Connect with us

පුවත්

රූපවාහිනි ප්‍රවෘත්ති මණ්ඩලේ කචල්; හේතුව බන්දුලගේ පබ්ලිසිටි

Published

on

ශ්‍රී ලංකා රූපවාහිනී සංස්ථාවේ ප්‍රවෘත්ති අධ්‍යක්ෂ ධුරයට එහි පසුතල අංශයේ නියෝජ්‍ය අධ්‍යක්ෂවරයකු වන ඉන්දික මාරසිංහ මහතා පත් කිරීම මේ වන විට සංස්ථාවේ අභ්‍යන්තර අර්බුදයක් බවට පත්ව තිබේ.

ඉන්දික මාරසිංහ ඊයේ (29) වන විටත් නව ධුරයේ වැඩ භාර ගැනීමට පැමිණ නොමැති අතර, ඔහු ප්‍රවෘත්ති අධ්‍යක්ෂ ධුරය සමග පසුතල අංශයේ නියෝජ්‍ය අධ්‍යක්ෂ තනතුර ද ඉල්ලා සිටීම ඊට හේතු වී ඇතැයි සංස්ථාවේ ආරංචි මාර්ග සඳහන් කළේය.

මීට වසර කිහිපයකට පෙර ඉන්දික මාරසිංහ වැඩබලන ප්‍රවෘත්ති අධ්‍යක්ෂවරයා ලෙස කටයුතු කරන සමයේ ප්‍රවෘත්ති කාර්ය මණ්ඩලයෙන් එල්ල වූ විරෝධය යළි එල්ල වීමට පටන් ගෙන තිබෙන බවත් මේ නිසා ඔහු අධ්‍යක්ෂ ධුරය භාර නොගැනීමට බොහෝදුරට ඉඩ තිබෙන බවත් ඉහත ආරංචි මාර්ග සඳහන් කළේය.

එමෙන්ම සම්මුඛ පරීක්ෂණයකින් ප්‍රවෘත්ති අධ්‍යක්ෂ ධුරයට පත් වූ තිලක් මහගමගේ කිසිදු චෝදනාවකින් තොරව ඉවත් කළ නොහැකිය යන්න කාර්ය මණ්ඩලයේ අදහස වී තිබේ. 

තිලක් මහගමගේ මහතා පසුතල අංශයේ අධ්‍යක්ෂවරයා වශයෙන් පත් කර ඇත්තේ එම අංශයේ අධ්‍යක්ෂවරයකු සිටිය දී වීම කාර්ය මණ්ඩලවල විමතියට හේතු වී ඇත.

එමෙන්ම සම්මුඛ පරීක්ෂණයකින් ප්‍රවෘත්ති අධ්‍යක්ෂ ධුරයට පත්ව සිටින තිලක් මහගමගේ මහතාට එරෙහි චෝදනාවක් විභාග කර නොමැති හෙයින් පහළ තනතුරකට ඔහු පත් කිරීමට හැකියාවක් නොමැති වීම ගැටලුව තවත් සංකීර්ණ වීමට හේතු වී ඇතැයි එහි අභ්‍යන්තර ආරංචි මාර්ග සඳහන් කරයි.

ජනමාධ්‍ය ඇමැති බන්දුල ගුණවර්ධන සම්බන්ධ පුවත් සඳහා වැඩි ඉඩක් වෙන් නොකිරීම ප්‍රවෘත්ති අධ්‍යක්ෂවරයාට එරෙහිව එල්ල වී තිබෙන චෝදනාව වන නමුත්, මේ දක්වා ඒ සම්බන්ධයෙන් කිසිදු පරීක්ෂණයක් පවත්වා නැතැයි ද වාර්තා වේ.

මේ අතර, රූපවාහිනියේ සභාපතිවරයාව සිටි ඩබ්ලිව්.බී. ගනේගල මහතා හදිස්සියේම ඒම ධූරයෙන් ඉවත් කිරීම සම්බන්ධයෙන්ද අමාත්‍ය බන්දුල ගුණවර්ධන මහතාට චෝදනා එල්ලවී තිබේ.

කීර්තිමත් රාජ්‍ය ‌සේවකයකු වන ඒ් මහතාට ඉල්ලා අස්වන්නැයි නොදන්වා ඔහුව අදාළ ධූරයෙන් ඉවත් කිරීම සම්බන්ධයෙන් ගුණවර්ධන මහතාට ආණ්ඩුව තුළම අප්‍රසාදයට පත්ව ඇතැයි ද පැවසේ.

පුවත්

උතුරු – නැගෙනහිරට සංවර්ධනයේ ප්‍රතිලාභ දෙන බව ජනපති කියයි

Published

on

By

යුද්ධය නිසා උතුරු නැගෙනහිරට බලපෑ ප්‍රශ්න කඩිනමින් අවසන් කර එම ජනතාවට ද සංවර්ධනයේ ප්‍රතිලාභ ලබා දෙන බව ජනාධිපති රනිල් වික්‍රමසිංහ මහතා පවසයි.

උතුරු පළාත තුළ උසස් මට්ටමේ සෞඛ්‍ය සේවාවක් සහතික කිරීම වෙනුවෙන් යාපනය රෝහල නුදුරේදීම ජාතික රෝහලක් බවට පත් කිරීමට කටයුතු කරන බවත් දකුණු පළාත තුළ පැවති දීර්ඝකාලීන අවශ්‍යතාවයක් ඉටු කරමින් කරාපිටිය රෝහල ජාතික රෝහලක් බවට පත් කිරීමට අදාළ කැබිනට් අනුමැතිය හිමිවී ඇති බවද ජනාධිපතිවරයා සඳහන් කළේය.

ජනපතිවරයා යාපනය විශ්වවිද්‍යාලයේ වෛද්‍ය පීඨයේ ඉදිකළ සායනික පුහුණු සහ පර්යේෂණ අංශ ගොඩනැගිල්ල විවෘත කිරීමේ අවස්ථාවට අද (24) පෙරවරුවේ මේ බව පැවසීය.

මේ අතර “උරුමය ”  වැඩසටහන යටතේ යාපනය දිස්ත්‍රික්කයේ ප්‍රාදේශීය ලේකම් කාර්යාල 15ම ආවරණය වන පරිදි සින්නක්කර ඔප්පු 1,286ක් ජනාධිපති රනිල් වික්‍රමසිංහ මහතා අතින් ජනතාවට ලබාදීම අද යාපනයේදී සිදුකෙරිණි.

එමෙන්ම උතුරු පළාතට අයත් මුලතිව්, කිලිනොච්චිය, වවුනියාව හා මන්නාරම දිස්ත්‍රික්කවලට අදාළව “උරුමය” වැඩසටහන යටතේ සින්නක්කර ඔප්පු 13,858ක් ඉදිරියේදී ලබා දීමට නියමිතව තිබේ.


Continue Reading

පුවත්

පැපුවා නිව් ගිනියාවේ දරුණු  නායයාමක්

Published

on

By

පැපුවා නිව් ගිනියාවේ දුෂ්කර ගම්මාන හයකට බලපෑම් එල්ල කරමින් ඇති වූ නායයෑමෙන් ජීවිත රැසක් අහිමි වී ඇතැයි විදෙස් මාධ්‍ය වාර්තා කර තිබේ.

ඊයේ (23) සිදු වූ මෙම නායයෑමෙන් නිවාස 100කට වැඩි ගණනක් පස්වලින් සම්පූර්ණයෙන්ම යට වී ඇති බව විදෙස් වාර්තාවල දැක්වේ.

මෙහිදී සිදු වී ඇති ජීවිත හානි ගණන හෝ සුන්බුන් අතර කොපමණ පිරිසක් සිරවී ඇති ද යන්න නිශ්චිතවම තවමත් ප්‍රකාශ කළ නොහැකි බවද පැවසේ.

මෙම නායයෑම සිදු වූ  Enga නම් ප්‍රදේශයේ ආණ්ඩුකාරවරයා මාධ්‍යයට පවසා ඇත්තේ මෙය මීට පෙර සිදුනොවූ ස්වභාවික ව්‍යවසනයක් බවය.

එමෙන්ම පැපුවා නිව් ගිනියාවේ අග්‍රාමාත්‍ය James Marape පවසා ඇත්තේ, මළ සිරුරු ගොඩගැනීම සඳහා අවශ්‍ය සහන සේවා සැපයීමට සහ යටිතල පහසුකම් සඳහා අදාළ ස්ථානයට ආපදා නිලධාරීන් යොමු කර ඇති බවය.

Continue Reading

පුවත්

හලාවත ගොල්ෆ් පිටියක් හදන්න සැලසුම් කරයි

Published

on

By

හලාවත ගොල්ෆ් පිටියක් ඉදිකිරීමට සැලසුම් කරන බව කැබිනට් ප්‍රකාශක බන්දුල ගුණවර්ධන මහතා  නිවේදනය කළේය.

ඒ ඉරණවිල හා හලාවත ප්‍රදේශය සංචාරක කේන්ද්‍රස්ථානයක් ලෙස සංවර්ධනය කිරීමේ සමස්ත උපාය මාර්ගයේ කොටසක් ලෙස බවද ඔහු කීය.

මේවන විට ශ්‍රී ලංකාව තුළ දැනටමත් කොළඹ, මහනුවර සහ නුවරඑළියේ ගොල්ෆ් පිටි කිහිපයක් තිබේ.

සිදුරු 18කින් යුත් ගොල්ෆ් පිටි පහක් සහ සිදුරු 9කින් යුත් ‍ගොල්ෆ ක්‍රීඩාංගණ කිහිපයක් ද ශ්‍රී ලංකාව සතුවේ.

ගොල්ෆ් පිටියට අමතරව හලාවත සහ බිංගිරිය අතර සම්බන්ධක මාර්ගයක් ඉදිකෙරෙන අතර ඉන් අපනයන කලාපයක් පුළුල් කරන බව ද අමාත්‍ය ගුණවර්ධන මහතා පවසයි.

හලාවත – ඉරණවිල සංචාරක මධ්‍යස්ථානයේ සංවර්ධන කටයුතු බිංගිරිය ඒකාබද්ධ සංවර්ධන සැලැස්මට සම්බන්ධ කාර්ය සාධක බලකායක් මගින් අධීක්ෂණය කිරීමට නියමිත බවද පැවසේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved