ස්ව කැමැත්තෙන්ම ඉල්ලා අස්වීමට සිටින නිසා ඒ අයට වන්දි ලබා දෙන ලෙස අපි මහා භාණ්ඩාගාරයෙන් ඉල්ලීමක් කළා. නමුත් අපේ ඉල්ලීම ප්‍රතික්ෂේප කරපු මහා භාණ්ඩාගාරය අපට දැනුම් දුන්නා අපේ ආයතනය සතු යම්කිසි සම්පතක් තියෙනවා නම් ඒක විකුණලා වන්දි ගෙවීම සිදු කරන්න කියලා. ඒ සම්බන්ධයෙන් කිසිම ගැටලුවක් නැති බවත් අපට දන්වා සිටියා.

ඒ අනුව අපි අපේ අමාත්‍ය ප්‍රසන්න රණතුංග මගින් කැබිනට් පත්‍රිකාවක් සකස් කරලා දැම්මා අපේ ආයතනයට අයත් පෑලියගොඩ මත්ස්‍ය වෙළඳ සංකීර්ණයට යාබදව පිහිටි වටිනා ඉඩම විකුණලා ඉංජිනේරු සංස්ථාවේ පවතින මේ මහා ණය කන්දරාව සහ සේවක විශ්‍රාම වන්දි මුදල් ගෙවන්න.

මේ ඉඩමේ වර්තමාන වටිනාකම රජයේ තක්සේරු දෙපාර්තමේන්තුවෙන් නියම කරලා තිබෙනවා රුපියල් බිලියන 9 ත් 10 ත් අතර ප්‍රමාණයක්. මේ ඉඩම කොළඹ නාගරික ප්‍රදේශයේ තියෙන ඉතාම වටිනා ඉඩමක්. මෙහි මහින්ද රාජපක්ෂ හිටපු ජනාධිපතිතුමාගේ පාලන කාලයේදී ඉදි කරමින් තිබුණු දෙමහල් ගොඩනැගිල්ලකුත් තිබෙනවා. නමුත් පසුගිය යහපාලන රජය සමයේදී එහි ඉදිකිරීම් කටයුතු අතරමග නවතා දැමීම නිසා දැන් විනාශයට පත් වෙලා තිබෙනවා. එම ගොඩනැගිල්ල සම්පූර්ණයෙන්ම ඉදි කර තිබුණා නම් මේ ඉඩමේ වටිනාකම තවත් ඉහළ යන්න තිබුණා.

අපි මේ සඳහා දාපු කැබිනට් පත්‍රිකාව ජනාධිපති රනිල් වික්‍රමසිංහ අනුමත කළත් වර්තමානයේ සිටින ඉඩම් අමාත්‍යාංශයේ ලේකම්වරයා එය ක්‍රියාත්මක කිරීමට නොහැකි බව අපට දන්වා සිටියා. මේ තත්ත්වය අපට විශාල ගැටලුවක් වෙලා තිබෙනවා. මේ සඳහා අමාත්‍ය ප්‍රසන්න රණතුංග ගේ මැදිහත් වීමෙන් පසුව අති විශේෂ ගැසට් නිවේදනයක් මගින් ආයතනය මුදල් අමාත්‍යාංශය වෙත පවරා ගත්තා. එය ඉදිරි කටයුතු සඳහා ඉතාම පහසුවක් වේව්.’’

උද්ගතව පවතින මෙම ගැටලු සාකච්ඡා කර විසඳුම් ලබා ගැනීම සඳහා අද (19) දිනයේ වැඩ බලන මුදල් අමාත්‍ය ෂෙහාන් සේමසිංහ මහතා සහ මුදල් අමාත්‍යාංශයේ උසස් නිලධාරින් පිරිසක් සමග සාකච්ඡාවක් පැවැත්වීමට නියමිත බවද නීතිඥ කලුපහන මහතා කියා සිටී.

මූලාශ්‍රය – අරුණ

පුවත්

නාවිකයන් 3,146 ට උසස්වීම්

Published

on

By

15 වන රණවිරු සැමරුම් දිනයට සමගාමීව නාවිකයන් 3,146 දෙනෙක් ඊළඟ තරාතිරමට උසස් කර තිබේ.

නිවේදනයක් නිකුත් කරමින් නාවික හමුදාව මේ බව දැනුම් දී ඇත.

15 වන රණවිරු සැමරුම් දිනයට සමඟාමීව සන්නද්ධ හමුදා සේනාධිනායක හා ශ්‍රී ලංකා ජනාධිපතිවරයාගේ අනුමැතිය ඇතුව නාවික හමුදාධිපති වයිස් අද්මිරාල් ප්‍රියන්ත පෙරේරා විසින් නාවික හමුදාවේ ජ්‍යේෂ්ඨ හා කණිෂ්ඨ නාවිකයන් 3,146 දෙනෙකුට මෙම උසස්වීම් සිදුකර ඇත.

වසර 30 කට ආසන්න කාලයක් මෙරට වෙලා ගනිමින් පැවති ත්‍රස්තවාදය මානුෂීය මෙහෙයුමකින් විජයග්‍රහණය කර මවිබිමේ ස්වෛරීභාවය සහ භෞමික අඛණ්ඩතාවය ස්ථාපිත කිරීම උදෙසා ත්‍රිවිධ හමුදාවේ, පොලීසියේ සහ සිවිල් ආරක්‍ෂක දෙපාර්තමේන්තුවේ වීරෝධාර රණවිරුවන් ජීවිත පරිත්‍යාගයෙන් සිදුකළ අනභිබවනීය දායකත්වය එම විජයග්‍රහණය සඳහා තීරණාත්මක සාධකයක් විය.

(අරුණ)

Continue Reading

පුවත්

කෝටි 5ක ජංගම දුරකතන එක්ක දෙදෙනෙක් ගුවන්තොටේදී කොටුවෙයි

Published

on

By

නීතිවිරෝධී ලෙස ශ්‍රී ලංකාවට ආනයනය කර, තීරු බදු නොගෙවා ගුවන් තොටුපොළෙන් පිට කර ගෙන යමින් සිටි රුපියල් කෝටි පහක් පමණ වටිනා නවීන ජංගම දුරකථන තොගයක් සහ පෙන් ඩ්‍රයිව් තොගයක් සමග ඒවා ගුවන් තොටුපොළ වෙත රැගෙන ආ ව්‍යාපාරිකයන් දෙදෙනෙකු ද කටුනායක ගුවන් තොටුපොළ පැමිණීමේ පර්යන්තයේ දී ගුවන් තොටුපොළ අපරාධ පරීක්ෂණ දෙපාර්තමේන්තුවේ නිලධාරීන් පිරිසක් විසින් අද (17) අලුයම අත් අඩංගුවට ගෙන තිබේ.

මොවුන් දෙදෙනාගෙන් එක් අයෙකු කොළඹ – 12 ප්‍රදේශයේ පදිංචි අයෙකු වන අතර ඔහු 59 හැවිරිදිය. අනෙක් ව්‍යාපාරිකයා කොළඹ – 14 පදිංචි 24 හැවිරිදි පුද්ගලයෙකි .

ඔවුන් දෙදෙනා ඩුබායි සිට ශ්‍රී ලන්කන් ගුවන් සේවයේ යූ.එල්.- 226 දරන ගුවන් යානයෙන් කටුනායක ගුවන් තොටුපොළ වෙත  අද අලුයම 04.55ට පැමිණ තිබුණි .

මෙම ජංගම දුරකථන සහ පෙන් ඩ්‍රයිව් තොගය වැඩිදුර විමර්ශන කටයුතු සදහා කටුනායක ගුවන් තොටුපොළ රේගු නිලධාරීන් වෙත භාර දීමට පියවර ගෙන තිබේ .

(ලංකාදීප)

Continue Reading

පුවත්

බැසිල්ගේ ඉල්ලීමට රනිල්ගේ ප්‍රතිචාරය

Published

on

By

ජනාධිපතිවරණයට පෙර මහ මැතිවරණය පවත්වන ලෙස කළ ඉල්ලීමට ජනාධිපතිවරයා නිශ්චිත ප්‍රතිචාරයක් නොදැක්වූ බව ශ්‍රී ලංකා පොදු ජන පෙරමුණ පවසයි.

ජනාධිපති රනිල් වික්‍රමසිංහ සහ ශ්‍රී ලංකා පොදු ජන පෙරමුණේ නිර්මාතෘ බැසිල් රාජපක්ෂ මහත්වරුන් අතර පෙරේදා (15) සාකච්ඡාවක් පවත්වා ඇත.

මෙම ඉල්ලීම කර ඇත්තේ එම රැස්වීමේදීය.

රටේ සංවර්ධන ක්‍රියාදාමය සම්බන්ධයෙන්ද සිය පක්ෂයේ ස්ථාවරයද ජනාධිපතිවරයාට එහිදී දැනුම්දුන් බව එම පොදුජන පෙරමුණ පවසයි.

බැසිල් රාජපක්ෂ මහතා සහ ජනාධිපතිවරයා අතර සාකච්ඡා වට හතක් මේ වනවිට පවත්වා ඇත

Continue Reading
Advertisement

Trending

Copyright © 2023 Sri Lanka Mirror. All Rights Reserved