Connect with us

පුවත්

ලංකාව පළමු තරගය ක්‍රීඩා කළ නිව්යෝර්ක් තණතීරුව ප්‍රමිතියෙන් තොරයි!

Published

on

නිව්යෝර්ක් හි පිහිටා ඇති නසාවු කන්ට්‍රි (Nassau County) ක්‍රිකට් පිටියේ තණතීරු ජාත්‍යන්තර ප්‍රමිතියෙන් තොර බව අන්තර්ජාතික ක්‍රිකට් කවුන්සිලය ප්‍රකාශ කර තිබේ.

එම ක්‍රීඩාංගණයේ පැවැත්වීමට නියමිත සෙසු තරග සම්බන්ධයෙන් ඔවුන් වෙනත් විකල්පයක් සොයමින් සිටින බව ද මාධ්‍ය වාර්තාවල දැක්වේ.

ලෝක කුසලාන පන්දුවාර විස්සයි 20 තරගාවලියේදී ශ්‍රී ලංකා ක්‍රිකට් කණ්ඩායම පළමු තරගය ක්‍රීඩා කළේද මේ පිටියේදීය.

එය මේ ක්‍රීඩාංගණයේ පැවැති ප්‍රථම ජාත්‍යන්තර ක්‍රිකට් තරගය ද වේ.

එම තරගය ශ්‍රී ලංකාව සහ දකුණු අප්‍රිකාව අතර මේ ක්‍රීඩාංගනයේ පළමු තණතීරුවේ පැවැත්විණි.

එහි දී ශ්‍රී ලංකාව ලකුණු 77කට දැවී ගිය අතර දකුණු අප්‍රිකාවට ද එම ඉලක්කය සපුරා ගැනීම සඳහා පන්දුවාර 16.2ක් වැය කිරීමට සිදුවිය.

ඉන්දියාව සහ අයර්ලන්තය අතර පැවැති තරගයෙන් අනතුරුව ජගත් ක්‍රිකට් කවුන්සිලිය විසින් මේ පිටියේ තණ තීරු ජාත්‍යන්තර ප්‍රමිතියෙන් තොර බවට ප්‍රකාශයක් නිකුත් කර තිබිණි.

නිව් යෝර්ක්හි පිහිටා ඇති මෙම ක්‍රීඩාංගණය මාස පහක් තුළ ඉදිකර ඇති බව පැවසේ.

එහිදී ෆ්ලොරිඩාවේ දී නිර්මාණය කළ තණතීරු අදාළ ස්ථානයට රැගෙනවිත් තබා ඇති බවට ද මාධ්‍ය වාර්තා වල දැක්වේ.

පසුගිය 05 වැනිදා සිව් වන තණ තීරුවේ ඉන්දියාව සමඟ පැවැති තරගයේ දී අයර්ලන්ත කණ්ඩායමට ලබා ගැනීමට හැකි වූයේ ලකුණු 96ක් පමණයි.

එම තරගය ඉන්දියාව කඩුලු 08කින් ජයගත්ත ද රොහිත් ශර්මා ආබාධයකට ලක් වූ ක්‍රීඩා පිටියෙන් ඉවත් වුණා.

එමෙන් ම රිෂාබ් පාන්ට්ගේ ශරීරයට හදිසි ඉපිලීමක් හේතුවෙන් පන්දුවක් ඇගේද වැදිණි.

එමෙන් ම ජස්ප්‍රිට් බුම්රාගේ තියුණු බවුන්සර් පන්දුවක් අයර්ලන්ත ක්‍රීඩක හැරී ටෙක්ටර්ගේ ඇඟිල්ලේ වැදී තිබිණි

මෙම තණතීරුව හිටපු ක්‍රිකට් ක්‍රීඩකයින් කිහිප දෙනෙකුගේ විවේචනයට ද ලක්විය.

ESPNcricinfo හි Timeout වැඩසටහනට එක්වෙමින් සිම්බාවේ හිටපු ක්‍රිකට් ක්‍රීඩක ඇන්ඩි ෆ්ලවර් ප්‍රකාශ කර තිබුණේ, මෙහි හැසිරීම භායනක බවයි.

මෙහි දෙවන සහ තෙවන තණතීරුවල මේ දක්වා කිසිදු තරගයක් පවත්වා නොමැත.

එහි තණකොළ කපා දමා ඇති බවට නිරීක්ෂණය වී ඇති බවට ද වාර්තා පැතිර තිබේ.

නිව්යෝර්ක් ක්‍රීඩාංගණයේ ජුනි 9 වැනිදා ඉන්දියාවට එරෙහිව පාකිස්තානය ඇතුළු තවත් කණ්ඩායම් තරග හයක් පැවැත්වීමට නියමිතයි.

පුවත්

නාඳුනන මළ සිරුරක් හමුවේ

Published

on

By

කයිට්ස් මඩත්තවේලි ප්‍රදේශයේ තිබී නාඳුනන පිරිමි පුද්ගලයෙකුගේ මළ සිරුරක් හමුව තිබේ.

පොලීසිය පැවසුවේ ඊයේ (14) සවස කයිට්ස් පොලීසියට ලද තොරතුරක් මත අදාළ විමර්ශන කටයුතු ආරම්භ කළ බවය.

මෘත ශරීරය සම්බන්ධයෙන් හදිසි මරණ පරීක්ෂණය සිදුකර ඇති අතර මෙතෙක් ඔහුගේ අනන්‍යතාවය තහවුරු කරගෙන නොමැත.

මෙම පුද්ගලයා අවුරුදු 45ත් 50 අතර උස අඩි 05යි අඟල් 02 ක් පමණ වන අයෙක් බව පොලීසිය පවසයි.

සිරුර යාපනය රෝහලේ තැන්පත් කර ඇති අතර කයිට්ස් පොලීසිය වැඩිදුර විමර්ශන සිදුකරයි

Continue Reading

පුවත්

කොළඹ වරායට පැමිණි නිර්වින්දන ඖෂධ බෙදාහැරීමට සැලසුම්

Published

on

By

කොළඹ වරායට රැගෙන ආ නිර්වින්දන ඖෂධ තොගය අද (15) දිනයේ බෙදාහැරීමට සැලසුම් කර ඇතැයි සෞඛ්‍ය අමාත්‍යාංශය පවසයි.

එහි වෛද්‍ය සැපයුම් අංශයේ අධ්‍යක්ෂ, නියෝජ්‍ය අධ්‍යක්ෂ ජනරාල් වෛද්‍ය ජි විජේසූරිය මහතා පැවසුවේ, එතෙක් පෞද්ගලික ආයතන වලින් අදාළ ඖෂධ මිලදී ගෙන සැත්කම් සිදුකරන්නැයි රෝහල් අධ්‍යක්ෂවරුන්ට උපදෙස් දුන් බවය.

ජාතික රෝහලේ ශල්‍යාගාරවල නිර්වින්දන ඹෟෂධ හිඟයක් පවතින බවද වාර්තා වේ.

ජාතික රෝහලේ ආරංචි මාර්ග සඳහන් කළේ, ඒ හේතුවෙන් සැත්කම් අවලංගු කිරීමට සිදුව ඇති බවයි.

Continue Reading

පුවත්

ජනපතිට වසරක දිගුවක් !

Published

on

By

ජනමත විචාරයකින් තොරව පාර්ලිමේන්තුවේ තුනෙන් දෙකක බහුතරයකින් ජනාධිපති ධූර කාලය දීර්ඝ කර ගැනීමේ හැකියාව පිළිබඳව මේ වන විට සාකච්ඡා වෙමින් පවතින බව “මවුබිම” පුවත්පත වාර්තා කර තිබේ.

මේවන විට මේ පිළිබඳව නීති ක්ෂේත්‍රයේ විශාදයින්ගේ මතය විමසීමට ජනපතිවරයාට හිතවත් පාර්ශව කටයුතු කර ඇති බවත්, ඔවුන්ගේ මතය වී ඇත්තේ ජනපතිවරයාගේ ධූර කාලය මේ අයුරින් වසර 5 සිට 6 දීර්ඝ කිරීමට අවස්ථාවක් ඇති බව යැයි එම පුවත්පත වැඩිදුරටත් වාර්තා කර ඇත.

2015 ආණ්ඩුක්‍රම ව්‍යවස්ථාවේ 19 වැනි සංශෝධනයෙන් ජනපතිවරයාගේ වසර 6ක්ව පැවැති ධූර කාලය වසර 5ක් දක්වා ඒ අවස්ථාවේ අඩුකාලා සේම, පාර්ලිමේන්තුවේ 2/3 බහුතරයකින් ධූර කාලය වසර 5 සිට 6 දක්වා දීර්ඝ කර ගැනීමට හැකියාව පවතින බව ජැමෙයිකා තාක්ෂණ විශ්ව විද්‍යාලයේ හිටපු මහාචාර්ය නීතීඥ ප්‍රතිභා මහානාම මහතා සදහන් කරන බවද පැවසේ.

ඒ අවස්ථාවේ ජනමත විචාරණයක් නොපැවැත්වුණ බවද ඔහු කියා සිටී.

78 ආණ්ඩුක්‍රම ව්‍යවස්ථාවට අනුව 83(ආ) ව්‍යවස්ථාවේ ඇත්තේ ජනාධිපතිවරයාගේ ධූර කාලය හා පාර්ලිමේන්තුවේ ධූර කාලය සය අවුරුද්දක් ඉක්මවා දීඝ කරන්නා වූ පනත් කෙටුම්පතක් පාර්ලිමේන්තුවේ 2/3කින් සහ ජනමත විචාරණයකින් සම්මත විය යුතු බවයි.

යම් හෙයකින් ජනපතිවරයාට 2/3ක බහුතරයක් නැතිවුවහොත් ජාතික වැදගත්කමින් යුත් කාරණයක් ලෙස ජනමත විචාඑණයකින් සම්මත කර ගැනීමට හැකියාව පවතින බවද පැවසේ.

Continue Reading

Trending

Copyright © 2023 Sri Lanka Mirror. All Rights Reserved