Connect with us

පුවත්

රූපවාහිනියේ වත්ත බද්දට : YouTube ආදායම නිරයට

Published

on

ජාතික රූපවාහිනිය භූමියෙන් පර්චස් 80 ක් අවුරුදු 30 ක බදු ඔප්පුවකට විකිනීම සඳහා එහි සභාපති හා අධ්‍යක්ෂ ජනරාල් විසින් සැලසුම් කොට ඇතැයි වාර්තා වේ.

මේ සඳහා මැනීම් කටයුතු සිකුරාදා (22) සිදු කොට තිබේ.

එය සිදුකර ඇත්තේ සියලුම වෘත්තීය සමිති නිලධාරීන් රැස්වීමකට යයි කියා සභාපතිවරයා තම කාර්‍යාලයට කැඳවා තිබියදීය.

මෙම ඉඩම රුපියල් මිලියන 1100 කට පෞද්ගලික සරසවියකට විකුණා දැමීමට නියමිතව ඇතැයි වාර්තා වේ.

මේ වන විට පාඩු ලබමින් පවත්වාගෙන යන ජාතික රූපවාහිනිය දැනට රුපියල් මිලියන 1000 කට වඩා ණය වී ඇතැයි සේවකයෝ පවසති.

මේ අතර, ජාතික රූපවාහිනය තුළ ජනතා විමුක්ති පෙරමුණේ වෘත්තීය සමිතිය පසුගාමීව කටයුතු කරන බවට ද සේවකයන්ගෙන් චෝදනා එල්ලවෙමින් ඇතැයි එහි අභ්‍යන්තර ආරංචි මාර්ගවලින් වාර්තා වේ.

මීට පෙර රූපවාහිනියේ සභාපතිවරයකුව සිටි සොනාල ගුණවර්ධන නැමැත්තා රූපවාහිනියේ යූටියුබ් ආදායම දිලිත් ජයවීර මහතාට අයත් පෞද්ගලික රූපවාහිනී නාලිකාවක් වන දෙරණේ ඩිජිටල් ක්‍රියාකාරිත්වය මෙහෙයවන “අයිඩියාහෙල් (IdeaHell)” නැමැති ආයතයට ලබාදීමෙන් පසුව අඩකින් පමණ අඩුවී ඇතැයි වාර්තා වේ.

කෙසේවුවද, මීට පෙර සෘජුවම රූපවාහිනියට ලැබුණ යූටියුබ් ආදායම දැන් ලැබෙන්නේ “අයිඩියාහෙල් (IdeaHell)” නැමැති ආයතනයට බවද පැවසේ.

ඩොලරය වැඩිවීමෙනෙත් පසුව මෙසේ ආදායම් අඩුවීමට හේතුව සම්බන්ධයෙන් රූපවාහිනියේ වත්මන් සභාපතිවරයා හෝ එහි අධ්‍යක්ෂ ජනරාල්වරයා මෙතෙක් සොයා බලා නැතැයිද වාර්තා වේ.

මේ අතර, ඉතා විශ්වාස කටයුතු ආරංචි මාර්ගයකින් වාර්තා වූයේ “අයිඩියාහෙල් (IdeaHell)” ආයතනයෙන් රූපවාහිනියට ලැබිය යුතු මුදල් ලබා ගැනීමද මේවන විට ඉතා අසීරු වී ඇති බවයි.

එසේම, රූපවාහිනී සංස්ථාවේ යූටියුබ් නාලිකා කළමනාකරණය කිරීම සඳහා ගිවිසුම්ගතව සිටි විශ්මිත එන්ටප්‍රයිස් ආයතනය ඉන් ඉවත්කර සභාපතිවරයා හිතුමතේ මිත්‍ර සමාගමක් වන “අයිඩියාහෙල් (IdeaHell)” වෙත පැවරීමට එරෙහිව මේවන විට අභියාචනාධිකරණයේ නඩුවක් විභාගවෙමින් පවතී.

සබැඳි පුවත්
YouTube දෙරණට දුන්නට රූපවාහිනියට, සභාපතිට අතුරු තහනම් නියෝගයක්
රූපවාහිනියේ ඩිජිටල් ආදායම දෙරණට දී පඩි ගෙවන්න ට්‍රෙෂරියෙන් සල්ලි ඉල්ලයි
සොනාල බිස්නස් අරඹයි: රූපවාහිනියේ යු ටියුබ් දෙරණට
කට්ටිය අල්ලන් පුටුව බේරගත් සොනාල රූපවාහිනියම අමාරුවේදායි!

පුවත්

වෙසක් වෙනුවෙන් බඩු මිල පහලට

Published

on

By

එළඹෙන වෙසක් උත්සවය අරමුණු කරගනිමින් ලංකා සතොස ආයතනය භාණ්ඩ කිහිපයක මිල අඩු කර තිබේ.

Continue Reading

පුවත්

“ග්‍රාම නිලධාරීන්ගේ ප්‍රශ්නය ගැන බලන්න”

Published

on

By

ග්‍රාම නිලධාරීන්ගේ ප්‍රශ්න විසඳුවේ නැතොත් ඔවුන්ගේ වෘත්තිය ක්‍රියාමාර්ග දැඩි කරන බව පවසා ඇතැයි ජාතික ජන බලවේගයේ මන්ත්‍රී අනුර දිසානායක මහතා පාර්ලිමේන්තුවේ දී පැවසීය.

ග්‍රාම නිලධාරී සේවය ස්ථාපිත නොවීම, අනන්‍ය වැටුප් නොලැබීම මෙන්ම රාජකාරී සදහා අයුතු බලපෑම් එල්ලවීම ආදී ගැටලු ග්‍රාම නිලධාරීන්ට මතුව තිබෙන්නේ යැයිද පසුගිය දිනවල ඔවුන් රාජකාරී නිවාඩු සහ අකුරට වැඩ කිරීමේ ක්‍රියාමාර්ග ගෙන තිබෙන්නේ යැයිද දිසානායක මහතා කීය.

ග්‍රාමීය මට්ටමේ රාජ්‍ය පරිපාලන නියෝජිතයා වන ග්‍රාම නිලධාරී සේවය පැය අටකට සීමා වන්නේ නැතැයි ද ඔවුන්ගේ වෘත්තීය ගැටලු දිගු කාලයක් තිස්සේ විසඳී නැතැයි ද දිසානායක මහතා පැවසීය.

Continue Reading

පුවත්

ධීවරයින්ට හදිසි දැනුම්දීමක්

Published

on

By

අද (22)  දින සිට ක්‍රියාත්මක වන පරිදි නැවත දැනුම්දෙනතුරු බහුදින ධීවර යාත්‍රා ඇතුළුව සියලුම ධීවර යාත්‍රා සඳහා රැකියාවට පිටත්වීම සඳහා අවසර ලබා නොදෙන බව ධීවර හා ජලජ සම්පත් දෙපාර්තමේන්තුව පවසයි.

අද මාධ්‍ය වෙත අදහස් දක්වමින් එම දෙපාර්තමේන්තුවේ අධ්‍යක්ෂ ජනරාල් සුසන්ත කහවත්ත මහතා මේ බව පැවසීය.

දිවයින වටා මුහුදු ප්‍රදේශවල ඉදිරි දින කිහිපයේදී දැඩි වර්ශාපතනයත් දැඩි සුළං තත්ත්වයක් ඇතිවිය හැකි බවට වාර්තාවීමත් සමග එම දෙපාර්තමේන්තුව මෙම තීරණය ගෙන ඇත.

එසේම මේ වනවිට රැකියාවේ නිරතව සිටින බහුදින ධීවර යාත්‍රා වෙත ද ආරක්‍ෂිත ප්‍රදේශ හරහා ගමන්කරන ලෙසට දැනුම්දී ඇති බව එහි අධ්‍යක්ෂවරයා වැඩිදුරටත් සඳහන් කළේය.

Continue Reading
Advertisement

Trending

Copyright © 2023 Sri Lanka Mirror. All Rights Reserved