Connect with us

පුවත්

ව්‍යාජ ලියකියවිලිවලින් පාස්පෝට් හදපු ලාංකික පිරිසක් ඉන්දියාවේ දී අත්අඩංගුවට

Published

on

ව්‍යාජ ලියකියවිලි මගින් විදේශිකයින්ට සහ අපරාධකරුවන්ට විදෙස් ගමන් බලපත්‍ර සකස් කරදීමේ ජාවාරමක නිරත වූ ශ්‍රී ලාංකිකයින් ඇතුළු පුද්ගලයින් නව දෙනෙකු ඉන්දියාවේ බැංග්ලෝර්හීදි අත්අඩංගුවට ගෙන තිබේ.

ඉන්දීය මාධ්‍ය වාර්තා කළේ අත්අඩංගුවට ගත් පුද්ගලයින් අතර ශ්‍රී ලාංකිකයින් පස් දෙනෙකු ද සිටින බවය.

බැංග්ලෝර්හි බසවනගුඩි පොලිසියට ලැබුණු තොරතුවලට අනුව සිදුකළ මෙහෙයුමකින් පසුව මෙම පුද්ගලයින් අත්අඩංගුවට ගෙන ඇති බව සඳහන්ය.

ඔවුන් වසර ගණනාවක සිට විවිධ පුද්ගලයින්ට ව්‍යාජ ලියකියවිලි යොදාගනිමින් විදෙස් ගමන් බලපත්‍ර සකස් කර දී ඇති බව සිදුකළ විමර්ශනවලින් අනාවරණය වී ඇත.

ඉන්දීය ජාතිකයින් ලෙස ව්‍යාජ හැඳුනුම්පත් යොදාගෙන පුද්ගලයින් පනස් දෙනෙකුට පමණ මේ ආකාරයෙන් විදෙස් ගමන් බලපත්‍ර සකස් කර ප්‍රංශය වැනි රටවලට පිටත්කර හැර ඇති බව සඳහන්ය.

එලෙස විදෙස් ගත වී ඇති පුද්ගලයින් රැසක් මීනිමැරුම් කොල්ලකෑම්, කප්පම් ගැනීම් වැනි අපරාධවලට සම්බන්ධ පුද්ගලයින් බවට ද ඉන්දීය පොලිසිය විසින් සිදුකළ විමර්ශනවලදී අනාවරණය වී තිබේ.

පුවත්

වෙසක් නිමිත්තෙන් රැඳවියන් 278 කට සමාව

Published

on

By

වෙසක් උත්සවය නිමිත්තෙන් විශේෂ රාජ්‍ය සමාව යටතේ බන්ධනාගාරගත රැඳවියන් 278 කට සමාව පිරිනමන බව බන්ධනාගාර මාධ්‍ය ප්‍රකාශක, බන්ධනාගාර කොමසාරිස් ගාමිණි බී. දිසානායක මහතා පැවසීය.

රාජ්‍ය සමාව ලබන සිරකරුවන් අතර වැලිකඩ බන්ධනාගාරයෙන් සිරකරුවන් 15 ක් සහ මහර බන්ධනාගාරයෙන් 37 ක් සමඟ සියළුම බන්ධනාගාර ආයතනවලින් සිරකරුවන් 278 ක් සිටින බවත් ඒ අතර කාන්තා රැදවියන් 10 ක් ඇතුළත් බවත් දිසානායක මහතා කීය.

Continue Reading

පුවත්

‘සමස්ත සිංහල අය වෙනුවෙන් මගෙන් සමාව ඉල්ලපු කිහිපදෙනෙක් ඉන්නවා’ (වීඩියෝ)

Published

on

By

කුරුණෑගල අවට ජනතාව අදටත් සිසේරියන් සැත්කම් සිදු කර ගැනීමට තමන් ළඟට පැමිණෙන බවත් වඳ සැත්කම් කළ බවට නැගු චෝදනාවන්ට සමාව ඉල්ලා සිටින බවත් කුරුණෑගල ශික්ෂණ රෝහලේ වෛද්‍ය ෂිහාබ්දීන් මොහොමඩ් ෂාෆි පවසයි.

ශ්‍රී ලංකාව තුළ අනාගත පරපුරට සතුටින් ජීවත් වීමට අවස්ථාව සැලසිය යුතු බවට විශ්වාස කරන තමන් රට හැර යෑමේ සුදානමක් නොමැති බවත් කවදා හෝ මේ බෞද්ධ රට වෙනත් රටවලට ආදර්ශයක් වෙන රටක් බවට පත කළ යුතු බවත් ඔහු පෙන්වා දෙයි.

‘අවස්ථාවාදී අරමුණු උදෙසා නීතිය, විද්‍යාව සහ ජනමධ්‍ය අවභාවිත කිරීම’ යන තේමාව යටතේ මැයි 21වෙනිදා කොළඹ දී ‘අයිතිය උදෙසා මාධ්‍යවේදීන්’ විසින් සංවිධානය කළ සංවාදයකට එක්වෙමින් වෛද්‍ය ෂාෆි මේ අදහස් පළ කළේය.

කුරුණෑගල ශික්ෂණ රෝහලේ දී සිංහල මව්වරුන්ට වඳ සැත්කම් කළ බවට චෝදනා ලබා, අනිවාර්ය නිවාඩු ගන්වා අත්අඩංගුවේ සිටි වෛද්‍ය ෂාෆි පසුව එම චෝදනාවලින් නිදහස් වී නැවත කුරුණෑගල රෝහලේම සේවය කරයි.

(බීබීසී සිංහල)

Continue Reading

පුවත්

දළදා මාලිගාවේ බැතිමතුන් වෙනුවෙන් දන්සැල් කලාපයක්

Published

on

By

වෙසක් පුර පසළොස්වක පොහොය යෙදී ඇති හෙට (23) සහ අනිද්දා (24) යන දෙදින මහනුවර ශ්‍රී දළදා මාලිගාවට පැමිණෙන දෙස් විදෙස් බැතිමතුන් වෙනුවෙන් විශේෂ දන්සැල් කලාපයක් ක්‍රියාත්මක කිරීමට කටයුතු කර තිබේ.

දියවඩන නිලමේ ප්‍රදීප් නිලංග දෑල මහතාගේ උපදෙස් අනුව ශ්‍රී දළදා මාලිගාවේ කාර්ය මණ්ඩලය විසින් මෙම දන්සැල් කලාපය ක්‍රියාත්මක කරනු ඇත.

එහිදී ප්‍රණීත හා සෞඛ්‍ය‍ාරක්ෂිතව පිලියෙල කළ ආහාර පාන දින දෙකක් පුරාවට පැමිණෙන බැතිමතුන් වෙත ලබා දෙන බව ශ්‍රී දළදා මාලිගාව වැඩිදුරටත් සඳහන් කළේය. 

Continue Reading
Advertisement

Trending

Copyright © 2023 Sri Lanka Mirror. All Rights Reserved