Connect with us

පුවත්

ලංකාවේ විදුලි නිෂ්පාදන වියදම වැඩි බව ඉන්දියාව කියයි!

Published

on

විදුලිය ඒකකයක් නිෂ්පාදනය සඳහා ඉන්දියාව වැයකරන මුදල මෙන් සියයට සිය ගුණයකින් වැඩි වියදමක් ශ්‍රී ලංකාව විසින් දරන බව ඉන්දීය රජයේ බලශක්ති අමාත්‍යංශය මෑතකදී නිකුත් කළ නවතම වාර්තාවක් පෙන්වා දී ඇතැයි “දේශය” පුවත්පත වාර්තා කර තිබේ.

මෙම වාර්තාවට අනුව ඉන්දියාව විදුලිය ඒකකයක් නිෂ්පාදනය සඳහා වැය කෙරෙන මුදල ශ්‍රී ලංකා රුපියල් හා සන්සන්දනය කළ හොත් එය රුපියල් 25ක් පමණ වෙතැයි එහි දැක්වේ.

එහෙත් ශ්‍රී ලංකාව එක් විදුලිය ඒකකයක් නිෂ්පාදනය සඳහා මේ වනවිට රුපියල් 52ක මුදලක් වැය කරනු ලබයි.

ඉන්දියාවේ විදුලි නිෂ්පාදන වියදම විශාල ලෙස අඩුවීමටත් ශ්‍රී ලංකාවේ විදුලි නිෂ්පාදන වියදම 100%කින් පමණ වැඩිවීමටත් ප්‍රධාන හේතුව මෙරට විදුලිය නිෂ්පාදනය සඳහා ඉන්ධන ගල්අඟරු හා ජලය බහුලව භාවිත කිරීම බවද පැවසේ.

මෙහිදී ඉන්ධන සහ ගල්අඟුරු සඳහා කරන වියදම අධික බවද වාර්තා වේ.

සුළං බලය හා සූර්ය බලයද ශ්‍රී ලංකාවේ විදුලිය නිෂ්පාදනය සඳහා භාවිතා කළද එය ඉතා සුළු ප්‍රමාණයකි.

එහෙත් ඉන්දියාව සිය විදුලි නිෂ්පාදන වියදම විශාල ලෙස අඩුකරගනු ඇත්තේ ඒ රට සූර්යබල ශක්තිය පරමාණුක බලය සුළං බලය හා ගල් අඟුරු ආදී බලශක්ති උත්පාදන මූලාශ්‍ර ගණනාවක් සමානුපාතිකව යෙදාගැනීම නිසා බව වැඩිදුරටත් වාර්තා වේ.

පුවත්

තවත් පිරිසක් සජබය සමඟ එක්වේ

Published

on

By

ශ්‍රී ලංකා නිදහස් පක්ෂයේ සහ ජනතා විමුක්ති පෙරමුණේ ප්‍රාදේශීය සංවිධායකවරුන් කිහිප දෙනෙකු විපක්ෂ නායක සජිත් ප්‍රේමදාස මහතා හමු වී සමගි ජන බලවේගය සමග එක්වී තිබේ. 

ඒ සමගි ජන බලවේගය විසින් ක්‍රියාත්මක ජන පවුර වැඩසටහනේ පොළොන්නරුව දිස්ත්‍රික් රැස්වීම පැවැති අවස්ථාවේදී ය.

හිටපු පාර්ලිමේන්තු මන්ත්‍රීවරයකු සහ හිටපු අමත්‍යවරයකු වූ නන්දසේන හේරත් මහතා විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

එමෙන්ම ශ්‍රී ලංකා නිදහස් පක්ෂයේ හිටපු පාර්ලිමේන්තු මන්ත්‍රීවරයකු මෙන් ම මහවැලි සංවර්ධන අධිකාරියේ අධ්‍යයක්ෂවරයකු ලෙස කටයුතු කළ තිලක් මහලේකම්ගේ මහතා ද සමගි ජන බලවේගය හා එක්විය.

තවද ජනතා විමුක්ති පෙරමුණේ පොළොන්නරුව නගර සභාවේ අපේක්ෂකයෙකුව සිටි එච්. සමන්ත බණ්ඩාර මහතා ද විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

Continue Reading

පුවත්

ලෝක ප්‍රසිද්ධ සුරතලා මිය යයි

Published

on

By

ක්‍රිප්ටෝ මුදල් ඒකකයක් වන ඩොජ්කොයින්හි සංකේතය වන සුනඛ මුහුණට හිමිකම් කියන කබොසු සුනඛයා මිය ගොස් තිබේ.

ෂීබා ඉනූ සුනඛ වර්ගයට අයත් කබොසු ලියුකේමියාව හේතුවෙන් මියගොස් ඇත.

එම සුරතලාගේ හිමිකරු වන්නේ ජපානයේ ගුරුවරයෙකි.

Continue Reading

පුවත්

අපිරිසිදු දන්සල් 20කට නීතිමය ක්‍රියාමාර්ග

Published

on

By

දිවයින පුරා පවත්වනු ලැබූ දන්සල් 20,000ක් පරීක්ෂාවට ලක්කළ බව ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ විධායක සාමාජික සඳුන් හේමන්ත රත්නායක මහතා පවසයි.

එහිදී අපිරිසිදු තත්ත්වයේ පවත්වාගෙන ගිය දන්සැල් 20කට එරෙහිව නීතිමය ක්‍රියාමාර්ග ගත් බව සඳුන් හේමන්ත රත්නායක මහතා විසින් පවසන ලදී.

කොළඹ නගර සීමාවේ දන්සැල් 4000ක් පරීක්ෂාවට ලක් කර ඇති අතර , එයිනුත් අපිරිසිදු තත්ත්වයේ තිබූ දන්සැල් 5කට එරෙහිව නීතිමය ක්‍රියාමාර්ග ගත් බවයි සඳහන් වේ.

මෙහිදී බත්, ෆ්‍රයිඩ් රයිස්, කොත්තු, සීනි සම්බල් පාන්, කඩල, මඤ්ඤොක්කා, බීම දන්සල් පරීක්ෂාවට ලක්කර ඇත.

ඒ සඳහා මහජන සෞඛ්‍ය පරීක්ෂකවරුන් 1800ත් 2000ත් අතර පිරිසක් සහභාගී වූ බව සඳහන් වේ.

දන්සැල් පරීක්ෂාව ලබන 27 වැනිදා දක්වා ක්‍රියාත්මකයි.

Continue Reading

Trending

Copyright © 2023 Sri Lanka Mirror. All Rights Reserved