Connect with us

පුවත්

ලංකාවට ණය සහන කාලයක් ලැබෙන ලකුණු

Published

on

ඉන්දියාවට සහ පැරිස් සමාජයේ රටවල් වලට ශ්‍රී ලංකාව ගෙවිය යුතු ණය සඳහා උපරිම සය වසරක  සහන කාලයක් ලැබීමට ඉඩ ඇතැයි විදෙස් මාධ්‍ය වාර්තා කරයි.

මේ සම්බන්ධයෙන් ණය ගෙවීමේ සැලැස්මක් අවසන් කිරීමට ඉතා ආසන්න බව ‘ද හින්දු’ පුවත් සේවය වාර්තා කරයි.

මෙම සැලැස්ම යටතේ ණය නැවත ගෙවීම ආරම්භ කළ පසු පොලිය ද අඩු කෙරෙනු ඇතැයි අපේක්ෂා කෙරේ.

සාකච්ඡා දියුණු මට්ටමක පවතින බවත්, කොන්දේසි පිළිබඳ විධිමත් එකඟතාවයක් ඉතා ඉක්මනින් අපේක්ෂා කළ හැකි බවත්, නිල ණයහිමි කමිටුව විසින් (Official Creditor Committee) පසුගියදා පැවති සාකච්ඡාවකින් අනතුරුව, කොළඹ ආරංචිමාර්ගයකින් දැනගැනීමට ලැබුණු බව ‘ද හින්දු’ වැඩිදුරටත් වාර්තා කරයි.

ශ්‍රී ලංකාවට ණය ලබාදී ඇති රටවල් 17ක් මෙම ණයහිමි කමිටුවේ සාමාජිකත්වය දරණ අතර, එහි සාමාජිකත්වය නොගෙන නීරීක්ෂකයෙකු ලෙස එහි රැස්වීම් වලට එක්වීමට චීනය තීරණය කර තිබුණි.

(මූලාශ්‍රය : ද හින්දු)

පුවත්

අධිවේගයේ යන රියදුරන්ට දැනුම්දීමක්

Published

on

By

පවතින අයහපත් කාලගුණික තත්ත්වයත් සමඟ අධිවේගී මාර්ගයේ ගමන් ගන්නා රියදුරන්ට විශේෂ දැනුම්දීමක් සිදුකර තිබේ.

ඒ අනුව ඔවුන්ට රිය ධාවන වේගය පැයට කිලෝමීටර 60ක වේගයෙන් පවත්වාගන්නා ලෙස මාර්ග සංවර්ධන අධිකාරිය විසින් දැනුම් දී ඇත.

Continue Reading

පුවත්

ඉදිරි කාලගුණ තත්ත්වය ගැන රතු නිවේදනයක්

Published

on

By

කාලගුණවිද්‍යා දෙපාර්තමේන්තුව විසින් තද වැසි පිළිබඳ අනතුරු ඇඟවීමේ රතු නිවේදනයක් නිකුත් කර තිබේ.

අදාළ නිවේදනය  බස්නාහිර, සබරගමුව, වයඹ පළාත් සහ ගාල්ල, මාතර, මහනුවර, නුවරඑළිය සහ මන්නාරම දිස්ත්‍රික්ක සඳහා බලපැවැත්වේ.

නිරිත දිග මෝසම් තත්ත්වය දිවයින හරහා ක්‍රමයෙන් ස්ථාපිත වෙමින් පැවතීම හේතුවෙන් පවතින වැසි සහ සුළං තත්ත්වය තවදුරටත් බලාපොරොත්තු විය හැකි බව කාලගුණවිද්‍යා දෙපාර්තමේන්තුව නිවේදනය කරයි.

එමෙන්ම, බස්නාහිර සහ වයඹ පළාතේ ඇතැම් ස්ථානවල මි.මී 150ට වැඩි ඉතා තද වැසි ඇති විය හැකි බව ද කාලගුණවිද්‍යා දෙපාර්තමේන්තුව නිකුත් කළ නිවේදනයේ සඳහන්ය.

සබරගමුව පළාතෙත් ගාල්ල, මාතර, මහනුවර, නුවරඑළිය සහ මන්නාරම දිස්ත්‍රික්කවලත් ඇතැම් ස්ථානවලට මි.මී 100ට වැඩි තද වැසි ඇති විය හැකියි.

මේ අතර, කල්පිටිය සිට කොළඹ, ගාල්ල සහ හම්බන්තොට හරහා පොතුවිල් දක්වා වන මුහුදු ප්‍රදේශ සඳහා තද වැසි සහ තද සුළං මෙන්ම රළු මුහුද පිළිබඳව අවවාදාත්මක නිවේදනයක් ද කාලගුණවිද්‍යා දෙපාර්තමේන්තුව විසින් නිකුත් කර ඇත.

ඒ අනුව, බේරුවල සිට ගාල්ල සහ හම්බන්තොට හරහා පොතුවිල් දක්වා වෙරළට ඔබ්බෙන් වූ මුහුදු ප්‍රදේශවල සුළඟේ වේගය පැ.කි.මී 60 දක්වා වැඩි වන අතර මුහුදු ප්‍රදේශ විටින් විට ඉතා රළු විය හැකි බවද සඳහන් වේ.

Continue Reading

පුවත්

ජනපති රනිල්ගෙන් ඉරානයට ශෝක ප්‍රකාශයක්

Published

on

By

ඉරාන ජනාධිපති ඊබ්‍රාහිම් රයිසි සහ විදේශ අමාත්‍ය අමීර් අබ්දුල්ලාහිගේ මරණය සම්බන්ධයෙන් ජනාධිපති රනිල් වික්‍රමසිංහ මහතා සිය ශෝකය පළ කර තිබේ.

ඒ සිය නිල X ගිණුමෙහි සටහනක් තබමිනි.

ඔවුන්ගේ ඛේදනීය මරණය පිළිබඳව ශ්‍රී ලංකාව දැඩි කම්පනයට සහ ශෝකයට පත් වී ඇති බව එහි සඳහන් වේ.

එමෙන් ම ශෝකයට පත් වූ පවුල්වලට, රජයට සහ ඉරාන ජනතාවට සිය බලවත් සංවේගය ප්‍රකාශ කරන බවයි ජනාධිපති රනිල් වික්‍රමසිංහ මහතා සිය පණිවිඩයේ සඳහන් කර ඇත.

Continue Reading
Advertisement

Trending

Copyright © 2023 Sri Lanka Mirror. All Rights Reserved