Connect with us

පුවත්

‘වශෝකු’, වෙනස්කම් අතර සංහිඳියාව හා සමබරතාවය (ඡායා)

Published

on

ශ්‍රී ලංකාවේ ජපාන තානාපති කාර්යාලය සහ ජාතික තරුණ සේවා සභාව  එක්ව ‘වශෝකු’ ආහාර වර්ග පිළියෙළ කිරීම සහ පිළිගැන්වීම පිළිබඳ වැඩමුළුවක් ඊයේ (28) ජාතික තරුණ සේවා සභාවේහිදී පවත්වන ලදී.

මෙම වැඩමුළුවේදී, ‘කරඅගේ’ (බැදපු මස්), ‘චිකන් නන්බන්’ (කුකුල් මස්, විනාකිරි සහ ටාටාර් සෝස් ආදිය භාවිතා කොට සකස් කෙරේ.) සහ චිකන් තෙරියකි (පැණි රස සෝයා සෝස් සහ ඔප දැමූ චිකන් ආදිය භාවිතා කොට සකස් කෙරේ) යන ආහාර වර්ග පිළියෙළ කරන ලදී. ජාතික තරුණ සේවා සභාවෙහි ඉවුම් පිහුම් පාඨමාලා සිසුන් මෙන්ම, එහි උපදේශකයින් සහ ජාතික තරුණ සේවා සභාවෙහි නිලධාරීන් මෙම වැඩමුළුව‌ට සහභාගී විය.

ජපන් සංස්කෘතිය හා බැඳුනු, ජපන් ආහාර සම්ප්‍රදාය ‘වශෝකු’ (和食) ලෙස හැදින්වේ.

මෙම ආහාර පිසීම අතුරු කෑම කිහිපයක් සමඟ සකස් කරන ලද බත් බඳුනකින් සමන්විත වේ. මෙම සම්ප්‍රදාය නිරූපනය කරන “和” යන කන්ජි අක්ෂරයෙහි අර්ථය ‘සංහිඳියාව’ බව දැන ගැනීම වැදගත් වේ. එසේම, සියලුම කෑම වර්ග සමස්ථයක් ලෙස එකිනෙක සමඟ හොඳින් ගැලපෙන අතර, රසවල ඉතා හොද සමතුලිතතාවයක් පවතී. මෙය මිනිසුන්හට  ආහාර වේල අගය කිරීමට පමණක් නොව, ආහාර වේලට වෙනත් ආකාරයක ගැඹුරක් එකතු කිරීමට ඉවහල් වේ.

‘වශොකු’ යනු විවිධ රසයන් අතර සංහිඳියාව සහ සමතුලිතතාවය මත පදනම් වූවක් බැවින්, මෙම වසරේ 70 වැනි සංවත්සරයේ සන්ධිස්ථානය සනිටුහන් කරන ජපානය සහ ශ්‍රී ලංකාව අතර සාම්ප්‍රදායික මිත්‍ර සබඳතාවය සමඟ බැඳී ඇති මූලික වටිනාකම් මෙම අවස්ථාව ඔස්සේ සංකේතාත්මකව නිරූපණය කරනු ලබයි.

පුවත්

කෑගල්ල උණුසුම් වූ බස් අනතුර

Published

on

By

කෑගල්ල අවිස්සාවේල්ල මාර්ගයේ කොට්ටපොල ප්‍රදේශයේදී පුද්ගලික බස් රථ දෙකක් මුහුණට මුහුණ ගැටී තිබේ.

අද (18) පස්වරු 4.00ට පමණ මෙම අනතුර සිදුව ඇති අතර එම අනතුරින් පුද්ගලයින් 26 දෙදෙනකු තුවාල ලබා ඇති බවත් ඉන් දෙදෙනෙකුගේ තත්ත්වය බරපතළ බවත් වාර්තා වේ.

නුවර සිට අවිස්සාවේල්ල බලා ධාවන වූ පෞද්ගලික බස් රථයක් අධික වේගය සහ අපරික්ෂාකාරී ලෙස වෙනත් වාහනයකට ඉස්සර කිරීමට යාමත් සමග මෙම අනතුර සිදුව ඇතැයි පොලීසිය පවසයි.

තුවාලකරුවන් කෑගල්ල මහරෝහලයට සහ තොරනගහපිටිය ග්‍රාමීය රෝහලට ඇතුළත් කළ බවයි පිංදෙණිය පොලීසිය ප්‍රකාශ කර සිටී.

අනතුරට පත් එක් බස් රථයක රියදුරෙකු බරපතළ තත්ත්වයේ ප්‍රතිකාර ලබන අතර අනෙක් රෝගියා කාන්තාවක් බවයි වාර්තා වේ.

Continue Reading

පුවත්

“මුලින්ම තියන්නේ ජනාධිපතිවරණය නෙමෙයි”

Published

on

By

ස්ථීරයෙන්ම එන්නේ ජනාධිපතිවරණය නොව මහ මැතිවරණය බවත් ලබන 14 හෝ 15 පාර්ලිමේන්තුව අනිවාර්යයෙන්ම විසුරුවන බවත් රුසියාවේ හිටපු ශ්‍රී ලංකා තානාපති උදයංග වීරතුංග මහතා පවසයි.

පෞද්ගලික රූපවාහිනී නාලිකාවක් සමඟ පැවති සාකච්ඡාවකට එක් වෙමින් උදයංග වීරතුංග මහතා මේ බව සඳහන් කලේය.

මේ සම්බන්ධයෙන් ජනාධිපතිවරයා සමග එකඟත්වයට පැමිණ අවසන් බවද ජනාධිපතිවරණයට පෙර මහ මැතිවරණය පැවැත්වීමට ඇති කරගෙන ඇති එකඟතාව පිළිබඳව දන්නේ  ශ්‍රී ලංකා පොදු ජන පෙරමුණේ එක් අයකු පමණක් බවද ඔහු මෙහිදී පවසා ඇත.

“ අගමැති අපේක්ෂකයෙක් නම් කරන්න බලාපොරොත්තුවක් නැහැ. ධම්මික පෙරේරා ඉතා ප්‍රබල අපේක්ෂකයෙක් විදියට ඉදිරිපත් වෙනවා. ඒ තීරණය තියෙන්නේ පොහොට්ටුවේ එක ඔලුවක විතරයි. පාර්ලිමේන්තු මැතිවරණයක් එනවා. පාර්ලිමේන්තුවේ බහුතරය ඒකට විරුද්ධයි. අනුර කුමාරත් විරුද්ධයි. ජාතික ජන බලවේගයට රැල්ලක් ඇවිල්ලා තියෙන්නේ සමාජ මාධ්‍යයෙන් පමණයි. ශ්‍රී ලංකා පොදු ජන පෙරමුණේ අපේක්ශකයා රනිල් වික්‍රමසිංහ නෙමෙයි. ඒක දැන් තීරණය කරල ඉවරයි.”

Continue Reading

පුවත්

ඇල්ල – වැල්ලවාය මාර්ගය යළිත් වැසෙයි

Published

on

By

ඇල්ල – වැල්ලවාය ප්‍රධාන මාර්ගය අද (18) රාත්‍රී 8 සිට හෙට (19) උදෑසන 6 දක්වා ගමනාගමනය සඳහා වසා තැබීමට යළිත් තීරණය කර තිබේ.

අයහපත් කාලගුණික තත්ත්වය හේතුවෙන් එම තීරණය ගත් බව දිස්ත්‍රික් ලේකම්වරයා පවසයි.

Continue Reading

Trending

Copyright © 2023 Sri Lanka Mirror. All Rights Reserved