Connect with us

පුවත්

ලොව ජීවන වියදම් අඩුම නගර අතරට කොළඹත්?

Published

on

ලෝකයේ ජීවන වියදම් අඩුම නගර අතරට වාර්තාවක් විසින් කොළඹ ද නම් කර තිබේ.

වාර්ෂික Economist Intelligence Unit (EIU) සමීක්ෂණයට අනුව, කොළඹ 161 වැනි ස්ථානයට පත්ව ඇත.

EIU හි ලෝක ජීවන වියදම් දර්ශකයට අනුව අඩුම ජීවන වියදම් සහිත නුවර ලෙස අංක 172 පසුවෙන්නේ සිරියාවේ ඩැමස්කස් අගනුවරයි.

එම දර්ශකයට අනුව, මෙවර ලොව ඉහළම ජීවන වියදමක් ඇත්තේ ඇමෙරිකාවේ නිව් යෝක් නගරය හා සිංගප්පූරුවයි. මේ නිව් යෝක් මුල් ස්ථානයට පත්වූ පළමු අවස්ථාවයි. පසුගිය වසරේ අංක එක වූ ටෙල් අවිව් මෙවර තෙවැනි ස්ථානයට පත්ව ඇත.

සමස්තයක් වශයෙන්, ලෝකයේ විශාලතම නගරවල ජීවන වියදම මේ වසරේ 8.1% කින් ඉහළ ගොස් ඇති බව EIU සමීක්ෂණ වාර්තාවේ දැක්වේ. යුක්‍රේන යුද වාතාවරණය හා ලෝක සැපයුම් දාමයට කොවිඩ්-19න් ඇති වූ බලපෑම, මීට හේතුවූ කරුණු ලෙස හඳුනාගෙන ඇත.

(මූලාශ්‍රය : බීබීසී)

පුවත්

රජීව් අමරසූරිය, නීතිඥ සංගමයේ සභාපති ධුරයට

Published

on

By

ශ්‍රී ලංකා නීතිඥ සංගමයේ නව සභාපති ලෙස නීතිඥ රජීව් අමරසූරිය මහතා තේරී පත්ව ඇත.

නීතිඥ සංගමයේ නිලවරයණය අද (19) කොළඹ දී සිදුවිය.

Continue Reading

පුවත්

පුංචි ඡන්දයේ ඇප මුදල් නැවත ගෙවීමට පියවර

Published

on

By

2023 වසරේ පළාත් පාලන ආයතන ඡන්ද විමසීම සඳහා පිළිගත් දේශපාලන පක්ෂ හා ස්වාධීන කණ්ඩායම් විසින් තැන්පත් කරනු ලැබූ තැන්පතු, මැතිවරණ කොමිෂන් සභාවේ නියමය පරිදි ආපසු ගෙවීමට තීරණය කර තිබේ.

මැතිවරණ කොමසාරිස් ජනරාල් සමන් ශ්‍රී රත්නායක මහතා නිවේදනයක් නිකුත් කරමින් මේ බව දැනුම් දී තිබුණි

2023 වර්ෂයේ දී පැවැත්වීමට නියමිතව තිබුණු පළාත් පාලන ආයතන ඡන්ද විමසීම කල් තබන ලදී.

පසුගිය 17 වනදා පාර්ලිමේන්තුවේ සම්මත වූ 2025 අංක 1 දරන පළාත් පාලන ආයතන ඡන්ද විමසීම් (විශේෂ විධිවිධාන) පනතේ 2(3) වගන්තිය අනුව එම තැන්පතු සිදුකරනු ලැබූ තැනැත්තා වෙත ආපසු ගෙවිය යුතු යැයි දක්වා තිබේ.

එමෙන්ම තැන්පතු සිදුකරනු ලැබූ තැනැත්තාට ඒ වෙනුවෙන් නිකුත් කර තිබූ ලදුපත නැවත්ත ඉදිරිපත් කළ යුතුය.

ඒ අනුව තැන්පත් කරන ලද ඇප මුදල් ආපසු ගෙවීම සඳහා,

•එකී ආඥා පනතේ 29(3) වන උප වගන්තිය යටතේ, ඇප තැන්පත් මුදල් භාර අවස්ථාවේ දී ඇප මුදල් තැන්පත් කරන ලද තැනැත්තා වෙත ලබාදෙන ලද ලදුපතෙහි මුල් පිටපත; හා

•ඇප තැන්පත් මුදල් ආපසු ඉල්ලීමේ ලිපියක්; සමඟ

ඇප මුදල් තැන්පත් කරන ලද අදාළ දිස්ත්‍රික් මැතිවරණ කාර්යාලය වෙත 2025.02.28 දිනට පෙර භාරදිය යුතු බව අදාළ නිවේදනයේ සඳහන් වේ.

2025.02.28 දිනට පෙර භාරදෙනු ලබන ඉල්ලීම් සඳහා අදාළ දිස්ත්‍රික් මැතිවරණ කාර්යාල මගින් අදාළ තැනැත්තන් වෙත ඇප තැන්පත් මුදල් ආපසු ගෙවීමට නොපමාව කටයුතු කරන ලෙසට වැඩිදුරටත් නිවේදනයෙන් දැනුම් දී තිබේ.

Continue Reading

පුවත්

රතු නිවේදන නිකුත් කර තිබූ අපරාධකරුවන් දෙදෙනෙකු දිවයිනට

Published

on

By

රතු නිවේදන නිකුත් කර තිබූ මෙරට තුළ අපරාධ රැසකට සම්බන්ධ පුද්ගලයන් දෙදෙනෙකු අද (19) පස්වරුවේ කටුනායක ගුවන් තොටුපොළ වෙත රැගෙන විත්  තිබුණි.

මොවුන් අතරින් පළමු වැන්නා නඳුන් චින්තක නොහොත් හරක් කටා නැමැති සංවිධානාත්මක අපරාධකරුට මෙරටින් පළා යාම සඳහා උදව් උපකාර කළ අපරාධ පරීක්ෂණ දෙපාර්තමේන්තුවේ සේවය කළ රවිඳු සන්දීප ගුණසේකරයි .
ඔහු කන්තලේ ප්‍රදේශයේ පදිංචිකරුවෙකි.

අනෙක් පුද්ගලයා මිනීමැරුම් , වෙඩි තැබීම් රාශියකටම , ත්‍රස්ත විමර්ශන කොට්ඨාශයේ චෝදනා ලබා සිටි මීගමුව ප්‍රදේශයේ පදිංචි අමිල චන්ද්‍රානන්ද යන අයයි

මොවුන් දෙදෙනා පස්වරු 12.50 ට ඉන්දියාවේ චෙන්නායි සිට ඉන්ඩිගෝ ගුවන් සේවයට අයත් ගුවන් යානයකින් කටුනායක ගුවන් තොටුපොළ වෙත ගෙනැවිත් තිබේ.

ප්‍රකාශ සටහන් කර ගැනීමෙන් පසු මොවුන් දෙදෙනා වැඩිදුර විමර්ශන කටයුතු සඳහා කොළඹ ත්‍රස්ත විමර්ශන කොට්ඨාසය වෙත රැගෙන යාමට පියවර ගෙන තිබුණි.

තවත් මෙවැනිම රතු නිවේදන නිකුත් කළ අපරාධකරුවන් දෙදෙනෙකු අද රාත්‍රියේ  රැගෙන ඒමට නියමිතය.

Continue Reading
Advertisement

Trending

Copyright © 2023 Sri Lanka Mirror. All Rights Reserved