Connect with us

පුවත්

ලංකාවට අවශ්‍ය ඇමතිලා 15 යි, සමීක්ෂණයකින් හෙළිවෙයි

Published

on

මෙරටට අවශ්‍ය අමාත්‍යාංශ 15කින් යුත් ඇමැති මණ්ඩලයක් පමණක් බව තම ආයතනය සිදුකළ අධ්‍යයනයකින් තහවුරු වී ඇති බව වෙරිටේ රිසර්ච් ආයතනය පවසයි. 

එම ආයතනයේ අධ්‍යක්ෂ ආචාර්ය නිශාන් ද මෙල් මහතා පවසන්නේ වෙරිටේ රිසර්ච් ආයතනය ක්‍රමවත් විධායකයක් ඇති කිරීමේ පරමාර්ථයෙන් තාර්කික ආණ්ඩුවකට අච්චුවක් ඉදිරිපත් කර ඇති බවය. 

අති විශේෂ ගැසට් පත්‍රයක ආකාරයෙන් සකසා ඇති මෙමගින් අමාත්‍යංශ 15කින් යුතු රාජ්‍ය ව්‍යහුයක් සංවිධානය කරන ආකාරය දක්වන බවත් මෙම ලේඛනය තුළ ක්‍රියාවට නැංවිය යුතු රාජකාරි, කාර්යයන් ආයතන සහ ගතයුතු පියවර ලැයිස්තු ගතකර ඇති බවත් ඔහු පැවැසුවේය.

නිශාන් ද මෙල් මේ බව පැවැසුවේ ඊයේ (09) ශ්‍රී ලංකා පුවත්පත් ආයතනයේ පැවැති මාධ්‍ය හමුවකට සහභාගී වෙමිනි. 

වෙරිටේ රිසර්ච් ආයතනය මෙම මාධ්‍ය හමුව පැවැත්වූයේ අමාත්‍යංශ 15කින් යුත් ඇමැති මණ්ඩලයක් පත්කර ගැනීම වෙනුවෙන් සකසා ඇති අධ්‍යයන වාර්තාව ජනමාධ්‍ය හමුවේ ඉදිරිපත් කිරීමටය. 

එහිදී වැඩිදුරත් අදහස් දක්වා සිටි ආචාර්ය නිශාන් ද මෙල් මෙසේ ද කියා සිටියේය.

”අපි ඊයේ සිට සියලුම දේශපාලන පක්ෂවලට අපේ මේ අධ්‍යයනය ලබාදීම ආරම්භ කළා. ගැළපෙන විෂයන් බෙදාවෙන් කරලා තමයි අමාත්‍යාංශ හදන්න ඕනේ. මෙතුවක් කලක් අපේ රටේ වුණේ නැත්තේ ඒක. හාත්පසින්ම වෙනස් විෂයන් ගොඩක් එකට එකතු කරලා අමාත්‍යාංශය හදනවා. ජනතාව ඒකෙන් අපහසුතාවයට පත්වෙනවා. උදාහරණයක් විදියට කියනවා නම් එක වතාවක් කෘෂිකර්මය, වාරිමාර්ග, පශු සම්පත් සංවර්ධනය සහ පොහොර යන විෂයන් විවිධ අමාත්‍යාංශවලට බෙදා වෙන් කරලා තිබුණා. සංචාරක, වනජීවී සහ ක්‍රිස්තියානි ආගමික කටයුතු සඳහා එක් අමාත්‍යාංශයක් ද විදුලි සංදේශ, රැකියා සහ ක්‍රීඩා සඳහා එක අමාත්‍යාංශයක් ද වෙන් කරල තිබුණා. මේවා එකිනෙකට හොඳටම වෙනස් ආයතන.

මීට අමතරව ආණ්ඩුව කරන්නේ නිරන්තරයෙන් වෙනස්වීම්. දෙදාස් දහයේ ඉඳන් දෙදාස් විසිතුන දක්වා අමාත්‍යංශවල සංයුතිය ඒවාට අයත් ආයතන සහ ඒවාට පැවරෙන පනත් ඇතුළු සියල්ල අවම වශයෙන් ගැසට් පත්‍ර නැවත නැවත වෙනස් කරලා තියනවා. මේ සෑම ගැසට් පත්‍රයක්ම ප්‍රකාශයට පත්කර ඇත්තේ ආණ්ඩුවේ ව්‍යහුයට අදාළ වෙනස්කම් සිදුකිරීමේ අරමුණින්. මෙම විෂයන් මෑත කාලීනව ජනාධිපතිවරුන් යටතේ වැඩි වශයෙන් වෙනස් වෙලා තියනවා. එකම අමාත්‍යංශයට ඇමැතිවරු දෙතුන් දෙනෙක් ඉන්නවා. නමුත් වැඩේ හරියට වෙන්නෙත් නැහැ. අපි මේ සියල්ලම සලකල බලල අධ්‍යනය කරලා තමයි මෙම තාර්කික ව්‍යුහය හැදුවේ. මෙච්චර අමාත්‍යාංශ ඇමැතිලා රටට අවශ්‍ය නැහැ. අවශ්‍ය අමාත්‍යාංශ පහළොවයි ඇමැතිලා පහළොවයි.”

පුවත්

කතට අතවර කළ සැරයන්ගේ වැඩ තහනම්

Published

on

By

බිංගිරිය පොලිස් ස්ථානයේ ආපනශාලාවක් තුළදී එහි ආපනශාලාවේ සේවය කළ කාන්තාවකට ලිංගික අතවර කළ බව කියන සැරයන්වරයාගේ වැඩ තහනම් කළ බව කුලියාපිටිය ජ්‍යෙෂ්ඨ පොලිස් අධිකාරී කාර්යාලය පවසයි.

මෙසේ වැඩ තහනමට ලක්කර ඇත්තේ, බිංගිරිය පොලිසියේ සේවයේ කළ පොලිස් සැරයන්වරයෙකි.

බිංගිරිය පොලිස් ස්ථානයේ ආපනශාලාව පවත්වාගෙන ගිය වීරපොකුණ ප්‍රදේශයේ කාන්තාවකට ලිංගික අතරවර කළ බවට පොලිස්පතිවරයාට යොමු කළ පෙත්සමකට අනුව එහි විමර්ශන කටයුතු සිදුකරන ලෙස කුලියාපිටිය ජ්‍යෙෂ්ඨ පොලිස් අධිකාරිවරයාට පොලිස්පති විසින් නියෝග කරන ලදී.

ඒ අනුව, බිංගිරිය පොලිසියේ ස්ථානාධිපතිවරයාගේ ප්‍රධානත්වයෙන් ඒ පිළිබඳ විමර්ශනයක් සිදුකර සැකකාර සැරයන්වරයා අත්අඩංගුවට ගෙන හෙට්ටිපොළ මහේස්ත්‍රාත් අධිකරණයට ඉදිරිපත් කිරීම සිදුවිය.

කෙසේ වෙතත්, එම සැරයන්වරයා විසින් සිදුකරන ලද විෂමාචාර ක්‍රියාව හේතුවෙන් ඔහුගේ වැඩතහනම් කරන ලෙස ජ්‍යෙෂ්ඨ පොලිස් අධිකාරීවරයා විසින් දැනුම් දී ඇත.

Continue Reading

පුවත්

මේ සතියේ කැබිනට් තීරණ මෙන්න

Published

on

By

ඊයේ (2024-05-22) දින පැවැත්වූ අමාත්‍ය මණ්ඩල රැස්වීමේදී තීරණ රැසකට එළැඹ ඇත.

එම තීරණ මෙසේය.

Continue Reading

පුවත්

අරගලයේ නඩු භාණ්ඩ වෙන්දේසියට අවසර

Published

on

By

ගාලුමුවදොර අරගල භූමියේ දී 2022 වසරේ මැයි 09 වැනිදා සිදුවූ ගැටුම්කාරී තත්ත්වයෙන් පසු පොලිස් භාරයට ගෙන අධිකරණයට ඉදිරිපත් කළ නඩු භාණ්ඩ මාස දෙකක් ඇතුළත වෙන්දේසි කරන ලෙස කොටුව මහේස්ත්‍රාත් අධිකරණය නියෝග කර තිබේ.

ඒ අදාළ නඩු භාණ්ඩ සම්බන්ධයෙන් වූ නඩුව ඊයේ (22) කැඳවූ අවස්ථාවේදීය.

2022 වසරේ අප්‍රේල් 09 වැනිදා ගාලු මුවදොරදී ඇරඹි අරගලයෙන් මාසයකට පසු එනම් එම වසරේ මැයි 09 වැනිදා එවකට අග්‍රාමාත්‍ය මහින්ද රාජපක්ෂට සහාය පළ කළ පිරිසක් හා ගාලුමුවදොර අරගලකරුවන් අතර ගැටුම්කාරී තත්ත්වයක් ඇතිවිය.

වාහන ගිනි තැබීම්, දේපළ හානි මෙන්ම දේශපාලනඥයින්ගේ නිවාස ගිනි තැබීම ඇතුළු ආන්දෝලනාත්මක සිදුවීම් රැසක් ඉන් පසුව සිදුවූ අතර එම කාලසීමාවේදී පොලිස් භාරයට ගත් නඩු භාණ්ඩ රැසක් අධිකරණයේ තැන්පත් කර තිබුණි.

එම නඩු භාණ්ඩවලට අදාළ නඩුව ඊයේ (22 ) කොටුව මහේස්ත්‍රාත් කෝසල සේනාධීර මහතා ඉදිරියේ කැඳවනු ලැබුණි.

එහිදී මහේස්ත්‍රාත්වරයා නියෝග කළේ එලෙස අධිකරණයේ පවතින අරගල භූමියේ තිබූ දේපළ මාස දෙකක් තුළ වෙන්දේසි කර එහි මුදල් අධිකරණයේ තැන්පත් කරන ලෙසයි.

විනිසුරුවරයා මෙම තීන්දුව ලබාදුන්නේ පැදුරු, කොට්ට, ජෙනරේටර් ඇතුළු එම භාණ්ඩවලට අයිතිවාසිකම් කීමට කිසිවෙකුත් ඉදිරිපත් නොවීම හේතුවෙනි.

අපරාධ පරීක්ෂණ දෙපාර්තමේන්තුව අධිකරණයට දන්වා සිටියේ නඩුවේ විමර්ශන අවසන් කර නීතිපති උපදෙස් සඳහා එම ගොනුව යොමු කර ඇති බවය.

මෙම සිද්ධියේදී සැකකරුවෙකු ලෙස නම් කර සිටි හිටපු පාර්ලිමේන්තු මන්ත්‍රී සනත් නිශාන්ත මේ වන විට අභාවප්‍රාප්ත වී ඇති බව එහිදී පොලිසිය අධිකරනය හමුවේ කියා සිටියේය.

අරගලකරුවන්ට පහර දීමේ සිද්ධිය සම්බන්ධයෙන් පාර්ලිමේන්තු මන්ත්‍රීවරුන් වන මිලාන් ජයතිලක. ජොන්ස්ටන් ප්‍රනාන්දු ඇතුළු අනෙක් සැකකරුවන් 36 දෙනාගෙන් 30 දෙනෙකු ඊයේ විවෘත අධිකරණයේ පෙනී සිටියහ.

මෙම සිද්ධියට අදාළ නඩුව නැවත නොවැම්බර් මස 6 වෙනිදා කැඳවීමට නියමිතයි.

Continue Reading

Trending

Copyright © 2023 Sri Lanka Mirror. All Rights Reserved