Connect with us

පුවත්

රෝහිත වෙනුවට වෙනත්අයකු විත්තිකූඩුවට නැගලා උසාවියම හිනස්සයි!

Published

on

හිටපු ඇමැති රෝහිත අබේගුණවර්ධන මහතාට එරෙහි නඩුවක් කොළඹ කොටුව මහෙස්ත්‍රාත් අධිකරණය හමුවේ ඊයේ (30) කැඳවූ අවස්ථාවේදී ඔහු වෙනුවෙන් විත්ති කූඩුවට වෙනත් පුද්ගලයකු නැගීමේ සිද්ධියක් වාර්තා වේ.

අරගලකරුවන්ට පහරදීමේ සිද්ධියට අදාළව හිටපු ඇමැති රෝහිත අබේගුණවර්ධන මහතා ඇතුළු පිරිසකට එරෙහිව කොටුව මහෙස්ත්‍රාත් තිලිණි ගමගේ මහත්මිය විසින් විදේශ ගමන් තහනමක් මීට ඉහතදී පනවා තිබුණි.

අදාළ නඩුව ඊයේ කැඳවූ අවස්ථාවේදී හිටපු ඇමැති රෝහිත අබේගුණවර්ධන මහතාගේ නම සඳහන් කළ අතර එහිදී විත්තිකූඩුව වෙත ටී ෂර්ට් එකකින් සැරසුණු මැදිවියේ පුද්ගලයකු ගොඩවිය.

හිටපු ඇමැති රෝහිත අබේගුණවර්ධන වෙනුවෙන් පෙනී සිටි ජනාධිපති නීතිඥ ශවේන්ද්‍ර ප්‍රනාන්දු කරුණු ඉදිරිපත් කරමින් තම සේවාදායකයාට ඩුබායි සහ මැලේසියාවට යෑමට අවශ්‍ය වී ඇති බැවින් විදෙස් ගත වීමට අවසර ලබාදෙන ලෙස ඉල්ලා සිටියේය.

එම අවස්ථාවේදී අධිකරණ භාෂා පරිවර්තිකාව උස් හඬින් රෝහිත අබේගුණවර්ධන යනුවෙන් පැවැසූ අතර එහිදී අධිකරණයේ සිටි බොහෝ දෙනකුගේ ඇස් යොමුවූයේ විත්ති කූඩුව දෙසටය.

එවිට විත්ති කූඩුවේ සිටියේ හිටපු ඇමැති රෝහිත අබේගුණවර්ධන මහතා නොව අදාළ මැදිවියේ පුද්ගලයාය.

එය දැක අධිකරණ ශාලාවේ සිටි බොහෝ දෙනෙක් සිනාසුනු බව අරුණ අධිකරණ වාර්තාකරුද සිය පුවතෙන් තහවුරු කර තිබේ.

ඉන් අනතුරුව අදාළ පුද්ගලයා විත්ති කූඩුවෙන් ඉවත් කිරීමට ඒ අසල සිටි බන්ධනාගාර නිලධාරීන් කටයුතු කර ඇත.

පුවත්

“විදුලි බිල අඩු කල හැකියි”

Published

on

By

විදුලි බිල 10% ත් 20% ත් අතර ප්‍රතිශතයකින් අඩු කිරීමේ හැකියාව ඇති බවත් විදුලිබල මණ්ඩලය ප්‍රතිව්‍යුහගතකරණය කළහොත් ඉන් පසුව විදුලි බිල ඉහළ යෑම වැඩි හැකියාවක් ඇති බවත් ලංකා විදුලිබල මණ්ඩල ඉංජිනේරු සංගමයේ සභාපති ධනුෂ්ක පරාක්‍රමසිංහ මහතා අද (29) පැවසීය.

ධනුෂ්ක පරාක්‍රමසිංහ මහතා කොළඹදී විශේෂ මාධ්‍ය හමුවක් පවත්වමින් මේ බව ප්‍රකාශ කරන ලදී.

මෙම වසරේ දෙවැනි විදුලි ගාස්තු සංශෝධනය ලබන ජූලි මස 1 වැනිදා ක්‍රියාත්මක කිරීම සඳහා වන යෝජනාව මෙම සතියේ විදුලිබල මණ්ඩලය, මහජන උපයෝගිතා කොමිසමට ඉදිරිපත් කිරීමට නියමිත බවත් එහිදී ජනතාවට සැළකිය යුතු විදුලි ගාස්තු අඩු වීමට ලැබිය යුතු බවත් ඔහු සඳහන් කලේය.

පාර්ලිමේන්තුවේ සාකච්ඡා කිරීමට නියමිත විදුලිබල මණ්ඩලය ප්‍රතිව්‍යුහගතකරණය කිරීමේ පනතින් විදුලි බිල ඉහළ දැමීමට අවශ්‍ය ප්‍රතිපාදන ලැබී ඇති බව පැවසු පරාක්‍රමසිංහ මහතා විදුලිබල මණ්ඩලයේ වර්තමාන පරිපාලනය විදේශ සමාගම්වලට අවශ්‍ය ආකාරයට දැන්ම සිටම කටයුතු කරමින් සිටින බව ද පැවසීය.

Continue Reading

පුවත්

කථිකාචාර්ය පුන්සර අමරසිංහ  අත්අඩංගුවට

Published

on

By

කොතලාවල ආරක්ෂක විශ්වවිද්‍යාලයේ කථිකාචාර්යවරයෙකු වන ආචාර්ය පුන්සර අමරසිංහ මහතා අපරාධ පරීක්ෂණ දෙපාර්තුමේන්තුව විසින් අත්අඩංගුවට ගෙන තිබේ.

ISIS සංවිධානය සමඟ සබඳතා පැවැත්වූ බවට ඉන්දියාවේදී අත්අඩංගුවට ගත් ශ්‍රී ලාංකික සැකකරුවන් 4 දෙනා සම්බන්ධයෙන් අසත්‍ය ප්‍රකාශයක් සිදු කිරීම හේතුවෙන් ඔහු මෙලෙස අත් අඩංගුවට ගෙන ඇත.

පෞද්ගලික රූපවාහිනී නාලිකාවක සාකච්ඡාවකට එක් වෙමින් ඔහු සිදු කළ ප්‍රකාශයක් මෙම අත්අඩංගුවට ගැනීමට හේතු වී ඇති බවද සඳහන්ය.

Continue Reading

පුවත්

විහිළු කතා සපයන්නන්ට රවී උත්තර දෙයි

Published

on

By

වැදගත් වන්නේ විහිළු සැපයීම නොව ප්‍රජාතන්ත්‍රවාදිව ජනතා විශ්වාසය රැකගෙන කටයුතු කිරීම බව එක්සත් ජාතික පක්ෂයේ කොළඹ දිස්ත්‍රික් නායක හිටපු මුදල් අමාත්‍ය රවී කරුණානායක මහතා පවසයි.

ඒ අනුව අනිවාර්යයෙන්ම ජනාධිපතිවරණය පැවැත්වෙන අතර නිර්දේශපාලනික අපේක්ෂකයා ලෙස රනිල් වික්‍රමසිංහ මහතා ඉදිරිපත් වන බවයි රවී කරුණානායක මහතා සඳහන් කරන්නේ.

අනතුරුව මැතිවරණය ජයග්‍රහණය කර රට හරි මාර්ගයේ ගෙනයාම විය යුතු වන බවද ඔහු ප්‍රකාශ කරයි.

ජනතා විශ්වාසය රැකගෙන කටයුතු කිරීම මිස වෙනත් ක්‍රමවලට වැඩකර පලක් නැති බවයි කරුණානායක මහතා වැඩිදුරටත් අවධාරණය කරන්නේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved