Connect with us

පුවත්

රොනාල්ඩෝ අන්තර් ජාතික පා පන්දු පිටියට සමුදෙයි!

Published

on

යුරෝපා කුසලාන පාපන්දු තරගාවලියේ මෙරට වේලාවෙන් අද (06) අළුයම අවසන් වූ අර්ධ අවසන් පූර්ව වටයේ දෙවැනි තරගයෙන් පෘතුගාලය පරාජය කර ඉතා තියුණු ජයක් ලැබීමට ප්‍රංශය සමත් විය.

නියමිත කාලය අවසන් වද්දී කණ්ඩායම් දෙකටම ගෝල වාර්තා කිරීමට නොහැකි වූ අතර, ලබාදුන් අතිරේක කාල අවස්ථා දෙකේදීද කිසිඳු කණ්ඩායමකට ගෝල වාර්තා කිරීමට නොහැකි විය.

මේ හේතුවෙන් ජයග්‍රාහකයා තීරණය කෙරුණේ දඬුවම් පහර අවස්ථාවෙනි.

එහිදී ප්‍රංශය පහර අවස්ථා 05ම සාර්ථක කරගනිද්දී, පෘතුගාලයට සාර්ථක කරගැනීමට හැකිවූයේ අවස්ථා 03ක් පමණි.

මේ හේතුවෙන් පෘතුගාල කණ්ඩායමට තරගාවලියෙන් ඉවත්වීමට සිදු විය.

යුරෝපා කුසලාන ඉතිහාසයේ පෘතුගාලය මීට පෙර 2016 වසරේ ශූරතාවත්, 2004 වසරේදී අනුශූරතාවත් ජයග්‍රහණය කර තිබුණි.

අවසන් පූර්ව වටයේදී ප්‍රංශය හා ස්පාඤ්ඤය හමුවීමට නියමිතව ඇති අතර, එම තරගය මේ මස 09වැනිදා පැවැත්වේ.

කෙසේ නමුත් පෘතුගාලය තරගාවලියෙන් ඉවත්වූවාට වඩා සුවිශේෂී කරුණ වන්නේ, පුරා වසර 21ක් පෘතුගාලය නියෝජනය කළ ක්‍රිස්ටියානෝ රොනාල්ඩෝගේ ජාත්‍යන්තර ක්‍රීඩා දිවියට ද තිත තැබීමට තීරණය කර ඇත.

තිස්නමවැනි වියේ පසුවන රොනාල්ඩෝ පසුගිය දිනකදී නිල වශයෙන් තහවුරු කර සිටියේ, මෙවර යුරෝපා කුසලාන පාපන්දු තරගාවලියේ තමන්ගේ ජාත්‍යන්තර ක්‍රීඩා දිවියේ අවසන් තරගාවලිය මෙය වේ.

ඔහු මෙම අදියරත් සමග මේ දක්වා යුරෝපා කුසලන 06කට ක්‍රීඩාකර තිබුණි.

රොනාල්ඩෝ ජාත්‍යන්තර පාපන්දු පිටියට අවතීරණ වූයේ 2003 වසරේදී කසකස්තානයට එරෙහිවය.

ඒ වන විට 18 හැවිරිදි වූ ඔහු, එතැන් සිට මේ දක්වා තරග 212කදී පෘතුගාලය නියෝජනය කර ගෝල 130ක් වාර්තා කර තිබේ.

කෙසේ නමුත් ඔහු තවදුරටත් සෞදි අරාබියේ Al Nassr ක්‍රීඩා සමාජය වෙනුවෙන් සිය වෘත්තීය ක්‍රීඩාව පවත්වාගෙන යනු ඇතැයි ද මේ අතර වාර්තා වේ.

පුවත්

ආණ්ඩුක්‍රම ව්‍යවස්ථාව සංශෝධනයට කැබිනට් අනුමැතිය

Published

on

By

ආණ්ඩුක්‍රම ව්‍යවස්ථාව සංශෝධනය කිරීමේ පනත් කෙටුම්පත ගැසට් පත්‍රයේ පළ කිරීමට සහ පාර්ලිමේන්තුවට ඉදිරිපත් අමාත්‍ය මණ්ඩලයේ අනුමැතිය හිමි වී තිබේ.

කැබිනට් තීරණ දැනුම්දීමේ මාධ්‍ය හමුවට එක්වෙමින්, අමාත්‍ය බන්දුල ගුණවර්ධන මහතා මේ බව සඳහන් කලේය.

ශ්‍රී ලංකා ප්‍රජාතාන්ත්‍රික සමාජවාදී ජනරජයේ ආණ්ඩුක්‍රම ව්‍යවස්ථාවේ 83 ව්‍යවස්ථාවේ (ආ) ඡේදයෙහි සඳහන් ” සාවුරුද්දක් ඉක්මවා” යන වචන වෙනුවට “වසර පහක් ඉක්මවා” යන වචන ආදේශ කරමින් 83 ව්‍යවස්ථාවේ (ආ) ඡේදය සංශෝධනය කිරීම පිණිස 2024-07-09 දින පැවති අමාත්‍ය මණ්ඩල රැස්වීමේදී ප්‍රතිපත්ති අනුමැතිය ලබා දී ඇති බව සඳහන්ය.

ඒ අනුව නීති කෙටුම්පත් සම්පාදක විසින් සකස් කරනු ලැබ ඇති කෙටුම්පත සඳහා නීතිපතිගේ අවසරය ලැබී තිබේ.

Continue Reading

පුවත්

ආහාර කිහිපයක මිල පහළට

Published

on

By

ආපනශාලා ආහාර මිල පහළ දැමීමට තීරණය කළ බව සමස්ත ලංකා ආපනශාලා හිමියන්ගේ සංගමය පවසයි.

විදුලි ගාස්තු පහළ දැමීම හේතුවෙන් ඔවුන් මේ තීරණය ගෙන තිබේ.

ඒ අනුව ෆ්‍රයිඩ් රයිස්, කොත්තු සහ බත් මිල රුපියල් 25කින් අඩු කර තිබෙන බවයි වාර්තා වේ.

පරාටා, බිත්තර රොටි ඇතුළු කෙටි ආහාර රුපියල් 10කින් අඩු කර තිබේ.

Continue Reading

පුවත්

කොටුව දුම්රියපොළ ඉදිරිපිට මළ සිරුරක්

Published

on

By

කොටුව දුම්රිය ස්ථානය ඉදිරිපිට මාර්ගය අසල රැඳී සිටි පුද්ගලයෙකු මියගොස් තිබේ.

ඒ, සම්බන්ධයෙන් ඊයේ (15) රාත්‍රී කාලයේ කොටුව පොලීසියට ලද තොරතුරක් මත විමර්ශන ආරම්භ කර ඇති බව සඳහන්ය.

මරණකරුගේ අනන්‍යතාවය මෙතෙක් තහවුරු වී නැති අතර මරණකරු අත්කොට කමිසයක් සහ රතු පැහැති සරමක් හැඳ සිටින අතර ඔහුට වයස අවුරුදු 60ත් 65ක් පමණ විය හැකි බවයි පොලීසිය පවසයි.

එම පුද්ගලයා උස අඩි 05යි අඟල් 04ක් වන තළෙළු, කෙට්ටු සිරුරකින් යුත් පිරිමි පුද්ගලයෙකි.

සිද්ධිය සම්බන්ධයෙන් කොටුව පොලීසිය විසින් වැඩිදුර විමර්ශන ක්‍රියාත්මකය.

Continue Reading

Trending

Copyright © 2023 Sri Lanka Mirror. All Rights Reserved