Connect with us

පුවත්

ලංකාවට ජපානයේ පැසසුම්

Published

on

ජපාන රජයේ සහ එක්සත් ජාතීන්ගේ කාන්තා ඒකකයේ සහාය ඇතිව ශ්‍රී ලංකාව 2023 – 2027 කාල පරිච්ඡේදය සඳහා කාන්තාව, සාමය සහ ආරක්ෂාව පිළිබඳ සිය පළමු ජාතික ක්‍රියාකාරී සැලැස්ම (WPS) සම්මත කර තිබේ. 

එක්සත් ජාතීන්ගේ ආරක්ෂක මණ්ඩලයේ අංක 1325 (2000) යෝජනාවේ දක්වා ඇති ජාත්‍යන්තර කැපවීම්වලට අනුකූලව කාන්තාවන් ආරක්ෂා කිරීම සහ සවිබල ගැන්වීම සඳහා මෙම සැලැස්ම රටේ නීතිමය සහ ප්‍රතිපත්ති රාමුවට දායක වෙයි. ශ්‍රී ලංකාවේ තිරසාර සාමය සහ සංවර්ධනය සඳහා ඉතා වැදගත් වන කාන්තාව, සාමය සහ ආරක්‍ෂාව පිළිබඳ න්‍යාය පත්‍රය හා සම්බන්ධ පාර්ශවකරුවන් අතර සම්බන්ධීකරණය ශක්තිමත් කිරීම ද එහි අරමුණකි.

ශ්‍රී ලංකා රජයේ අමාත්‍ය මණ්ඩලය විසින් 2023 පෙබරවාරි 27 වන දින අනුමත කරන ලද මෙම සැලැස්ම ජාත්‍යන්තර කාන්තා දිනය වන 2023 මාර්තු 8 වන දින උත්සවාකාරයෙන් දියත් කරන ලදී. අලුතින් සම්මත කරන ලද ජාතික ක්‍රියාකාරී සැලැස්ම සම්පාදනය කරනු ලැබුවේ, ගැටුම් සහ අර්බුද පිළිබඳ විවිධ, සෘජු අත්දැකීම් ඇති පළාත් සහ දිස්ත්‍රික් මට්ටම්වල රාජ්‍ය අංශයේ නිලධාරීන්, සිවිල් සමාජය, ප්‍රජා මූලික සංවිධාන, කාන්තා නායිකාවන් සහ වෙනත් අයගේ උපදෙස් විමසීමේ ක්‍රියාවලියක් හරහාය. එය ජපාන රජය සහ ශ්‍රී ලංකා රජය අතර ඒකාබද්ධ හවුල්කාරිත්වයේ කොටසක් ලෙස එක්සත් ජාතීන්ගේ කාන්තා ඒකකයේ තාක්ෂණික සහෙයෝගය ඔස්සේ සංවර්ධනය කරන ලදී. 2018දී ජපාන රජය G7 WPS රාමුව යටතේ ශ්‍රී ලංකාව සමඟ හවුල් ගිවිසුමක් අත්සන් කළේය.

මේ පිළිබඳව අදහස් දක්වමින් ජනාධිපති රනිල් වික්‍රමසිංහ මහතා මෙසේ පැවසීය: “ආසියානු කලාපයේ කාන්තාවන්ගේ තත්ත්වය සතුටුදායක නැත. ශ්‍රී ලංකාවේ කාන්තාවන් කලාපයේ අනෙකුත් රටවලට සාපේක්ෂව ඉදිරියෙන් සිටිනවා.  ඔවුන්ගේ අයිතිවාසිකම් තවදුරටත් පුළුල් කිරීමට අපි උත්සාහ කරනවා.” ‘ස්ත්‍රී පුරුෂ සමාජමය සමානාත්මතාවය සහ කාන්තා සවිබල ගැන්වීම් පිළිබඳ ජාතික ප්‍රතිපත්තිය’ සහ ‘කාන්තාව, සාමය සහ ආරක්ෂාව පිළිබඳ ජාතික ක්‍රියාකාරී සැලැස්ම’ මෙම ඉලක්කය සපුරා ගැනීමට ඉවහල් වන බව ඔහු අවධාරණය කළේය. ඒ සම්බන්ධයෙන් මේ වන විට ලබා ඇති ප්‍රගතිය ජාත්‍යන්තර කාන්තා දිනයේදී හෙළිදරව් කරන ලදි. “සාර්ක් සංවිධානයේ රාමුව තුළ කාන්තා අයිතිවාසිකම් ඇතුළත් කිරීම වෙනුවෙන් පෙනී සිටීම සඳහා සාර්ක් රටවල ප්‍රමුඛ පෙළේ කාන්තා ක්‍රියාකාරීන්ගේ රැස්වීමක් ශ්‍රී ලංකාව විසින් මේ වසරේ පවත්වනු ඇත. ශ්‍රී ලංකාව සෑම ක්ෂේත්‍රයකම ස්ත්‍රී පුරුෂ සමාජමය සමානාත්මතාවය සහ කාන්තා සවිබල ගැන්වීම් සාක්ෂාත් කර ගැනීම සඳහා කැපවී සිටී. ආසියානු කලාපයේ කාන්තාවන්ගේ අයිතිවාසිකම් වෙනුවෙන් නායකත්වය දීමේ කාර්යභාරයක් ශ්‍රී ලංකාව ඉටු කරනු ඇත.”

තිරසාර සංවර්ධනය සඳහා වූ 2030 න්‍යාය පත්‍රය සාක්ෂාත් කර ගැනීම සඳහා ශ්‍රී ලංකාවේ කැපවීමට උපකාර වන මෙම ජාතික ක්‍රියාකාරී සැලැස්ම කාලෝචිත ලෙස සම්මත කිරීම ජපාන රජය සාදරයෙන් පිළිගන්නා බවත්, එක්සත් ජාතීන්ගේ කාන්තා හා කාන්තා හා ළමා කටයුතු අමාත්‍යාංශය සමඟ දිගුකාලීන හවුල්කාරිත්වය තුළින් ජපානය ශ්‍රී ලංකාවේ කාන්තාවන්, සාමය සහ ආරක්‍ෂක න්‍යාය පත්‍රය ඉදිරියට ගෙන යාමට ජපානය සහාය වීමට කැපවී සිටින බවත් මේ සම්බන්ධයෙන් අදහස් දක්වමින් ශ්‍රී ලංකාවේ ජපාන තානාපති – මිසුකොෂි හිදෙඅකි මහතා පවසා ඇත.

පුවත්

ඩයනා අධිකරණයට බාරවෙයි

Published

on

By

කොළඹ ප්‍රධාන මහේස්ත්‍රාත් අධිකරණය සැකකාරියක ලෙස නම් කළ හිටපු රාජ්‍ය අමාත්‍ය ඩයනා ගමගේ මහත්මිය අධිකරණය බාරවීම සඳහා මීට සුළු මොහොතකට පෙර පැමිණියාය.

සිය නීතිඥයින් මගින් මෝසමක් ඉදිරිපත් කරමින් අධිකරණයට බාරවීමට පැමිණි බව ඇගේ නීතීඥයන් විසින් පවසන ලදී.

තම සේවා දායකයා කිසිවිටෙකත්  වහන් වී නැති බවද රහස් පොලිසිය මගින් ඇයව සොයන බවට මාධ්‍ය ඔස්සේ දුටු නිසා අධිකරණයට පැමිණි බව ද නීතීඥවරුන් වැඩිදුරටත් කියා ඇත.

Continue Reading

පුවත්

වැස්සෙන් දුම්රිය ධාවනයට බාධා

Published

on

By

දැනට පවතින අධික වර්ෂාව හේතුවෙන් කොළඹ – පුත්තලම දුම්රිය මාර්ගයේ මුන්දලම සිට පුත්තලම දක්වා මාර්ගය ජලයෙන් යට වීමෙන් දුම්රිය ධාවනයට බාධා පැමිණ ඇතැයි දුම්රිය දෙපාර්තමේන්තුව පවසයි.

ඒ අනුව අද ( 21)  අලුයම සිට පුත්තලම මාර්ගයේ දුම්රිය ධාවනය කොළඹ සිට බංගදෙනිය දක්වා සීමා කර ඇතැයි ද දුම්රිය දෙපාර්තමේන්තු උසස් නිලධාරියකු පැවසීය.

කොළඹ – පුත්තලම දුම්රිය මාර්ගයේ දැනට දිනකට කොළඹ සිට පුත්තලම දක්වා දුම්රිය හතරක් ද පුත්තලම සිට කොළඹ දක්වා දුම්රිය හතරක් ද වශයෙන් ධාවනය කෙරේ.

Continue Reading

පුවත්

යුද හමුදා සාමාජිකයින් 15,667ක් නීත්‍යානුකූලව ඉවතට

Published

on

By

නීත්‍යානුකූලව සේවයෙන් ඉවත් වීමට යුද හමුදා සාමාජිකයින්ට ලබාදී තිබූ මාසයක පොදු සමා කාලය ඊයේ (20) දිනයෙන් අවසන් වුණි.

එම කාල සීමාව තුළ සාමාජිකයින් 15,667ක් නීත්‍යානුකූල ලෙස සේවයෙන් ඉවත් වූ බව නිවේදනයක් නිකුත් කරමින් ශ්‍රී ලංකා යුද හමුදාව සඳහන් කරයි.

2023 දෙසැම්බර් 31 වන දින සහ ඊට පෙර නිවාඩු නොමැතිව සේවයට වාර්තා නොකරන ලද යුද හමුදා සමාජිකයින් සඳහා මෙම පොදු සමා කාලය ප්‍රකාශයට පත් කරන ලදී.

ඉහත කාලසීමාව තුළ නිවාඩු නොමැතිව සේවයට වාර්තා නොකර දැනට විදේශගතව සිටින යුද හමුදා සමාජිකයින් 373 දෙනෙකු සඳහා ද නීත්‍යානුකූලව යුද හමුදා සේවයෙන් ඉවත්වීමට කටයුතු සලසා දී තිබේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved